ᐅᖃᓚᐅᑎᓯᐅᑏᑦ

You are here

ᒐᕙᒪᒃᑯᑦ ᓄᓇᕗᒻᒥ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ

ᔫᓂ 01, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᒐᕙᒪᒃᑯᑦ ᓄᓇᕗᒻᒥ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ

ᐱᒋᐊᕐᓗᓂ ᔫᓂ 1, ᒐᕙᒪᒃᑯᑦ ᓄᓇᕗᒻᒥ (GN) ᐱᒋᐊᖅᑎᑦᓯᔪᑦ ᓄᑖᒥ ᐱᓕᕆᐊᒥᑦ ᑮᓇᐅᔭᓕᕆᓂᕐᒧᑦ ᐃᑲᔪᖅᑐᕐᓂᕐᒥᑦ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᕝᕕᐅᔪᓂᑦ.

ᐊᖅᑯᑎᒋᓗᒍ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐱᓕᕆᐊᓂᑦ (NEWWP), ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᒃᑯᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᐱᔪᓐᓇᕐᓂᓕᓐᓄᑦ ᐃᖅᑲᓇᐃᔭᕐᕕᒋᔭᕐᓄᑦ ᓄᓇᕗᒻᒥ ᑮᓇᐅᔭᖃᖅᑎᑦᓯᓂᕐᒥᑦ ᑐᓂᓂᐊᖅᑕᖏᓐᓄᑦ ᐃᖅᑲᓇᐃᔭᖅᑎᖏᓐᓄᑦ ᑮᓇᐅᔾᔭᑦᓵᓄᑦ ᐃᓚᒋᐊᕈᑎᑦᓴᓂᑦ ᐃᑲᕐᕋᕐᓄᑦ ᐃᖅᑲᓇᐃᔭᕐᓂᖏᓐᓄᑦ.

ᑮᓇᐅᔾᔭᑦᓵᓄᑦ ᐃᓚᒋᐊᕈᑎᑦᓴᐃᑦ ᐊᑭᓖᑲᓐᓂᖃᑦᑕᕐᒪᑕ ᐃᖅᑲᓇᐃᔭᕐᕕᒋᔭᐅᔪᑦ ᐃᖅᑲᓇᐃᔭᖅᑎᖏᓐᓂᑦ ᖄᖓᒍᑦ ᐊᑭᓕᖅᑕᐅᔾᔪᑎᖏᓐᓄᑦ. ᐃᖅᑲᓇᐃᔭᖅᑏᑦ ᑮᓇᐅᔭᑦᓴᖅᐸᑕ ᑐᖔᓂᑦ $25 ᐃᑲᕐᕋᑕᒫᑦ ᑐᙵᕕᒋᔭᐅᑦᓱᑎᒃ ᑮᓇᐅᔾᔭᑦᓵᖏᑦ ᐱᔪᓐᓇᑐᐃᓐᓇᕆᐊᓖᑦ ᐃᓚᒋᐊᕈᑎᑦᓴᓂᑦ $5-ᒧᓄ ᐃᑲᕐᕋᑕᒫᑦ.

ᐱᒋᐊᕈᑎᒋᓗᒍ, ᐱᓕᕆᐊᖅ ᒪᑐᐃᖓᔪᖅ ᓇᒻᒥᓂᖁᑎᓕᓐᓄᑦ, ᑮᓇᐅᔾᔭᒐᓱᙱᑦᑐᓄᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐃᖅᑲᓇᐃᔭᕐᕕᒋᔭᕐᓄᑦ ᐊᑐᐃᓐᓇᐅᑎᑦᓯᓂᕐᒧᑦ ᐱᔨᑦᓯᕋᕐᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᓅᖃᑎᒌᓐᓂᕐᒧᓪᓘᓐᓃᑦ ᐊᑦᑐᖅᑕᐅᓴᕋᐃᑦᑐᓄᑦ ᓄᓇᕗᒻᒥᐅᓄᑦ (ᓲᕐᓗ. ᐊᑭᖃᖏᑦᑐᓂᑦ ᓂᕿᑖᕐᕖᑦ, ᕿᒫᕖᑦ, ᐱᓯᒪᔭᐅᕙᒃᑐᓄᑦ ᐊᖏᖅᕋᕆᔭᐅᕙᑦᑐᑦ, ᐸᖅᑭᑦᓯᕖ ᐱᓕᕆᕝᕖᑦ, ᐊᓯᖏᓪᓗ.), ᐊᒻᒪ ᐱᔪᓐᓇᐅᑎᖃᖅᑐᓄᑦ ᐸᐃᕆᕕᓐᓄᑦ. ᒐᕙᒪᒃᑯᑦ ᓄᓇᕗᒻᒥ ᐊᖏᓪᓕᒋᐊᑎᑦᓯᔪᒪᓂᐊᖅᑐᑦ ᑎᑎᕋᖅᓯᒪᔪᓂᑦ ᐱᔪᓐᓇᖅᑐᓂᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐊᓯᖏᓐᓂᑦ ᐱᓕᕆᕝᕕᐅᔪᓄᑦ.

ᑕᒪᓐᓇ ᓇᓪᓕᐅᒃᑯᒫᖑᔪᓐᓇᖅᑐᖅ ᐃᑲᔫᑎ ᐃᑲᕐᕋᓄᑦ ᐱᓕᕆᔾᔪᑕᐅᔪᕕᓂᕐᓄᑦ 16−ᓂᒃ ᐱᓇᓱᐊᕈᓯᕐᓂᒃ ᐱᒋᐊᕐᕕᖃᕐᓂᐊᖅᑐᖅ ᒪᐃ 1−ᒥᑦ ᑎᑭᓪᓗᒍ ᔫᓂ 15, 2020−ᒧᑦ. ᑕᐃᓐᓇ ᐃᖅᑲᓇᐃᔭᕐᕕᐳᔪᖅ ᓇᓗᓇᐃᕋᔭᖅᐳᕐᓕ ᖃᖓᒧᑦ ᑕᒪᓐᓇ ᐃᑲᔫᑎ ᐊᑐᖅᑕᐅᓐᓂᕐᒪᖔᖅ.

ᑮᓇᐅᔭᖃᖅᑎᑕᐅᓂᕐᒧᑦ ᑖᑦᓱᒧᖓ ᐱᓕᕆᐊᖑᔪᒧᑦ ᐊᑐᐃᓐᓇᐅᑎᑦᓯᓂᕐᒧᑦ ᒐᕙᒪᒃᑯᓐᓂᑦ ᑲᓇᑕᒥ, ᐃᑲᔪᖅᑐᖅᓂᖅᓴᐅᓂᕐᒧᑦ ᑲᓇᑕᒥᐅᓂᑦ ᓄᕙᕐᔪᐊᕐᓇᖅᑕᖃᖅᑎᓪᓗᒍ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ.

ᑐᑭᓯᒋᐊᑲᓐᓂᕈᒪᒍᕕᑦ ᐱᓇᓱᐊᕐᓂᕐᒧᓪᓗ ᑖᑦᓱᒪᖓᑦ ᐱᓕᕆᐊᒥᑦ, ᖃᐅᔨᒋᐊᕐᓗᒍ https://gov.nu.ca/iu/kiinaujalirijikkut/information/newwp.

ᐊᐱᖅᑯᑎᑦᓴᖃᕈᕕᑦ, ᑐᓂᓚᖓᓗᒍᓪᓘᓐᓃᑦ ᐱᔭᕇᖅᓯᒪᔪᖅ ᑐᑦᓯᕋᐅᑎ ᑕᑕᑎᕆᐊᓕᒃ, ᐃᕐᖐᓐᓈᖅᑕᕐᓗᒍ NEWWP@gov.nu.ca.

ᓱᓕᔪᑦ:

  • ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐱᓕᕆᐊᓂᑦ (NEWWP) ᐊᑑᑎᖃᖅᑐᖅ ᐅᓪᓗᓕᒫᑦ, ᐅᓪᓘᑉ ᐊᕝᕙᐃᓐᓇᖓᓄᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᓪᓗ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᖅᑐᓂᑦ ᑐᖔᓂᑦ $25 ᐃᑲᕐᕋᑕᒫᑦ ᐃᖅᑲᓇᐃᔭᖅᑐᐃᓪᓗ ᐱᔪᓐᓇᓂᖃᖅᑐᓂᑦ ᐱᓕᕆᕝᕕᐅᔪᓂᑦ.
  • ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᑐᖔᓂ ᓇᓕᒧᑦᑐᒥᓪᓘᓐᓃᑦ $20 ᐃᑲᕐᕋᑕᒫᑦ ᐱᔪᓐᓇᕐᓂᖃᕐᓂᐊᖅᑐᑦ ᐊᑕᖏᖅᑐᒥ $5 ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ. ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᐅᑯᓇᖓ $20 ᐊᒻᒪᓗ $25 ᐃᑲᕐᕋᑕᒫᑦ ᐱᓂᐊᖅᑐᑦ ᐊᑉᐸᓯᓐᓂᖅᓴᓂᑦ ᐃᓚᒋᐊᕈᑎᓂᑦ ᑮᓇᐅᔾᔭᑦᓵᓂᑦ ᐃᒪᐃᑦᑐᙳᑎᑦᓯᓂᐊᖅᑐᓂᑦ $25 ᐃᑲᕐᕋᑕᒫᑦ. ᐃᖅᑲᓇᐃᔭᖅᑏᑦ ᑮᓇᐅᔾᔭᑦᓴᖅᑐᑦ ᐅᖓᑖᓄᑦ $25 ᐃᑲᕐᕋᑕᒫᑦ ᐱᔪᓐᓇᓚᖓᖏᑦᑐᑦ ᐃᓚᒋᐊᕈᑎᓂᑦ.
  • ᐃᖅᑲᓇᐃᔭᕐᕕᒋᔭᐃᑦ (ᐊᑕᐅᓯᕐᒨᖓᖏᑦᑐᑦ) ᐱᓇᓱᐊᕈᓐᓇᖅᑐᑦ ᐱᓕᕆᐊᕐᒥ ᐊᑐᐃᓐᓇᐅᑎᑦᓯᒋᐊᖃᖅᓱᑎᓪᓗ ᑐᓴᖅᑕᐅᑎᑦᓯᔾᔪᑎᓂᑦ ᒥᑦᓵᓄᑦ ᐃᖅᑲᓇᐃᔭᕐᕕᖏᑦᑕ.
  • ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᒃᑯᑦ ᐊᐅᓚᑦᓯᔪᑦ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ ᐃᑲᔫᑕᐅᑦᓱᑎᒃ. ᐃᑲᔫᑎᓄᑦ ᐊᑐᐊᒐᖅ ᐃᑲᔪᖅᑐᐃᔪᖅ ᐱᓕᕆᐊᑦ ᐊᑐᐃᓐᓇᐅᓂᖏᓐᓄᑦ ᐱᓕᕆᕝᕕᐅᑉ ᐃᑭᐊᖅᑭᕕᖓᓂᑦ: https://gov.nu.ca/iu/kiinaujalirijikkut/information/newwp
  • ᐃᖅᑲᓇᐃᔭᖅᑎᑦ ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᐃᑦ, ᐊᒻᒪᓗ ᑐᖅᑲᖅᑕᕐᕖᑦ, ᐃᓚᔭᐅᒃᑲᓐᓂᕈᑎᒃᓴᓄᑦ ᐊᔪᖅᑎᑕᐅᔪᑦ.
  • ᒐᕙᒪᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᓯᔪᑦ ᐊᑕᖏᖅᑐᒥ ᐱᓕᕆᐊᒧᑦ.

ᐃᑲᔫᑎᒃᓴᒃᑲᓐᓃᑦ:

ᓄᓇᕗᒻᒥᐅᑦ ᓇᓂᓯᔪᓐᓇᖅᑐᑦ ᓈᒻᒪᑦᑐᓂᑦ, ᐅᓪᓗᒥᒨᖓᔪᓂᑦ ᑐᓴᖅᑕᐅᑎᑦᓯᔾᔪᑎᓂᑦ ᒐᕙᒪᒃᑯᑦ ᓄᓇᕗᒻᒥ ᓄᕙᕐᔪᐊᕐᓇᕐᒧᑦ ᑭᐅᔾᔪᑎᓂᑦ ᐅᕙᓂ https://gov.nu.ca/iu/aanniaqangnanngittulirijikku/information/aniqsaaqtu....

Government of Canada: https://canada.ca/coronavirus.

ᒐᕙᒪᒃᑯᑦ ᑲᓇᑕᒥ ᐊᑭᖃᖏᑦᑐᒧᑦ ᑐᓴᖅᑕᐅᑎᑦᓯᔾᕕᖓ ᐅᖄᓚᐅᑎᖓ: 1-833-784-4397

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca