ᐅᖃᓚᐅᑎᓯᐅᑏᑦ

You are here

ᐃᖅᑲᐃᓯᒋᐊᕈᑎ: ᓄᓇᓕᖕᓂᑦ ᑐᓴᕋᓱᖕᓂᖅ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐃᖃᓗᖕᓂᑦ

ᐊᒐᓯ 10, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐃᖅᑲᐃᓯᒋᐊᕈᑎ: ᓄᓇᓕᖕᓂᑦ ᑐᓴᕋᓱᖕᓂᖅ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐃᖃᓗᖕᓂᑦ

ᐊᖓᔪᖅᑳᒻᒪᕆᐅᑉ ᑎᑎᕋᕐᕕᖓ ᐱᔪᓐᓇᐅᑎᑖᖅᑎᑦᑎᔩᑦ ᐱᓚᐅᖕᒪᑕ ᑐᒃᓯᕋᐅᑎᒥᑦ ᐅᒃᑯᐃᓯᔪᒪᓪᓗᑎᒃ ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᓂᑦ ᓂᐅᕕᕐᕕᖕᒥᑦ ᐃᖃᓗᖕᓂᑦ ᓄᓇ ᓱᕐᕋᖕᓇᖅᑐᓂᑦ ᓂᐅᕕᕐᕕᖕᒥᑦ. ᑐᒃᓯᕋᐅᑕᐅᔪᖅ ᐃᓂᐊ ᓱᕐᕋᖕᓇᖅᑐᓂᑦ ᓂᐅᕕᕐᕕᐊ ᐅᕙᓃᑦᑐᖅ 1501 ᕕᐊᑐᓗ ᐊᖅᑯᒻᒥᑦ ᐃᑲᕐᕋᕆᔭᐅᔪᒪᔪᓪᓗ ᓂᐅᕕᕐᕕᖕᒧᑦ 11−ᒥᑦ ᐅᓪᓛᒃᑯᑦ 10−ᒧᑦ ᐅᓐᓄᒃᑯᑦ ᖃᐅᑕᒫᑦ, ᑭᓯᐊᓂ ᕿᑲᕐᓇᐃᑦ ᐋᒃᑲ.

ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᒥᒃ ᓂᐅᕕᕐᕕᒃ ᐃᓂᖃᖅᐳᖅ ᓇᖕᒥᓂᖃᕐᕕᐅᑉ ᐃᓚᖓᓂ ᑭᒃᑯᑐᐃᓐᓇᓄᓪᓗ ᐅᐸᒃᑕᐅᔪᓐᓇᙱᖦᖢᓂ. ᐃᓐᓇᑐᐊᑦ ᐅᖓᑖᓂ ᐅᑭᐅᓖᑦ 19 ᐃᓯᕈᓐᓇᖅᑐᑦ ᓴᓂᕋᖃᖅᖢᓂ ᐹᖃᖅᖢᓂᓗ ᐃᓯᔾᔭᐃᖅᑕᐅᓯᒪᔪᑦ ᐅᑭᐅᑭᑦᑐᓄᑦ. ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᓂᒃ ᓂᐅᕕᕐᕖᑦ ᓱᕐᕋᖕᓇᖅᑐᓂᒃ ᐃᓚᒃᓴᖏᓐᓂᒡᓗ ᓴᖅᑭᔮᖅᑎᑦᑎᔪᓐᓇᖅᐳᑦ, ᐃᒃᐱᒋᔭᒃᑯᑦ ᓴᖅᑭᑎᑦᑎᓲᓂᒃ ᐊᑐᕐᓗᑎᒃ (ᓇᐃᔭᕆᐊᓕᑦ ᐊᓕᒍᐃᑦ), ᓂᐅᕕᕆᐊᖅᑐᓪᓗ ᐅᖃᖃᑎᒋᕙᒡᓗᒋᑦ ᓂᐅᕕᐊᒃᓴᐃᑦ ᒥᒃᓵᓄᑦ ᖃᐅᔨᒋᐊᕈᑎᒃᓴᓂᒃ.

ᒪᓕᒃᖢᒋᑦ ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖅ (ᓄᓇᕗᑦ), ᓄᓇᕗᑦ ᒐᕙᒪᒃᑯᖏᑦ ᑐᓴᕋᓱᒋᐊᖃᖅᐳᑦ ᓄᓇᓕᖕᓂᑦ ᑐᒃᓯᕋᐅᑎᒥᒃ ᑐᓂᔭᐅᒑᖓᒥᒃ. ᐃᖃᓗᖕᒥᐅᑦ ᓇᒃᓯᐅᔾᔨᔪᓐᓇᕐᑐᑦ ᐅᖃᐅᓯᒃᓴᒥᓂᒃ, ᐃᓱᒫᓘᑎᒥᓂᒃ ᐃᓱᒪᒋᔭᒥᓂᒃᓗ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒥᑦ ᐅᒃᑯᐃᓛᖕᓂᖓᓂ ᐃᖃᓗᖕᓂᑦ ᐅᕗᖓ cannabis@gov.nu.ca ᐅᖄᓚᓗᑎᓪᓘᓐᓃᑦ 867-975-5875. ᐃᓱᓕᕝᕕᒃᓴᖓ ᓇᒃᓯᐅᔾᔨᓂᐊᕐᓗᓂ ᐅᖃᐅᓯᒃᓴᖕᓂᑦ ᐋᒌᓯ 21, 2020.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐱᔪᓐᓇᐅᑎᑖᕐᓂᖕᒥᑦ ᓄᓇᕗᒻᒥᑦ, ᐅᕗᙵᐅᓗᑎᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᐊᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca