ᐅᖃᓚᐅᑎᓯᐅᑏᑦ

You are here

ᐃᓯᐊᕿᑎᑕᐅᔪᓄᑦ ᑖᒃᓰᔭᕈᑎᑦ ᐊᒻᒪ ᓄᑖᖅ ᓄᓇᕗᒻᒥ ᐃᓯᐊᕿᑎᑕᐅᔪᓄᑦ ᐃᑲᔫᑎᑦ

ᔪᓚᐃ 26, 2019

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᓯᐊᕿᑎᑕᐅᔪᓄᑦ ᑖᒃᓰᔭᕈᑎᑦ ᐊᒻᒪ ᓄᑖᖅ ᓄᓇᕗᒻᒥ ᐃᓯᐊᕿᑎᑕᐅᔪᓄᑦ ᐃᑲᔫᑎᑦ


ᔪᓚᐃ 1, 2019−ᒥ ᐱᒋᐊᖅᖢᓂ, ᑲᓇᑕᐅᑉ ᒐᕙᒪᒃᑯᖏᑦ ᐊᑐᓕᖅᑎᑦᑎᓂᐊᖅᐳᑦ ᓄᑖᒥᒃ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᒥᒃ ᐃᒡᓗᐃᑦ ᐅᖅᑰᓴᐅᑎᖏᓐᓄᑦ, ᒑᓯᒧᑦ, ᐃᒐᓯᐅᒻᒧᑦ ᐊᓯᖏᓐᓄᓪᓗ ᐅᖅᓱᐊᓗᒃᓴᓄᑦ ᓄᓇᕗᒻᒥ. ᑕᐃᒪᐃᒻᒪᑦ, ᑖᒃᑯᐊ ᐅᖅᓱᐊᓗᐃᑦ ᐊᑭᑦᑐᕆᐊᕌᕐᔪᓚᐅᖅᐳᑦ ᐅᖅᓱᐊᓘᑉ ᖃᓄᐃᑦᑑᓂᖓ ᒪᓕᒃᑕᐅᓪᓗᓂ.

ᓄᓇᕗᑦ ᒐᕙᒪᖓᓂ ᓄᑖᖅ ᓄᓇᕗᒻᒥ ᐃᓯᐊᕿᑎᑕᐅᔪᒧᑦ ᐃᑲᔫᑎᑦ ᑭᒡᓕᖃᖅᑎᑦᑎᕗᑦ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᑦ ᐊᒃᑐᐃᓂᖏᓐᓂᒃ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᑦ ᐊᑭᖓᑕ ᓇᑉᐸᖓ ᐃᓚᓕᐅᔾᔨᓪᓗᑎᒃ. ᐆᒃᑑᑎᒋᓗᒍ, ᓄᓇᕗᒻᒥᐅᑦ $0.45−ᓴᓐᔅᑐᐃᓐᓇᕐᒥᒃ ᐊᑭᑦᑐᕆᐊᕐᓂᐊᖅᐳᑦ ᑕᓪᓕᒪᓯᐅᒻᒥᒃ ᐅᖅᓴᑕᐅᒍᑎᒃ, $0.90-ᓴᓐᔅ−ᖑᙱᖔᖅᑐᒥᒃ.

ᓄᓇᕗᒻᒥ ᐃᓯᐊᕿᑎᑕᐅᔪᒧᑦ ᐃᑲᔫᑎᑦ ᐊᑐᕐᓂᐊᖅᐳᑦ ᐃᒡᓗᐃᑦ ᐅᖅᑰᓴᐅᑎᖓᓄᑦ, ᓄᓇᓯᐅᑎᓄᑦ, ᐊᓯᖏᓐᓄᓪᓗ ᐅᖅᓱᐊᓗᖕᓄᑦ.

ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᑦ ᐊᑐᔾᔮᙱᑦᑐᑦ ᑎᖕᒥᓲᖅᓯᐅᑎᒧᑦ ᐅᕝᕙᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᖃᑦᑕᖅᑕᖏᓐᓄᑦ ᐅᖅᓱᐊᓗᖕᓄᑦ ᐆᒻᒪᖅᑯᑎᖃᖅᑎᑦᑎᔪᓄᑦ, ᐊᒻᒪ ᐊᑭᑦᑐᕆᐊᖅᑎᑦᑎᔾᔮᙱᑦᑐᑦ ᖃᐅᒻᒪᖅᑯᑎᓯᐅᑎᓂᒃ, ᖃᖓᑦᑕᐅᑎᓂᒃ ᐅᕝᕙᓘᓐᓃᑦ ᖃᖓᑕᓲᒃᑯᑦ ᐅᓯᔭᐅᔾᔪᑎᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ https://www.gov.nu.ca/iu/kiinaujalirijikkut/documents.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᐃᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca

ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca.
News releases are available in Inuktitut, English, Inuinnaqtun and French on www.gov.nu.ca.
Tuhaqtaghat ittut Inuktitut, Qablunaatitut, Inuinnaqtun Uiviititullu talvani www.gov.nu.ca.
Les communiqués de presse sont disponibles en inuktitut, en anglais, en inuinnaqtun et en français au www.gov.nu.ca.
ᑐᓴᒐᒃᓴᓕᕆᔨᒃᑯᑦ