ᐅᖃᓚᐅᑎᓯᐅᑏᑦ

You are here

ᒪᑐᕕᔅᓴᖓ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐱᑕᖃᐃᓐᓇᕆᐊᓖᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑏᑦ

ᓯᑎᐱᕆ 16, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᒪᑐᕕᔅᓴᖓ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐱᑕᖃᐃᓐᓇᕆᐊᓖᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑏᑦ

ᓄᓇᕗᑦ ᒐᕙᒪᒃᑯᖏᑦ ᐃᖅᑲᐃᑎᑦᑎᒋᐊᖅᐳᑦ ᓄᓇᕗᒻᒥᐅᑦ ᐃᖅᑲᓇᐃᔭᖅᑏᑦ ᐱᑕᖃᐃᓐᓇᕆᐊᓕᓐᓄᑦ ᐱᔪᓐᓇᖅᑐᓂᑦ ᐱᓇᓱᐊᖁᔨᓪᓗᑎᑦ ᑖᔅᓱᒥᖓ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᐱᑕᖃᐃᓐᓇᕆᐊᓕᓐᓄᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᒥᑦ (NEWWP). ᐱᓇᓱᐊᕐᕕᖃᖅᑎᑕᐅᔪᓄᑦ ᐃᓱᓕᕕᖃᖅᑐᖅ ᐅᓪᓗᖅ ᓰᑏᕝᕙ 30, 2020. ᐱᓇᓱᐊᕈᑏᑦ ᑐᓂᔭᐅᑉᐸᑕ ᑖᓐᓇ ᐅᓪᓗᖅ ᐊᓂᒍᖅᓯᒪᓕᖅᑎᓪᓗᒍ ᑲᒪᒋᔭᐅᔾᔮᖏᑦᑐᑦ.

ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᐱᑕᖃᐃᓐᓇᕆᐊᓕᓐᓄᑦ ᑮᓇᐅᔾᔭᔅᓵᖏᓐᓄᑦ ᐃᓚᒋᐊᕈᑏᑦ ᐱᒋᐊᖅᑎᑕᐅᓯᒪᔪᖅ ᑖᒃᑯᐊ ᑮᓇᐅᔭᖅᑎᒍᑦ ᐃᑲᔪᖅᑕᐅᒋᐊᒃᑲᓐᓂᖁᓪᓗᒋᑦ ᐱᔭᕆᐊᖃᓪᓚᕆᑦᑐᖅ ᐃᖅᑲᓇᐃᔭᖅᑏᑦ ᐱᑕᖃᐃᓐᓇᕆᐊᓖᑦ ᐱᓕᕆᕝᕕᓐᓂᑦ ᐊᑐᖅᑕᐅᖏᓐᓇᖅᑐᓂᑦ. ᑮᓇᐅᔾᔭᑦᓵᓄᑦ ᐃᓚᒋᐊᕈᑎᑦᓴᐃᑦ ᐊᑭᓖᑲᓐᓂᖃᑦᑕᕐᒪᑕ ᐃᖅᑲᓇᐃᔭᕐᕕᒋᔭᐅᔪᑦ ᐃᖅᑲᓇᐃᔭᖅᑎᖏᓐᓂᑦ ᖄᖓᒍᑦ ᐊᑭᓕᖅᑕᐅᔾᔪᑎᖏᓐᓄᑦ. ᐃᖅᑲᓇᐃᔭᖅᑏᑦ ᑮᓇᐅᔭᑦᓴᖅᐸᑕ ᑐᖔᓂᑦ $25 ᐃᑲᕐᕋᑕᒫᑦ ᑐᙵᕕᒋᔭᐅᑦᓱᑎᒃ ᑮᓇᐅᔾᔭᑦᓵᖏᑦ ᐱᔪᓐᓇᑐᐃᓐᓇᕆᐊᓖᑦ ᐃᓚᒋᐊᕈᑎᑦᓴᓂᑦ $5-ᒧᓄ ᐃᑲᕐᕋᑕᒫᑦ.

ᑮᓇᐅᔭᖃᖅᑎᑕᐅᓂᕐᒧᑦ ᑖᑦᓱᒧᖓ ᐱᓕᕆᐊᖑᔪᒧᑦ ᐊᑐᐃᓐᓇᐅᑎᑦᓯᓂᕐᒧᑦ ᒐᕙᒪᒃᑯᓐᓂᑦ ᑲᓇᑕᒥ, ᐃᑲᔪᖅᑐᕐᓂᖅᓴᐅᓂᕐᒧᑦ ᑲᓇᑕᒥᐅᓂᑦ ᓄᕙᕐᔪᐊᕐᓇᖅᑕᖃᖅᑎᓪᓗᒍ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ.

ᑐᑭᓯᒋᐊᑲᓐᓂᕈᒪᒍᕕᑦ ᐱᓇᓱᐊᕐᓂᕐᒧᓪᓗ ᑖᑦᓱᒪᖓᑦ ᐱᓕᕆᐊᒥᑦ, ᖃᐅᔨᒋᐊᕐᓗᒍ https://gov.nu.ca/finance/information/newwp.

ᐊᐱᖅᑯᑎᑦᓴᖃᕈᕕᑦ, ᑐᓂᓚᖓᓗᒍᓪᓘᓐᓃᑦ ᐱᔭᕇᖅᓯᒪᔪᖅ ᑐᑦᓯᕋᐅᑎ ᑕᑕᑎᕆᐊᓕᒃ, ᐃᕐᖐᓐᓈᖅᑕᕐᓗᒍ NEWWP@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca