ᐅᖃᓚᐅᑎᓯᐅᑏᑦ

You are here

ᓂᐅᕕᖅᐸᒃᑐᑦ ᐊᑭᓕᒃᓴᖃᐅᑎᖓᓂ ᐋᖅᑭᒃᓱᐃᓂᐊᖅᐳᑦ ᓄᓇᕗᒻᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᓂᐅᕕᕐᕕᖓᓂ ᑲᖏᖅᖠᓂᕐᒥ

ᐊᒃᑐᐸ 26, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓂᐅᕕᖅᐸᒃᑐᑦ ᐊᑭᓕᒃᓴᖃᐅᑎᖓᓂ ᐋᖅᑭᒃᓱᐃᓂᐊᖅᐳᑦ ᓄᓇᕗᒻᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᓂᐅᕕᕐᕕᖓᓂ ᑲᖏᖅᖠᓂᕐᒥ

ᓄᓇᕗᒻᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᑲᑎᒪᔨᖏᑕ ᓂᐅᕕᕐᕕᖓᓂ ᐅᒃᑯᐃᖅᓯᓂᐊᓕᖅᐳᑦ ᑲᖏᖅᖠᓂᕐᒥ ᐅᑭᐊᒃᓵᖅ.

ᓄᓇᕗᒻᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᑲᑎᒪᔨᖏᓐᓂ ᓂᐅᕕᕐᓂᐊᕐᓗᑎᑦ ᐊᑭᓕᒃᓴᖃᐅᑎᖃᕆᐊᖃᕐᓂᐊᖅᐳᑎᑦ. ᐊᑲᕐᕆᖁᓪᓗᓯ, ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᓂᐅᕕᖅᐸᒃᑐᓂᒃ ᑐᙵᓱᒃᑎᑦᑎᕗᑦ ᐊᑭᓕᒃᓴᖃᐅᑎᑖᖁᔨᓪᓗᑎᒃ ᐅᕝᕙᓘᓐᓃᑦ ᐊᑭᓕᒃᓴᖃᐅᑎᒥᓂᒃ ᓄᑖᙳᕆᐊᖅᑎᑦᑎᓗᑎᒃ ᓂᐅᕕᕐᕕᒃ ᐅᒃᑯᐃᓚᐅᙱᓐᓂᖓᓂ.

ᐊᑭᓕᒃᓴᖃᐅᑎᒥᒃ ᐋᖅᑭᒃᓯᔭᕆᐊᒃᓴᖅ ᐊᔪᕐᓇᙱᑉᐳᖅ:

  • ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᖓᓂ ᑐᒃᓯᕋᐅᑎᒥᒃ ᐱᓗᑎᑦ https://gov.nu.ca/sites/default/files/form_-_nulc_customer_account_-_inu... ᐅᕝᕙᓘᓐᓃᑦ ᐊᐃᒃᖠᕐᓗᑎᑦ ᑲᖏᖅᖠᓂᕐᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᑎᑎᕋᕐᕕᖓᓄᑦ ᓯᓂᒃᑕᕐᕕᒃ ᐃᒡᓗᖁᑖᓂ ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ 9−ᒥᑦ ᐅᓪᓛᒃᑯᑦ 4−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ.
  • 19−ᓂᒃ ᐅᖓᑖᓂᓪᓘᓐᓃᑦ ᐅᑭᐅᖃᕐᓂᕐᓂ ᓇᓗᓇᐃᖅᓯᔭᕆᐊᖃᖅᐳᑎᑦ ᒐᕙᒪᒃᑯᓐᓂ−ᐊᐅᒃᑕᔫᖅᑖᕆᔭᐅᕙᒃᑐᒥᑦ ᐊᔾᔨᙳᐊᖃᕐᓗᓂ ᐊᒻᒪᓗ ᐃᓅᕝᕖᑦ ᑎᑎᕋᖅᓯᒪᓗᓂ, ᓲᕐᓗ ᐊᖁᑦᑐᓐᓇᐅᑎᒥᒃ, ᓄᓇᕗᒻᒥ ᑭᓇᐅᓂᕐᓂ ᓇᓗᓇᐃᒃᑯᑕᒥᒃ ᐅᕝᕙᓘᓐᓃᑦ ᑲᓇᑕᐅᑉ ᓯᓚᑖᓄᐊᕈᓐᓇᐅᑎᒥᒃ. ᐊᔾᔨᓕᐅᓚᐅᕐᓗᒍ ᐊᑦᑕᑕᖅᑎᓪᓗᒍ ᐱᓇᔫᑎᖕᓄᑦ ᐅᕝᕙᓘᓐᓃᑦ ᑭᓇᐅᓂᕐᓂ ᓇᓗᓇᐃᒃᑯᑕᐃᑦ ᑕᑯᖅᑯᑎᓗᒍ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᐃᖅᑲᓇᐃᔭᖅᑎᖓᓄᑦ.
  • ᐱᓇᔫᑏᑦ ᓇᒃᓯᐅᑎᓗᒍ ᐃᕐᙲᓐᓈᖅᑕᐅᒃᑯᑦ ᐅᕗᖓ orders@nulc.ca ᐊᒡᔭᕐᓗᒍᓘᓐᓃᑦ ᑲᖏᖅᖠᓂᕐᒥ ᐃᒥᐊᓗᓕᕆᔨᑦ ᓱᕐᕋᖕᓇᖅᑐᓕᕆᔨᓪᓗ ᑎᑎᕋᕐᕕᖓᓄᑦ. ᖃᐅᔨᒋᐊᕈᒃ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦᑕ Facebook−ᖓᓂ

ᓇᓗᓇᐃᔭᖅᓯᒪᔪᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᐅᖄᓚᓗᑎᑦ 1-855-844-5488.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca