ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᒥᐊᓗᒃᑖᕆᔭᐅᔪᓐᓇᖅᑐᑦ ᑭᒡᓕᖃᖅᑎᑕᐅᓂᖏᑦ

ᔫᓂ 25, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᐃᒥᐊᓗᒃᑖᕆᔭᐅᔪᓐᓇᖅᑐᑦ ᑭᒡᓕᖃᖅᑎᑕᐅᓂᖏᑦ

ᑮᓇᐅᔭᓕᕆᔨᒃᑯᑦ ᐃᖅᑲᐃᑎᑦᑎᕗᑦ ᓄᓇᕗᒥᐅᓂᒃ ᐃᒥᐊᓗᖕᒧᑦ ᒪᓕᒋᐊᖃᖅᐸᒃᑐᑦ ᐊᔾᔨᒌᒃᐸᙱᒻᒪᑕ ᓄᓇᓕᒃᑎᒍᑦ. ᓄᓇᕗᒻᒥ, ᓄᓇᓖᑦ ᐃᒥᐊᓗᓕᕆᓂᕐᒧᑦ ᐱᖓᓱᓂᒃ ᒪᓕᒐᖃᖅᐳᑦ: ᐊᔪᖅᑎᑕᐅᔪᑦ, ᑭᒡᓕᖃᖅᑎᑕᐅᔪᑦ ᐊᒻᒪ ᑭᒡᓕᖃᖅᑎᑕᐅᙱᑦᑐᑦ.

ᐊᔪᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᒃᑕᐅᔪᑦ, ᐱᓯᒪᔭᐅᔪᑦ, ᓂᐅᕕᐊᕆᔭᐅᔪᑦ, ᓂᐅᕐᕈᑕᐅᔪᑦ ᐅᕝᕙᓘᓐᓃᑦ ᓇᒃᓴᖅᑕᐅᔪᑦ ᐃᒥᐊᓗᐃᑦ ᐊᔪᖅᑎᑕᐅᕗᑦ. ᐅᑯᐊ ᓄᓇᓖᑦ ᐊᔪᖅᑎᑕᐅᔪᑦ: ᐊᕐᕕᐊᑦ, ᓴᓪᓕᖅ, ᐅᖅᓱᖅᑑᖅ, ᑰᒑᕐᔪᒃ, ᐸᖕᓂᖅᑑᖅ ᐊᒻᒪ ᓴᓂᑭᓗᐊᖅ.

ᑭᒡᓕᖃᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᓕᕆᔨᒃᑯᑦ ᑲᒪᒋᔭᒃᓴᖃᖅᖢᑎᒃ ᐅᔾᔨᕈᓱᓕᖅᑎᑦᑎᓂᕐᒥᒃ ᐃᒥᐊᓗᖕᒥ ᐊᐅᓚᑦᑎᓂᕐᒥᒡᓗ ᓂᐅᕕᐊᕆᔭᐅᓲᓂᒃ, ᓂᐅᕐᕈᑕᐅᔪᓂᒃ ᐊᒻᒪ ᑎᑭᑎᑕᐅᓲᑦ ᐃᒥᐊᓗᖕᓂᑦ ᓄᓇᓕᖕᓄᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᔪᑦ: ᐃᒃᐱᐊᕐᔪᒃ, ᑭᙵᐃᑦ, ᐃᒡᓗᓕᒑᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ; ᐃᒡᓗᓕᒃ; ᑭᒻᒥᕈᑦ; ᓇᐅᔮᑦ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ.

ᑭᒡᓕᖃᖅᑎᑕᐅᙱᑦᑐᑦ ᑐᑭᖃᖅᐳᖅ ᒪᓕᒐᓪᓗᐊᑕᑦ ᐱᔾᔪᑎᓖᑦ ᓄᓇᓖᑦ ᐊᓯᐊᓂᖔᖅᖢᑎᒃ ᑎᑭᑎᑕᐅᔪᑦ, ᓂᐅᕕᐊᖑᔪᑦ ᐊᒻᒪ ᐃᒥᐊᓗᒃᑕᐅᔪᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐱᖁᔭᕐᒧᑦ ᒪᓕᒋᐊᖃᖅᐳᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᙱᑦᑐᑦ: ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐊᐅᓱᐃᑦᑐᖅ, ᐃᖃᓗᐃᑦ, ᖁᕐᓗᖅᑐᖅ, ᑲᖏᖅᖠᓂᖅ ᐊᒻᒪ ᑕᓗᕐᔪᐊᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑭᒡᓕᖃᖅᑎᑕᐅᔪᑦ ᒪᓕᒐᓕᐊᖑᓯᒪᔪᓂᒃ ᓄᓇᔅᓯᓐᓂ ᐅᕝᕙᓘᓐᓃᑦ ᐃᒥᐊᓗᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᒥᒃ, ᐅᕗᖓ ᐅᖃᓗᒍᓐᓇᖅᐳᓯ 867-975-6816 ᐅᕝᕙᓘᓐᓃᑦ ᐅᕗᙵᕐᓗᓯ https://www.gov.nu.ca/finance/information/liquor-enforcement-and-inspect....

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca