ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᑦ ᐱᔪᒪᔪᑦ

ᐊᒐᓯ 25, 2020

ᒐᕙᒪᒃᑯᓐᓂ ᐃᓄᓐᓄᑦ ᑐᓴᕋᑦᓴᖅ

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᑦ ᐱᔪᒪᔪᑦ

ᓄᓇᕗᑦ ᒐᕙᒪᒃᑯᑦ ᐃᓚᒋᔭᐅᔪᒪᔪᓂᒃ ᕿᓂᓕᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᐅᖃᑕᐅᓂᐊᖅᑐᓂᒃ.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔩᑦ ᐱᒻᒪᕆᐊᓗᖕᒥᒃ ᐱᓕᕆᐊᒃᓴᖃᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᐱᓕᕆᕝᕕᖏᓐᓂᒃ. ᐅᑯᓂᖓᓗ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓕᖕᓂᒃ ᐊᐅᓚᑦᑎᐊᖅᑎᑦᑎᓗᑎᒃ ᐃᒥᐊᓗᓕᕆᓂᕐᒧᑦ ᐱᖁᔭᖓᒍᑦ ᒪᓕᒐᖓᒍᓪᓗ. ᑲᑎᒪᔩᑦ ᐊᐅᓚᑦᑎᖃᑦᑕᕆᕗᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᒍᒪᔪᓂᒃ ᓄᓇᕗᒻᒥ ᓱᕐᕋᖕᓇᖅᑐᓂᒃ ᓂᐅᕐᕈᑎᖃᖅᐸᒃᑐᓄᑦ. ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔩᑦ ᐱᓕᕆᖃᑎᖃᖃᑦᑕᖅᐳᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓂ ᐅᑯᐊ ᐱᔾᔪᑎᒋᓪᓗᒋᑦ, ᐱᖁᔭᖅ, ᒪᓕᒐᐃᑦ ᐊᒻᒪᓗ ᐊᐅᓚᑕᐅᔭᕆᐊᓖᑦ ᑲᒪᑦᑎᐊᕈᓐᓇᕐᓗᑎᒃ ᓂᐅᕐᕈᑎᖃᖅᐸᒃᑐᑦ, ᓄᓇᓕᖕᓄᐊᖅᑕᐅᕙᒃᑐᑦ ᐊᒻᒪ ᐊᑐᖅᑕᐅᕙᒃᑐᑦ ᐱᔾᔪᑎᒋᓪᓗᒋᑦ ᓄᓇᕗᒻᒥ. ᑲᑎᔨᐅᖃᑕᐅᔪᑦ ᑲᑎᒪᔾᔪᓯᐊᖃᑦᑕᕐᓂᐊᖅᐳᑦ ᐱᔨᑦᑎᕋᐅᑎᒥᓄᑦ.

ᑲᑎᒪᔨᐅᖃᑕᐅᕙᒃᑐᑦ ᓄᓇᓕᖕᓂ ᓄᓇᕘᓕᒫᒥ ᐱᓇᔪᖁᔭᐅᕗᑦ. ᐱᓇᔫᑎᑦ ᑎᑎᕋᕐᕕᒃᓴᐃᑦ ᐊᑐᐃᓐᓇᐅᔪᑦ ᑮᓇᐅ ᔭᓕᕆᔨᒃ ᑯ ᑦ ᐃᑭ ᐊᖅᑭ ᕕᖓᓐᓂ. ᐃᕐᖐᓐᓈᖅᑕᐅᒃᑯᑦ ᐱᐊᓂᒃᓯᒪᔭᑎᑦ ᓇᒃᓯᐅᑎᓗᒋᑦ ᐅᕗᖓ nlcb@gov.nu.ca.

ᑐᓴᕆᐊᒃᑲᓐᓂᕈᒪᒍᕕᑦ, ᑎᑎᕋᕈᓐᓇᕐᐳᑎᑦ ᐃᕐᒌᓐᓴᖅᑐᐊᒃᑯᑦ ᐄᑎᑦ ᓱᑦᕚᑐᒧᑦ ᐅᕗᖓ nlcb@gov.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ 867-975-6807.

ᐱᓇᔪᒍᒪᔪᓄᑦ ᐃᓱᓕᕝᕕᒃᓴᓕᒃ ᓯᑎᐱᕆ 1, 2020−ᒥ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
Financecoms@gov.nu.ca
867-975-6818