ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᓂᐊᖅᑐᑦ ᓄᑖᒥᑦ ᐃᖅᑲᓇᐃᔭᖅᑐᓕᕆᔨᒃᓴᓂᑦ

ᔪᓚᐃ 11, 2018

ᐱᕙᓪᓕᐊᔪᖅ ᓴᖅᑭᑎᑕᖅ

ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᓂᐊᖅᑐᑦ ᓄᑖᒥᑦ ᐃᖅᑲᓇᐃᔭᖅᑐᓕᕆᔨᒃᓴᓂᑦ

ᐃᖃᓗᐃᑦ, ᓄᓇᕗᑦ (ᔪᓚᐃ 11, 2018) −ᓄᓇᕗᑦ ᒐᕙᒪᒃᑯᖏᑦ ᐅᓪᓗᒥᑦ ᑐᓴᖅᑎᑦᑎᖅᑲᐅᕗᑦ ᓴᖅᑭᑦᑎᓂᖏᓐᓂᑦ ᓄᑖᒥᑦ ᐃᖅᑲᓇᐃᔭᖅᑐᓕᕆᔨᓂᑦ.

ᓄᑖᖅ ᐱᓕᕆᕝᕕᒃ ᑲᑎᑎᑦᑎᓂᐊᖅᐳᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐱᓕᕆᐊᓕᖕᓂᑦ ᒫᓐᓇ ᑮᓇᐅᔭᓕᕆᔨᒃᑯᓐᓃᑦᑐᑦ ᒐᕙᒪᓕᕆᔨᒃᑯᓐᓂᓪᓗ. ᑕᐃᒪᐃᓕᖓᓗᓂ ᑲᓱᕐᔫᒥᓂᐊᖅᑐᑦ ᐃᓄᐃᑦ ᐃᖅᑲᓇᐃᔭᖕᓂᖏᓐᓄᑦ ᐱᕙᒌᔭᐃᓂᖕᓂᑦ ᐊᓯᖏᓐᓂᒡᓗ ᐃᖅᑲᓇᐃᔭᖅᑐᓕᕆᓂᖕᓂᑦ ᒐᕙᒪᒃᑯᓐᓂᑦ.

"ᓯᕗᒧᐊᒃᑲᑦᑕ ᑐᕌᖅᑕᕗᑦ−ᒧᑦ ᐱᓕᕆᐊᑦᑎᓐᓄᑦ ᑐᕌᕋᓱᒃᑐᑦ ᓴᙱᒃᑎᑉᐹᓪᓕᕋᓱᒡᓗᒋᑦ ᐃᖅᑲᓇᐃᔭᑦᑎᑦ ᓄᓇᕗᑦ ᒐᕙᒪᒃᑯᖏᓐᓄᑦ", ᐅᖃᖅᑐᕕᓂᖅ ᒥᓂᔅᑕ ᑲᒪᒋᔭᓕᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᔪᐊᔾ ᕼᐃᒃᔅ. "ᓴᖅᑭᑦᑎᓃᑦ ᑐᕌᖅᑕᓂᑦ ᐱᓕᕆᕝᕕᖕᓂᑦ ᑎᓕᐅᕆᕗᑦ ᑕᒪᐃᓐᓂᒃ ᑲᑎᒪᔨᓂᒃ, ᐱᒻᒪᕆᐅᓪᓗᓂᓗ ᓯᕗᓪᓕᖅᐹᖅ ᓯᕗᒻᒧᑦ."

ᐱᓕᕆᓯᑲᐅᑎᒋᓂᐊᖅᑐᑦ ᓇᓗᓇᐃᕐᓯᓇᓱᒡᓗᑎᒃ ᐱᐅᓛᒥᑦ ᐋᖅᑭᐅᒪᔪᒥᑦ ᓄᑖᒧᑦ ᐱᓕᕆᕝᕕᖕᒧᑦ, ᓴᖅᑭᑦᑎᓂᐊᕐᓗᑎᒃ ᐊᑐᖅᑐᒃᓴᓂᑦ ᑮᓇᐅᔭᓂᑦ ᐋᖅᑭᒋᐊᕐᓗᒋᓪᓗ ᐃᖅᑲᓇᐃᔭᖅᑎᑦ, ᖃᐅᔨᓇᓱᒡᓗᑎᒡᓗ ᐊᑐᓕᕐᕕᒃᓴᑦ ᐅᓪᓗᖏᓐᓂᑦ. ᐱᕙᒌᔭᐅᖃᑎᒌᑦ ᑎᓕᔭᐅᓯᒪᓂᐊᖅᑐᑦ ᑕᒪᓐᓇ ᓅᑦᑎᐊᕈᓐᓇᖁᓪᓗᒋᑦ ᐊᒃᓱᕈᓗᐊᙱᓪᓗᑎᒡᓗ, ᐊᒃᑐᐃᓗᐊᔾᔮᙱᑦᑐᕐᓗ ᐃᖅᑲᓇᐃᔭᖅᑎᓂᑦ, ᒐᕙᒪᒃᑯᖏᑦ ᐱᓕᕆᐊᖏᓐᓂᑦ ᐱᔨᑦᑎᕋᐅᑎᖏᓐᓂᒡᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓃᔅ ᒍᕌᓐᒪᐃᓴᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca