ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᓐᓂ ᐱᔨᑦᑎᕋᕐᓂᐊᖅᑐᑦ ᖁᕕᐊᓱᒡᕕᖕᒥ ᕿᑲᕐᓇᐅᑎᓪᓗᒍ

ᑎᓯᐱᕆ 19, 2017

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᑦ ᒐᕙᒪᒃᑯᓐᓂ ᐱᔨᑦᑎᕋᕐᓂᐊᖅᑐᑦ ᖁᕕᐊᓱᒡᕕᖕᒥ ᕿᑲᕐᓇᐅᑎᓪᓗᒍ

ᓄᓇᕗᑦ ᒐᕙᒪᒃᑯᑦ ᑎᑎᕋᕐᕕᓕᒫᖏᑦ ᐅᒃᑯᐊᖅᓯᒪᓂᐊᖅᑐᑦ ᑎᓯᐱᕆ 22, 2017-ᒥ, ᔮᓐᓄᐊᕆ 1, 2018−ᒧᑦ ᑎᑭᓪᓗᒍ. ᖁᕕᐊᓱᒡᕕᖕᒥ ᕿᑲᕐᓇᐅᑎᓪᓗᒍ, ᐅᑯᐊ ᐱᔨᑦᑎᕋᖅᑎᑦ ᐊᑐᐃᓐᓇᐅᓛᖅᑐᑦ:

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ ᐊᐅᓚᑦᑎᔨᑦ ᐱᔨᑦᑎᕋᖅᑎᑦ ᐊᑐᐃᓐᓇᐅᖃᑦᑕᓛᖅᑐᑦ ᐅᓪᓗᓕᒫᖅ ᐃᑲᕐᕋᓄᑦ 24−ᓄᑦ ᑐᐊᕕᕐᓇᖅᑐᖃᑐᐊᖅᐸᑦ, ᐊᑭᖃᙱᑦᑐᑎᒃᑯᑦ ᐅᖃᓘᑎᖓ ᓈᓴᐅᑎᖃᖅᐳᖅ 1-800-693-1666.

ᐃᓄᓕᕆᔨᒃᑯᑦ

ᑐᐊᕕᕐᓇᖅᑐᑦ ᐱᔾᔪᑎᓖᑦ ᖃᓄᑐᐃᓐᓇᖅ ᓄᑕᖅᑲᓄᑦ ᐱᔾᔪᑎᑦ ᐊᑐᐃᓐᓇᐅᑎᑕᐅᓛᖅᑐᑦ. ᖃᐅᔨᒋᐊᕐᕕᒃᓴᑦ ᑕᒪᐃᓐᓂᒃ ᓄᓇᓕᖕᓂ ᐃᓄᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᕙᓂ ᐃᑭᐊᖅᑭᕕᖕᒥ ᓇᓂᔭᒃᓴᐅᔪᑦ: https://gov.nu.ca/sites/default/files/Social-Services-Offices.pdf.

ᑮᓇᐅᔭᓕᕆᔨᒃᑯᑦ

ᐃᒥᐊᓗᒃᑖᕈᑎᓄᑦ ᐱᔪᓐᓇᐅᑎᑦ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᓂᐅᕕᐊᖑᔪᓐᓇᕐᓗᑎᒃ ᐃᖃᓗᒃᑑᑦᑎᐊᒥ ᐊᒻᒪ ᖁᕐᓗᖅᑐᒥ ᑎᑎᕋᕐᕕᖏᓐᓂᒃ. ᖃᐅᔨᒋᐊᕐᕕᒋᖃᑦᑕᕆᐊᖃᕐᓂᐊᖅᑐᑦ ᖁᕕᐊᓱᒡᕕᖕᒥ ᐃᑲᕐᕋᕆᕙᒃᑕᖏᓐᓂᒃ. ᐱᔪᓐᓇᐅᑎᑖᕐᕖᑦ ᐊᒻᒪ ᓄᓇᓕᖕᓂ ᑎᑭᓴᖅᑕᐅᔪᑦ ᑲᒪᒋᔭᐅᖃᑦᑕᔾᔮᙱᑦᑐᑦ ᐃᖃᓗᖕᓂ ᐊᒻᒪ ᑲᖏᖅᖠᓂᕐᒥ ᐃᒥᐊᓗᒃᑖᕐᕕᖕᓂ, ᐊᒻᒪ ᑲᓇᑕᐅᑉ ᓯᓚᑖᓂᙶᖅᑐᑦ ᐱᔪᓐᓇᐅᑎᓂᒃ ᑐᓂᐅᖅᑲᖅᑕᐅᖃᑦᑕᔾᔮᙱᑦᑐᑦ ᐃᖃᓗᖕᓂ ᐊᒻᒪ ᑲᖏᖅᖠᓂᕐᒥ ᐱᔪᓐᓇᐅᑎᑖᕐᕕᑦ ᑎᑎᕋᕐᕕᖕᓂ ᖁᕕᐊᓱᒡᕕᖕᒥ ᕿᑲᕐᓇᐅᑎᓪᓗᒍ.

ᐃᖃᓗᖕᓂ ᕕᐊᑖᕐᕕᒃ ᐊᒻᒪ ᐅᐊᓂᑖᕐᕕᒃ ᒪᒃᐱᖅᓯᒪᓂᖓ ᐃᑲᕐᕋᑭᓐᓂᖅᓴᐅᓂᐊᖅᑐᖅ. ᑎᓯᐱᕆ 22, 23, 27, 28, 29 ᐊᒻᒪ 30, ᕕᐊᑖᕐᕕᒃ ᐊᒻᒪ ᐅᐊᓂᑖᕐᕕᒃ ᐅᒃᑯᐃᖓᖃᑦᑕᓛᖅᑐᖅ 1-ᒥ 6-ᒧᐊᖅᓴᓂᖓᓄᑦ ᐅᓪᓗᒃᑯᑦ. ᖃᐅᔨᒪᓂᐊᖅᐳᓯ ᕕᐊᑖᕐᕕᖕᒥ ᐊᒻᒪ ᐅᐊᓂᑖᕐᕕᖕᒥ ᓴᓇᔪᖃᓛᙱᒻᒪᑦ ᑎᓯᐱᕆ 26−ᖑᓕᖅᐸᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑐᐊᕕᕐᓇᖅᑐᒃᑯᑦ ᐋᓐᓂᐊᕕᖕᒥ ᑲᒪᒋᔭᐅᒋᐊᓖᑦ ᑲᒪᒋᔭᐅᖏᓐᓇᕐᓂᐊᖅᑐᑦ ᖁᕕᐊᓱᒡᕕᖕᒥ ᕿᑲᕐᓇᒥ. ᑎᑎᕋᖅᓯᒪᑦᑎᐊᖅᑐᓂᒃ ᐋᓐᓂᐊᕖᑦ ᒥᒃᓵᓄᑦ ᐊᑐᐃᓐᓇᖅᑕᖃᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓐᓂᒃ ᐅᕙᓂ https://www.gov.nu.ca/health/information/health-centres.

ᒪᓕᒐᓕᕆᔨᒃᑯᑦ
ᑎᒍᔭᐅᓯᒪᕝᕖᑦ

ᑎᒍᔭᐅᓯᒪᕝᕕᓕᒫᑦ ᓄᓇᕗᒻᒥ ᓴᓇᕝᕕᐅᖏᓐᓇᓛᖅᑐᑦ ᖁᕕᐊᓱᒡᕕᖕᒥ ᕿᑲᕐᓇᒥ.

ᓄᓇᓕᖕᓂ ᑎᒍᔭᐅᓯᒪᕝᕖᑦ ᐊᕕᒃᑐᖅᓯᒪᔪᓂ ᐊᖓᔪᖅᑳᑦ ᓇᐅᑦᑎᐅᒪᓂᐊᖅᐳᑦ ᑲᒪᔭᕆᐊᖃᕌᖓᑕ ᒪᓕᒋᐊᓕᖕᓂ ᓯᖁᒥᑦᑎᔪᓂᒃ ᐊᓯᖏᓐᓂᒡᓗ ᐱᔾᔪᑕᐅᔪᓂᒃ ᓴᖅᑭᑉᐸᓪᓕᐊᔪᓂᒃ. ᐅᑯᓇᓂ ᓈᓴᐅᑎᓂᒃ ᐅᖃᓗᒡᕕᐅᔪᓐᓇᖅᑐᑦ: 1-867-982-2556 (ᕿᑎᕐᒥᐅᓂ), 1 867-645-6779 (ᑭᕙᓪᓕᕐᒥ), 1-867-975-1616 (ᕿᑭᖅᑖᓘᑉ ᓂᒋᐊᓂ) ᐊᒻᒪ 1-867-899-1380 (ᕿᑭᖅᑖᓘᑉ ᐅᐊᖕᓇᖓᓂ).

ᓄᓇᓕᖕᒥ ᒪᓕᒐᓕᕆᔨᒃᑯᑦ

ᑐᐊᕕᕐᓇᖅᑐᒃᑯᑦ ᓴᐳᔾᔭᐅᖁᔭᐅᔪᑦ ᐊᑐᐃᓐᓇᐅᓂᐊᖅᐳᑦ ᖁᕕᐊᓱᒡᕕᖕᒥ ᕿᑲᕐᓇᒥ. ᐃᖅᑲᓇᐃᔭᖅᑎᑦ ᓇᐅᑦᑎᐅᒪᔪᑦ ᐅᖃᓗᒡᕕᐅᔪᓐᓇᖅᑐᑦ ᐅᕗᖓ 1-844-534-1038.

ᐃᖅᑲᖅᑐᐃᕖᑦ

ᑐᐊᕕᕐᓇᖅᑐᖃᕐᓂᖅᐸᑦ ᓄᓇᕗᒻᒥ ᐃᖅᑲᖅᑐᐃᕕᒃᑯᓐᓂ, ᖃᐅᔨᒋᐊᖃᑦᑕᕐᓂᐊᖅᐳᓯ ᐃᖅᑲᖅᑐᐃᕕᓕᕆᔨᒃᑯᑦ ᐊᐅᓚᑦᑎᔨᖓᓐᓄᑦ ᐅᕗᖓ 867-222-0029. ᐃᖅᑲᖅᑐᐃᕕᒃᑯᓐᓂ ᐊᑎᓕᐅᕐᕕᒃ ᒪᒃᐱᖅᓯᒪᑐᐃᓐᓇᕐᓂᐊᖅᑐᖅ ᖃᕋᓴᐅᔭᒃᑯᑦ ᑐᖅᑯᖅᑕᐅᓂᐊᖅᑐᓄᑦ ᐅᑯᓇᓂ ncj.civil@gov.nu.ca ᐅᕝᕙᓘᓐᓃᑦ ncj.criminal@gov.nu.ca. ᑎᑎᖅᑲᑦ ᐱᔭᐅᔪᑦ ᖁᕕᐊᓱᒡᕕᖕᒥ ᕿᑲᕐᓇᒃᑯᑦ ᖃᐅᔨᒪᔭᐅᓂᐊᖅᐳᑦ ᐅᓪᓗᕐᒥ ᐱᔭᐅᑎᓪᓗᒋᑦ ᐱᔭᐅᓚᐅᕐᓂᖏᓐᓂᒃ. ᐊᐱᖅᑯᑎᑕᖃᖅᐸᑦ ᐊᑎᓕᐅᖅᑕᐅᓯᒪᔪᑦ ᑐᖅᑯᖅᑕᐅᔪᓂᒃ, ᖃᐅᔨᒋᐊᕈᓐᓇᖅᐳᓯ ᐃᖅᑲᖅᑐᐃᕕᓕᕆᔨᒃᑯᓐᓂ ᖃᐅᔨᒋᐊᕐᕕᒃᓴᓂᒃ ᐅᕙᓂ: www.nunavutcourts.ca/index.php/contacts

ᒪᓕᒐᓂᒃ ᑐᑭᓯᓂᐊᕐᕕᒃ

ᒪᓕᒐᓂᒃ ᑐᑭᓯᓂᐊᕐᕕᖕᒥ ᑎᑎᕋᕐᕕᖓ ᒪᒃᐱᖅᓯᒪᐃᓐᓇᕐᓂᐊᖅᑐᖅ ᑎᒥᙳᖅᑎᑕᐅᓯᒪᔪᓄᑦ ᑎᑎᕋᖅᑕᐅᒋᐊᓕᖕᓄᑦ, ᑮᓇᐅᔭᓕᐅᕋᓱᐊᕈᑎᓄᑦ ᑎᑎᖅᑲᓄᑦ, ᐃᓄᖕᒨᖓᔪᓄᑦ, ᓇᓪᓕᐅᒃᑯᒫᓕᕆᔨᓄᑦ

ᐊᒻᒪ ᐱᑖᖅᑎᑦᑎᔨᓄᑦ, ᐊᒻᒪ ᓄᓇᓕᕆᓂᕐᒧᑦ ᑕᐃᒎᓯᖅᑖᖅᑎᑦᑎᔨᓄᑦ. ᑐᑭᓯᒋᐊᒃᑲᓐᓂᕈᒪᒍᔅᓯ ᐅᕗᖓ ᖃᐅᔨᒋᐊᕈᓐᓇᖅᐳᓯ: http://nunavutlegalregistries.ca/.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ

ᐃᒡᓗᓂᒃ ᐊᑐᖅᑐᐊᖅᑎᓄᑦ ᐃᒡᓗᖏᓐᓂ ᓈᒻᒪᙱᓪᓕᐅᖅᑐᖃᓕᕌᖓᑦ, ᐅᕗᖓ ᐅᖃᓗᖃᑦᑕᕐᓂᐊᖅᐳᓯ 867-857-6856. ᐊᕕᒃᑐᖅᓯᒪᔪᓂᒃ ᐃᖅᑲᓇᐃᔭᖅᑎᑦ, ᓇᐅᑦᑎᐅᒪᔪᑦ ᐃᒡᓗᒋᔭᐅᔪᓂᒃ ᓈᒻᒪᙱᓪᓕᐅᕈᑎᖃᖅᑐᓂᒃ ᑭᒡᒐᖅᑐᐃᕕᒋᔭᖏᓐᓂᒃ ᓄᓇᓂᒃ, ᐅᑯᓇᓂ ᖃᐅᔨᒋᐊᕐᕕᐅᔪᓐᓇᖅᑐᑦ: 867-857-6523 (ᑭᕙᓪᓕᕐᒥ), 867-222-2160 (ᕿᑎᕐᒥᐅᓂ) ᐊᒻᒪ 867-897-7875 (ᕿᑭᖅᑖᓗᖕᒥ).

ᓄᓇᕗᑦ ᒐᕙᒪᒃᑯᑦ ᑎᑎᕋᕐᕕᓕᒫᖏᑦ ᐅᒃᑯᐃᓛᖅᑐᑦ ᐊᐃᑉᐹ, ᔮᓐᓄᐊᕆ 2, 2018-ᒥ, ᐃᑲᕐᕋᕆᖃᑦᑕᖅᑕᖏᓐᓄᑦ. ᖁᕕᐊᓱᒡᕕᒃᓯᐅᑦᑎᐊᕆᑦᑎ!

###

ᑐᓴᒐᒃᓴᓕᕆᔨᑦ:

ᑕᓃᔅ ᒡᕌᓐᒪᐃᓴᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca