ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᕆᔾᔪᑎᖏᑦ ᐋᖅᑭᐅᒪᑎᑕᐅᖏᓐᓇᖅᓯᒪᕗᑦ ᐊᑭᓕᔅᓴᓂᑦ ᐊᑭᓖᖃᑦᑕᕈᓐᓇᕐᓂᖏᓐᓂᑦ

ᓄᕕᐱᕆ 26, 2020

ᐱᕙᓪᓕᐊᔪᑦ ᓴᖅᑭᑕᑦ

ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᕆᔾᔪᑎᖏᑦ ᐋᖅᑭᐅᒪᑎᑕᐅᖏᓐᓇᖅᓯᒪᕗᑦ ᐊᑭᓕᔅᓴᓂᑦ ᐊᑭᓖᖃᑦᑕᕈᓐᓇᕐᓂᖏᓐᓂᑦ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 26, 2020) − ᐊᑭᓕᔅᓴᓂᒃ ᐊᑭᓖᖃᑦᑕᕈᓐᓇᕐᓂᖏᑕ ᖃᓄᐃᓕᖓᓂᕆᔭᖏᓐᓂᑦ ᓇᐅᓯᖅᑐᖅᑎᐅᔪᑦ ᐱᓕᕆᕝᕕᐅᔪᑦ ᖃᓄᐃᓕᖓᒻᒪᖔᑕ ᓇᓗᓇᐃᒃᑯᑎᑖᖅᑎᑦᑎᔨᐅᔪᑦ DBRS Morningstar ᓇᓗᓇᐃᖅᓯᕗᑦ ᓄᓇᕗᑦ ᒐᕙᒪᒃᑯᓐᓂᑦ ᐊᑭᓕᔅᓴᖏᓐᓂᑦ ᑲᒪᑦᑎᐊᕈᓐᓇᕐᓂᖏᑦ AA (ᐊᑦᑎᑦᑐᒦᓂᖅᓴᐅᔪᑦ) ᑐᙵᓂᖃᑦᑎᐊᖅᑐᓂᒥᑦ ᑭᓯᐊᓂ ᐃᖏᕐᕋᓯᒪᓂᖃᖅᑐᑦ.

"ᑐᙵᓱᑦᑎᐊᒃᑲ ᑖᒃᑯᐊ DBRS ᖃᐅᔨᓴᕈᑎᒋᓯᒪᔭᖏᑦ ᑖᓐᓇ ᓄᓇᕗᑦ ᑲᔪᓯᒻᒪᑦ ᑮᓇᐅᔭᓕᕆᓂᕆᕙᑦᑕᖏᓐᓂᑦ ᐋᖅᑭᓱᑦᑎᐊᖅᓯᒪᑎᑦᑎᒻᒪᑕ, ᑮᓇᐅᔭᓕᕆᓐᓇᕐᒥᑦ ᐊᒃᓱᕈᕐᓇᖅᑐᑦ ᐱᒐᓗᐊᖅᑎᓪᓗᒋᑦ ᐊᒻᒪᓗ ᑖᓐᓇ ᓄᓇᕐᔪᐊᕐᒥᑦ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᐊᑑᑎᕙᓪᓕᐊᖏᓐᓇᑎᓪᓗᒍ," ᐅᖃᖅᑐᖅ ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᔪᐊᔾ ᕼᐃᒃᔅ. "ᒐᕙᒪᒋᔭᕗᑦ ᐊᐅᓚᑦᑎᓂᕆᔭᖓᓐᓂᒃ ᑮᓇᐅᔭᓕᕆᔾᔪᑎᐅᔪᓂᑦ ᑲᔪᓯᓂᖃᑦᑎᐊᖏᓐᓇᕐᓂᐊᖅᑐᑦ ᐊᑯᓂᐅᔪᒥᑦ ᐃᑲᔫᑎᖃᑦᑎᐊᖏᓐᓇᖁᓪᓗᒍ ᓄᓇᕗᒻᒥᐅᓂᑦ."

DBRS ᓄᓇᕗᑦ ᒐᕙᒪᖓᒃᑯᖏᓐᓂᑦ ᓴᙱᔫᓂᕋᐃᔪᑦ ᐱᓕᕆᔾᔪᑎᒋᔭᖏᓐᓂᑦ ᑮᓇᐅᔭᓕᕿᓂᕐᒧᑦ ᐱᔪᓐᓇᕐᓂᕆᔭᖏᓐᓂᑦ, ᑭᓯᐊᓂ ᐅᖃᖅᑐᑦ ᓄᓇᕗᑦ ᒐᕙᒪᖓ ᐊᒥᓱᓂᒃ ᐊᒃᓱᕈᕐᓇᖅᑐᓂᒃ ᑲᒪᒋᐊᖃᖃᑦᑕᖅᑐᑦ. ᐱᓗᐊᖅᑐᒥᑦ, ᓄᓇᕗᒻᒥ ᑮᓇᐅᔭᓕᐅᕈᑎᖃᕈᓐᓇᕐᓂᖏᑦ ᒥᑭᔫᓂᖓᓄᑦ ᒐᕙᒪᑐᖃᒃᑯᓐᓂᑦ ᑐᕚᖃᕆᐊᖃᕐᓂᖅᓴᐅᕙᑦᑐᑦ ᑖᒃᑯᐊ ᓄᓇᓖᑦ ᒥᑭᔫᑕᐅᓂᖏᓐᓄᑦ ᐊᖓᓯᒌᑦᑑᑕᐅᓂᖏᓐᓄᓪᓗ ᑮᓇᐅᔭᓂᑦ ᐊᑭᑐᔫᑎᑦ ᐱᓕᕆᐊᔅᓴᓄᑦ ᐱᔭᕆᐊᖃᓗᐊᕈᑎᒋᕙᑦᑕᖓ.

ᑐᓂᓯᓚᐅᖅᑐᑦ ᐊᑭᓕᒃᓴᖃᐅᑎᖓᑕ ᖃᓄᐃᓕᖓᓂᖓᓂᒃ ᐃᒻᒥᒃᑯᑦ ᐃᓱᒪᒃᓴᖅᓯᐅᕈᑎᖃᖃᑦᑕᖅᐳᑦ ᑲᑐᔾᔨᖃᑎᒌᑦ ᑎᑭᐅᑎᔪᓐᓇᕐᒪᖔᑕ ᑎᑭᐅᑎᔪᒪᑦᑎᐊᕐᒪᖔᑕᓗ ᑮᓇᐅᔭᓕᕆᓂᕐᒧᑦ ᐊᑐᓪᓚᕆᒋᐊᖃᖅᑕᖏᓐᓂᒃ. ᑖᓐᓇ ᐱᖓᑦᑎᖅᑐᖅ ᑖᒃᑯᐊ DBRS ᓇᓗᓇᐃᒃᑯᑎᑖᖅᑎᑦᑎᑦᑎᓪᓗᒋᑦ ᓄᓇᕗᑦ ᒐᕙᒪᖓᒃᑯᖏᓐᓂᑦ. ᑐᑭᓯᒋᐊᒃᑲᓂᕈᒪᓐᓂᕈᕕᑦ ᑖᒃᑯᐊ DBRS Morningstar ᑮᓇᐅᔭᓕᕆᔾᔪᑎᓂᑎᑦ ᖃᐅᔨᓴᖅᑎᐅᔪᑦ, ᐅᕗᙵᕐᓗᑎᑦ www.dbrsmorningstar.com.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca