ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᓯᓚᑖᓂ ᐃᒥᐊᓗᒃᑖᕐᓂᖅ

ᔭᓐᓄᐊᓕ 10, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᑦ ᓯᓚᑖᓂ ᐃᒥᐊᓗᒃᑖᕐᓂᖅ

ᓄᓇᖃᕈᕕᑦ ᑭᒡᓕᖃᖅᑎᑕᐅᙱᑦᑐᒥᒃ ᓄᓇᓕᖕᓂ ᓄᓇᕗᒻᒥ, ᐊᐅᓪᓚᖅᓯᒫᓪᓚᓚᐅᕐᓗᑎᑦ ᐅᑎᐅᔾᔨᔪᓐᓇᖅᑐᑎᑦ ᐱᖓᓱᓂᒃ ᓖᑕᓂᒃ spirits, 9 ᓖᑕᓂᒃ ᐅᐊᐃᓂ, ᐅᕝᕙᓘᓐᓃᑦ 26 ᓖᑕᓂᒃ ᕕᐊᓂᒃ (72 x 355 ᒥᓕᓖᑕ ᕕᐊᖃᐅᑎᓂᒃ ᐅᕝᕙᓘᓐᓃᑦ 48 x 500 ᒥᓕᓖᑕ ᕕᐊᖃᐅᑎᓂᒃ) ᓄᓇᕗᒻᒧᑦ. ᓄᓇᕗᑦ ᓯᓚᑖᓂ ᐃᒥᐊᒃᓗᑖᕈᓐᓇᐅᑎᑖᕆᐊᖃᖅᐳᑎᑦ ᑕᐃᒪᓐᓇ ᓇᒃᓴᖅᑎᒋᓂᐊᕈᕕᑦ. ᑭᒡᓕᖃᖅᑎᑕᐅᙱᑦᑐᑦ ᓄᓇᓖᑦ ᓄᓇᕗᒻᒥ ᐅᑯᐊᖑᕗᑦ ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐊᐅᓱᐃᑦᑐᖅ, ᐃᖃᓗᐃᑦ, ᖁᕐᓗᖅᑐᖅ. ᑲᖏᖅᖠᓂᖅ ᐊᒻᒪ ᑕᓗᕐᔪᐊᖅ.

ᓄᓇᖃᕈᕕᑦ ᑭᒡᓕᖃᖅᑐᒥ ᐃᒥᐊᓗᒃᑖᕐᓇᖅᑐᒥᒃ ᓄᓇᕗᒻᒥ, ᐊᖏᖅᑕᐅᓇᓱᒋᐊᖃᖅᐳᑎᑦ ᓄᓇᔅᓯᓐᓂ ᐃᒥᐊᓗᓕᕆᔨᒃᑯᓐᓄᑦ ᓇᒃᓴᓚᐅᖏᓐᓂᕐᓂᑦ ᐃᒥᐊᓗᖕᒥᑦ ᓄᓇᕕᑦ ᓯᓚᑖᓂᙶᖅᑐᒥᒃ. ᑭᒡᓕᖃᖅᑎᑕᐅᔪᑦ ᓄᓇᓖᑦ ᓄᓇᕗᒻᒥ ᐅᑯᐊᖑᕗᑦ ᐃᒃᐱᐊᕐᔪᒃ, ᑭᙵᐃᑦ, ᐃᒡᓗᓕᒑᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ, ᑭᒻᒥᕈᑦ, ᓇᐅᔮᑦ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ.
ᐊᓯᐊᓄᑦ ᓄᓇᓕᖕᓄᐊᖅᑎᑦᑎᔪᓐᓇᐅᑎᑦ ᐱᔭᐅᔪᓐᓇᖅᐳᑦ ᐊᕕᒃᑐᖅᓯᒪᔪᓂ ᐃᒥᐊᓗᒃᑖᕈᓐᓇᐅᑎᑦ ᑎᑎᕋᕐᕕᖓᓂ:

ᐃᖃᓗᐃᑦ ᐃᒥᐊᓗᒃᑖᕐᕕᒃ
ᐅᖃᓘᑖ: 867-975-6869
ᓱᒃᑲᔪᒃᑯᑦ: 867-979-583
ᐃᖃᓗᒃᑑᑦᑎᐊᖅ – ᑮᓇᐅᔭᓕᕆᔨᒃᑯᑦ
(ᕼᐊᓚᓐ ᒪᒃᓴᒐᖅ ᐃᒡᓗᖁᑖ)

ᐅᖃᓘᑖ: 867-983-404

ᑲᖏᖅᖠᓂᖅ – ᓯᓂᒃᑕᕐᕕᒃ ᐃᒡᓗᖁᑖ
ᐅᖃᓘᑖ: 867-645-8576
ᓱᒃᑲᔪᒃᑯᑦ: 867-645-3327

ᖁᕐᓗᖅᑑᒥᑦ ᕼᐋᒻᒪᓚᒃᑯᑦ
ᐅᖃᓘᑖ: 867-982-6509
ᐃᕐᖐᓐᓈᖅᑕᐅᑦ water@kugluktuk.ca


ᓄᓇᕗᑦ ᓯᓚᑖᓂ ᐃᒥᐊᓗᒃᑖᕈᓐᓇᑎᖃᙱᒃᑯᕕᑦ, ᐃᒥᐊᓗᒃᑖᕐᕕᖕᒥᑦ ᐊᓯᐊᒍᑦ ᓄᓇᓕᖕᓂᑦ ᐊᕕᒃᑐᖅᓯᒪᔪᓂ ᑎᑭᓴᐃᔭᑦ ᐱᔪᓐᓇᕋᔭᖏᑦᑕᑦ. ᐊᓯᐊᓄᑦ ᐃᒥᐊᓗᒃᑖᕈᓐᓇᐅᑎᒥᑦ ᓇᖕᒥᓂᖅ ᓂᐅᕕᕆᐊᖃᖅᐳᑎᑦ, ᑭᓯᐊᓂ ᐃᒥᐊᓗᒃᑖᕈᓐᓇᐅᑎᒥᑦ ᑎᑭᓴᐃᔭᕆᐊᖃᖅᐳᑎᑦ ᓱᒃᑲᔪᒃᑯᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ, ᐱᖃᓯᐅᑎᓗᒍ ᐊᔾᔨᙳᐊᑦ ᓇᓗᓇᐃᒃᑯᑕᑦ. ᐊᑭᓖᔪᓐᓇᖅᐳᑎᑦ ᑮᓇᐅᔭᑎᒍᑦ, ᑮᓇᐅᔭᒃᓴᒃᑯᑦ, ᐊᐅᒃᑕᔫᖅ ᐊᑭᓕᒃᓴᖅᑖᕈᓐᓇᐅᒃᑯᑦ ᐅᕝᕙᓘᓐᓃᑦ ᐊᐅᒃᑕᔫᖅ ᓂᐅᕕᕈᓐᓇᐅᑎᒃᑯᑦ.

ᓄᓇᕗᒻᒥ ᐃᒥᐊᓗᖕᒥᒃ ᓂᐅᕕᕈᓐᓇᖅᐳᑎᑦ ᐊᓯᐊᓄᑦ ᓄᓇᓕᖕᓄᐊᖅᑎᑦᑎᔪᓐᓇᐅᑎᖃᙱᓪᓗᑎᑦ ᓄᓇᕗᒻᒥ ᐃᒥᐊᓗᓕᕆᔨᕐᔪᐊᒃᑯᑎᒍᑦ ᓱᕐᕋᖕᓇᖅᑐᓕᕆᔨᒃᑯᑎᒍᓪᓗ, ᐅᖃᓗᒡᕕᒋᓗᒋᑦ ᐅᕗᖓ 867-645-8475, ᓱᒃᑲᔪᒃᑯᓪᓘᓐᓃᑦ 855-844-5488, ᐅᕝᕙᓘᓐᓃᑦ ᓱᒃᑲᔪᒃᑯᑦ ᐅᕗᖓ 867-645-3327, ᐃᕐᙲᓐᓈᖅᑕᐅᒃᑯᓪᓘᓐᓃᑦ ᐅᕗᖓ NLCLiquororders@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca