ᐅᖃᓚᐅᑎᓯᐅᑏᑦ

You are here

ᖃᒪᓂᑦᑐᐊᖅ ᓱᓕ ᑲᔪᓯᓂᐊᖅᑐᑦ ᑭᓪᓕᖃᖏᑦᑐᒥᑦ ᓄᓇᓕᓐᓂᑦ ᐃᒥᐊᖃᕈᓐᓇᕐᓂᕆᔭᖓ

ᐄᐳᕈ 27, 2021

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᖃᒪᓂᑦᑐᐊᖅ ᓱᓕ ᑲᔪᓯᓂᐊᖅᑐᑦ ᑭᓪᓕᖃᖏᑦᑐᒥᑦ ᓄᓇᓕᓐᓂᑦ ᐃᒥᐊᖃᕈᓐᓇᕐᓂᕆᔭᖓ

ᐃᖃᓗᐃᑦ, ᓄᓇᕗᑦ (ᐄᐳᓗ 27, 2021) - ᐃᓄᐃᑦ ᓂᕈᐊᕐᓂᖃᓚᐅᖅᑎᓪᓗᒋᑦ ᐄᐳᓗ 26ᒥ, ᖃᒪᓂᑦᑐᐊᕐᒥᐅᑦ ᓂᕈᐊᓚᐅᖅᑐᑦ ᑲᔪᓯᔪᒪᓪᓗᑎᑦ ᐊᑐᖅᑕᒻᒥᓂᒃ ᑭᓪᓕᖃᖅᑎᑦᑎᖏᓪᓗᑎᑦ ᐃᒥᐊᓗᖃᕈᓐᓇᕐᓂᕐᒥᑦ ᐃᒥᐊᓗᓕᕆᓂᕐᒧᑦ.

182 ᐃᓄᐃᑦ − 54% ᓂᕈᐊᕈᓐᓇᖅᑐᑦ ᓂᕈᐊᕆᐊᖅᑐᓚᐅᖅᑐᑦ − ᑖᒃᑯᐊ ᓂᕈᐊᓚᐅᖅᑐᑦ ᐃᒥᐊᓗᓕᕆᔨᒃᑯᑦ ᑲᑎᒪᔨᕋᓛᖃᕐᓂᕐᒧᑦ ᓅᒍᒪᓪᓗᑎᑦ ᑖᒃᑯᐊ ᑲᑎᒪᔨᕋᓛᑦ ᐋᖅᑭᔅᓯᔨᐅᖃᑦᑕᕐᓗᑎᑦ ᑭᓇᒃᑯᑦ ᐃᒥᐊᓗᒍᓐᓇᕐᒪᖔᑕ, ᐃᒥᐊᖃᕈᓐᓇᕐᒪᖔᑕ ᐅᕙᓗ ᐃᒥᐊᑦᑖᕈᓐᓇᕐᒪᖔᑕ. ᒪᓕᓪᓗᒍ ᐃᒥᐊᓗᓕᕆᓂᕐᒧᑦ ᐱᖁᔭᖅ, 60%ᖏᑦ ᓂᕈᐊᖅᑏᑦ ᐊᓯᔾᔨᖅᓯᔪᒪᓂᕐᒧᑦ ᓂᕈᐊᓚᐅᖅᑐᑦ ᓄᓇᓕᒻᒥ ᖃᓄᐃᓕᖓᓂᕆᔭᖓᓐᓂᑦ.

"ᒫᓐᓇᐅᑎᓪᓗᒍ, ᐊᓯᔾᔨᖅᑕᐅᔪᖃᔾᔮᖏᑦᑐᖅ ᐃᒥᐊᓗᓕᕆᓂᐅᑦ ᐋᖅᑭᔅᓯᒪᓂᖓ ᖃᒪᓂᑦᑐᐊᕐᒥ," ᐅᖃᖅᑐᖅ ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᔪᐊᔾ ᕼᐃᒃᔅ. "ᖁᔭᓐᓇᒦᕈᒪᕙᒃ ᓄᓇᓖᑦ ᓂᕈᐊᕆᐊᖅᑐᓚᐅᕐᒪᑕ ᓂᕈᐊᕐᓂᖃᖅᑎᓪᓗᒋᑦ."

ᓱᓕ ᐃᒥᐊᓗᖃᑦᑕᕐᓂᖅ, ᐃᒥᐊᓗᖃᕈᓐᓇᕐᓂᖅ, ᐃᒥᐊᓗᑦᑖᕈᓐᓇᕐᓂᖅ, ᓂᐅᕕᐊᔅᓴᖃᕈᓐᓇᕐᓂᖏᑦ ᐅᕝᕙᓘᓐᓃᑦ ᑎᑭᓴᐃᔪᓐᓇᕐᓂᖏᑦ ᑭᓪᓕᖃᖅᑎᑕᐅᔾᔮᖏᑦᑐᑦ ᖃᒪᓂᑦᑐᐊᕐᒥ.

ᖃᒪᓂᑦᑐᐊᕐᒥᐅᑦ ᑕᒪᑐᒥᖓ ᐱᒋᐊᖅᑎᑦᑎᑲᓐᓂᓛᕈᒪᑉᐸᑕ ᓯᕗᓂᑦᑎᓐᓂ, ᐊᑎᓕᐅᖅᑕᐅᓯᒪᔪᓂᒃ ᑐᒃᓯᕋᐅᑎᒥᒃ ᓄᑖᒥᒃ ᓂᕈᐊᕐᓂᖃᖁᔨᔾᔪᑎᒥᑦ ᓇᒃᓯᐅᔾᔨᔪᓐᓇᖅᐳᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca