ᐅᖃᓚᐅᑎᓯᐅᑏᑦ

You are here

ᓱᕐᕋᖕᓇᖅᑐᓂᒃ ᓂᐅᕕᕐᕕᖃᕐᓂᖅ ᓄᓇᕗᒻᒥ

ᔪᓚᐃ 05, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓱᕐᕋᖕᓇᖅᑐᓂᒃ ᓂᐅᕕᕐᕕᖃᕐᓂᖅ ᓄᓇᕗᒻᒥ

ᓄᓇᕗᑦ ᒐᕙᒪᒃᑯᖏᑦ ᐃᓇᑦᑎᕗᑦ ᓇᒻᒥᓂᖁᑎᖃᖅᑎᐅᔪᓂᑦ ᐱᓇᓱᐊᖁᔨᓪᓗᑎᑦ ᓱᕐᕋᖕᓇᖅᑐᓂᑦ ᓂᐅᕕᕐᕕᑖᕐᓂᕐᒧᑦ ᓄᓇᕗᒻᒥ. ᓱᕐᕋᖕᓇᖅᑐᓂᒃ ᓂᐅᕕᕐᕕᐅᔪᑦ ᐃᑲᔪᖅᐸᒃᐳᑦ ᓄᓇᓕᖕᒥᐅᓂᒃ ᐃᖅᑲᓇᐃᔮᒃᓴᖃᕐᓂᒃᑯᑦ. ᐱᓇᓱᐊᖃᑕᐅᔪᒪᔪᓄᑦ ᑖᓐᓇ ᐃᓱᓕᑦᑕᕐᕕᖓ ᑭᓪᓕᖃᖅᑎᑕᐅᙱᑦᑐᖅ.

ᐱᖓᓱᐃᓕᖅᑲᖓᕗᑦ ᓂᐅᕕᕐᕖᑦ − ᖃᕆᓴᐅᔭᒃᑯᑦ ᓂᐅᕕᕐᕕᐅᔪᓐᓇᖅᑐᑦ, ᓂᐅᕕᕐᕕᓪᓚᑦᑖᑦ, ᐊᒻᒪ ᓂᐅᕕᖕᕕᖕᒧᑦ ᓂᐅᕕᕐᕕᖕᒧᑦ ᐊᑕᔪᓂᒃ ᑲᑕᒑᑎᑦᑎᔪᓐᓇᕆᓪᓗᑎᒃ. ᓇᒻᒥᓂᖁᑎᒋᔭᐅᔪᒧᑦ ᐃᓚᔭᐅᓯᒪᔪᖅ ᓂᐅᕕᕐᕕᒃ ᐊᓯᐊᓂ ᐃᓛᒃᑰᖓᔪᒥᑦ ᐃᓂᑖᙱᓪᓗᓂ ᖃᓄᐃᙱᑦᑐᖅ ᑖᓐᓇ ᓇᒻᒥᓂᖁᑎᖃᖅᑎᐅᔪᖅ ᐃᓂᔅᓴᖃᕇᖅᐸᑦ. ᑕᕝᕙᓂᓕ, ᐊᑐᖅᑎᐅᔪᑦ ᓂᐅᕕᕆᐊᕈᑎᒃ 19−ᓂᒃ ᐅᑭᐅᓖᑦ ᐅᖓᑖᓂᓗ ᓱᕐᕋᖕᓇᖅᑐᖅᑖᕈᓐᓇᖅᑐᑦ ᓂᐅᕕᕐᕕᖕᒥᖔᖅᑐᓂᒃ, ᐃᒐᓛᒃᑯᑦ ᓂᐅᕕᕐᓗᓂ, ᐅᕝᕙᓘᓃᑦ ᓂᐅᕕᕐᕕᐅᑉ ᐃᓗᐊᓃᑦᑐᒥᒃ ᑲᑕᒑᑎᑦᑎᔪᓐᓇᕆᓪᓗᑎᒃ. ᑕᒪᐃᓐᓂᒃ ᓂᐅᕕᐊᒃᓴᖃᖅᑎᐅᕙᒃᑐᑦ ᓱᕐᕋᖕᓇᖅᑐᓂᒃ ᒪᓕᒐᑎᒍᑦ ᐋᖅᑭᒃᓯᒪᓂᐅᖁᔭᐅᔪᓂᒃ ᒪᓕᒋᐊᖃᖅᑐᑦ ᑕᐃᒫᑦᑎᐊᖅ ᓄᓇᕗᒻᒥ ᐱᖁᔭᖅ ᒪᓕᒐᓕᐊᖑᓯᒪᓂᖓᓄᑦ.

ᓄᓇᓕᖕᓂ ᐊᒻᒪ ᐃᓕᓴᕆᔭᐅᓯᒪᓪᓗᑎᒃ ᓂᐅᕕᕐᕕᖁᑎᒋᔭᐅᔪᑦ ᓄᓇᕗᒻᒥ ᐃᑲᔪᖅᐸᖕᒪᑕ ᒪᓕᒐᓂᒃ ᓱᕋᐃᙱᖦᖢᑎᒃ ᓱᕐᕋᖕᓇᖅᑐᖃᖅᑎᑦᑎᔪᓐᓇᖅᖢᑎᕐ ᑭᐱᙳᐃᔭᐅᑎᓂᒃ ᐃᓅᖃᑎᒥᓄᑦ ᓂᐅᕕᐊᒃᓴᖃᕐᓗᑎᒃ. ᒪᓕᒐᓂᒃ ᓱᕋᐃᓯᒪᓪᓗᑎᒃ ᓂᐅᕐᕈᑎᒃᓴᖃᓲᑦ ᑕᐃᒫᒃ ᐱᓗᐊᖅᑎᑕᐅᑦᑕᐃᓕᒪᕙᖕᒪᑕ ᐊᒻᒪᓗ ᒪᒃᑯᒃᑐᐃᑦ ᓴᐳᑎᔭᐅᓪᓗᑎᒃ ᑕᐃᒫᒃ.

ᑐᑭᓯᒃᑲᓐᓂᕐᓂᐊᕋᕕᑦ, ᐊᑎ ᐅᓇ ᑕᑯᒋᐊᕐᓗᒍ https://www.gov.nu.ca/finance/information/cannabis-retail ᐃᕐᖐᓈᖅᑕᐅᑎᒃᑯᓪᓘᓃᑦ ᑎᑎᕋᕐᓗᑎᑦ ᐅᕗᖓ cannabis@gov.nu.ca.

ᑐᓴᒃᑲᓐᓂᕈᒪᒍᕕᑦ ᑕᒪᑐᒪ ᒥᒃᓵᓄᑦ ᐊᒻᒪ ᖃᓄᖅ ᐃᑲᔪᖅᑕᐅᔪᓐᓇᕐᒪᖔᕐᓂᒃ ᓂᐅᕕᕐᕕᒃᑖᕋᓱᖕᓂᕐᒧᑦ, ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᔩᑦ ᑐᓴᖅᑎᑦᑐᓐᓇᖅᑕᑎᑦ ᐅᖄᓚᓗᑎᑦ 867-979-4654.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca