ᐅᖃᓚᐅᑎᓯᐅᑏᑦ

You are here

ᐅᔾᔨᖅᓱᖅᑕ ᐅᓪᓗᖅᓯᐅᑎᒥᑦ ᐱᒡᒍᓴᐅᑎᔪᓂᑦ ᓵᓚᖃᖅᑐᑦ

ᑎᓯᐱᕆ 19, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐅᔾᔨᖅᓱᖅᑕ ᐅᓪᓗᖅᓯᐅᑎᒥᑦ ᐱᒡᒍᓴᐅᑎᔪᓂᑦ ᓵᓚᖃᖅᑐᑦ

ᓄᓇᕗᒻᒥ ᐃᒥᐊᓗᓕᕆᔨᕐᔪᐊᒃᑯᑦ ᓱᕐᕋᖕᓇᖅᑐᓕᕆᔨᓪᓗ ᑲᑎᒪᔨᖏᑦ ᐊᓕᐊᓇᐃᒍᓱᒃᐳᑦ ᑐᓴᖅᑎᑦᑎᔪᓐᓇᕐᒪᑕ ᐅᔾᔨᖅᓱᖅᑕ / Ujjiqsuqta ᐅᓪᓗᖅᓯᐅᑎᒥᑦ ᐱᒡᒍᓴᐅᑎᔪᓂᑦ ᓵᓚᖃᖅᑐᓂᑦ. ᑭᕙᓪᓕᕐᒥ ᒪᒃᑯᒃᑐᑦ ᑎᑎᕋᐅᔭᖅᑕᒥᓂᒃ ᑐᓂᓯᖁᔭᐅᓚᐅᖅᐳᑦ ᐃᒥᐊᓗᖕᒥᒃ ᐊᑐᑦᑎᐊᕈᓐᓇᕐᓂᕐᒥᒃ ᑕᑯᒃᓴᐅᑎᑦᑎᔪᓂᒃ, ᓇᓗᓇᐃᕐᓗᒍ ᖃᓄᖅ:

  • ᐃᒥᐊᓗᖕᒥᑦ ᐊᑐᑦᑎᐊᖃᑦᑕᕐᓗᓂ ᐅᕝᕙᓘᓐᓃᑦ ᐃᒥᐊᓗᖃᑦᑕᙱᓪᓗᓂ ᐃᑲᔪᖅᑐᐃᔪᓐᓇᕐᒪᖔᑦ ᑎᒥᒥᑦ, ᐃᒃᐱᒋᔭᕐᒥᑦ ᐊᒻᒪ ᐅᒃᐱᕆᔭᖃᑦᑎᐊᕐᓂᕐᒥᒃ;
  • ᐃᓅᓯᕐᒥᓂ ᐊᒃᓱᕈᕐᓇᖅᑐᖅᓯᐅᕈᑎᒋᔭᒥᓂᒃ ᐊᔪᕐᓇᖅᑐᖅᓯᐅᕈᑎᒋᔭᒥᓂᓪᓗ ᑲᒪᒋᔭᖃᕐᓂᖅ ᐃᒥᐊᓗᙱᓪᓗᓂ; ᐊᒻᒪ
  • ᐃᒥᐊᓗᖕᒧᑦ ᐋᓐᓂᖅᑕᐅᕙᒃᑐᑦ ᐅᓄᕈᓐᓃᖅᐹᓪᓕᖁᓪᓗᒋᑦ ᐃᒥᐊᓗᒃᐸᒡᓗᓂ ᐊᑦᑕᕐᓇᖅᑕᐃᓕᒪᓗᓂ ᐊᒻᒪ ᑲᒪᑦᑎᐊᖅᐸᒡᓗᓂ.

ᑎᑎᕋᐅᔭᖅᑕᐅᔪᑦ ᖃᐅᔨᓴᖅᑕᐅᓚᐅᖅᐳᑦ ᒪᓕᒐᓕᐅᖅᑎᓂᑦ ᑭᕙᓪᓕᕐᒥ ᒪᓕᒃᑕᐅᓪᓗᑎᒃ ᑐᓴᖅᑎᑦᑎᑦᑎᐊᖅᑐᑦ, ᐃᓱᒪᒃᓴᖅᓯᐅᕈᑎᖃᑦᑎᐊᖅᑐᑦ ᑕᑯᔪᒥᓇᑦᑎᐊᖅᑐᓪᓗ.

12-ᓗᑎᒃ ᓵᓚᖃᓚᐅᖅᑐᑦ ᐅᑯᓇᙵᑦ ᑎᑎᕋᐅᔭᖅᑕᐅᓚᐅᖅᐳᑦ:

  • ᖃᒪᓂ'ᑐᐊᖅ: ᐳᕋᔅᑕᓐ M (ᐊᔪᙱᓐᓂᓕᒃ 6, ᓂᕈᐊᖅᑕᐅᓛᖑᖃᑕᐅᒋᓪᓗᓂ), ᓵᓕ A ᐊᒻᒪ ᑲᐃᕋ M (ᐊᔪᙱᓐᓂᓕᒃ 6) ᐊᒻᒪ ᕼᐊᐃᑎ D (ᐊᔪᙱᓐᓂᓕᒃ 7).
  • ᐃᒡᓗᓕᒑᕐᔪᒃ: ᐴᕐᑕ G (ᐊᔪᙱᓐᓂᓕᒃ 5) ᐊᒻᒪ ᐃᒪᓕ I (ᐊᔪᙱᓐᓂᓕᒃ 6).
  • ᓴᓪᓖᑦ: ᐊᓐᔨᓖᓇ N ᐊᒻᒪ ᓅᓚᓐ N (ᐊᔪᙱᓐᓂᓕᒃ 6).
  • ᓇᐅᔮᑦ: ᔭᓇᕖᕝ K (ᐊᔪᙱᓐᓂᓕᒃ 6) ᐊᒻᒪ ᒪᐃᒃ N (ᐊᔪᙱᓐᓂᓕᒃ 7).
  • ᑎᑭᕋᕐᔪᐊᖅ: ᑰᕐᕇᓐ O ᐊᒻᒪ ᕚᓗᕆ O (ᐊᔪᙱᓐᓂᓕᒃ 8).

ᓂᕈᐊᖅᑕᐅᓛᖑᖃᑕᐅᔪᖅ, ᐳᕋᔅᑕᓐ M $250−ᓂᒃ ᓂᐅᕕᕈᓐᓇᐅᑎᑖᕐᓂᐊᖅᐳᖅ ᑎᑎᕋᐅᔭᖅᑕᖓᓗ 2019 ᐅᓪᓗᖅᓯᐅᑎᐅᑉ ᖄᖓᓃᓪᓗᓂ, ᐊᒻᒪᓗᑦᑕᐅᖅ ᐅᓪᓗᖅᓯᐅᑎᐅᑉ ᑕᖅᑭᖓᑕ ᐃᓚᖓᓂ ᓴᖅᑭᔮᖅᑎᑕᐅᓗᓂ.

11-ᖑᔪᑦ ᓵᓚᖃᖅᑐᑦ $100-ᓂᒃ ᓂᐅᕕᕈᓐᓇᐅᑎᑖᕐᓂᐊᖅᐳᑦ ᑎᑎᕋᐅᔭᖅᑕᖏᓪᓗ 2019 ᐅᓪᓗᖅᓯᐅᑎᐅᑉ ᑕᖅᑭᖓᑕ ᐃᓚᖓᓂ ᓴᖅᑭᔮᖅᑎᑕᐅᓗᑎᒃ. ᑎᑎᕋᐅᔭᖃᑕᐅᓚᐅᖅᑐᓕᒫᑦ ᐃᓕᓐᓂᐊᖃᑎᒌᑦ ᐊᑭᖃᙱᑦᑐᒥᑦ ᐅᓪᓗᕈᒻᒥᓴᖃᖅᑎᑕᐅᓛᖅᑐᑦ ᐃᓕᓐᓂᐊᕐᓂᖅ ᐱᒋᐊᒃᑲᓐᓂᖅᐸᑦ ᖁᕕᐊᓱᒡᕕᒃ ᐊᓂᒍᖅᓯᒪᓕᖅᐸᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔮᓂᔅ ᖃᐅᓂᖅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᑮᓇᐅᔭᓕᕆᔨᒃᑯᑦ
867-975-6821
FinanceComs@gov.nu.ca