ᐅᖃᓚᐅᑎᓯᐅᑏᑦ

You are here

ᐃᓚᒌᓄᑦ ᐱᓂᕐᓗᖃᑦᑕᐅᑎᑦᑕᐃᓕᒪᓂᕐᒧᑦ ᐱᖁᔭᖅ

ᐃᓚᒌᓄᑦ ᐱᓂᕐᓗᖃᑦᑕᐅᑎᑦᑕᐃᓕᒪᓂᕐᒧᑦ ᐱᖁᔭᖅ

ᓄᕕᑉᐱᕆ 2006-ᒥᑦ, ᓄᓇᕗᒻᒥ ᓄᓇᓕᓐᓂᑦ ᐃᓄᓕᒫᖅᑎᑦᑎᓗᑎᒃ ᑐᓴᕋᓱᓚᐅᖅᑐᑦ, ᒪᓕᒐᓕᐅᕐᕕᖕᒥᑦ ᓂᕈᐊᑐᐃᓐᓇᐅᓚᐅᖅᑐᑦ ᑲᔪᓯᑎᑕᐅᓗᓂ ᐃᓚᒌᓐᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖅ.  ᒫᔾᔨ 1, 2008-ᖑᑎᓪᓗᒍ ᐊᑐᓕᓚᐅᖅᓯᒪᕗᖅ ᐃᓚᒌᓐᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖅ.  ᐱᔾᔪᑎᒋᓇᓱᐊᖅᑕᖓᑦ ᒪᓕᒐᐅᑉ ᓄᓇᕗᒻᒥᐅᓄᑦ ᐃᑲᔫᑎᐅᓇᓱᐊᖅᑐᑦ ᓄᖅᑲᖅᑎᑎᓯᒪᓂᕐᒧᑦ ᐊᒻᒪᓗ ᐱᓂᕐᓗᒃᑕᐅᖃᑦᑕᖁᓇᒋᑦ ᐊᑦᑕᕐᓇᖅᑐᒦᑎᓪᓗᒋᑦ ᐸᖅᑭᔭᐅᔪᑦ ᒪᓕᒋᐊᖃᕐᓗᑎᒃ ᐃᓄᐃᑦ ᐱᒻᒪᕆᐅᔪᖁᑎᖏᑎᒍᑦ ᐱᓕᕆᐊᖑᑦᑎᐊᕐᓗᓂ.  ᐃᓚᒌᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖅ ᐱᔪᒥᓇᖅᓯᑎᒃᑲᓐᓂᖅᑎᑦᑎᓇᓱᐊᖅᑐᖅ ᓄᓇᓖᑦ  ᓇᖕᒥᓂᖃᕈᑕᐅᕚᓪᓕᖅᐳᖅ ᐊᑲᐅᙱᓕᐅᕈᑎᓂᒃ, ᓴᙱᒃᑎᒋᐊᖅᑎᑦᑎᓪᓗᓂᓗ ᓄᓇᓕᓐᓂ ᐱᓕᕆᐊᖃᕈᓐᓇᕐᓂᕐᒥᑦ ᐊᑐᕐᓗᑎᒃ ᓄᓇᓕᖕᓂ ᐊᑐᒐᒃᓴᓂᑦ ᑲᒪᒋᔭᖃᕈᑎᒋᓗᒋᑦ ᐊᑲᐅᙱᓕᐅᕈᑎᒥᖕᓂᑦ. ᐊᐅᓚᑦᑎᐊᕈᑎᒋᓇᓱᐊᖅᑕᖓ ᐊᑑᑎᒋᓂᐊᖅᑕᖓᓗ ᐃᓚᒌᓄᑦ ᓂᖓᖅᑕᐅᑕᐃᓕᒪᑎᑦᑎᓂᕐᒧᑦ ᐱᖁᔭᖓ ᑐᕌᒐᕆᕚ ᐱᓂᕐᓗᖃᑦᑕᐅᑎᑦᑕᐃᓕᖁᓪᓗᒋᑦ ᐊᒻᒪ ᐱᓂᕐᓗᖃᑦᑕᐅᑎᔪᓐᓃᕐᔪᒥᓗᑎᒃ. 

ᑕᐃᑲᓂ ᐃᓚᒌᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖓᓂ ᑎᓴᒪᓂᒃ ᐃᑲᔫᑎᐅᔪᓐᓇᖅᑐᓂᒃ ᐊᑐᐃᓐᓇᖅᑕᖃᖅᐳᖅ: 

ᑐᐊᕕᕐᓇᖅᑐᒃᑯᑦ ᓴᐳᒻᒥᔭᐅᔾᔪᑎᒋᔭᐅᔪᓐᓇᖅᑐᖅ;
ᓄᓇᓕᖕᓄᑦ ᐃᑲᔫᑎᐅᓂᐊᖅᑐᓄᑦ ᐋᖅᑮᓇᓱᒍᑎ; 
ᐃᑲᔪᖅᑐᐃᔾᔪᑏᑦ; ᐊᒻᒪ
ᐊᑭᓕᖅᑕᐅᔪᓐᓇᐅᑎᒧᑦ ᑐᒃᓯᕋᐅᑦ.

ᓄᓇᓕᖕᓂᑦ ᒪᓕᒐᓕᕆᔩᑦ ᐱᓕᕆᕝᕕᖓ ᑲᒪᒋᔭᖃᕐᓂᐊᖅᑐᑦ ᐅᔾᔨᕈᓱᑦᑎᐊᕐᓗᑎᒃ ᓄᓇᕗᒻᒥᐅᑦ ᐊᑐᐃᓐᓇᖃᑦᑎᐊᕐᓗᑎᒃ ᐃᓚᒌᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖅ ᐊᑐᐃᓐᓇᖃᖅᑎᑦᑎᓲᖑᓗᑎᒃ ᐊᑐᖅᑕᐅᔪᓐᓇᖅᑐᓂ ᑕᕝᕙᓂ ᐱᖁᔭᕐᒥᑦ; ᑐᐊᕕᕐᓇᖅᑐᓂ ᓴᐳᒻᒥᔾᔪᑎᒥᑦ ᐊᒻᒪ ᓄᓇᓕᖕᓂᑦ ᑕᑯᖃᑕᑦᑎᑕᐃᓕᒪᔾᔪ, ᓄᓇᕗᓕᒫᒥᑦ.  ᓄᓇᓕᓐᓂᑦ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎᑦ ᐊᒻᒪ ᓄᓇᓕᓐᓂᑦ ᒪᓕᒐᓕᕆᔨᒻᒪᕇᑦ ᐃᑲᔪᕆᐊᖃᖅᐳᑦ ᐊᑐᐃᓐᓇᐅᑎᑦᑎᓗᑎᒃ ᓄᓇᕗᒻᒥᐅᓂᒃ ᑖᒃᑯᓂᖓ ᐊᑐᖅᑕᐅᔪᓐᓇᖅᑐᓂ.  ᐃᖅᑲᖅᑐᐃᔨᕋᓛᑦ ᐱᔭᒃᓴᖃᖅᑎᑕᐅᓪᓗᐊᑕᖅᐳᑦ ᐃᓚᒌᓄᑦ ᓂᖓᖅᑕᐅᑦᑕᐃᓕᒪᑎᑦᑎᓂᕐᒧᑦ ᐱᖁᔭᖓᓂ, ᐃᖅᑲᖅᑐᐃᔨᕋᓛᑦ ᓈᓚᖕᓂᖃᖅᑎᑦᑎᓗᑎᑦ ᑐᒃᓯᕋᐅᑎᓂᒡᓗ ᐊᔾᔨᒌᖏᑦᑐᓂ ᒪᓕᒐᕐᓂᑦ.  ᐊᔪᐃᓐᓇᕆᐊᑲᓐᓂᕈᑕᐅᑉᐸᑦ ᐃᖅᑲᖅᑐᐃᔨᕋᓛᓄᑦ ᐃᓱᒪᓕᐅᕈᑕᐅᔪᑦ ᑐᓴᖅᑕᐅᔪᓐᓇᖅᑐᑦ ᐃᖅᑲᖅᑐᐃᔨᒧᑦ ᓄᓇᕗᑦ ᐃᖅᑲᖅᑐᐃᕕᐊᓂ.