ᐅᖃᓚᐅᑎᓯᐅᑏᑦ

You are here

ᓄᓇᕗᒥ ᐱᖁᔭᕐᓂᒃ ᓇᓗᓇᐃᒃᑯᓯᖅᓱᐃᕕᒃ

ᒪᓕᒐᕐᓂᒃ ᓄᓗᓇᐃᖅᓯᕕᐅᑉ ᑎᑎᕋᕐᕕᖓ ᒪᒃᐱᖅᓯᒪᐃᓐᓇᕐᓂᐊᖅᑐᖅ ᑎᒥᙳᖅᑎᑕᐅᓯᒪᔪᓄᑦ ᑎᑎᕋᖅᑕᐅᔭᕆᐊᓕᖕᓄᑦ, ᑮᓇᐅᔭᓕᐅᕋᓱᐊᕈᑎᓄᑦ ᑎᑎᖅᑲᓄᑦ, ᐃᓄᖕᒨᖓᔪᓄᑦ, ᓇᓪᓕᐅᒃᑯᒫᓕᕆᔨᓄᑦ ᐊᒻᒪ ᐱᑖᖅᑎᑦᑎᔨᓄᑦ, ᐊᒻᒪ ᓄᓇᓕᕆᓂᕐᒧᑦ ᑕᐃᒎᓯᖅᑖᖅᑎᑦᑎᔨᓄᑦ.  ᑕᒪᐃᓐᓂᑲᓴᑦᑎᐊᖅ ᑎᑎᖅᑲᐃᑦ ᐊᑐᐃᓐᓇᐅᔪᑦ ᑕᖅᑲᐅᖓ ᐃᓄᖕᓄᑦ ᑕᕐᕋᓕᐅᕐᕕᐅᔪᓐᓇᖅᖢᑎᒡᓗ.

http://nunavutlegalregistries.ca/

 

ᑐᓴᖅᑕᐅᔭᕆᐊᖃᓪᓚᕆᒃᑐᖅ:

ᖃᐅᔨᓴᖅᑐᖃᕐᓂᐊᕐᓂᖓᓂᒃ ᑐᓴᖅᑎᑦᑎᔾᔪᑎ: ᐱᒋᐊᕐᕕᒃᓴᓕᒃ ᔪᓚᐃ 1, 2014

ᓄᓇᖁᑏᑦ ᐊᕕᑦᑐᖅᓯᒪᓂᖏᑕ ᖃᕆᓴᐅᔭᑎᒍᑦ ᑎᑎᕋᖅᑕᐅᓯᒪᓂᖏᑦ − ᓄᓇᕗᒻᒥ ᖃᕆᓴᐅᔭᒃᑯᑦ ᐊᑎᓕᐅᖃᑕᐅᓂᕐᒧᑦ ᑎᑎᕋᕐᕕᒃ ᐊᑐᐃᓐᓇᐅᓕᖅᑐᖅ.

ᓄᑖᙳᕆᐊᖅᓯᒪᓕᕋᑦᑕ ᐃᕐᖐᓐᓈᖅᑕᐅᑎᒃᑯᑦ ᐃᑭᐊᖅᑭᕕᒃᑯᓪᓗ ᐱᔪᒪᖃᑕᐅᓂᕐᒧᑦ ᑎᑎᕋᕐᓇᖅᓯᔪᖅ!

 

ᑯᐊᐳᕇᓴᐅᔪᑦ ᐊᑎᓕᐅᕐᓂᖏᑦ

ᑯᐊᐳᕇᓴᐅᔪᑦ ᐊᑎᓕᐅᕐᓂᖏᑦ ᐱᓕᕆᐊᖃᕐᒪᑕ ᑎᑎᖅᑲᑎᒍᑦ ᐃᓕᓴᖅᓯᔭᕆᐊᖃᖅᖢᑎᒃ ᐱᓇᓱᐊᕐᕕᐅᔪᓂᒃ ᑯᐊᐳᕇᓴᓂᒃ, ᑯᐊᐸᐅᔪᓄᑦ ᐊᒻᒪ ᑎᒥᖁᑎᒋᔭᐅᔪᓄᑦ ᐊᒻᒪᓗ ᐃᓕᓴᕆᔭᐅᔭᕆᐊᓕᖕᓂᒃ ᑎᒥᙳᖅᑎᑕᐅᓯᒪᔪᓂᒃ ᐊᓯᖏᓐᓂ ᓄᓇᓃᑦᑐᓂᒃ ᑭᓯᐊᓂ ᓄᓇᕗᒻᒥᐅᓄᑦ ᓇᖕᒥᓂᕆᔭᐅᓪᓗᑎᒃ. ᓇᖕᒥᓂᖃᕐᓂᕐᒧᑦ ᑲᑐᔾᔨᖃᑎᒌᑦ, ᐱᓕᕆᐊᖃᕐᓂᕐᒧᑦ ᑎᒥᐅᔪᑦ ᐊᒻᒪᓗ ᑮᓇᐅᔭᓕᐅᕋᓱᐊᖅᑏᑦ ᐊᑎᖏᑦ ᑕᕝᕙᓂ ᑎᑎᕋᖅᓯᒪᖃᑕᐅᓲᑦ.

 

ᓇᖕᒥᓂᖅ ᐱᖁᑎᒋᔭᓄᑦ ᓇᓗᓇᐃᕐᕕᒃ

ᐱᖁᑎᒥᒃ ᓂᐅᕕᖅᑐᑦ (ᓇᖕᒥᓂᕆᓗᒍ ᓄᓇᐅᙱᓪᓗᓂ) ᐊᑐᖅᑐᐊᖅᑎᑦᑎᓲᓪᓗ ᑮᓇᐅᔭᓂᒃ ᐱᖁᑎᖏᑦ ᐃᓇᖏᐅᑎᓕᐊᖑᔪᓐᓇᖅᖢᑎᒃ, ᓴᐳᑎᔪᓐᓇᖅᐸᐃᑦ ᐱᖁᑎᒋᔭᖏᑦ ᑎᑎᖅᑲᑎᒍᑦ ᓇᓗᓇᐃᕐᓗᒋᑦ ᑕᕝᕙᓂ ᓇᖕᒥᓂᖅ ᐱᖁᑎᒋᔭᓄᑦ ᓇᓗᓇᐃᕐᕕᖕᒧᑦ.

ᓄᓇᐃᑦ ᐱᔪᓐᓇᐅᑎᖃᕐᕕᒋᔭᐅᔪᑦ ᑎᑎᕋᕐᕕᐊ

ᑖᓐᓇ ᑎᑎᕋᕐᕕᒃ ᐱᓕᕆᐊᖃᖅᑐᖅ ᓄᓇᒥᒃ ᓂᐅᕕᖅᑕᐅᓯᒪᔪᓂᒃ ᐊᒻᒪᓗ ᐊᑐᖅᑐᐊᖅᐸᒃᑐᓂᒃ ᓄᓇᒥ ᐊᒻᒪᓗ ᐃᒡᓗᖃᕐᕕᐅᔪᓂ. ᐃᓕᓴᕆᔭᐅᔾᔪᑎᖃᖅᑐᑦ ᓄᓇᒥᒃ ᓇᖕᒥᓂᖃᕐᓂᕐᒥᒃ ᐃᓄᖓᓄᑦ ᓇᓗᓇᐃᒃᑯᑕᐅᕗᖅ ᐱᖃᖅᑎᐅᓂᖓᓂᒃ ᓄᓇᐅᑉ ᑐᙵᕕᖓᓂᒃ, ᖃᓅᔭᕆᐊᖃᖅᑎᑕᐅᔪᓄᑦ ᓴᐳᑎᔭᐅᔪᓐᓇᖅᖢᑎᒃ ᐃᓕᓴᕆᔭᐅᔾᔪᑎᖃᑐᐊᕈᑎᒃ ᓇᖕᒥᓂᖃᖅᑎᐅᓂᖏᓐᓂᒃ.

ᑎᑎᕋᕐᕕᒃ ᐊᖏᔪᖅᑳᖅ ᐅᐊᑦᑎᔨᓄᑦ

ᑖᓐᓇ ᑎᑎᕋᕐᕕᒃ ᐱᓕᕆᐊᖃᖅᑐᖅ ᑭᓱᑐᐃᓐᓇᕐᓄᑦ ᓴᐳᔾᔨᔪᓐᓇᖅᖢᑎᒃ ᐃᒫᒃ:

ᐱᔪᓐᓇᐅᑎᑖᖅᑎᑦᑎᓂᖅ ᑎᒍᒥᐊᖅᑎᐅᔪᓂᒃ ᐊᒻᒪ ᓂᐅᕕᐊᒃᓴᖃᓲᓂᒃ;
ᑎᒥᐅᔪᖅ ᑎᑎᖅᑲᐅᑎᒥᓂᒃ ᓴᖅᑭᑎᔭᕆᐊᖃᖅᑐᖅ ᐱᓕᕆᐊᖏᑕ ᐃᓗᓕᖏᓐᓂᒃ ᑮᓇᐅᔭᐃᓪᓗ ᐱᕙᓪᓕᐊᔾᔪᑎᖏᓐᓂᒃ ᓇᓗᓇᐃᖅᓯᖅᑳᕆᐊᖃᖅᑐᖅ ᓂᐅᕐᕈᑎᖃᓚᐅᙱᓐᓂᕐᒥᓂ ᓇᖕᒥᓂᖁᑎᒥᓂᒃ ᑎᒍᒥᐊᖅᑎᐅᖃᑕᐅᔾᔪᑎᖏᓐᓂᒡᓘᓐᓃᑦ ᑕᖅᑲᐅᖓ ᑭᓇᑐᐃᓐᓇᕐᒧᑦ (ᓇᓗᓇᐃᖅᓯᒐᓗᐊᕐᒪᖔᖅ ᑕᒪᐃᓐᓂᒃ ᓇᐅᑦᑎᖅᓱᖅᑕᐅᓲᖅ ᐃᖅᑲᓇᐃᔭᖅᑐᓄᑦ); ᐊᒻᒪᓗ
ᑎᒍᒥᐊᖅᑎᐅᔪᒥᒃ ᑮᓇᐅᔭᖅᑎᑦᑎᔨᐅᔪᒥᒡᓘᓐᓃᑦ ᐃᓕᓐᓂᐊᖅᑎᑦᑎᓂᖅ.