You are here

ᐃᖅᑲᓇᐃᔮᑦ ᐃᖅᑲᓇᐃᔮᒃᓴᐃᓪᓗ ᐅᒃᑯᐃᖓᔪᑦ ᓄᓇᕗᒻᒥᑦ ᐃᑲᔪᖅᑕᐅᕕᓕᕆᔨᒃᑯᓐᓂᑦ

ᐊᒐᓯ 15, 2022

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐃᖅᑲᓇᐃᔮᑦ ᐃᖅᑲᓇᐃᔮᒃᓴᐃᓪᓗ ᐅᒃᑯᐃᖓᔪᑦ ᓄᓇᕗᒻᒥᑦ ᐃᑲᔪᖅᑕᐅᕕᓕᕆᔨᒃᑯᓐᓂᑦ

ᐱᓇᓱᐊᕈᒪᕖᑦ ᐊᒃᓱᕈᓐᓇᖅᑐᒥᑦ ᐱᕚᓪᓕᕈᑕᐅᔪᓐᓇᖅᑐᒥᓪᓗ ᐃᖅᑲᓇᐃᔮᕐᒥ ᐃᑲᔪᕈᒪᓂᖃᕐᓂᕐᒧᑦ ᐊᓯᖕᓄᑦ?

ᓄᓇᕗᒻᒥᑦ ᐃᑲᔪᖅᑕᐅᕕᓕᕆᔨᒃᑯᑦ ᐃᖅᑲᓇᐃᔭᕐᑎᑖᕈᓐᓇᕐᓯᔪᑦ ᐃᓕᖕᓂᑦ! ᐃᑲᔪᖅᑕᐅᕕᓕᕆᔩᑦ ᒪᓕᒐᓕᕆᔨᒃᑯᓐᓂᑦ ᒪᓂᒪᐃᕗᖅ ᐃᖅᑲᓇᐃᔮᒃᓴᓂ ᐃᖅᑲᓇᐃᔮᓂᓪᓗ ᐱᓕᕆᔨᒃᓴᓂ, ᐃᓅᓯᓕᕆᔨᓂ, ᐋᓐᓂᐊᓯᐅᑎᓂᑦ, ᓂᕿᓕᐅᕐᑎᓂᑦ, ᐃᓕᓴᐃᔨᓂᓪᓗ ᑐᓴᖅᑎᑦᑎᔪᓐᓇᕐᑐᐃᑦ ᖃᐅᔨᒪᔭᒥᓂᒃ. ᐃᑲᔪᖅᑕᐅᕕᓕᕆᔩᑦ ᐱᔨᑦᑎᕋᖃᑦᑕᕐᐳᑦ ᐱᔨᑦᑎᕆᐊᓕᖕᓂᑦ ᖃᓄᐃᑦᑐᑐᐃᓐᓇᕐᓂ ᐊᕐᕌᒍᓕᖕᓂᑦ ᐃᖅᑲᖅᑐᕐᑕᐅᓯᒪᔪᓂ ᓄᓇᕗᒻᒥᑦ ᒪᓕᒐᓕᕆᔨᒃᑯᓪᓗ ᐱᔨᑦᑎᕐᐸᒃᖢᑎᒃ ᓄᓇᕗᒻᒥᑦ.

ᑖᒃᑯᐊ ᐃᑲᔪᖅᑕᐅᕕᓕᕆᔩᑦ ᒪᓂᒪᐃᖃᑦᑕᕐᐳᑦ ᐱᓇᓱᐊᕈᓯᓄ 7−ᓄᑦ ᐊᑭᓕᕐᓱᖅᑕᐅᓪᓗᑎᒃ ᐱᓕᒻᒪᒃᓴᕐᖢᑎᒃ ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᑎᓂᖕᓂᓪᓗ ᐃᖅᑲᓇᐃᔮᓂ ᐃᑲᔪᖅᑕᐅᕕᖕᒥᑦ ᒪᒥᓴᕐᕕᖕᒥᑦ ᐃᖃᓗᖕᓂᑦ, ᑲᖏᖅᖠᓂᖕᒥᑦ ᖁᕐᓗᖅᑑᒥᓪᓗ.

ᐊᔪᕈᓐᓃᕋᔭᕐᑐᑎᑦ ᐱᓕᕆᓂᒃᑯᑦ ᐃᑲᔪᖅᑕᐅᕕᓕᕆᔨᒃᑯᓐᓂᑦ ᓅᑕᒃᓴᐅᑦᑎᐊᕐᑐᓂᑦ ᐱᕙᓪᓕᐊᑎᓪᓗᒍᓗ ᐃᖅᑲᓇᐃᔮᑦ ᒪᓂᒪᔪᑦ ᑕᒪᐃᓐᓂᒃ ᒐᕙᒪᒃᑯᓐᓂᑦ ᐃᓛᒃᑰᕐᑐᓂᓪᓗ.

ᐃᖅᑲᓇᐃᔭᕈᒪᒍᕕᑦ ᐃᑲᔪᖅᑐᓂ ᐊᓯᖏᓐᓂᑦ ᓴᙱᒃᑎᒋᐊᕐᓗᒍᓗ ᓄᓇᓕᕗᑦ, ᐅᕗᙵᐅᓗᑎᑦ https://www.gov.nu.ca/iu/maligalirijikkut/information/ikajuqtauvilirijiit.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᑎᑦ ᐃᑲᔪᖅᑕᐅᕕᓕᕆᔨᒃᑯᓐᓄ ᐅᕗᖓ CorrectionsCareers@gov.nu.ca ᐅᖃᓗᒃᓗᑎᓪᓘᓐᓃᑦ (867) 975-6500.

###

ᑐᓴᒐᒃᓴᓕᕆᔨᑦ: 

ᐲᑕ ᕙᐅᒐ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
(867) 975-6369
pvarga@gov.nu.ca