ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᐱᕋᔭᒡᕕᐅᓯᒪᔪᑦ ᐊᓂᒍᐃᓯᒪᔪᓪᓗ ᐱᓇᓱᐊᕈᓯᖓ

ᒪᐃ 28, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑲᓇᑕᓕᒫᒥ ᐱᕋᔭᒡᕕᐅᓯᒪᔪᑦ ᐊᓂᒍᐃᓯᒪᔪᓪᓗ ᐱᓇᓱᐊᕈᓯᖓ

ᒪᐃ 27−ᒥ ᔫᓂ 2-ᒧᑦ, 2018 ᑲᓇᑕᓕᒫᒥ ᐱᕋᔭᒡᕕᐅᓯᒪᔪᑦ ᐊᓂᒍᐃᓯᒪᔪᓪᓗ ᐱᓇᓱᐊᕈᓯᒋᔭᐅᓂᐊᕐᒪᑦ, ᑕᐃᔭᐅᕙᓚᐅᕆᓪᓗᓂ ᑲᓇᑕᓕᒫᒥ ᐱᕋᔭᒡᕕᐅᓯᒪᔪᑦ ᐅᔾᔨᕆᔭᐅᖁᓪᓗᒋᑦ ᐱᓇᓱᐊᕈᓯᕐᒥ.

ᑕᒪᑐᒪᓂ ᐊᕐᕌᒍᒥ ᐃᖅᑲᐅᒪᔭᐅᕗᑦ ᑭᙴᒪᒋᔭᐅᔪᑦ ᐃᓄᐊᖅᑕᐅᓯᒪᔪᓪᓗ ᐊᕐᓇᐃᑦ ᓂᕕᐊᖅᓵᓪᓗ ᐊᓯᖏᓪᓗ ᐱᕋᒡᕕᐅᓯᒪᔪᑦ ᐊᓂᒍᐃᓯᒪᔪᓪᓗ.

ᒪᓕᒐᓕᕆᔨᒃᑯᑦ ᓄᓇᕗᒻᒥᐅᓂᒃ ᐃᖅᑲᐃᓯᔪᒪᕗᑦ ᐱᕋᔭᒃᑕᕕᓂᐅᔪᓄᑦ ᐱᔨᑦᑎᕋᐅᑏᑦ ᐊᑐᐃᓐᓇᐅᖕᒪᑕ ᓄᓇᕘᓕᒫᒥ ᐊᔾᔨᒌᙱᑦᑐᓂᒃ ᐃᑲᔪᖅᑐᐃᔾᔪᑎᒃᓴᓂᒃ ᒪᓂᒪᑎᑦᑎᓪᓗᑎᒃ ᐱᕋᔭᒡᕕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐊᒻᒪ ᓇᒡᓕᒋᔭᖏᓐᓄᑦ. ᐅᑯᐊᓗ ᑐᑭᓯᒋᐊᒃᑲᓐᓂᕈᓐᓇᕐᓂᕐᒧᑦ ᐃᓕᓐᓂᐊᒐᒃᓴᐃᓪᓗ, ᐊᒻᒪ ᑮᓇᐅᔭᑦ ᐃᑲᔫᑎᒃᓴᑦ ᐊᒃᑐᖅᑕᐅᓯᒪᔪᓄᑦ ᖃᖓᑦᑕᐅᑏᑦ ᐱᕋᔭᒃᑕᐅᓯᒪᔪᓪᓗ ᐃᑲᔫᑎᖏᑦ ᑮᓇᐅᔭᑦ ᐊᑐᖅᖢᒋᑦ.

ᑐᑭᓯᒋᐊᕈᑎᒃᓴᑦ ᑲᑎᓯᒪᔪᑦ ᑲᓇᑕᒥ ᐱᕋᔭᒃᑕᐅᓯᒪᔪᑦ ᐱᔪᓐᓇᐅᑎᖏᑦ ᐊᒻᒪ ᐃᖅᑲᖅᑐᐃᕕᓕᕆᓂᖅ ᐱᔾᔪᑎᒋᓪᓗᒋᑦ, ᐊᒻᒪᓗᑦᑕᐅᖅ ᐱᔨᑦᑎᕋᐅᑎᒋᔭᐅᕙᒃᑐᑦ ᑎᑎᕋᖅᓯᒪᔪᑦ ᐊᑐᓂ ᐊᕕᒃᑐᖅᓯᒪᔪᓂ ᐊᑐᐃᓐᓇᐅᕗᑦ ᓄᓇᓕᓕᒫᓂᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᒃᑐᖅᑕᐅᓯᒪᔪᓄᑦ ᐱᔨᑦᑎᕋᖅᑏᑦ ᖃᐅᔨᒋᐊᕐᕕᒋᔪᓐᓇᖅᑕᑎᑦ ᐅᖄᓚᕝᕕᒋᓗᒋᑦ 1-866-456-5216−ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᕕᒋᓗᒋᑦ VictimServices@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᑎᐅᓪᑕ ᒥᑕᑭᐅᕙᒻᐸ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6325
mmadekufamba@gov.nu.ca