ᐅᖃᓚᐅᑎᓯᐅᑏᑦ

You are here

ᒪᒃᐱᖅᑕᐅᓂᖓ ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃ

ᓯᑎᐱᕆ 08, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᒪᒃᐱᖅᑕᐅᓂᖓ ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 8, 2021) − ᐅᓪᓛᖅ ᒪᒃᐱᖅᑕᐅᓂᐊᓕᕐᒪᑦ ᑭᔾᔭᖅᑕᐅᖅᑲᐅᔪᖅ, ᐊᐅᓚᑕᐅᓪᓗᓂ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ ᔪᐊᔾ ᕼᐃᒃᔅ−ᒧᑦ, ᓇᓗᓇᐃᖅᓯᖅᑲᐅᖕᒪᑦ ᒪᒃᐱᖅᑕᐅᓂᖓᓂᒃ ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃ ᐃᖃᓗᖕᓂ.

"ᐅᐱᒍᓱᑦᑎᐊᖅᑐᖓ ᖁᕕᐊᓱᖃᑕᐅᔪᓐᓇᕋᒪ ᒪᒃᐱᖅᑕᐅᑎᓪᓗᒍ ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃ ᐃᖃᓗᖕᓂ", ᐅᖃᓚᐅᖅᐳᖅ ᒥᓂᔅᑕ ᕼᐃᒃᔅ. "ᖁᔭᓕᔪᒪᒐᒃᑭᑦ ᐃᓐᓇᐃᑦ ᐅᖃᐅᔾᔨᒋᐊᖅᑎᓄᑦ ᑲᑎᒪᔨᕋᓛᑦ ᐃᓚᐅᔪᓐᓇᑦᑎᐊᓚᐅᕐᒪᑕ ᐊᑎᖅᓯᓇᓱᒃᑎᓪᓗᑕ ᐃᑲᔪᖅᑕᐅᕕᖕᒥ ᖃᐅᔨᒪᔨᑕᐅᓪᓗᑎᒡᓗ ᐃᓕᖅᑯᓯᕆᔭᐅᔪᒃᑯᑦ ᓈᒻᒪᒋᔭᐅᔪᓂᒃ ᐱᓕᕆᕝᕕᐅᒐᓗᐊᕐᒪᖔᑦ ᐃᑲᔪᖅᑕᐅᒋᐊᓕᖕᓄᑦ. ᐋᖅᑭᒋᐊᕐᕕᒃ ᑐᑭᖃᖅᑐᖅ ᐃᑲᔪᖅᑕᐅᕕᒃ ᐱᕚᓪᓕᕋᓱᒡᓗᓂ ᐃᓅᓯᕐᒥᒃ, ᐱᔾᔪᑎᒋᓗᒋᑦ ᓂᕆᐅᒋᔭᕗᑦ ᑖᓐᓇ ᐃᑲᔪᖅᑕᐅᕕᒃ ᐃᓂᒋᔭᐅᔪᓐᓇᖅᓯᓗᓂ ᐃᑲᔪᖅᑕᐅᒋᐊᓕᑦ ᒪᓕᒍᓐᓇᖅᓯᓗᑎᒃ ᐊᖅᑯᑎᒥᒃ ᖃᓄᐃᙱᑦᑎᐊᕐᓂᖅᓴᒧᑦ ᐃᓅᓯᖃᕐᓂᕐᒧᑦ ᐱᕋᔭᒃᑐᖃᓚᐅᙱᓪᓗᓂ".

ᐱᓕᕆᔾᔪᓯᖅ 1 ᐱᓕᕆᐊᕐᒥ ᐱᐊᓂᒃᑕᐅᓯᒪᓕᖅᑐᖅ ᐃᒡᓕᖃᖅᑐᖅ 112−ᓂᒃ ᐃᓇᖏᐅᑎᓪᓗᑎᒃ ᓄᑕᐅᙱᑦᑐᖅ ᐃᑲᔪᖅᑕᐅᕕᖕᒧᑦ, ᓴᓇᔭᐅᓚᐅᖅᓯᒪᔪᖅ 1986-ᒥ. ᐱᓕᕆᔾᔪᓯᖅ 2 ᐱᓕᕆᐊᖅ ᐱᒋᐊᖅᑕᐅᓂᐊᖅᑐᖅ ᐅᑭᐊᒃᓵᖅ, ᓄᑖᙳᕆᐊᖅᑕᐅᓗᓂ ᐃᑲᔪᖅᑕᐅᕕᑐᖃᖅ ᐃᓕᓐᓂᐊᕐᕕᙳᖅᑎᓪᓗᒍ, ᑎᑎᕋᕐᕕᖃᓕᕐᓗᒍ ᐊᒻᒪ ᓄᑖᕐᒥ ᐃᒐᕝᕕᖃᕐᓗᒍ ᐅᓄᕐᓂᖅᓴᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᓂᒋᔭᐅᔪᓐᓇᖅᑐᑦ.

ᓄᑖᖑᓪᓗᓂ ᐊᑯᓐᓂᖅᓱᖅᑐᖅ ᐊᒻᒪ ᐅᓄᓛᖃᕈᓐᓇᕐᓗᓂ ᐃᑲᔪᖅᑕᐅᕕᒃ ᐃᓚᖃᖅᐳᖅ ᑕᓪᓕᒪᓂᒃ ᐊᓯᐊᒍᖔᖅ ᐃᓄᒃᑯᕕᖕᓂᒃ, ᐃᖃᐃᓕᓴᕐᕕᖃᕐᓗᓂ, ᐋᓐᓂᐊᕕᖃᕐᓗᓂ, ᐊᒻᒪ ᐃᓐᓇᒃᑯᕕᒃᑕᖃᕐᓗᓂ. ᖃᔅᓰᓐᓇᑦ ᐃᑲᔪᖅᑕᐅᒋᐊᓕᑦ ᐊᓯᐊᓄᐊᖅᑕᐅᖃᑦᑕᕆᐊᖃᕐᓂᐊᖅᑐᑦ ᖃᓪᓗᓈᓄᑦ ᐊᓄᓪᓚᒃᓰᕕᖕᓄᑦ, ᑐᑭᖃᖅᑐᖅ ᐃᓚᒥᓄᑦ ᖃᓂᑦᑐᒦᓐᓂᖅᓴᐅᓗᑎᒃ, ᐃᓅᓯᓕᕆᔭᐅᔪᓐᓇᕐᓗᑎᒃ, ᓂᕿᑐᕈᓐᓇᕐᓗᑎᒃ ᐊᒻᒪ ᐃᓕᖅᑯᓯᕆᔭᐅᔪᒃᑯᑦ ᐱᐅᓯᖃᖅᑎᑕᐅᔪᓐᓇᕐᓗᑎᒃ. ᓄᑖᖑᓪᓗᓂ ᐃᑲᔪᖅᑕᐅᕕᒃ ᐊᑐᐃᓐᓇᐅᑎᑦᑎᖕᒥᔪᖅ ᒫᓐᓇᓕᓴᕐᒥᒃ ᐱᐅᑦᑎᐊᖅᖢᑎᒃ ᐱᓕᕆᔾᔪᓯᕐᓂᒃ, ᐃᓚᒋᔭᐅᓪᓗᑎᒃ ᑎᒥᒃᑯᑦ ᑭᓱᓂᒃ ᓇᒃᓴᙱᒃᑲᓗᐊᕐᒪᖔᑕ ᖃᐅᔨᓴᕈᑎᓂᒃ, ᑕᕐᕆᔭᐅᓯᐅᕈᑎᒃᑯᑦ ᐅᖃᓪᓚᖃᑎᒌᒍᓯᕐᓂᒃ ᐊᒻᒪ ᓄᑖᕐᒥᒃ ᐅᖃᓗᒡᕕᒃᓴᒥᒃ ᑎᒍᔭᐅᓯᒪᔪᓄᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca