You are here

ᓄᓇᕗᑦ ᒐᕙᒪᖓ ᓴᖅᑭᑦᑎᕗᖅ ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᕐᒥᑦ

ᓄᕕᐱᕆ 24, 2022

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᓇᕗᑦ ᒐᕙᒪᖓ ᓴᖅᑭᑦᑎᕗᖅ ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᕐᒥᑦ

ᓄᓇᓕᖕᓂ ᒪᓕᒐᓕᕆᔨᒃᑯᑦ ᒪᓕᒐᓕᕆᔨᒃᑯᓐᓂᑦ ᐅᓄᕈᓐᓃᕆᐊᖅᑎᑦᑎᓇᓱᐊᖅᐳᑦ ᐋᓐᓂᕈᑕᐅᕙᒃᑐᓂᑦ ᖃᓄᐃᔾᔪᑕᐅᕙᒃᑐᓂᓪᓗ ᖁᑭᐅᑎᓄᑦ ᐊᑐᖅᖢᒍᑦ ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ − ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᖅ.

ᐅᓇ ᐃᓕᓐᓂᐊᕈᑎ ᑐᕌᖓᔪᖅ ᐅᔾᔨᖅᓱᓕᖅᐹᓪᓕᕐᑎᑦᑎᓂᖕᒧᑦ ᑲᔪᖏᖅᑕᐅᓂᖕᒥᓪᓗ ᐊᑦᑕᕐᓇᙱᑦᑐᒥ ᐊᑐᕐᓂᖅ, ᑲᒪᒋᔭᖃᕐᓂᖅ, ᑐᖅᑯᐃᓂᕐᒥᓪᓗ ᖁᑭᐅᑎᓂ ᓄᓇᕗᒻᒥᑦ. ᑕᒡᕘᓇ ᑐᕌᒐᕆᔭᒃᑯᑦ, ᐃᑲᔫᑎᔅᓴᑦ ᓇᒃᓯᐅᑎᔭᐅᓂᐊᕐᑐᑦ ᖁᕝᕙᖅᐹᓪᓕᕋᓱᒃᓗᒍ ᐊᑦᑕᕐᓇᖅᑕᐃᓕᒪᓂᖅ ᐊᒻᒪᓗ ᐱᕐᕈᓗᐊᕿᙱᓐᓂᕐᓴᐅᓗᑎᒃ ᖁᑭᐅᑎᓄᑦ.

ᐱᓕᕆᖃᑎᒋᓪᓗᒋᑦ ᖁᑭᐅᓯᕆᓂᕐᒥᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᓂᕐᒧᑦ ᑎᑎᕋᕐᕕᖕᒥᐅᑦ, ᐃᓵᒃᓯᒪᒋᑦ ᐃᓅᓯᕐᒥ ᑲᑎᒪᔨᖏᑦ, ᓄᓇᓕᖕᓂ ᒪᓕᒐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓕᓐᓂᐊᕐᓂᓕᕆᔨᒃᑯᑦ, ᐊᒻᒪ ᐱᕈᕐᕕᒃᑯᑦ, ᖁᑭᐅᓯᕆᓂᕐᒧᑦ ᐅᔾᔨᕈᓱᑦᑎᐊᕆᐊᖃᕐᓂᕐᒧᑦ ᐱᓕᕆᔾᔪᓰᑦ ᐅᑯᓂᖓ ᐃᓚᖃᕐᓂᐊᖅᑐᑦ:  

  • ᐱᓯᒪᒃᖠᕐᓂᖅ ᐊᒻᒪ ᐸᐸᑦᑎᓂᖅ ᐱᔪᓐᓇᐅᑎᓂᒃ ᐃᓕᓐᓂᐊᒐᒃᓴᑦ ᐸᖕᓂᖅᑑᒥ;
  • ᓯᐊᒻᒪᒃᑎᖅᑕᐅᓂᖏᑦ ᐃᓕᓐᓂᐊᖅᑎᑦᑎᔾᔪᑎᒃᓴᑦ ᐊᒻᒪ ᐱᕚᓪᓕᕈᑎᒃᓴᑦ ᐱᓕᕆᔾᔪᑎᑦ ᓄᓇᕘᓕᒫᒥ; 
  • ᖁᑭᐅᓯᕆᓂᕐᒧᑦ ᐊᑦᑕᕐᓇᖅᑐᒦᑎᑦᑎᑦᑕᐃᓕᓂᕐᒧᑦ ᐅᔾᔨᕈᓱᓕᖅᑎᓪᓗᒋᑦ ᐱᒃᑯᓴᐅᔾᔪᐊᖅᑐᑦ ᐃᓕᓐᓂᐊᕐᕕᖕᓂ ᐸᖕᓂᖅᑑᒥ;
  • ᓄᓇᓕᖕᓂ ᐱᓕᕆᐊᑦ ᐊᒻᒪ ᐅᖃᐅᓯᒃᓴᑦ, ᐱᓕᕆᖃᑎᒋᓪᓗᒋᑦ ᐸᓖᓯᒃᑯᑦ ᐊᒻᒪ ᓄᓇᓕᖕᓂ ᒪᓕᒐᓕᕆᔨᒃᑯᓐᓂ ᐱᑖᖃᑕᐅᓯᒪᔪᑦ;

ᓯᐊᒻᒪᒃᑎᖅᑕᐅᓂᖏᑦ ᐸᑭᓂᒐᖏᓐᓄᑦ ᑮᒃᑕᐅᑎᑦ ᓇᒧᕈᓘᔭᖅ ᓄᓇᕗᒻᒥ, ᐱᓕᕆᖃᑎᒋᓗᒋᑦ ᖁᑭᐅᓯᕆᔨᒃᑯᑦ ᐊᑦᑕᕐᓇᖅᑎᑦᑎᑦᑕᐃᓕᓂᕐᒧᑦ ᑎᙱᕋᕐᕕᖕᒥᐅᑕᑦ. 

ᑐᑭᓯᒋᐊᒃᑲᓐᓂᕈᒪᒍᔅᓯ ᖁᑭᐅᓯᕆᑦᑎᐊᕈᓐᓇᕐᓂᕐᒥᒃ ᓄᓇᕗᒻᒥ, ᐅᑯᓄᖓ ᖃᐅᔨᒋᐊᖃᑦᑕᖁᔭᐅᕗᓯ firearmsafety@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca