ᐅᖃᓚᐅᑎᓯᐅᑏᑦ

You are here

ᓱᕋᒃᑕᑦ ᕿᑭᖅᑖᓗᖕᒥᑦ ᐃᑲᔪᖅᑕᐅᕕᐊᓂᑦ

ᔫᓂ 21, 2018

ᐅᖃᐅᓯᒃᓴᑦ 

ᓱᕋᒃᑕᑦ ᕿᑭᖅᑖᓗᖕᒥᑦ ᐃᑲᔪᖅᑕᐅᕕᐊᓂᑦ 

ᓂᕈᐊᖅᑕᐅᓯᒪᔪᖅ ᔩᓂ ᐃHᐊᓗᐊᒃ, ᒥᓂᔅᑕ ᒪᓕᒐᓕᕆᔨᒃᑯᓐᓄᑦ, ᐅᓪᓗᒥᑦ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ: 

"ᖃᓄᐃᓕᐅᖅᑐᖃᓚᐅᖕᒪᑦ ᕿᑭᖅᑖᓘᑉ ᐃᑲᔪᖅᑕᐅᕕᐊᓂᑦ ᐅᓐᓄᐊᖓᓂᑦ ᔫᓐ 20, 2018−ᒥᑦ, ᖃᔅᓯᒐᓚᐃᑦ ᑎᒍᔭᐅᒪᔪᑦ ᒪᑦᑐᑎᓚᐅᖅᑎᓪᓗᒋᑦ ᐃᓚᖓᓐᓂᑦ ᐃᑲᔪᖅᑕᐅᕕᐅᑉ ᓱᕋᒃᑎᕆᔪᒻᒪᕆᐅᓪᓗᑎᒃ ᓵᓕᐅᓂᕋᖅᑕᐅᔪᒥᑦ. ᓄᖅᑲᖅᑎᑕᐅᓚᐅᖅᑐᑦ ᐋᓐᓂᖅᑐᖃᕋᓂ ᑎᒍᔭᐅᒪᔪᓄᑦ ᐃᖅᑲᓇᐃᔭᖅᑎᓄᓪᓘᓐᓃᑦ ᐃᑲᔪᖅᑎᒌᖕᓂᒃᑯᑦ ᐃᑲᔪᖅᑕᐅᕕᓕᕆᔨᒃᑯᓐᓂᑦ ᐸᓖᓯᒃᑯᓐᓂᓪᓗ. ᖃᑦᑎᕆᔩᑦᑕᐅᖅ ᐅᐸᒃᓯᒪᓚᐅᖅᑐᑦ ᖃᓄᐃᓕᐅᖅᑐᖃᖅᑎᓪᓗᒍ ᐅᐸᓗᖓᐃᔭᖅᓯᒪᓪᓗᑎᒃ, ᑭᓯᐊᓂ ᐃᓯᕆᐊᖃᓚᐅᙱᑦᑐᑦ. 

ᐋᖅᑭᒃᓱᕆᐊᑐᓂᐊᖅᑐᑦ ᐃᑲᔪᖅᑕᐅᕕᐅᑉ ᓵᓕᐅᓂᕋᖅᑕᐅᔪᒧᑦ. ᒫᓐᓇᐅᔪᕐᓕ, ᒪᓕᒐᓕᕆᔨᒃᑯᑦ ᕿᓂᖅᑐᑦ ᓅᑦᑎᓂᐊᕐᓗᑎᒃ ᐃᓂᑖᕐᑎᑦᑎᓗᑎᒡᓗ ᑎᒍᔭᐅᒪᔪᓂᑦ ᐃᑲᔪᖅᑕᐅᕕᖕᓂᑦ ᓄᓇᕘᑉ ᓯᓚᑖᓂ ᑖᒃᑯᐊ ᐋᖅᑭᒃᓱᐃᓂᖏᓐᓂᑦ. 

ᐊᓕᐊᓇᐃᒍᓱᒃᑐᖓ ᓄᖅᑲᖅᑎᑕᐅᓚᐅᖕᒪᑕ ᐋᓐᓂᖅᑐᖃᕋᓂᑦ ᐱᓕᕆᑦᑎᐊᖕᓂᒃᑯᑦ ᐃᑲᔪᖅᑎᒌᖕᓂᒃᑯᓪᓗ ᐃᑲᔪᖅᑕᐅᕕᖕᒥᐅᑦ ᐃᖅᑲᓇᐃᔭᖅᑎᖏᓐᓂᑦ, ᐸᓖᓯᒃᑯᓐᓂᑦ ᐊᓯᖏᓐᓂᒡᓗ ᑐᐊᕕᖕᓇᖅᑐᓕᕆᔨᒃᑯᓐᓂᑦ. 

ᒥᓂᔅᑕᐅᓪᓗᖓ ᒪᓕᒐᓕᕆᔨᒃᑯᓐᓄᑦ, ᖃᐅᔨᒪᖁᕙᒃᑲ ᐃᖃᓗᖕᒥᐅᑦ ᐊᑦᑕᖕᓇᖅᑐᖃᙱᒻᒪᑦ ᐃᓄᖕᓄᑦ ᑕᒪᑐᒪᖓᑦ ᖃᓄᐃᓕᐅᖕᓂᐅᓚᐅᖅᑐᒥᑦ. ᒪᓕᒐᓕᕆᔨᒃᑯᑦ ᐃᑲᔪᖅᑕᐅᕕᓕᕆᔨᒃᑯᓪᓗ ᐱᓕᕆᑦᑎᐊᖅᑐᐃᑦ ᐋᖅᑭᒃᓱᐃᓇᓱᐊᖅᖢᑎᒃ ᓱᕋᒃᑕᓂᑦ ᑖᓐᓇᓗ ᐃᓂᒋᔭᖓ ᐊᑦᑕᖕᓇᙱᓪᓗᓂ ᐅᓗᕆᐊᓇᙱᓪᓗᓂᓗ ᑎᒍᔭᐅᒪᔪᓕᕆᔨᓄᑦ ᑎᒍᔭᐅᒪᔪᓄᓪᓗ. 

ᒪᓕᒐᓕᕆᔨᒃᑯᑦ ᐱᓕᕇᓐᓇᖕᓂᐊᖅᑐᑦ ᕿᑭᖅᑕᓂ ᐃᑲᔪᖅᑕᐅᕕᐊᓂ ᒪᒥᓴᕐᕕᒃᓴᖓᓂᑦ, ᐃᓇᖐᓂᐊᖅᑐᖅ ᒫᓐᓇ ᐃᑲᔪᖅᑕᐅᕕᒋᔭᒥᑦ. ᓄᑖᖅ ᐱᓕᕆᐊᖃᖕᓂᐊᖅᑐᖅ ᐅᓗᕆᐊᓇᖅᑐᓕᕆᓂᖕᓂᑦ, ᐃᑲᔪᖅᑐᐃᒃᑲᓐᓂᕐᓗᑎᒡᓗ ᐃᓅᓯᓕᕆᓂᖕᓂᑦ." 

### 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: 

ᒪᑎᐅᓪᑕ ᒥᑕᑭᐅᕙᒻᐸ 
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ 
ᒪᓕᒐᓕᕆᔨᒃᑯᑦ 
867-975-6325 
mmadekufamba@gov.nu.ca