ᐅᖃᓚᐅᑎᓯᐅᑏᑦ

You are here

ᐋᔩᖃᑎᒌᑦᑎᑦᑎᓂᕐᒧᑦ ᐱᓕᕆᐊᖅ

ᐋᔩᖃᑎᒌᒃᑎᑦᑎᓂᖕᒧᑦ ᐱᓕᕆᐊᖅ ᒪᓂᒪᑎᑕᐅᔪᖅ “ᒪᑐᓯᒪᓪᓗᓂ" ᐋᔩᖃᑎᒌᒃᑎᑦᑎᓂᐅᔪᖅ. ᑐᑭᖃᖅᑐᖅ ᑕᐅᑐᒃᑕᐅᖕᒪᑦ ᐃᓛᒃᑰᖓᓪᓗᓂ ᐃᖅᑲᖅᑐᐃᕕᓕᕆᓂᕐᒧᑦ ᑲᔪᓯᓂᕆᕙᑦᑕᖓ ᐃᓗᓕᖏᓪᓗ ᐋᔩᕈᑕᐅᔪᑦ ᑐᓴᖅᑕᐅᔭᕆᐊᖃᙱᑦᑐᑦ. ᑕᐃᒫᒃ ᐃᖅᑲᖅᑐᒐᒃᓴᐅᔪᖅ ᐱᕕᖃᕈᓐᓇᖅᐳᑦ ᐃᓱᒪᖅᓱᕐᓗᓂ ᐅᖃᓪᓚᒍᓐᓇᖅᑐᖅ ᑲᑉᐱᐊᓱᙱᓪᓗᓂᓗ ᐅᖃᐅᓯᕆᔭᖏᑦ ᐃᖅᑲᖅᑐᐃᔾᔪᑕᐅᓇᔭᕆᐊᒃᓴᖏᓐᓂᑦ.

ᑕᒪᓐᓇ ᐱᓕᕆᐊᖑᓂᖓ ᐃᓱᒪᖅᓲᑕᐅᖕᒥᔪᖅ ᖃᖓᑐᐃᓐᓇᕐᓗ ᓇᓕᐊᑐᐃᓐᓇᖅ ᖃᖓᑐᐃᓐᓇᒃᑯᑦ ᓄᖅᑲᕈᓐᓇᖅᑐᖅ.

ᐃᓚᒌᓄᑦ ᐋᔩᖃᑎᒌᒃᑎᑦᑎᓂᕐᒧᑦ ᑲᒪᔨ ᐊᑐᐃᓐᓇᐅᔪᖅ ᐃᑲᔪᕈᓐᓇᖅᑐᖅ ᐃᓚᒌᓂᒃ:

  • ᐊᑲᐅᖏᓗᑕᕆᔭᐅᔪᑦ ᐋᕿᒋᐊᖄᕐᓗᒋᑦ, ᐊᐃᑉᐸᕇᒃ ᐊᕕᓕᖅᑎᓪᓗᒋᒃ ᐅᕝᕙᓗᓃᑦ ᐊᕕᓯᒪᓕᖅᑎᓪᓗᒋᒃ;
  • ᐊᖏᖃᑎᒌᒃᓗᑎᒃ ᕿᑐᙱᔭᖃᑦᑕᖕᓂᖕᒧᑦ ᐸᕐᓇᐅᑎᖃᕐᓗᑎᒃ ᓄᑕᖅᑲᒥᓄᑦ;
  • ᑐᓴᐅᒪᖃᑦᑕᐅᑎᓂᖓ ᐱᐅᓯᕚᓪᓕᕐᑎᓪᓗᒍ;
  • ᓄᑖᓂᑦ ᖃᓄᖅᑑᕈᑎᓂᒃ ᐃᓕᑉᐸᓪᓕᐊᓗᓂ ᕿᑐᕐᖓᒥᓂᒃ ᐸᖅᑭᓂᕐᒧᑦ ᑲᑎᙵᙱᓐᓂᕐᒧᑦ/ᐊᕕᓯᒪᓂᕐᒧᑦ; 
  • ᐃᑲᔪᕐᓂᐊᓕᕌᖓᒥ ᐃᓱᒪᒃᓴᖅᓯᐅᑦᑎᐊᐸᓪᓗᓂ ᐱᔾᔪᑎᒋᓪᓗᒍ ᕿᑐᕐᖓᒥᓂᒃ ᐱᓯᒪᒃᓯᓂᖅ ᐱᕕᖃᖅᑎᑦᑎᓯᐊᕐᓗᓂ; 
  • ᐅᖃᖃᑎᒌᒍᑎᒋᓗᒋᑦ ᑕᒫᓂᕐᕆᔪᖅ ᑐᓴᐅᒪᔾᔪᑎ ᐱᓪᓗᒋᓗᒋᑦ ᓄᑕᖅᑲᑦ; 
  • ᖃᐅᔨᓇᓱᒃᓗᓂ ᓄᑕᖅᑲᒧᑦ ᑮᓇᐅᔭᑎᒍᑦ ᐃᑲᔫᑎᒃᓴᒥᑦ;
  • ᑐᓴᐅᒪᑎᑦᑎᓗᑎᒃ ᐃᖅᑲᖅᑐᐃᕕᑰᓂᐅᑉ ᒥᒃᓵᓄᑦ;
  • ᐃᑲᔪᕐᓗᓂ ᐱᖁᑎᖏᓄᑦ ᓇᒻᒥᓂᕐᒥᓂᒃ ᐊᕕᓐᓂᐊᖅᑎᓪᓗᒋᒃ; ᐊᒻᒪᓗ 
  • ᓯᕗᒻᒧᐊᒋᐊᑐᐃᓐᓇᕐᓗᓂ ᑐᕌᒐᕆᓗᒍ ᓯᕗᓂᒃᓴᖅ.

ᐋᔩᖃᑎᒌᒃᑎᑦᑎᓂᕐᒧᑦ ᐱᔨᑦᑎᕋᐅᑎᑦ ᐊᑐᐃᓐᓇᐅᔪᑦ ᑲᒪᒋᔭᐅᔪᒃᓴᓄᑦ ᐱᓇᔫᑎᖃᖅᑐᓄᑦ ᒫᓐᓇ ᐃᖅᑲᖅᑐᐃᕕᖕᒦᑦᑐᓄᑦ. ᐊᑐᐃᓐᓇᐅᖕᒥᔪᖅ ᐊᖓᔪᖅᑳᓄᑦ ᓴᐳᓐᓂᐊᖅᑎᖃᙱᑦᑐᓄᑦ ᐃᖅᑲᖅᑐᖅᑕᐅᔭᕆᐊᖃᕐᓂᕐᒥᒃᓘᓐᓃᑦ.

ᐋᔩᖃᑎᒌᒃᑎᑦᑎᔨ ᑲᑎᖃᑎᖃᖅᐸᒃᖢᓂ ᐊᑐᓂ ᐱᓕᕆᕝᕕᒋᔭᖏᓐᓂ ᐃᓄᑑᖃᑎᒋᓪᓗᓂᒋᑦ, ᓇᓃᓕᕐᒪᖔᑕ ᓈᓴᐅᑎᑎᒍᑦ ᖃᐅᔨᓇᓱᒃᖢᒋᑦ ᐱᓕᕆᓗᓂᓗ ᖃᓄᑐᐃᓐᓇᖅ ᐱᔾᔪᑎᒋᔭᐅᔪᓂᒃ ᑭᖑᓂᑦᑎᓐᓂ ᓯᕗᓂᖓᒍᑦ ᒫᓐᓇᓗᓃᑦ ᐋᓐᓂᖅᓯᕆᖃᑦᑕᕈᓂ.

 

ᑐᓴᕆᐊᖃᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ ᐋᔩᖃᑎᒌᒃᑎᑦᑎᓂᕐᒧᑦ ᐱᓕᕆᐊᖅ ᐅᕗᖓ 867-975-6364.

 

ᐊᐃᑉᐸᕇᒃ ᐊᕕᑎᓪᓗᒋᒃ ᓄᑕᖅᑲᓪᓗ

 

ᐱᓯᒪᒃᖠᔪᓐᓇᕐᓂᖅ ᒪᓕᒐᖅᑎᒍᑦ ᐱᕝᕕᒋᔪᓐᓇᖅᑕᖏᓐᓂᒃᓗ: 

ᐊᐃᑉᐸᕐᓂᑦ ᑲᑎᙵᒃᖠᕈᓐᓃᕈᕕᑦ ᐊᕕᒃᑯᕕᓪᓘᓐᓃᑦ, ᐋᖅᑭᒃᓯᔭᕆᐊᖃᖅᑐᑎᑦ ᑲᒪᒋᔭᐅᑦᑎᐊᖁᓪᓗᒋᑦ ᕿᑐᕐᖓᑎᑦ.  ᑖᓐᓇ ᐃᓚᖃᕐᒥᔪᖅ ᓇᓃᖃᑦᑕᕐᓂᐊᕐᒪᖔᑕ ᖃᓄᕐᓗ ᐱᒻᒪᕆᐅᔪᖅ ᐃᓱᒪᓕᐅᕈᑎᒋᑦᑎᐊᕐᓗᒍ ᐋᖅᑭᒃᓯᒪᑦᑎᐊᕐᓂᐊᕐᒪᑦ.  ᐱᓯᒪᒃᓯᕐᓂᐊᖅᑐᖅ ᐃᓱᒪᓕᐅᕈᑕᐅᔭᕆᐊᖃᕐᒪ ᐱᔾᔪᑎᒋᓗᒍ ᐃᓕᓐᓂᐊᕐᓂᖅ, ᐅᒃᐱᕐᓂᖅ ᐊᒻᒪ ᐋᓐᓂᐊᓂᕐᒨᖓᔪᓪᓗ. 

 

ᓄᑕᕋᕐᒧᑦ ᐃᑲᔫᑎᑦ: 

ᑕᒪᒃᑮ ᐊᖓᔪᖅᑳᕆᔭᐅᔫᒃ ᑲᒪᒋᔭᖃᕆᐊᖃᖅᑐᑦ ᑮᓇᐅᔭᑎᒍᑦ ᐃᑲᔪᕐᓗᒋᑦ ᕿᑐᕐᖓᖏᑦ.  ᕿᑐᕐᖓᒥᓂᒃ ᐱᓯᒪᒃᓯᔮᖏᒃᑯᓂ, ᐊᑭᓕᐅᑎᒋᖃᑦᑕᕐᓂᐊᖅᑕᖓ ᐃᑲᔪᕈᑎᒋᓗᓂᐅᒃ ᓄᑕᕋᕐᒧᑦ ᐊᑭᓕᕆᐊᖃᖅᑐᖅ ᒪᓕᒃᑐᖅ ᑮᓇᐅᔭᒃᓵᖏᓐᓄᑦ ᐊᒻᒪᓗ ᕿᑐᕐᖓᖏᑦ ᖃᑦᓯᐅᓂᖏᓐᓄᑦ ᐃᑲᒨᑎᒋᓂᐊᖅᑕᖏᑦ.

 

ᓄᑕᕋᕐᒧᑦ ᐃᑲᔫᑎᑦ ᖃᐅᔨᒪᔾᔪᑏᑦ ᑎᑎᕋᖅᓯᒪᔪᑦ:

http://www.justice.gc.ca/eng/fl-df/child-enfant/fcsg-lfpae/2017/index.html

 

ᐱᑕᖃᒃᑲᓐᓂᖅᑐᑦ ᐃᑲᔫᑎᔅᓴᓂᑦ

ᐃᑭᐊᖅᑭᕕᒃ ᐊᖓᔪᖅᑳᕆᔭᐅᔪᓄᑦ ᑕᑯᔭᐅᔪᓐᓇᖅᑐᖅ:

  • http://albertacourts.ab.ca/familylaw/ - ᐃᓚᐅᑎᑦᑎᔪᖅ ᐱᓕᕆᓗᓂ ᒪᓕᒐᒃᓴᒥᒃ ᐊᑎᖃᖅᑐᖅ “ᐱᔾᔪᑎᒻᒪᕆᑦ ᐃᓱᒪᒋᔭᐅᔪᒃᓴᑦ ᐱᕙᓪᓕᐊᑎᑦᑎᓂᕐᒥᒃ ᐊᖓᔪᖅᑳᖑᓂᕐᒥᒃ ᐸᕐᓇᐅᑦ ᐃᓚᒌᓄᑦ ᐊᒃᓱᕈᕐᓇᖅᑐᒃᑰᖅᑐᓄᑦ” (ᐊᐅᓪᐴᑕ ᐃᓚᒌᓄᑦ ᒪᓕᒐᓕᕆᓂᕐᒧᑦ ᐱᔨᑦᑎᕋᐅᑎᑦ).
  • http://justice.gc.ca/eng/fl-df/parent/kh-ae.html - ᓇᓗᓇᐃᔭᐅᑎ ᐊᖓᔪᖅᑳᕆᔭᐅᔪᓄᑦ ᖃᓄᖅ ᓄᑕᕋᖓ ᐃᒃᐱᒋᖕᒪᖔᑦ ᖃᓄᕐᓗ ᕿᓄᐃᓵᕈᑎᖃᕐᒪᖔᑦ.
  • http://ourfamilywizard.com - ᖃᕆᓴᐅᔭᓕᕆᔾᔪᑎᑦ ᐱᓕᕆᐊᖅ ᐃᑲᔪᕈᓐᓇᖅᑐᖅ ᐊᕕᓯᒪᔪᓂᒃ ᐊᖓᔪᖅᑳᕆᔭᐅᔪᓄᑦ ᐊᐅᓚᓪᓗᒍ ᑐᓴᐅᒪᖃᑦᑕᐅᑎᓂᖅ, ᐱᕈᖅᓴᐃᓂᕐᒧᑦ ᐃᓂᒃᓴᓕᐊᑦ ᓄᑕᖅᑲᓪᓗ ᖃᓄᐃᓕᐅᕈᑎᐅᔪᓐᓇᖅᑐᑦ.

 ᐃᑭᐊᖅᑭᕖᑦ ᓄᑕᖃᓄᑦ:

  • http://familieschange.ca/kids/index.htm - ᐃᓗᓕᖃᖅᑐᖅ ᓄᑕᖅᑲᓄᑦ ᒪᓕᒐᒃᓴᓂᒃ ᑲᑎᙵᙱᑦᑐᓄᑦ ᐊᕕᓯᒪᔪᓄᓪᓘᓐᓃᑦ ᐃᓚᐅᓪᓗᓂ ᓇᓗᓇᐃᔭᐅᑎ ᐱᓪᓗᒍ ᐃᓚᒌᓄᑦ ᒪᓕᒐᖅ ᐃᒃᐱᖕᓂᐊᕐᔪᐊᕐᓂᕐᓄᓪᓗ ᐱᔾᔪᑎᑦ ᓄᑕᖅᑲᓄᑦ ᐊᑐᖅᑕᐅᔪᓐᓇᖅᑐᖅ (ᐳᕆᑎᔅ ᑲᓚᒻᐱᐊ ᒐᕙᒪᖓ).
  • http://familieschange.ca/teen/index.htm - ᖃᕆᑕᐅᔭᒃᑯᑦ ᒪᒃᑯᒃᑐᓄᑦ ᑐᓴᐅᒪᒋᐊᒃᑲᓐᓂᕈᑎ  ᐃᒃᐱᖕᓂᐊᓂᖏᓐᓄᑦ ᖃᓄᖅᑑᕈᑏᓪᓗ, ᐊᒻᒪᓗᒃᑲᓐᓂᖅᑕᐅᖅ ᐱᑕᖃᖅᑐᖅ ᐃᑲᔫᑎᔅᓴᓂᑦ (ᐳᕆᑎᔅ ᑲᓚᒻᐱᐊ ᒐᕙᒪᖓ).
  • http://kidsinthemiddle.org - ᓄᑕᖅᑲᓄᑦ ᒪᒃᐱᒐᐃᑦ ᐃᓚᖃᕐᒥᔪᑦ ᐅᖃᓕᒫᒐᓂᑦ ᕿᒥᕐᕈᐊᒐᐃᑦ ᑎᑎᕋᖅᓯᒪᔪᓂ ᓄᑕᖅᑲᓪᓗ ᐱᔪᓐᓇᐅᑎᖏᑦ.
  • http://pbskids.org/itsmylife/family/divorce/index.html – ᑐᓴᐅᒪᔾᔪᑏᑦ ᓄᑕᖅᑲᓄᑦ ᐊᖓᔪᖄᖏᑦ ᑲᑎᙵᙱᑦᑐᓄᑦ ᐊᕕᓯᒪᔪᓄᓪᓗ ᐃᓚᐅᓪᓗᓂ 'ᑲᒪᒋᔭᖃᓂᖅ ᐊᖓᔪᖄᖏᓐᓄᑦ ᐊᕕᓯᒪᔪᓄᑦ' ᐱᙳᐊᕈᑎ.

 

Phone: 
867-975-6364