ᐅᖃᓚᐅᑎᓯᐅᑏᑦ

You are here

ᑲᓇᑕᒥᐅᑦ ᓄᓇᕘᒥᐅᓪᓗ ᖁᕕᐊᓱᒍᑎᖃᖅᐳᑦ ᒪᑐᐃᖅᑕᐅᓪᓚᑦᑖᕐᓂᖓᓂᒃ ᓄᑖᑉ ᐃᒡᓗᓕᖕᒥ ᕼᐋᒻᓚᒋᔭᐅᔫᑉ ᑎᑎᕋᕐᕕᒃᑖᓵᖓ

ᔭᓐᓄᐊᓕ 20, 2014

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᓴᖅᑭᑎᑕᐅᓯᑲᐅᑎᒋᔭᕆᐊᓕᒃ

ᑲᓇᑕᒥᐅᑦ ᓄᓇᕘᒥᐅᓪᓗ ᖁᕕᐊᓱᒍᑎᖃᖅᐳᑦ ᒪᑐᐃᖅᑕᐅᓪᓚᑦᑖᕐᓂᖓᓂᒃ ᓄᑖᑉ ᐃᒡᓗᓕᖕᒥ ᕼᐋᒻᓚᒋᔭᐅᔫᑉ ᑎᑎᕋᕐᕕᒃᑖᓵᖓ

ᐱᓕᕆᐊᖑᔪᖅ ᐊᔪᕈᓐᓃᖅᑎᑕᐅᓯᒪᕗᖅ ᖁᔭᓐᓇᒦᖅᑕᐅᓪᓗᑎᒃ ᐅᑯᐊ, ᒐᕙᒪᑐᖃᒃᑯᑦ-ᐊᕕᒃᓯᒪᓂᕐᒧᑦ ᒐᕙᒪᒋᔭᐅᔪᑦ ᐱᓕᕆᖃᑎᒌᖕᓂᖏᖕᓄᑦ

ᔭᓄᐊᕆ 20, 2014-ᒥ – ᐃᒡᓗᓕᖕᒥ, ᓄᓇᕗᒻᒥ

ᐃᒡᓗᓕᖕᒥᐅᑦ ᐅᓪᓗᒥ ᖁᕕᐊᓱᒍᑎᖃᓵᖅᐳᑦ ᒪᑐᐃᖅᑕᐅᓪᓚᑦᑖᕐᓂᖓᓂᒃ ᓄᑖᖅ ᕼᐋᒻᓚᒃᑯᑦ ᑎᑎᕋᕐᕕᒃᑖᓵᖓᑦ ᓄᓇᓕᖕᒥᐅᑦ ᐊᕐᕌᒎᑕᒫᖅᓯᐅᑎᒥᖕᓂᒃ ᖁᕕᐊᓱᒍᑎᖃᖅᑎᓪᓗᒋᑦ ᐆᒥᖓ, "ᓯᕿᓐᓈᕈᑦ".

ᑖᒃᑯᐊ ᕼᐋᒻᓚᒃᑯᑦ ᐃᓗᐊᖅᓴᐃᕕᕕᓂᑐᖃᖓᑦ ᓄᑖᙳᕆᐊᖅᑎᑕᐅᒻᒪᕆᓚᐅᖅᓯᒪᕗᖅ ᒫᓐᓇᓗ ᕼᐋᒻᓚᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᓈᒻᒪᒃᑐᒥᒃ ᐃᓂᖃᖅᑎᑦᑎᓕᖅᖢᓂ ᐊᐅᓚᓂᕆᔭᐅᕙᒃᑐᓄᑦ ᐊᑕᐅᓯᑦᑕᐃᓐᓇᕐᒦᑎᓕᖅᖢᒋᑦ ᐃᓂᒥ, ᐊᒻᒪᓗᑦᑕᐅᖅ ᐊᖏᒡᓕᒋᐊᖅᓯᒪᓕᖅᑐᒥᒃ ᕼᐋᒻᓚᒃᑯᑦ ᑲᑎᒪᕝᕕᒋᖃᑦᑕᕐᓂᐊᓕᖅᑕᖓᓂᒃ ᓂᕈᑐᓂᖃᑦᑎᐊᓕᖅᖢᓂ ᐃᓚᒋᔭᐅᔪᑦ ᓄᓇᓕᖕᓄᑦ ᐃᓚᐅᔪᓐᓇᖃᑦᑕᕐᓂᐊᓕᖅᖢᑎᒃ

ᕼᐋᒻᓚᒃᑯᑦ ᑲᑎᒪᔨᖏᑕ ᑲᑎᒪᓂᕆᖃᑦᑕᕐᓂᐊᖅᑕᖏᓐᓄᑦ. ᓂᕈᑐᔪᒥᒃ ᑕᐃᑯᙵᐅᔪᓄᑦ ᐃᓂᖃᓕᖅᖢᓂ, ᑖᓐᓇ ᐃᒡᓗᕐᔪᐊᕆᔭᐅᔪᖅ ᓄᓇᓕᖕᒥᐅᓄᑦ ᐅᐸᒃᑕᐅᔪᓐᓇᖃᑦᑕᕋᔭᓕᖅᖢᓂ ᓄᓇᓕᖕᒥᐅᑦ ᓯᕗᓂᒃᓴᑦᑎᓐᓂ ᑲᑎᙵᓕᕌᖓᑕ.

ᓱᓕᔪᑦ

• ᒐᕙᒪᒋᔭᐅᔫᒃ ᑲᓇᑕᒥᐅᓄᑦ ᓄᓇᕘᒥᐅᓄᓪᓗ ᑐᓂᓯᓯᒪᕘᒃ $4,283,800 ᐅᖓᑖᓃᑦᑐᓂᒃ ᐅᑯᑎᒎᓇᖅ, ᐊᕕᒃᓯᒪᓂᐅᔪᓄᑦ-ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓄᑦ ᑮᓇᐅᔭᖁᑎᒋᔭᐅᓪᓗᐊᑕᕐᓂᐊᖅᑐᒥᒃ ᑕᒪᑐᒧᖓ ᐱᓕᕆᐊᖑᕙᓪᓕᐊᔪᒧᑦ.

• ᐊᕕᒃᓯᒪᓂᐅᔪᓄᑦ-ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓄᑦ ᑮᓇᐅᔭᖁᑎᒋᔭᐅᓪᓗᐊᑕᖅᑐᑦ ᐃᓚᒋᔭᐅᕗᑦ 2007-ᒥ ᐃᒡᓗᓕᐅᕐᓂᐊᕐᓗᓂ ᑲᓇᑕᒥ ᐱᕙᒌᔭᖅᑕᐅᓯᒪᔪᓄᑦ ᐋᖅᑭᒃᓱᖅᑕᐅᓯᒪᓪᓗᑎᒡᓗ ᐱᓕᕆᔾᔪᑕᐅᔪᒪᓪᓗᑎᒃ ᓇᑉᐸᖅᑎᖅᑕᐅᓯᒪᓪᓗᐊᑕᖅᐸᒃᑐᓄᑦ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᑕᒪᐃᓐᓂ ᐊᑐᓂᑦ ᑲᓇᑕᒥ ᐃᓂᒋᔭᐅᔪᓂ.

• ᓄᓇᕗᑦ ᒐᕙᒪᖓ ᐊᑕᖐᑦᑎᐊᖅᖢᓂ ᑐᓂᓯᓯᒪᓕᖅᐳᖅ ᐊᑕᖏᖅᖢᒍ ᓴᓂᕐᕙᒃᓯᒪᔭᒥᓂᒃ

$182.68-ᒥᓕᐊᓂᒃ ᑖᒃᑯᑎᒎᓇᖅ ᑮᓇᐅᔭᖁᑎᒋᔭᐅᔪᑎᒍᑦ ᐊᔾᔨᒌᙱᕈᓘᔭᖅᑐᓄᑦ ᐱᓕᕆᐊᖑᕙᓪᓕᐊᔪᓄᑦ ᓲᕐᓗ ᑖᔅᓱᒧᖓ ᕼᐋᒻᓚᒃᑯᑦ ᑎᑎᕋᕐᕕᕐᒃᑖᓵᖓᓄᑦ.

ᐅᖃᐅᓯᐅᔫᒃ

"ᑖᓐᓇ ᓄᑖᖅ ᕼᐋᒻᓚᒃᑯᑦ ᑎᑎᕋᕐᕕᒋᓂᐊᓕᖅᑕᖓᑦ ᓴᙱᒃᑎᒋᐊᖅᑎᑦᑎᓂᐊᖅᐳᖅ ᓄᓇᓕᖕᒥᐅᓂᒃ ᑲᑎᑎᑦᑎᒃᑲᓐᓂᕐᓗᓂ ᑕᒪᐃᓐᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐊᑕᐅᓰᓐᓇᕐᒦᓕᖅᑎᓪᓗᒋᑦ ᐃᒡᓗᕐᔪᐊᕐᒥ, ᐱᔨᑦᑎᕋᕐᕕᖃᕐᓂᐊᖅᖢᓂᓗ ᓄᓇᓕᖕᒥᐅᓂᒃ ᐃᒡᓗᓕᖕᒥᐅᓂᒃ ᐊᕐᕌᒎᒐᓴᖕᓄᑦ ᐊᒡᒋᖅᐸᓪᓕᐊᔪᓄᑦ. ᒐᕙᒪᕗᑦ ᐱᒃᑯᓕᑦᑎᐊᖅᐳᖅ ᐃᑲᔪᕈᓐᓇᕋᒥᒃ ᐊᖏᔪᓄᑦ ᓄᓇᓕᖕᓂ ᓇᑉᐸᖅᑎᖅᑕᐅᕙᒃᓱᑐᓄᑦ, ᓲᕐᓗ ᑖᔅᓱᑎᑐᓇᖅ ᓄᑖᒧᑦ ᐃᒡᓗᓕᖕᒥᐅᑦ ᕼᐋᒻᓚᖓᑕ ᑎᑎᕋᕐᕕᒋᓂᐊᓕᕐᒥᔭᖓᓄᑦ, ᑕᐅᑐᒐᖃᖅᑎᓪᓗᑕ ᓴᖅᑭᑎᑦᑎᓂᐊᕐᓂᕐᒥᒃ ᐃᖅᑲᓇᐃᔮᓂᒃ, ᐅᔾᔨᕐᓇᖅᓯᑎᑦᑎᕙᓪᓕᐊᑎᓪᓗᑕ ᐱᕈᖅᐸᓪᓕᐊᓂᕆᔭᐅᔪᒥᒃ, ᓴᓇᓂᕐᒧᓪᓗ ᓴᙱᔪᓂᒃ, ᐱᕙᓪᓕᐊᓂᖃᑦᑎᐊᖅᑐᓂᒃ ᓄᓇᓕᖕᓂᒃ ᓄᓇᕘᓕᒫᒥ."

ᒪᓕᒐᓕᐅᖅᑎᕐᔪᐊᖅ ᓕᐅᓇ ᐊᒡᓘᒃᑲᖅ

ᒥᓂᔅᑕᕆᔭᐅᔪᖅ ᐊᕙᑎᓕᕆᓂᕐᒧᑦ,

ᒥᓂᔅᑕᕆᔭᐅᔪᖅ ᑲᓇᑕᒥᐅᓄᑦ ᐅᑭᐅᖅᑕᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑐᑦᑕᕐᕕᒋᔭᐅᔪᒥ,

ᒥᓂᔅᑕᕆᔭᐅᔪᖅ ᐅᑭᐅᖅᑕᖅᑐᒥ ᑲᑎᒪᔨᒋᔭᐅᔪᓄᑦ ᐃᓚᒋᔭᐅᓪᓗᓂᓗ ᑲᑎᒪᕕᒡᔪᐊᕐᒥ ᑭᒡᒐᖅᑐᐃᓪᓗᓂ ᓄᓇᕘᒧᑦ

"ᓅᑎᑦᑎᓂᖅ ᑕᒪᐃᓐᓂᒃ ᕼᐋᒻᓚᒋᔭᐅᔪᑦ ᐱᔨᑦᑎᕋᕐᓂᕆᖃᑦᑕᖅᑕᖏᓐᓂᒃ ᐊᑕᐅᓯᕐᒧᑦ ᐃᓂᒋᔭᐅᓂᐊᓕᑐᒧᑦ ᐱᕕᒃᓴᖃᖅᑎᑦᑎᕗᖅ ᐃᒡᓗᓕᖕᒥᐅᓂᒃ ᐊᑕᐅᓯᑦᑕᐃᓐᓇᕐᒥᒃ ᐊᑐᖅᑕᐅᕝᕕᐅᖃᑦᑕᕋᔭᓕᖅᑐᒥᒃ ᕿᓂᓕᕌᖓᒥᒃ ᓄᓇᓕᖕᓂ ᐱᓕᕆᐊᖑᕙᒃᑐᓂᒃ, ᑭᐱᙳᐃᔭᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ ᐃᖅᑲᓇᐃᔮᕆᔭᐅᕙᒃᑐᓂᒡᓗ. ᓴᖅᑭᑎᑦᑎᒋᕗᖅᑕᐅᖅ ᐱᕕᒃᓴᓂᒃ ᐃᓅᖃᑎᒌᒍᓐᓇᕐᓂᕐᒧᑦ,

ᑕᒪᓐᓇᓗ ᓴᖅᑭᑎᑦᑎᓪᓗᓂ ᓄᓇᓕᖕᒥᐅᖃᑎᒌᑦ ᖃᓄᐃᙱᑦᑐᓐᓇᕐᓂᖏᓐᓂᒃ. ᐱᕚᓪᓕᖅᑎᑕᐅᓯᒪᕗᒍᑦ ᑲᔪᓰᓐᓇᖅᑐᒧᑦ ᐱᓕᕆᖃᑎᒌᖕᓂᐅᕙᒃᑐᒧᑦ ᒐᕙᒪᑦᑎᓐᓄᑦ ᓇᑉᐸᖅᑎᖅᑕᐅᓯᒪᔪᓄᓪᓗ ᐱᓕᕆᐊᖑᕙᒃᑐᓄᑦ ᓄᓇᕘᓕᒫᒥ."

ᒪᓕᒐᓕᐅᖅᑎ ᑖᒻ ᓴᒻᒧᖅᑐᖅ

ᒥᓂᔅᑕᕆᔭᐅᔪᖅ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓄᑦ

ᓄᓇᕗᑦ ᒐᕙᒪᖓ

- 30 –

ᐃᓚᓕᐅᔾᔭᐅᓯᒪᒃᑲᓐᓂᖅᑐᑦ ᐊᑦᑕᑕᕐᕕᐅᔪᓐᓇᖅᑐᑦ

ᐃᓕᑦᑎᒃᑲᓐᓂᕐᓂᐊᕐᓗᓂ ᐆᒥᖓ Provincial-Territorial Base Fund.

ᑐᓴᖅᑕᖃᒃᑲᓐᓂᕈᒪᓗᓂ ᒐᕙᒪᑐᖃᒃᑯᑦ ᐃᓕᓯᕝᕕᒋᓯᒪᔭᖏᓐᓂᒃ ᓇᑉᐸᖅᑎᖅᑕᐅᕙᒃᑐᓄᑦ ᐃᓂᒋᔭᔅᓯᓐᓂ, ᐅᓇ ᑕᑯᔭᖅᑐᕐᓗᒍ Provinces-Territories Main Page.

ᖃᐅᔨᒋᐊᕐᕕᒋᓗᒍ ᐅᓇ, Canada’s Economic Action Plan ᑐᓴᖅᑕᖃᒃᑲᓐᓂᕈᒪᒍᕕᑦ ᑲᓇᑕᐅᑉ ᒐᕙᒪᖓᑕ ᑕᐅᑐᒐᕆᓪᓗᐊᑕᖅᑕᖏᓐᓄᑦ ᐃᖅᑲᓇᐃᔮᓄᑦ ᑮᓇᐅᔭᓕᐅᕋᓱᒃᐸᖕᓂᕐᒧᓪᓗ.

ᖃᐅᔨᒋᐊᕐᕕᒃᓴᐃᑦ: ᒪᕆ-ᔫᓰ ᐹᑭᑦ

ᐱᕙᓪᓕᐊᔪᓄᑦ ᑎᑎᕋᖅᑎ

ᑎᑎᕋᕐᕕᒋᔭᖓ ᒥᓂᔅᑕᕆᔭᐅᔫᑉ ᓇᑉᐸᖅᑎᖅᑕᐅᓯᒪᔪᓄᑦ, ᓄᓇᓕᖕᓄᑦ ᐊᒻᒪᓗ ᒐᕙᒪᒃᑯᓐᓂᕐᒥᐅᑕᐅᖃᑎᒌᙱᑦᑐᓄᑦ ᐱᓕᕆᐊᖑᕙᒃᑐᓄᑦ, ᒥᓂᔅᑕᕆᔭᐅᓪᓗᓂᓗ ᐱᕙᓪᓕᐊᓂᕐᒧᑦ ᑐᑦᑕᕐᕕᒋᔭᐅᔪᒥᒃ ᑲᓇᑕᒥᐅᓄᑦ ᐃᓂᒋᔭᐅᔪᓄᑦ ᑯᐃᐸᒃᒥᐅᓂ

613-943-1838

ᕼᐃᓗᕆ ᑲᐃᓯ ᑐᓴᐅᒪᑎᑦᑎᓂᕐᒧᑦ ᐱᓕᕆᔨ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᓄᓇᕗᑦ ᒐᕙᒪᖓ 867-975-5342 hcasey@gov.nu.ca

ᓇᑉᐸᖅᑎᖅᑕᐅᕙᒃᑐᑦ ᐊᑐᖅᑕᐅᔪᒃᓴᐅᑕᐅᓗᑎᒃ ᑲᓇᑕᒥᐅᓄᑦ 613-960-9251 ᐅᕗᖓᓘᓐᓃᑦ ᐊᑭᖃᙱᑦᑐᒧᑦ 1-877-250-7154 ᖃᕆᑕᐅᔭᒃᑯᑦ: media@infc.gc.ca ᑐᕕᑐᒃᑯᑦ: @INFC_eng

Disponible en français