ᐅᖃᓚᐅᑎᓯᐅᑏᑦ
LogoHome

You are here

ᓄᓇᕗᑦ ᒐᕙᒪᖓ ᐱᕙᓪᓕᐊᔪᓕᕆᕝᕕᒃ

ᐄᐳᕈ 03, 2020
ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ. ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 314-ᖑᓕᖅᑐᑦ. 216 ᒫᓐᓇ ᖃᐅᔨᓴᖅᑕᐅᔪᑦ, 98−ᓗ ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.
ᐄᐳᕈ 03, 2020
ᓄᓇᕗᒻᒥ ᓯᕗᓕᖅᑎ ᔫ ᓴᕕᑲᑖᖅ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᓇᓗᓇᐃᖅᓯᖅᑲᐅᔫᒃ $2 $2 $2 ᒥᓕᐊᓐ ᐅᖓᑖᓃᑦᑐᓂᒃ ᓄᓇᓕᓐᓂ ᓂᕆᔭᑦᓴᖃᖅᑎᑦᓯᓂᕐᒧᑦ ᐃᑲᔫᑎᓄᑦ ᓱᕈᓯᕐᓄᑦ ᐃᓄᑐᖃᕐᓄᓪᓗ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ COVID-19 ᓯᐊᕐᒪᐸᓪᓕᐊᓂᖓ.
ᐄᐳᕈ 02, 2020
ᓄᓇᕗᒻᒥ ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᔪᐊᔾ ᕼᐃᒃᔅ ᐅᖓᕙᕆᐊᖅᓯᔪᖅ ᓄᓇᕗᒻᒥ ᑭᒃᑯᓕᒫᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᕐᓇᖅᑐᒃᑰᕈᑎᖃᕐᓂᕐᒥᒃ ᐃᐳᕈ 16, 2020-ᒧᓄᑦ
ᐄᐳᕈ 02, 2020
ᐅᓪᓗᒥᒧᑦ ᑎᑭᖦᖢᒍ, ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓄᕙᒡᔪᐊᕐᓇᖅ-19−ᒧᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ. ᓄᓇᕗᒻᒥᐅᑦ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᖅᑐᖁᑎᖓᑦ ᐅᖓᕙᕆᐊᖅᑕᐅᓯᒪᕗᖅ ᐄᐳᕈ 16, 2020−ᖑᕋᓱᖕᓂᖓᓄᑦ. ᑕᒪᓐᓇ ᒐᕙᒪᑦᑎᓐᓂᒃ ᐃᑲᔪᕐᓂᐊᖅᐳᖅ ᓇᒧᙵᐅᕙᓪᓕᐊᓂᕆᔭᒥᒎᑦᑎᐊᕐᓗᑕ ᐱᓇᔪᖕᓂᕆᔭᑦᑎᓐᓂ ᐱᕙᒌᔭᑦᑎᐊᖅᓯᒪᔪᒪᓗᑕ ᐅᔾᔨᖅᓱᐃᓐᓇᕐᓗᑕᓗ.
ᐄᐳᕈ 01, 2020
ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ. ᒫᓐᓇᒧᑦ ᑎᑭᖦᖢᒍ ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 290-ᖑᓕᖅᑐᑦ. 205 ᒫᓐᓇ ᖃᐅᔨᓴᖅᑕᐅᔪᑦ, 85−ᓗ ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.
ᐄᐳᕈ 01, 2020
ᓄᓇᕗᑦ ᒐᕙᒪᒃᑯᖏᑦ ᐊᖑᒻᒪᑏᓐᓇᖅᐳᑦ ᖃᐅᔨᔭᐅᔭᕆᐊᖃᙱᑦᑐᓄᑦ ᐊᑐᕆᐊᖃᖅᐸᒃᑕᒥᓂᒃ ᐅᑯᑎᒎᓇᖅ, ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ ᐱᖁᔭᖅ.
ᒫᑦᓯ 31, 2020
ᑕᐃᒪᐃᖁᔭᐅᓯᒪᓂᕐᒥᓄᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐅᑕᒥᑦ, ᐃᓕᓐᓂᐊᕐᕖᑦ ᐸᐃᕐᕆᕝᕖᓪᓗ ᒪᑐᓯᒪᓂᖏᑦ ᐅᖓᕙᕆᐊᖅᑕᐅᕗᑦ ᐄᐳᕈ 20 ᐅᓪᓗᐊ ᐃᓱᓕᓐᓇᓱᖕᓂᖓᓂ. ᑕᐃᑲᙵᓂᑦ, ᓘᒃᑖᖅ ᐹᑐᓴᓐ ᖃᐅᔨᒋᐊᒃᑲᓐᓂᓛᖅᐳᖅ ᐱᑎᑦᑎᓕᕐᓗᓂᓗ ᖃᓄᐃᓕᐅᖅᑕᐅᒃᑲᓐᓂᕆᐊᓕᖕᓂᒃ.
ᒫᑦᓯ 30, 2020
ᐃᖃᓗᖕᓂ ᐱᐊᑖᕐᕕᒃ ᐅᐊᐃᓂᑖᕐᕕᒡᓗ ᐃᒥᐊᓗᖕᓄᓪᓗ ᓯᕐᓗᐊᖅ, ᐊᒻᒪ ᑲᖏᖅᖠᓂᕐᒥ ᐃᒥᐊᓗᒃᑖᕐᕕᒃ ᒪᑐᓯᒪᓛᖅᑐᑦ ᒫᑦᓯ 30 ᐊᒻᒪ 31, 2020-ᒥ, ᐊᕐᕌᒍᑕᒫᖅᓯᐅᒻᒥ ᓈᓴᐃᓂᐊᕐᓂᖏᓐᓄᑦ.
ᒫᑦᓯ 30, 2020
ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ. ᑲᑎᓪᓗᒋᑦ 259 ᖃᐅᔨᓴᖅᑕᐅᖅᓯᒪᓕᖅᑐᑦ ᐅᓪᓗᒥᒧᑦ. 180 ᐃᓄᐃᑦ ᖃᐅᔨᓴᖅᑕᐅᕙᓪᓕᐊᔪᑦ; 79 ᐃᓄᐃᑦ ᖃᐅᔨᓴᖅᑕᐅᓯᒪᓚᐅᖅᑐᑦ ᖃᐅᔨᓴᖅᑕᐅᔪᓐᓃᖅᑐᑦ.
ᒫᑦᓯ 27, 2020
ᓄᓇᕗᑦ ᒐᕙᒪᒃᑯᑦ ᓂᕈᐊᒐᒃᓴᓂᒃ ᕿᓂᓕᖅᑐᑦ ᐊᑕᐅᓯᕐᒥᒃ ᑲᑎᒪᔨᒃᓴᒥᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ.