ᐅᖃᓚᐅᑎᓯᐅᑏᑦ

You are here

Ilingaiyaikyumigianganuut Pangnairutikhaq Ilitugipkaiyaangat Havaqatigiiktunun

ᓄᕕᐱᕆ 28, 2014

Tuhaayukhaq

Qillaminuaq Tuhaqtitauyukhaq

Ilingaiyaikyumigianganuut Pangnairutikhaq Ilitugipkaiyaangat Havaqatigiiktunun

IQALUIT, Nunavut (Hikutirvia 28, 2014mi) – Nunavut Katimaqyuarutaangit talvuuna Iligaiyaikyumigianganuut ublumi iniqtiqpaktun ukiakhaliqtumik katimaviangit 2014mi, ilauvakhimayutlu ihivriuqpagaingit Tallimanik Ukiunganik Ilingaiyaikyumigianganuut Hanaiyaivaktun Pangnairutikhangit. Tamna hanaqiyauyuq ihivriuqtauniaqtuq naunaittiarutikharnik nunalaanun tatqikhiutingni malrungnik, naunaiyaiyaangat angirutikharnik Ukiuk Nuutaaq atulihaalirumi.

Uvani ukium naunairutiniaqtuq katimayuarutmi aulahimayuq maligarnik nunalaanilu mamiqhaiyaangat, hanaqidjutikhangit mamiqhaiyaangat upautidjutikhaq maligaliqinikkut angikliyumiqtitiyaangatlu ikayuutikharnik nunalaani ikayuutikhanik. Ilauyut angirutigivaktun piqaqtukhauyugaluit amigaitunik hanaqidjutikharnik nunalaani aulayukharnik maligaliqidjutikharnik.

Tamna Katimayuarut ikhivautauqatigivaktuq Jeannie Uqyuk, Ministauyuq Qatangutiliqiyikkutni Ministauyuqlu munagiyuq Ilingaiyaikyumigianganuut Nunavut Kavamanmi, tamnalu Cathy Towtongie, Angiyuqanguyuq Nunavut Tunngavitkuni.

"Akhuqnaqtuq hivunikhangit Nunavut Kavamatkut ikayuutikharnik aituinaiqtuq pivalliayaangat nanminikkut, nigiudjutikharniklu, nanminikuurutikharniklu inuptingnun," uqallaktuq Minista Jeannie Ugyuk. "Una havakhimaaqniaqtaptingnik piqaqtuq katitirutikharnik ilauhimaagiangatlu tamaini nunalaaptingni. Havaktangit talvuuna Nunavut Katimayuarutaanik Ilingaiyaikyumigianganuut akhuqnaqtun hanaqidjutikhaq hivulliuyukhauyuqlu."

"Havakyuaqpaktugut hivunirmun iniqtigiyaangat tamna Tallimanik Ukiunganik Ilingaiyaikyumigianganuut Hanaiyaivaktun Pangnairutikhangit. Katimayuarutikhaq ilauqaqtitiniaqtuq ilauqatikharnik havaqatigiyaangat tamaini Nunavunmi katimapkaktainiaqtuq uvaptingnun hanaqidjutikharnik atugungnaigiangat Ilingaiyaikyumigianganuut nuatqativut. Quviahuktunga taima angmaumayumik uqaqhimaaqpakamnuk talvuunalu havakniaqtaptingni, quviahuktungalu katimaqatigiyut ilauniaqtun ihivriugianganik ikayuuhianginaqtunik havaaqhangit, uqallaktuq Angiyuqaanguyuq Towtongie.

Katimayuarutikhaq tunihimaaqtuq hivunikharnik, ayungnautigivaktun, ayuittiarutingnik, hanaiyattiakhimayunik maniliqidjutikharniklu ikayuutikharnik ilituginikkut havakhimaagiangtlu talvuuna ilingaiyaikyumigianganuut. Katimayuarutmi ilauhimayut ilauquyauhimayut Nunavut Kavamanmi, Nunavut Tunngavitkunilu, tapkuatlu iningnikhangit, inulramiuyut hivulliqtiunginaqtun, maniliuqhimaangitun havagviit, ilauqaqhutiklu ilauyukharnik nunalaani tamaini, katimaqatauniaqtuniklu Nunavunmi havagvikni nunalaani.

Katimafaaqniaqtugut Katimayuarutikharnik talvuuna upingakhaliqan 2015mi, ihviriudjutikharnik ihuaqhaidjutikharnik talvuuna ikayuuhialiqinikkut ihumagiplugu.

###

Tuhaqtitiliqiyikkut Hivayaqlugu:

Andres Ibanez Kerry McCluskey

Tuhaqtitiliqiyuq Ayuittiagiikhimayuq Qatangutiliqiyikkut 867-975-7821

aibanez@gov.nu.ca

 

Aulapkaiyi Tuhaqtitiliqiyunun

Nunavut Tunngavik Inc.

867-975-4914

kmccluskey@tunngavik.com