ᐱᒻᒪᕆᒋᔭᐃᑦ ᐃᓕᖅᑯᓯᑦᑎᐊᕙᐃᓪᓗ
ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑭᒃᑯᑐᐃᓐᓇᕐᓄᑦ ᑭᒡᒐᑐᖅᑎᐅᕗᑦ. ᓄᓇᕗᒻᒥᐅᑦ ᑐᓐᖓᕕᖃᑉᐳᑦ ᑖᒃᑯᐊ ᓄᓇᕗᑦ ᒐᕙᒪᖏᓐᓄᑦ ᓴᐳᒻᒥᔭᑦᑕᐅᓂᐊᕐᓂᕐᒥᓐᓂᒃ, ᐊᒻᒪᓗ ᐅᑉᐱᕈᓱᒃᑐᑎᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᕐᓂᕐᒥᓐᓂ ᐱᓕᕆᑦᑎᐊᕐᓂᐊᕐᕋᓱᒋᓪᓗᒋᑦ, ᐊᔾᔨᒌᑦᑎᑦᑎᓗᑎᒃ, ᐊᔾᔨᒌᒥᒃ ᑕᐅᑐᓪᓗᑎᒃ ᐊᒻᒪᓗ ᐱᓕᕆᑦᑎᐊᕐᓗᑎᒃ. ᓄᓇᕗᑦ ᒐᕙᒪᒃᑯᖏ ᐃᖅᑲᓇᐃᔭᖅᑎᖏᑦ ᖁᑦᑎᑐᒻᒪᕆᐅᔪᒥᒃ ᑕᑯᒃᓴᐅᓂᖃᕆᐊᖃᑉᐳᑦ ᐃᓄᑐᐃᓐᓇᐃᑦ ᐅᐱᒍᓱᖁᓪᓗᒋᑦ ᐊᒻᒪᓗ ᖃᐅᔨᒪᓂᖃᖁᓪᓗᒋᑦ ᑖᒃᑯᓇᓂ ᐃᖅᑲᓇᐃᔭᖅᑎᐅᔪᓂᒃ. ᐃᖅᑲᓇᐃᔭᖅᑏᑦ ᑕᑯᓴᐅᓂᖃᕆᐊᖃᑉᐳᑦ ᐱᓕᕆᐊᕐᕆᔭᖓᑦ ᐊᓯᒥᓐᓄᑦ ᑕᐅᑐᒃᑕᐅᓂᖓᓂᒃ, ᐊᖓᔪᖅᑳᕆᔭᒻᒥᓐᓄᑦ, ᒥᓂᔅᑕᐅᔪᓄᑦ, ᒪᓕᒐᓕᐅᖅᕕᒻᒧᑦ ᐊᒻᒪᓗ ᐃᓄᑐᐃᓐᓇᕐᓄᑦ.