ᑲᑎᒪᔨᑦᓴᓂᒃ ᑐᑦᓯᕋᕐᓂᖅ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᓯᔨᑦ ᑲᑎᒪᔨᕋᓛᑦ
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑲᑎᒪᔨᑦᓴᓂᒃ ᑐᑦᓯᕋᕐᓂᖅ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᓯᔨᑦ ᑲᑎᒪᔨᕋᓛᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᓂᖅᑐᑦ ᒪᕐᕉᖕᓂᒃ ᑲᑎᒪᔨᒃᓴᓂᒃ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᓯᔨᑦ ᑲᑎᒪᔨᕋᓛᓄᑦ. ᑖᒃᑯᐊ ᑲᑎᒪᔨᕋᓛᑦ ᐱᓕᕆᐊᒃᓴᖃᖅᑎᑕᐅᔪᑦ ᐋᓐᓂᐊᓯᐅᖅᑎᒻᒪᕆᐅᓂᕐᒧᑦ ᐱᖁᔭᖅ ᕿᒥᕐᕈᕙᒃᓗᑎᒃ ᐋᖅᑭᒃᓯᕙᒃᓗᑎᒃᓗ ᐱᓇᔫᑎᓂᒃ ᓚᐃᓴᓐᓯᑖᕋᓲᑎᓄᑦ ᓄᑖᖑᕆᐊᕈᑎᓄᓪᓗ ᐋᓐᓂᐅᓯᑎᓕᕆᔨᒻᒪᕆᖕᓄᑦ ᑕᐃᑰᓇ ᐋᓐᓂᐊᓯᐅᖅᑎᒻᒪᕆᐅᓂᕐᒧᑦ ᐱᖁᔭᖅ. ᑕᐃᑰᓇ ᐱᖁᔭᖅ ᑲᑎᒪᔨᕋᓛᑦ ᐱᔭᕆᐊᓕᑦ:
1) ᒐᕙᒪᒃᑯᓐᓄᑦ ᐃᓚᒋᔭᐅᖃᑕᐅᓗᓂ: ᐃᓚᒍᑖ 5(2) (d) - ᐅᓇ ᐃᓄᒃ ᓚᐃᓴᓐᓯᖃᙱᑦᑐᖅ ᐋᓐᓂᐊᓯᐅᑎᒻᒪᕿᐅᓂᕐᒧᑦ ᑲᓇᑕᒥ ᐃᖅᑲᓇᐃᔭᖅᑎᐅᙱᖦᖢᓂᓗ ᓄᓇᕗᒻᒥ ᒐᕙᒪᖓᓄᑦ.
2) ᐃᖅᑲᓇᐃᔭᖅᑎ ᓄᓇᕗᑦ ᒐᕙᒪᖓᒃᑯᖓᓄᑦ: ᐃᓚᒍᑖ 5(2) (b).
ᐱᓇᔪᒃᑐᑦ ᐱᔪᒪᓂᖃᑦᑎᐊᕆᐊᖃᖅᑐᑦ ᐊᑐᐊᒐᓕᕆᔭᐅᓯᒪᔪᒃᑯᑦ ᐱᕙᓪᓕᐊᓂᕐᓄᑦ ᑲᔪᓯᑎᑕᐅᔾᔪᑎᓄᓪᓗ, ᐅᐸᓗᖓᐃᔭᖅᓯᒪᓗᑎᒃᓗ ᑐᓂᓯᒪᓂᐊᕐᓂᕐᒥᓂᒃ ᑎᓴᒪᑦ ᐃᑲᕐᕋᓄᑦ ᑕᖅᑭᑕᒫᑦ.
ᑕᐃᒃᑯᐊ ᐱᔪᒪᔪᑦ ᑖᔅᓱᒥᖓ ᐱᕕᒃᓴᒥᒃ ᑐᓂᓯᔭᕆᐊᓕᑦ ᐊᑐᕐᓂᑯᕕᓂᖏᓐᓂ, ᑎᑎᖅᑲᒥᒃ ᐱᔪᒪᓂᕐᒥᓂᒃ, ᖃᐅᔨᒪᔨᑕᖏᓐᓂᒃᓗ ᑎᑭᓪᓗᒍ ᔪᓚᐃ 31, 2019 ᐸᐅᐳᕋ Hᐅᕐᕕ, ᐊᑎᓕᐅᖅᑕᐅᓯᒪᓕᖅᑎᑦᑎᔨ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐅᕗᖓ @email.
ᐊᔾᔨᖏᑦ ᐱᖁᔭᐅᑉ ᐱᑎᑕᐅᔪᓐᓇᖅᑐᑦ ᑐᒃᓯᕋᖅᑕᐅᒃᐸᑕ ᐊᑐᐃᓐᓇᐅᓪᓗᑎᒃᓗ ᓄᓇᕗᒻᒥ ᒐᕙᒪᒃᑯᑦ ᒪᓕᒐᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ http://www.justice.gov.nu.ca/.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕗᐃᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email
ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca.
ᐱᕙᓪᓕᐊᔪᑎᒍᑦ ᑐᓴᒐᒃᓴᑦ ᐃᓄᒃᑎᑐᑦ ᐊᑐᐃᓐᓇᐅᔪᑦ, ᖃᓪᓗᓈᑐᑦ, ᐃᓄᐃᓐᓇᖅᑐᓐ ᐊᒻᒪ ᐅᐃᕖᑎᑐᑦ ᐅᕙᖓᑦ www.gov.nu.ca.
Tuhaqtaghat ittut Inuktitut, Qablunaatitut, Inuinnaqtun Uiviititullu talvani www.gov.nu.ca.
Les communiqués de presse sont disponibles en inuktitut, en anglais, en inuinnaqtun et en français au www.gov.nu.ca.
ᑐᓴᒐᒃᓴᓕᕆᔨᒃᑯᑦ