ᓄᓇᕗᒻᒥ ᖁᕕᐊᓲᑎᖃᖅᑐᑦ ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᓇᕗᒻᒥ ᖁᕕᐊᓲᑎᖃᖅᑐᑦ ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ
ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᓄᓇᕗᒥᐅᓂᒃ ᖃᓄᐃᙱᑦᑎᐊᕐᓇᖅᑐᓂᒃ ᐱᓕᕆᖃᑕᐅᖁᓪᓗᒋᑦ ᐃᑲᔫᑎᓕᖕᓂᒃ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐊᒻᒪ ᖃᓄᐃᙱᑦᑎᐊᕈᓯᕐᓄᑦ.
ᑎᒥᒃᑯᑦ ᖃᓄᐃᖏᑦᑎᕐᓂᖅ ᐊᑑᑎᕐᔪᐊᕆᕗᖅ ᐃᓱᒪᒧᑦ ᖃᓄᐃᖏᑦᑎᐊᕐᓂᑐᑦ. ᐃᒻᒥᓂ ᑲᒪᒋᑦᑎᐊᕐᓂᖅ ᐊᒻᒪᓗ ᕿᓄᐃᓵᕈᓐᓇᕐᓂᖅ ᒪᑭᑕᑦᑎᐊᕐᓇᖅᐳᑦ ᐃᓱᒪᒧᓪᓗ ᖃᓄᐃᙱᑦᑎᐊᕐᓇᖅᖢᓂ. ᖃᓄᐃᙱᑦᑎᐊᕈᓯᑦ ᐱᓕᕆᐊᒃᓴᑦ ᒪᑯᐊᖑᕗᑦ ᖃᑕᙳᑎᑦ ᐊᒻᒪ ᐱᖃᓐᓇᕆᔭᑦ ᐱᓕᕆᖃᑎᒋᕙᒡᓗᒋᑦ, ᐊᐅᓪᓛᖅᓯᒪᖃᑎᒋᕙᒡᓗᒋᑦ, ᐃᓚᐅᕝᕕᒋᕙᒡᓗᒋᑦ ᐱᖅᑯᓯᒃᑯᑦ ᐱᓕᕆᐊᑦ ᓲᕐᓗ ᒥᖅᓱᖅᑐᑦ, ᐊᖑᓇᓱᒃᑐᑦ, ᐅᕝᕙᓘᓐᓃᑦ ᓴᓇᐅᒐᓕᕆᔪᑦ, ᓂᕿᑦᑎᐊᕙᖕᓂᒃ ᓂᕆᔪᑦ, ᐊᒻᒪᓗ ᐃᑲᔪᖅᑕᐅᔪᒪᓂ ᐃᑲᔪᖅᑕᐅᔭᕆᐊᖃᓕᕈᕕᑦ.
ᐃᑲᔪᖅᑎᔅᓴᖅᑕᓕᒃ ᐃᕕᑦ ᓄᓇᖓᓐᓂᑦ. ᐃᑲᔪᖅᑕᐅᔭᕆᐊᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᓪᓘᓐᓃᑦ ᖃᐅᔨᒪᒍᕕᑦ, ᐅᖃᓪᓚᖃᑎᖃᕆᑦ ᐱᖃᓐᓇᕆᔭᕐᓄᑦ, ᖃᑕᙳᑎᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓐᓇᕐᒧᑦ. ᐊᑭᖃᙱᑦᑐᖅ, ᑐᓴᖅᑕᐅᔾᔮᙱᑦᑐᓂᑦ ᐃᓱᒪᒧᑦ ᐅᐃᕆᓯᒪᓂᖕᒧᓪᓗ ᐃᑲᔪᖅᑎᖃᖅᐳᑦ ᐋᓐᓂᐊᕕᖕᓂᑦ.
ᑭᓇᐅᓂᕐᓂ ᖃᐅᔨᔭᐅᙱᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖄᓚᓗᑎᑦ:
- ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᓄᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ) ᐅᕗᖓ 867-979-3333 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-800-265-3333;
- - ᐊᒃᓱᕈᕐᓇᖅᑐᓄᑦ ᐱᔨᑦᑎᕋᖅᑎᑦ ᑲᓇᑕᒥ – ᖃᕆᓴᐅᔭᒃᑯᑦ ᐅᖃᖃᑎᖃᕆᑦ www.crisisservicescanada.ca, ᐅᖃᓗᒡᓗᑎᑦ, ᐅᕝᕙᓘᓐᓃᑦ ᐅᖃᓘᑎᕋᓛᒃᑯᑦ ᑎᑎᕋᕐᓗᑎᑦ 1-833-456-4566; ᐅᕝᕙᓘᓐᓃᑦ
- ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖄᓚᐅᑦ 1-800-668-6868, ᐅᖄᓚᐅᑎᕋᓛᒃᑯᑦ ᑎᑎᕋᕐᓗᑎᑦ 'TALK' ᐅᕗᖓ 686868, ᐅᕝᕙᓘᓐᓃᑦ ᖃᕋᓴᐅᔭᑦᑯᑦ ᐅᖃᖃᑎᖃᕆᑦ ᐅᕙᓂ www.kidshelpphone.ca.
ᐊᑦᑕᕐᓈᕿᓐᓂᕈᕕᑦ ᖃᐅᔨᒪᔭᓪᓘᓐᓃᑦ, ᐸᓖᓯᒃᑯᑦ ᐅᖃᓗᒡᕕᒋᓗᒋᑦ, ᐅᕝᕙᓘᓐᓃᑦ ᐋᓐᓂᐊᕕᓕᐊᕐᓗᑎᑦ ᐋᓐᓂᐊᕕᐊᓗᖕᒧᓪᓘᓐᓃᑦ ᐃᕐᖐᓐᓇᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
(867) 975-5949
@email