ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᑐᓴᒐᒃᓴᖏᑦ - ᒫᑦᓯ 25, 2020

ᓯᕗᓕᖅᑎᒥ ᑐᓴᒐᒃᓴᖅ:

ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ  ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ.

ᒫᓐᓇᒧᑦ ᑎᑭᖦᖢᒍ ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 166-ᖑᓕᖅᑐᑦ. 116 ᒫᓐᓇ ᖃᐅᔨᓴᖅᑕᐅᔪᑦ, 50 ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.

ᓄᓇᕗᒻᒧᑦ ᐊᐅᓪᓚᖃᑦᑕᖅᑐᑦ ᒫᓐᓇ ᑭᒡᓕᖃᖅᑎᑕᐅᓕᖅᑐᑦ..

ᓄᓇᕗᒻᒥᐅᑦ ᐊᒻᒪ ᐱᕕᒡᔪᐊᑦ ᐃᖅᑲᓇᐃᔭᖅᑏᑦ ᐋᖅᑭᒃᓱᐃᓯᒫᓂᓕᙱᑉᐸᑕ, ᐅᕗᖓ ᖃᐅᔨᒋᐊᓪᓗᐊᖅᐳᑦ @email ᐊᔪᕆᖅᓲᔾᔨᓯᒪᔪᓂᑦ ᐃᓄᑑᔭᕆᐊᖃᕐᓂᐅᑉ ᐊᒻᒪ ᐊᐅᓪᓚᕐᓂᐅᑉ ᒥᒃᓵᓄᑦ.

ᐃᓕᓐᓂᐊᖅᑏᑦ ᓄᓇᕗᑦ ᓯᓚᑖᓂ ᐃᓕᓐᓂᐊᕆᐊᖅᓯᒪᔪᑦ ᐊᖏᕐᕋᐅᔪᒪᓗᑎᒡᓗ ᐅᕗᖓ ᖃᐅᔨᒋᐊᓪᓗᐊᖅᐳᑦ @email ᐋᖅᑭᒃᓱᐃᕌᓂᙱᑉᐸᑕ.

ᕿᑎᕐᒥᐅᑦ ᐃᓕᓐᓂᐊᖅᑏᑦ ᓄᓇᕗᒻᒥ ᐃᓕᓐᓂᐊᖅᑐᑦ: ᓄᓇᔅᓯᓐᓄᑦ ᐅᑎᕈᒪᒍᔅᓯ, ᐅᕗᖓ @email ᖃᐅᔨᒋᐊᑲᐅᑎᒋᔭᕆᐊᖃᖅᐳᓯ. ᖃᖓᑕᓲᒥᒃ ᓵᑕᖅᑕᐅᔪᖃᕐᓂᐊᖅᑐᖅ ᑲᖏᖅᖠᓂᕐᒥᙶᕐᓗᓂ, ᔭᓗᓇᐃᒃᑰᔾᔮᙱᓐᓇᔅᓯ. ᓄᓇᕗᒻᒥ ᐃᓕᓐᓂᐊᖅᑏᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᖃᖓᑦᑕᐅᑎᒃᓴᕐᓂᑦ ᐋᖅᑭᒃᓱᐃᓂᐊᖅᐳᑦ.

ᒐᕙᒪᒃᑯᑦ ᐱᖃᖅᑎᑦᑎᔨᖏᓐᓄᑦ ᐊᑭᓕᕆᐊᓖᑦ ᒫᓐᓇ ᐊᑭᓕᖅᑕᐅᓯᑲᐅᑎᒋᓂᐊᖅᐳᑦ. ᖁᔭᓈᖅᑕᕗᑦ ᐅᓪᓗᓄᑦ 20-ᒥᑦ 30-ᒧᑦ ᐊᑭᓕᐅᑎᓄᑦ ᑭᒡᓕᒋᑎᑕᐅᒐᔪᒃᑐᖅ, ᐊᑭᓕᖅᑕᐅᑲᐅᑎᒋᔪᓐᓇᖁᓪᓗᒋᑦ.

ᐊᐱᕆᔭᐅᑲᑕᓚᐅᕋᒪ ᐃᓄᐃᑦ ᓄᓇᓕᕋᓛᒦᓐᓂᖅᓴᐃᑦ ᐃᓅᖃᑎᒥᓂᒃ ᖃᓂᒃᓴᓗᐊᕆᐊᖃᙱᒻᒪᖔᑕ. ᐄᑦᑎᐊᒻᒪᕆᒃ ᖃᓂᒌᓗᐊᕆᐊᖃᙱᑦᑎᐊᖅᑐᑦ. ᑭᒃᑯᓕᒫᑦᑎᐊᑦ ᑕᐃᒪᐃᓕᐅᕆᐊᖃᓪᓚᑦᑖᖅᐳᑦ. ᓄᕙᒡᔪᐊᕐᓇᖅ−19 ᖃᓄᑐᐃᓐᓇᑦᑎᐊᖅ ᐃᓚᐃᓐᓇᖅᓯᐅᙱᓚᖅ, ᓄᓇᓖᓪᓗ ᒥᑭᓐᓂᖏᑦ ᐱᖃᑕᐅᓪᓗᑎᒃ.

ᐊᖓᔪᖅᑳᕆᔭᐅᔪᑦ, ᐸᖅᑭᔨᒋᔭᐅᔪᑦ ᐊᒻᒪ ᓄᓇᖅᑲᑎᒌᑦ ᐊᐱᕆᔪᒪᖕᒥᔭᒃᑲ ᕿᑐᕐᙵᖏᓐᓄᑦ ᐅᖃᖃᑎᖃᖁᓪᓗᒋᑦ ᐃᓅᖃᑎᒥᓂᒃ ᖃᓂᒃᓴᓗᐊᕆᐊᖃᙱᓐᓂᕐᒥᒃ ᐊᒻᒪ ᖃᓄᐃᒻᒪᑦ ᑕᒪᓐᓇ ᐱᒻᒪᕆᐅᖕᒪᖔᑦ. ᖃᐅᔨᒪᔪᖓ ᑕᒪᓐᓇ ᐊᔪᕐᓇᕐᓂᖓᓂᒃ; ᐃᕐᙳᑕᖃᐅᕐᒥᒐᒪ ᓱᕈᓯᑯᓗᖕᓂᒃ. ᑭᓯᐊᓂ ᐱᔭᕆᐅᖅᓴᒋᐊᖃᖅᐳᑦ ᐱᖃᓐᓇᕇᒃ ᐃᓚᒌᓪᓗ 2-ᒦᑕᓂᒃ ᐅᖓᓯᒌᒃᑎᒋᕙᒡᓗᑎᒃ. ᑕᐃᒪᐃᓕᐅᙱᒃᑯᑦᑕ, ᐱᓇᔪᒍᑎᒋᔭᕗᑦ ᐊᔪᕐᓇᕐᓂᐊᖅᐳᖅ ᓄᓇᑦᑎᓐᓂ.

ᑭᖑᓪᓕᖅᐹᒥ, ᐅᖃᕈᒪᕗᖓ: ᑕᐃᒃᑯᓄᖓ ᓱᖁᑎᒃᓴᙱᑐᐃᓐᓇᖅᑐᓄᑦ ᐊᑐᖁᔭᑦᑎᓐᓂᒃ ᐅᑯᓂᖓ ᐃᓄᑑᔭᕆᐊᖃᕐᓂᕐᒥᒃ, ᐊᖏᕐᕋᖅᓯᒪᐃᓐᓇᖁᔭᐅᔪᓂᒃ ᐊᒻᒪ ᐃᓅᖃᑎᒥᓂᒃ ᖃᓂᒃᓴᓗᐊᕆᐊᖃᙱᓐᓂᕐᒥᒃ, ᐃᒪᓐᓇ ᐅᖃᐅᑎᔪᒪᕙᒃᑲ: ᐊᑲᐅᙱᓕᐅᕈᑕᐅᔪᒧᑦ ᐃᓚᒋᔭᐅᙱᓪᓗᓯ. ᐱᖃᓐᓇᕆᔭᑎᑦ, ᐃᓚᑎᑦ ᐊᒻᒪ ᓄᓇᖅᑲᑎᑎᑦ ᐋᓐᓂᖅᑎᑦᑕᐃᓕᒃᑭᑦ. ᐅᓗᕆᐊᓇᖅᑐᒥᒃ ᓈᒻᒪᙱᑦᑐᒥᓪᓗ ᐃᓕᖅᑯᓯᖃᖅᑕᐃᓕᒋᑦ. ᐊᖏᕐᕋᖅᓯᒪᒋᑦ. ᑕᐃᒪᐃᑦᑐᒃᑰᖅᑐᖃᕆᐊᖃᙱᑦᑐᖅ.

ᐃᓅᖃᑎᑦᑎᓐᓂ ᖃᓂᒃᓴᓗᐊᖃᑦᑕᙱᓪᓗᑕ ᓄᕙᒡᔪᐊᕐᓇᖅ−19-ᒥᑦ ᓴᐳᑎᓯᒪᑦᑎᐊᓛᖑᔪᓐᓇᖅᐳᒍᑦ.

ᐃᓚᒋᓪᓗᓂᐅᒃ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒥᒃ ᐱᑐᐃᓐᓇᕆᐊᖃᕐᓂᕐᒥᒃ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᑐᓴᒐᒃᓴᑦ

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

• ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᐅᑕᐅᕙᒃᑐᓄᑦ ᐃᑲᔪᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓂᒃ ᓄᓇᓕᖕᓂ ᐱᓇᓱᐊᕈᓯᓕᒫᖅ.
• ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑦ ᒪᓕᓪᓗᒋᑦ.
• ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᕈᑎᒋᖃᑦᑕᖅᑕᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ.
• ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.
• ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
• ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
• ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᕆᕙᑦᑕᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

• ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.
• ᐋᓐᓂᐊᕐᕕᓕᐊᖅᖢᑎᒃ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᓯᒪᕗᑦ ᑐᐊᕕᕐᓇᖅᑐᓄᑐᐊᖅ ᐊᐅᓪᓚᕆᐊᓕᖕᓄᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᑖᒃᑯᓂᖓ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᒃᑎᑕᐅᓗᑎᒡᓗ ᑐᓴᕆᐊᓕᖏᓐᓂᑦ.
• ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᐅᕝᕕᒃᓴᓕᖕᓂᒃ ᓱᓕ ᑕᑯᖃᑦᑕᖅᑐᑦ. ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᐅᕝᕕᒃᓴᓖᑦ ᐃᓂᒃᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.
• ᐃᓱᒪᓕᕆᔨ ᐅᐃᕆᓯᒪᔪᓕᕆᔨᓗ ᓅᓯᒪᓕᖅᐳᑦ ᐅᖄᓚᐅᑎᒃᑯᑦ ᖃᐅᔨᒋᐊᕐᕕᐅᔪᓐᓇᖅᖢᑎᒃ ᐃᑲᔪᖅᑐᐃᓂᕐᒧᓪᓗ ᐃᓚᖏᓐᓄᑦ ᑲᒪᒋᔭᐅᔪᓄᑦ. ᑕᑯᔭᒃᓴᓕᐊᖑᓯᒪᔪᑦ ᐄᔭᒐᖏᓐᓂᑦ ᐊᐃᒃᓯᕆᐊᓖᑦ ᐊᒻᒪ ᑎᑎᖅᑲᓕᕆᔭᕆᐊᓖᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ.
• ᐊᖏᕐᕋᖏᓐᓄᑦ ᐅᐸᒃᑕᐅᖃᑦᑕᖅᑐᑦ ᐄᔭᒐᖏᑕ ᒥᒃᓵᓄᑦ ᐊᑕᐅᓯᐅᓈᖅᑎᕐᓗᒋᑦ ᐱᓕᕆᐊᖑᖃᑦᑕᕐᓂᐊᖅᑐᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

• ᑐᐊᕕᕐᓇᙱᑦᑐᑦ ᓯᖓᐃᔪᑦ ᑕᕐᕋᖅᑐᖅᑕᐅᔭᕆᐊᓖᑦ (ᑕᒪᐃᓐᓂᒃ ᓄᓇᓂᑦ) ᒫᓐᓇ ᑭᖑᕙᕆᐊᖅᑕᐅᓯᒪᔪᑦ.  ᑕᑯᔭᐅᕝᕕᒃᓴᒥᓂᒃ ᐅᑕᖅᑭᔪᓕᒫᑦ ᓯᖓᐃᔪᓕᕆᔨᑦ ᐊᖓᔪᖅᑳᖓᓄᑦ ᖃᐅᔨᓴᖅᑕᐅᓕᖅᐳᑦ.
• ᐱᖓᔪᐊᒃᑯᑦ ᐅᓐᓄᒃᑯᑦ ᐃᓗᐊᖅᓴᐃᕙᖕᓃᑦ ᕿᑭᖅᑕᓂ ᐋᓐᓂᐊᕕᖕᒥ ᓄᖅᑲᖅᑎᑕᐅᓯᒪᕗᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

• ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᔪᓕᕆᔨᒧᑦ ᑕᑯᔭᐅᖃᑦᑕᖅᑐᑦ ᐅᖃᓘᑎᒃᑯᑦ ᑐᓴᖅᑎᑦᑎᔭᕆᐊᖃᖅᐳᑦ ᐊᕕᒃᑐᖅᓯᒪᔪᓂ ᐊᐅᓚᑦᑎᔨᖓᓄᑦ.
• ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᐅᕙᓂ ᓇᓂᔭᐅᔪᓐᓇᖅᐳᑦ: https://www.gov.nu.ca/justice

ᑮᓇᐅᔭᓕᕆᔨᒃᑯᑦ ᐱᔨᑦᑎᕋᐅᑎᖏᑦ

• ᒫᓐᓇᐅᔪᖅ ᐃᖃᓗᖕᓂ ᐱᐊᑖᕐᕕᒃ ᐅᐊᐃᓂᑖᕐᕕᒡᓗ ᓱᓕ ᒪᑐᐃᖃᑦᑕᕐᓂᐊᖅᑐᖅ ᐃᓅᖃᑎᒌᓂᒃ ᖃᓂᒌᓗᐊᖅᑎᑦᑎᑦᑕᐃᓕᒪᓗᑎᒃ. ᓂᐅᕕᕆᐊᖅᓯᒪᔪᑦ ᓇᖏᖃᑦᑕᖁᔭᐅᓂᐊᖅᐳᑦ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ. ᒫᑦᓯ 25, 2020−ᒥᑦ ᐱᒋᐊᕐᓗᓂ, ᑖᓐᓇ ᐃᒥᐊᓗᒃᑖᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓐᓃᖅᑐᖅ
• ᐊᑭᓕᐅᑏᑦ ᓂᐅᕕᖅᑎᑦᑎᔨᓄᑦ - ᐊᑐᕈᓐᓃᖅᑎᑦᑎᔪᒍᑦ ᐊᑐᖅᑕᐅᒐᔪᒃᑐᒥᒃ 20 ᐊᒻᒪ 30 ᐅᓪᓗᐃᑦ ᐊᑭᓕᕆᐊᓖᑦ ᒪᓕᒋᐊᓕᖏᓐᓂᒃ ᓂᐅᕕᖅᑎᑦᑎᔨᓄᑦ ᐊᑭᓕᕆᐊᓖᑦ ᑭᖑᓪᓕᕐᒥ ᐊᑐᐃᓐᓇᐅᖃᑦᑕᖁᓪᓗᒋᑦ ᑮᓇᐅᔭᒃᓴᓕᐅᖅᑎᓪᓗᒋᑦ. ᐊᑭᓕᖅᓯᒪᙱᑦᑐᑦ ᐊᑭᓕᒐᒃᓴᓄᑦ, ᓂᐅᕕᖅᑎᑦᑎᔨᑦ ᐱᓕᕆᕝᕕᖕᒧᑦ ᖃᐅᔨᒋᐊᕈᓐᓇᖅᐳᑦ ᐅᕗᖓ ᖃᐅᔨᒋᐊᕐᓗᑎᒃ - https://gov.nu.ca/sites/default/files/departmental_contact-eng.pdf.
• ᓄᓇᕗᑦ ᒐᕙᒪᖓᓄᑦ ᐊᑭᓕᕆᐊᓖᑦ - ᓄᓇᕗᑦ ᒐᕙᒪᒃᑯᑦ ᒫᓐᓇᐅᔪᖅ ᐱᓕᕆᕝᕕᖕᒥ ᑲᑎᖅᓱᐃᑎᑦᑎᔾᔮᙱᑦᑐᑦ. ᑮᓇᐅᔭᒃᑯᕕᓕᒫᑦ ᓅᑕᐅᓯᒪᔪᑦ ᐊᑭᓕᒃᓴᕆᔭᐅᔪᓂᑦ ᓄᐊᑦᑎᔨᓄᑦ ᐊᒻᒪ ᑲᓇᑕᒥ ᐅᑎᖅᑐᒃᓴᓕᕆᔨᓄᑦ ᒫᓐᓇ ᓄᖅᑲᖓᑎᑕᐅᔪᑦ.

ᐱᔨᑦᑎᕋᐅᑎᑦ ᑲᔪᓯᔪᑦ: 

• ᐃᖃᓗᐃᑦ ᐱᐊᑖᕐᕕᒃ ᐅᐊᐃᓂᑖᕐᕕᐅᓪᓗ ᐃᑲᕐᕋᖏᑦ:
  • ᓈᑏᖑᔭᖅ − ᒪᑐᓯᒪᔪᖅ
  • ᓇᒡᒐᔾᔭ − ᒪᑐᓯᒪᔪᖅ
  • ᐊᐃᑉᐹ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᐱᖓᔪᐊᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᕿᑎᖅᑰᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᐅᓪᓗᑐᐃᓐᓇ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᓯᕙᑖᕐᕕᒃ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ

ᐋᖅᑭᒋᐊᖅᑕᐅᔪᑦ ᐱᔨᑦᑎᕋᐅᑎᑦ:

• ᒥᑭᒡᓕᒋᐊᖅᑎᑦᑎᔪᒪᒧᑦ ᐱᑕᖃᖅᑎᑦᑎᑦᑕᐃᓕᒪᔪᒪᒧᓪᓗ ᓯᐊᒻᒪᒃᑎᕆᑐᐃᓐᓇᕆᐊᓕᖕᓂᑦ ᓄᕙᒡᔪᐊᕐᓇᖅ-19−ᒥᒃ ᖃᓂᒪᓐᓇᖅᑐᒥᒃ, ᐃᒥᐊᓗᒃᑖᕐᕕᒃ ᐊᑐᓕᖅᑎᑦᑎᕗᖅ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᑎᑦᑎᓂᕐᒥᒃ ᐊᑐᖅᑕᐅᔭᕆᐊᓕᖕᓂᒃ ᐃᒥᐊᓗᒃᑖᕐᕕᖕᒥ. NULC-ᑯᑦ ᑭᒡᓕᖃᖅᑎᑦᑎᖃᑦᑕᕐᓂᐊᖅᐳᖅ ᖃᔅᓯᐅᓂᖏᓐᓂᒃ ᓂᐅᕕᕆᐊᖅᓯᒪᔪᑦ ᐃᓯᖅᑎᑕᐅᔪᓐᓇᕐᓂᖏᑦ.
• ᓂᐅᕕᕆᐊᖅᓯᒪᔪᑦ ᓇᖏᖃᑦᑕᖁᔭᐅᓂᐊᖅᐳᑦ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ. ᒫᑦᓯ 25, 2020−ᒥᑦ ᐱᒋᐊᕐᓗᓂ, ᑖᓐᓇ ᐃᒥᐊᓗᒃᑖᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓐᓃᖅᑐᖅ
• ᐃᒥᐊᓗᓕᕆᔨᒃᑯᑦ ᓂᐅᕕᐊᒃᓴᖃᖃᑦᑕᐃᓐᓇᕐᓂᐊᖅᑐᑦ ᐃᒥᐊᓗᒃᑖᕐᓂᕐᒧᑦ ᐱᔪᓐᓇᐅᑎᓂᒃ ᐃᖃᓗᖕᓂ ᑲᖏᖅᖠᓂᕐᒥᓗ ᐅᒃᐸᒃᑕᐅᔪᓐᓇᖅᐸᒡᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
• ᐃᖃᓗᖕᓂ, ᐃᒥᐊᓗᒃᑖᕐᕕᓕᐊᓚᐅᑲᖃᑦᑕᕈᓐᓇᖅᐳᑎᑦ ᓇᒡᒐᔾᔭᒥ 9−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, ᐊᒻᒪᓗ, 1−ᒥᑦ 4:30−ᒧᑦ ᐅᓐᓄᒃᓴᒃᑯᑦ, ᐊᒻᒪᓗ, ᐊᐃᑉᐹᓂᑦ ᐅᓪᓗᑐᐃᓐᓇᒧᑦ, 9−ᒥᑦ 11−ᒧᑦ ᐅᓪᓛᒃᑯᑦ.
• ᐃᖃᓗᐃᑦ – ᐅᖄᓚᓗᑎᑦ 867-975-6869
• ᑲᖏᖅᖠᓂᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, 1−ᒥᓪᓗ to 5−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ.
• NULC−ᑯᑦ ᓱᓕ ᓄᓇᓕᖕᓂ ᑎᑭᓴᖅᑕᐅᔪᓂᑦ ᐱᓕᕆᖃᑦᑕᕐᓂᐊᖅᑐᑦ. ᑎᑭᓴᐃᔪᒪᒍᕕᑦ ᐅᖄᓚᓗᑎᑦ 867-645-8575−ᒧᑦ ᐅᕝᕙᓘᓐᓃᑦ 855-844-5488−ᒧᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐱᔨᑦᑎᕋᐅᑎᑦ ᑲᔪᓯᔪᑦ: 

• ᕙᓯᒃᑯᑦ ᑳᑦᑐᓛᒃᑕᐅᓯᒪᔪᑦ ᐊᑭᓕᖅᑕᐅᖃᑦᑕᐃᓐᓇᕐᓂᐊᖅᑐᑦ ᐱᓇᓱᐊᕈᓯᕐᓂᑦ ᐱᖓᓱᓂᒃ ᒪᑐᓯᒪᑎᓪᓗᒋᑦ.

ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ ᐱᔨᑦᑎᕋᐅᑎᖏᑦ

• ᐱᔭᕆᐊᖃᓪᓚᕆᒃᑐᑦ ᐱᔨᑦᑎᕋᐅᑎᑦ ᑲᔪᓯᓂᐊᖅᑐᑦ
• ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᓄᓇᓕᖕᓄᑦ ᒐᕙᒪᒋᔭᐅᔪᓄᑦ ᖃᐅᔨᒋᐊᖃᑦᑕᐃᓐᓇᕐᓂᐊᖅᐳᑦ ᕼᐋᒻᓚᒃᑯᓐᓂ ᑐᓴᐅᒪᑎᑦᑎᖁᓪᓗᒋᑦ ᓴᖅᑭᑉᐸᓪᓕᐊᔪᓂᑦ ᓄᕙᒡᔪᐊᕐᓇᖅᑐᒧᑦ ᐊᒃᑐᐊᓂᓕᖕᓄᑦ ᓄᓇᓕᖕᓂ ᐃᓱᒪᒋᔭᒃᓴᓄᑦ.

ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐊᒡᓗᒋᑦ ᖃᕆᔭᐅᒧᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓇᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐊᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.