ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔫᓂ 8, 2020

ᒥᓂᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦᑭᒡᒐᖅᑐᖅᖢᒍ ᓯᕗᓕᖅᑎ ᓄᑖᙳᕆᐊᖅᑎᑕᐅᔪᑦ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥᒧᑦ ᑎᑭᖦᖢᒍ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᕝᕕᐅᓯᒪᔪᑦ 1,166−ᖑᕗᑦ. 119 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ.

ᖁᕕᐊᓱᒃᐳᖓ ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᓐᓇᕋᒪ ᐃᑲᔪᕐᑐᐃᓂᕐᒧᑦ ᑲᑎᑕᓯᒪᔪᓂᒃ ᑎᖕᒥᓲᕆᕙᒃᑕᑦᑎᓐᓄᑦ. ᑭᖑᓂᑦᑎᓐᓂ ᓇᓗᓇᐃᖅᑕᐅᓚᐅᖅᑎᓪᓗᒍ, ᐊᖏᖃᑎᖃᖅᓯᒪᕗᒍᑦ ᑳᓪᒻ ᐃᐅ−ᑯᓐᓂᒃ ᑲᓇᐃᑎᐊᓐ ᓄᐊᑦ−ᑯᓐᓂᒡᓗ ᐱᑎᑦᑎᔪᒪᓂᕐᒧᑦ ᑮᓇᐅᔭᑎᒍᑦ ᐃᑲᔪᖅᑐᐃᔪᒪᓂᕐᒥᒃ ᐊᐃᕐᕆᓕᒥ, ᒪᐃᒥ ᐊᒻᒪᓗ ᔫᓂᒥ ᑲᔪᓯᑎᑦᑎᔪᒪᓂᕐᒧᑦ ᓈᒻᒪᒃᑐᒥᒃ ᖃᖓᑕᓲᖃᖅᑎᑦᑎᓂᕐᒥᒃ ᐋᓐᓂᐊᕕᓕᐊᖅᑐᓄᑦ ᐱᔨᑦᑎᕋᕐᓂᕐᒧᑦ ᐊᑐᖅᑕᐅᔭᕆᐊᖃᓪᓚᕆᒃᐸᒃᑐᓄᓪᓗ ᐃᖅᑲᓇᐃᔭᖅᑎᓄᑦ ᓄᓇᕗᒻᒧᑦ.

ᓄᓇᕗᑦ ᒐᕙᒪᖓ ᐱᑎᑦᑎᓂᐊᖅᐳᖅ $9,810,000−ᓂᒃ ᐃᑲᔪᖅᑐᐃᒃᑲᓐᓂᕐᓂᕐᒧᑦ ᑲᓇᐃᑎᐊᓐ ᓄᐊᑦ−ᑯᓐᓄᑦ, ᑲᑎᖦᖢᒋᑦ $15,650,000−ᓂᒃ ᑕᖅᑭᓄᑦ ᐱᖓᓱᓄᑦ. ᐱᑎᑦᑎᓂᐊᖅᐳᒍᑦ ᑳᓪᒻ ᐃᐅ−ᑯᓐᓂᒃ $6,387,000-ᓂᒃ ᐃᑲᔪᖅᑐᐃᒃᑲᓐᓂᕐᓂᕐᒧᑦ, ᑲᑎᖦᖢᒋᑦ $8,987,000-ᓂᒃ.

ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᑦ ᐊᔪᙱᑦᑐᑦ, ᐅᓪᓗᒥ ᐃᖅᑲᓇᐃᔭᕐᕕᖕᒥᓄᑦ ᐅᑎᖅᐳᑦ, ᐅᑎᕐᒪᑕᓗ ᑐᙵᓱᒃᑎᑉᐸᕗᑦ. ᖃᓄᐃᓕᐅᖅᑕᐅᔭᕆᐊᓕᖕᓂᒃᐃᓕᓯᓯᒪᔪᖃᖅᐳᖅ ᖁᐊᖅᓵᕐᓇᙱᑦᑐᒃᑯᑦ ᐅᑎᕋᔭᕐᓂᕐᒥᒃ ᐃᖅᑲᓇᐃᔭᕐᕕᖕᓄᑦ, ᖃᓄᐃᙱᑦᑎᐊᕐᓂᖏᓪᓗ ᖃᓄᐃᙱᑦᑎᐊᕈᓐᓇᕐᓂᖏᓪᓗ ᐃᖅᑲᓇᐃᔭᖅᑎᑦᑕ ᓯᕗᓪᓕᖅᐸᐅᑦᑎᐅᑎᓯᒪᓪᓗᑎᒍ.

ᒥᓂᔅᑕ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦᓄᑖᙳᕆᐊᖅᑎᑕᖏᑦ:

ᓘᒃᑕᖅ ᐹᑐᓴᓐ ᓇᓗᓇᐃᕌᓂᒃᓯᒪᓕᖅᑎᓪᓗᒍ, ᓄᓇᕗᒻᒥᐅᑦ ᓴᙱᔪᑦ ᑭᒡᓕᒋᔭᒥᓄᑦ ᐊᑐᖅᑎᑕᖏᑦ ᑭᖑᓪᓕᖅᐹᖑᓇᔭᖅᑐᒃᓴᐅᕗᑦ ᑭᒃᑯᑐᐃᓐᓇᓂᒃ ᐋᓐᓂᐊᖃᑦᑕᐃᓕᑎᑦᑎᓂᕐᒧᑦ ᐊᑐᖅᑕᐅᔪᓂ ᐲᖅᑕᐅᓇᔭᖅᖢᑎᒃ ᐊᓯᔾᔨᖅᑕᐅᓇᔭᖅᖢᑎᒡᓘᓐᓃᑦ. ᒫᓐᓇ, ᓄᒃᑕᕐᓂᖅ ᓄᓇᕗᒻᒧᑦ ᑭᒡᒐᖅᑐᐃᕗᖅ ᐊᑕᐅᓯᕐᒥᒃ ᐊᖏᓛᒥᒃ ᖁᐊᖅᓵᕐᓇᕋᔭᖅᑐᒥᒃ ᓴᖅᑭᑎᑦᑎᓂᐊᕐᓗᓂ ᓄᕙᒡᔪᐊᕐᓇᖅ-19−ᒥᒃ. ᑕᒪᓐᓇ ᓄᒃᑕᕐᓂᕐᒧᑦ ᓄᖅᑲᖓᑎᑦᑎᓂᖅ, ᐊᒻᒪᓗ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᔭᕆᐊᖃᕐᓃᑦ ᐅᑎᓕᖅᑐᓄᑦ ᓄᓇᕗᒻᒥᐅᓄᑦ, ᐋᖅᑭᒃᑕᐅᓯᒪᕗᑦ ᒥᑭᒡᓕᒋᐊᖅᑎᑦᑎᔪᒪᓪᓗᑎᒃ ᑕᒪᑐᒥᖓ ᖁᐊᖅᓵᕐᓇᖅᑐᒥᒃ ᐊᕕᒃᓯᒪᓂᖅᐳᓪᓗ ᐅᑭᐅᖅᑕᖅᑐᒥ ᖁᐊᖅᓵᖅᓇᖅᑐᒦᑎᙱᓪᓗᒍ.

ᑕᒪᓐᓇ ᖃᐅᔨᒪᓗᒍ, ᐱᕕᒃᓴᖃᕐᓂᕐᓂ ᐊᒥᖅᑳᖃᑎᖃᕈᒪᕗᖓ ᑐᓴᖅᑕᐅᔪᒃᓴᓂᒃ ᓄᑖᒧᑦ ᐊᑐᖅᑕᐅᓂᐊᓕᖕᒥᔪᒧᑦ ᐊᑐᓕᖅᑕᐅᕙᓪᓕᐊᔪᒧᑦ ᐃᓂᒃᓴᓕᐅᖅᐸᖕᓂᕐᒥᒃ ᓄᖅᑲᖓᑎᑕᐅᓂᐊᕐᓂᕐᓂᒃ ᓄᓇᕗᑦ ᒐᕙᒪᖓᑕ ᖃᓪᓗᓈᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᑎᑕᖏᓐᓂ. ᓯᕗᒻᒧᐊᖅᐸᓪᓕᐊᓗᑕ, ᑕᒪᕐᒥᑦᑎᐊᖅ ᓄᓇᕗᒻᒥᐅᑦ ᐊᐅᓪᓚᕈᒪᓯᒪᓂᕐᒥᒃ ᐱᕙᒌᔭᖅᓯᒪᔪᑦ ᐊᕕᒃᓯᒪᓂᖏᑕ ᐅᑭᐅᖅᑕᖅᑐᒥ ᓯᓚᑖᓄᑦ ᑐᓂᓯᓪᓗᐊᖅᐳᑦ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᓕᐅᕐᓂᕐᒧᑦ ᐱᔪᒪᓂᕐᒧᑦ ᑎᑎᕋᕆᐊᓕᖕᒥᒃ ᐅᑯᓄᖓ @email ᖃᐅᔨᒪᓕᑐᐊᕈᕕᑦ ᐱᕙᒌᔭᖅᓯᒪᔭᑎᑦ ᖃᓄᐃᓕᖓᓂᐊᕐᒪᖔᑕ ᓄᒃᑕᕐᓂᕐᒧᑦ. ᑕᐃᑲᓂᓕ, ᑕᐃᒃᑯᐊ ᓄᒃᑕᖅᑐᖃᖅᐸᖕᓂᖓᓄᑦ ᐱᕆᓕᕆᔩᑦ ᐱᕆᓂᐊᖅᐳᑦ ᓇᓗᓇᐃᖅᓯᓗᑎᒃ ᐃᒡᓗᕈᓯᕐᒥᒃ ᒪᓂᒪᔪᖃᕐᓂᖓᓂᒃ ᐃᓕᖕᓂᒡᓗ ᐃᓂᒃᓴᓕᐅᕐᓗᑎᒃ ᓇᓕᐊᖕᓂᑐᐃᓐᓇᖅ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ.

ᑕᒪᓐᓇ ᐋᖅᑭᒋᐊᖅᑕᐅᓯᒪᒃᑲᓐᓂᖅᑐᖅ ᑕᐃᒪᐃᓕᖓᑎᑕᐅᕗᖅ ᐃᑲᔪᕈᑕᐅᔪᒪᓪᓗᓂ ᓄᓇᕗᒻᒥᐅᓂᒃ ᐱᕙᒌᔭᕐᓂᕐᒧᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᕐᒧᒃ ᐊᑐᕆᐊᖃᑦᑕᖓᓂᒃ ᓯᕗᓂᑲᓪᓚᒃᑲᓐᓂᐊᒍᑦ, ᓇᓗᙱᑦᑎᐊᖅᑎᓂᖓᓄᑦ ᐱᓕᕆᔨᕗᑦ ᓂᕆᐅᒋᔭᖃᕈᓐᓇᖁᓪᓗᒋᑦ ᐊᑐᖅᑎᑦᑎᔪᓐᓇᖁᓪᓗᒋᓪᓗ ᓄᒃᑕᖅᑎᓂᒃ ᑕᖅᑭᓂ ᐊᒡᒋᖅᐸᓪᓕᐊᔪᓂ.  ᑐᓴᖅᑕᐅᔪᒃᓴᒃᑲᓐᓂᕐᓂᒃ, ᐃᓚᒋᔭᐅᓪᓗᓂ ᑕᐃᑯᙵᕐᓂᕐᒧᑦ ᐅᓪᓗᓂ ᐊᑐᖅᑕᐅᔭᕆᐊᓕᖕᓂᒃ, ᓇᓂᔭᐅᔪᓐᓇᕆᕗᑦᑕᐅᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂᑦ.

ᐳᐃᒍᖅᑐᖃᖅᑕᐃᓕᓕ ᐃᒪᓐᓇ, ᐱᔭᕆᐊᖃᓪᓚᕆᙱᑦᑐᓄᑦ ᐊᐅᓪᓚᖃᑦᑕᖁᔭᐅᙱᑦᑐᑦ ᓄᓇᕗᑦ ᓯᓚᑖᓄᑦ.

ᑕᒪᕐᒥᑦᑎᐊᖅ ᐃᓄᐃᑦ ᐱᓇᔪᒃᑐᑦ ᐱᔭᕆᐊᖃᓪᓚᕆᒃᑐᒧᑦ ᐃᖅᑲᓇᐃᔭᖅᑎᐅᓂᕐᒧᑦ ᑭᑭᑕᐅᔪᒪᓂᕐᒥᒃ ᐆᒥᖓ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᑐᕌᕈᑎᒥᒃ ᐊᑐᕆᐊᖃᐃᓐᓇᕐᓂᐊᖅᑐᑦ @email.

ᑭᖑᓪᓕᖅᐹᒥᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᓚᐅᑲᖕᓂᐊᖅᑐᓂᒃ ᐊᓯᔾᔨᖅᓯᕗᑦ ᐋᓐᓂᐊᕕᓕᐊᕐᓗᓂ ᓄᒃᑕᕐᓂᕐᒧ ᐊᑐᐊᒐᒥ, ᑕᒪᒃᑯᐊ ᐋᓐᓂᐊᕕᓕᐊᖅᖢᑎᒃ ᓄᒃᑕᖅᑐᑦ ᑲᒪᔨᖏᓪᓗ ᖁᐊᖅᓵᖅᓇᖅᑐᒦᖁᓇᒋᑦ ᓄᕙᒡᔪᐊᕐᓇᖅ-19−ᒥᑦ. ᐱᑐᐃᓐᓇᐅᙱᑦᑐᓂᒃ ᐊᑐᕆᐊᓕᖕᓂᒃ ᐃᓚᓕᐅᔾᔨᔪᖃᖅᐳᖅ ᖃᐅᔨᒪᑦᑎᐊᕈᒪᓂᕐᒧᑦ ᐋᓐᓂᐊᕕᓕᐊᖅᖢᑎᒃ ᓄᒃᑕᖅᐸᒃᑐᑦ ᑲᒪᔨᖏᓪᓗ ᒪᓕᑦᑎᐊᕋᓗᐊᕐᒪᖔᑕ ᒪᓕᒋᐊᓕᖕᓂᒃ, ᐃᓅᖃᑎᒥᓂᒃ ᐅᖓᓯᒃᓴᕆᐊᖃᖅᐸᖕᓂᕐᒥᒃ, ᐊᒡᒐᓂᒃ ᐅᐊᓴᕆᐊᖃᖅᐸᖕᓂᕐᒥᒃ, ᐊᓯᖏᓐᓄᓪᓗ ᐃᓕᖅᑯᓯᕆᔭᐅᔭᕆᐊᓕᖕᓄᑦ ᐃᑲᔪᖅᑐᓄᑦ ᓯᐊᒻᒪᒃᑎᕆᑦᑕᐃᓕᒪᓂᕐᒥᒃ ᓄᕙᒡᔪᐊᕐᓇᖅ-19−ᒥᒃ.   ᑕᒪᒃᑯᐊ ᐊᓯᔾᔨᕆᐊᖅᑕᐅᔪᑦ ᑐᑭᓯᓇᕐᓂᖅᓴᒃᑯᑦ ᓇᓗᓇᐃᔭᐃᕗᑦ ᐊᑐᖅᑕᐅᔭᕆᐊᓕᖕᓂᒃ ᑕᒪᐃᓐᓄᑦ ᐋᓐᓂᐊᕕᓕᐊᖅᖢᑎᒃ ᓄᒃᑕᖅᑐᓄᑦ ᑲᒪᔨᖏᓐᓄᓪᓗ ᐱᔭᕇᖅᓯᔭᕆᐊᖃᕐᓂᖏᓐᓂᒃ 14−ᓄᑦ ᐅᓪᓗᓄᒃ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒥᒃᓇᓗᓇᐃᖅᑕᐅᓯᒪᔪᒥ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᒥ ᐅᑎᓚᐅᙱᓐᓂᕐᒥᓂ ᓄᓇᕗᒻᒧᑦ.

ᕿᓂᖅᐸᓪᓕᐊᓂᑦᑎᓐᓂ ᐊᑐᖅᑕᐅᔪᓐᓇᖅᑐᓂᒃ ᖃᓱᑎᑦᑎᒋᐊᒃᑲᓐᓂᕋᔭᕐᓂᕐᒥᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᐅᑎᕐᓂᕐᒧᓪᓗ ᐱᓕᕆᐊᒃᓴᓄᑦ ᐊᓕᐊᓇᐃᒋᔭᑦᑎᓐᓄᑦ, ᓇᐅᑦᑎᖅᓱᐃᓐᓇᕆᐊᖃᖅᐳᒍᑦ ᖃᐅᔨᒪᓗᑕᓗ ᑕᒪᓐᓇ ᖁᐊᖅᓵᕐᓇᖅᑐᖅ ᓄᕙᒡᔪᐊᕐᓇᖅ-19 ᓱᓕ ᐊᓂᒍᐊᓂᙱᓐᓂᖓᓂᒃ.

ᐊᑐᐃᓐᓇᖃᑦᑕᕆᔅᓯ ᑎᒥᒃᑯᑦ ᐅᖓᓯᒃᓴᖅᐸᖕᓂᕐᒥᒃ ᐊᒡᒐᓂᒡᓗ ᐅᐊᓴᖅᓯᕙᖕᓂᕐᒥᒃ ᐊᑐᕆᐊᓕᖕᓂᒃ, ᐃᓱᓕᑦᑕᖅᑎᑦᑎᓗᓯᓗ ᐊᑐᓪᓚᕆᒋᐊᖃᙱᑦᑐᓂᒃ ᓄᒃᑕᕐᓂᕐᓂᒃ ᑕᒫᙵᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥᑦ. ᖁᔭᓐᓇᒦᒃ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᕈᓂ ᐊᐴᑎᓯᒪᓚᐅᕋᓱᒋᓗᓂ ᓄᕙᒡᔪᐊᕐᓇᖅ-19−ᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601  10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᐅᕝᕙᓘᓐᓃᑦ ᖃᐅᔨᑎᑲᐅᑎᒋᓗᒋᑦ ᓄᓇᓕᖕᓂ ᐋᓐᓂᐊᕕᖓᑦ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᓪᓗ ᐊᖏᕐᕋᖅᓯᒪᓗᑎᓪᓗ ᐅᓪᓗᓄᑦ 14-ᓄᑦ.

ᑭᓇᑐᐃᓐᓇᑦᑎᐊᖅ ᖃᕆᑕᐅᔭᒃᑰᕈᓐᓇᐅᑎᖃᖅᑐᖅ ᐱᓕᕆᔪᓐᓇᕆᕗᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᒪᔪᑦ ᐅᕙᓂ, nu.thrive.health

ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᖅ ᓄᒃᑕᖅᑎᓄᑦ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᔪᖃᖅᓯᒪᕗᖅ ᓄᓇᕗᒻᒥᐅᓄᑦ ᐊᐅᓚᕈᒪᓂᐊᖅᑐᓄᑦ ᐊᕕᒃᓯᒪᓂᖓᑕ ᐅᑭᐅᖅᑕᖅᑐᒥ ᓯᓚᑕᓄᑦ. ᐸᒃᑕᐅᑦᑕᐃᓕᒪᓂᕐᒧᑦ ᐃᓂᑖᕈᒪᓂᕐᒧᑦ ᐱᔪᒪᔾᔪᑕᐅᔪᒥᒃ ᐅᑯᓄᖓ, @email ᖃᐅᔨᒪᓕᑐᐊᕈᑎᒃ ᓄᒃᑕᕐᓂᕐᒧᑦ ᐱᕙᒌᔭᖅᑕᐅᓯᒪᓂᕐᒥᓂᒃ, ᓇᓗᙱᑦᑎᐊᕈᒪᓂᕐᒧᑦ ᑖᒃᑯᐊ ᓄᒃᑕᖅᑐᖃᖅᐸᖕᓂᖓᓄᑦ ᐱᓕᕆᔨᑦ ᓇᓗᓇᐃᖅᓯᔪᓐᓇᖁᓪᓗᒋᑦ ᐃᒡᓗᕈᓯᕐᒥᒃ ᒪᓂᒪᔪᖃᕐᒪᖔᑦ ᐃᓂᒃᓴᓕᐅᕐᓗᑎᒡᓗ ᐃᓂᒋᓂᐊᖅᑕᒥᓂᒃ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᓇᓂᓯᔪᖃᕈᓐᓇᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

ᑕᒪᕐᒥᑦᑎᐊᖅ ᐃᓄᐃᑦ ᐱᓇᔪᒃᑐᑦ ᐱᔭᕆᐊᖃᓪᓚᕆᒃᑐᒧᑦ ᐃᖅᑲᓇᐃᔭᖅᑎᐅᓂᕐᒧᑦ ᑭᑭᑕᐅᔪᒪᓂᕐᒥᒃ ᐆᒥᖓ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᑐᕌᕈᑎᒥᒃ ᐊᑐᕆᐊᖃᐃᓐᓇᕐᓂᐊᖅᑐᑦ [email protected].

ᐅᓄᕐᓂᖏᑦ

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔫᓂ 7−ᒥ ᐱᒋᐊᖅᖢᓂ, 1,433−ᓂᒃ ᑐᒃᓯᕋᖅᓯᒪᔪᖃᖅᐳᖅ, 1,085−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᔨᑦᑎᕋᕐᓂᕆᔭᐅᕙᒃᑐᑦ

ᐊᐅᓪᓚᕐᓗᓂ ᐃᖅᑲᓇᐃᔭᕆᐊᖃᑦᑕᕐᓂᖅ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ

ᔫᓐ 1−ᖑᓕᖅᑎᓪᓗᒍ, ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᒃ ᐲᓚᐅᕐᐸᐅᒃ ᓄᓇᕗᑦ−ᐃᓗᐊᓂᑦ ᐊᐅᓪᓚᖅᑲᑦᑕᖁᔨᙱᓐᓂᖅ. ᓄᓇᕗᑦ ᓯᓚᑖᓄᑦ ᐊᐅᓪᓚᖃᑦᑕᖁᔭᐅᙱᓚᑦ ᓱᓕ.

ᔫᓐ 8−ᖑᓕᖅᐸᑦ, ᓄᓇᕗᑦ ᒐᕙᒪᒃᑯᖏᑦ ᐱᒋᐊᖕᓂᐊᓕᖕᒥᔪᑦ ᓄᓇᕗᑦ−ᐃᓗᐊᓂᑦ ᐊᐅᓪᓚᖃᑦᑕᖕᓂᖅ ᐃᖅᑲᓇᐃᔭᖅᑎᓄᑦ, ᒪᓕᒡᓗᑎᒃ ᐃᓕᖅᑯᓯᐅᕙᒃᑐᓂᑦ. ᑕᒪᖕᒥᒃ ᐱᔭᕆᐊᖃᓪᓚᕆᑦᑐᑦ ᐱᔭᕆᐊᖃᙱᑦᑐᓪᓗ ᐃᖅᑲᓇᐃᔭᕆᐊᕐᓗᑎᒃ ᐊᐅᓪᓚᖃᖑᑦᑕᖕᓃᑦ ᐊᖏᕐᑕᐅᑐᐃᓐᓇᕆᐊᓕᑦ ᓄᓇᕗᑦ ᐃᓗᐊᓂᑦ.

ᐃᖅᑲᓇᐃᔭᕆᐊᕐᓄᒥ ᐊᐅᓐᓇᖃᑦᑕᖕᒥᑦ ᕿᑎᕐᒥᐅᓄᑦ ᕿᑎᕐᒥᐅᓂᑦ ᐊᖏᕐᑕᐅᑐᐃᓐᓇᕆᐊᓕᒃ ᖃᖓᑕᓂᖏᑦ ᓄᖅᑲᕐᑕᕆᐊᖃᙱᑉᐸᑕ ᐃᓄᑐᐊᒃᑯᕕᖕᒦᒋᐊᖃᙱᓪᓗᑎᒃᓗ ᔭᓗᓇᐃᕝᒥ. ᐱᓕᕆᕝᕕᐅᔪᑦᑕᐅᖅ ᐃᓱᒪᑐᐃᓐᓇᕆᐊᓕᑦ ᓵᑕᖅᓯᓗᑎᒃ ᕿᑎᖕᒥᐅᓄᑦ ᕿᑎᖕᒥᐅᓂᓪᓘᓐᓃᑦ.

ᐃᖅᑲᓇᐃᔭᕆᐊᕐᓗᓂ ᐊᐅᓪᓚᕐᑐᑦ ᓴᓂᑭᓗᐊᒧᑦ ᐅᑎᒧᓪᓗ ᐊᖏᕐᑕᐅᑐᐃᓐᓇᕆᐊᓕᑦ ᓵᑕᓄᑐᐊᖅ, ᖃᖓᑕᓂᕆᔭᖏᑦ ᓄᖅᑲᕐᑕᕆᐊᖃᙱᑉᐸᑕ ᓄᓇᕗᑦ ᓯᓚᑖᓄᑦ ᐃᓄᑐᐊᒃᑯᕕᖕᒦᒋᐊᖃᙱᓪᓗᑎᒃᓗ.

ᐱᔭᕆᐊᖃᓪᓚᕆᙱᑦᑐᑦ ᐃᖅᑲᓇᐃᔭᕆᐊᕐᓗᑎᒃ ᐊᐅᓪᓚᖕᓃᑦ ᓄᓇᕗᑦ ᓯᓚᑖᓄᑦ ᓱᓕ ᓄᖅᑲᖔᖅᑎᑕᐅᔪᑦ.

ᖃᕆᑕᐅᔭᒃᑯᑦ ᐊᔪᕈᓐᓃᖅᓴᕐᓃᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ

ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᒋᔭᖏᓪᓗ ᕼᐆᒻᕗᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᒐᒃᓴᖃᖅᑎᑦᑎᕗᑦ ᐃᓕᖕᓄᑦ ᐃᓚᖕᓄᓪᓗ ᐃᑲᔫᑕᐅᓇᓱᒃᑐᓂᒃ ᐊᓯᔾᔨᕆᐊᖃᑕᐅᔪᓐᓇᖁᓪᓗᓯ ᐊᒻᒪ ᐃᓱᒪᒃᑯᑦ ᖃᓄᐃᙱᑦᑎᐊᖏᓐᓇᕐᓗᓯ.

ᑎᑎᕋᖅᓯᒪᔪᓕᒫᑦ ᑐᙵᕕᖃᖅᐳᑦ ᒫᓐᓇ, ᖃᐅᔨᓴᕈᑎᑦᑎᐊᕙᐅᓛᓂᒃ ᐱᖃᓯᐅᔾᔨᓪᓗᑎᒡᓗ ᑎᑎᖅᑲᓕᐅᒐᒃᓴᓂᒃ ᑐᑭᓯᒋᐊᕈᑎᒃᓴᓂᒃ, ᖃᐅᔨᓴᕈᑎᒃᓴᓂᒃ (ᐊᐱᖅᑯᑎᑦ), ᐊᒻᒪ ᐊᔪᕈᓐᓃᖅᓴᕈᑎᓂᒃ. ᐃᓕᓐᓂᐊᒐᒃᓴᐃᑦ ᓇᓂᑐᐃᓐᓇᖅ ᖃᖓᑐᐃᓐᓇᖅ ᐱᔪᓐᓇᖅᑕᑎᑦ.

ᑖᒃᑯᐊ ᐃᓕᓐᓂᐊᕈᑎᒃᓴᑦ ᒫᓐᓇ ᖃᓪᓗᓈᑎᑐᑦ ᐅᐃᕖᑎᑐᓪᓗ ᐊᑐᐃᓐᓇᐅᕗᑦ.

ᐱᔪᒪᒍᕕᑦ ᕼᐆᒻᕗᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᐃᑭᐊᖅᑭᕕᖓ ᑕᑯᒋᐊᕐᓗᒍwww.homeweb.ca ᐊᑦᑕᑕᕐᕕᖏᓪᓗ ᒪᓕᒡᓗᒋᑦ ᐃᓚᒋᔭᐅᔪᑦ ᐱᔨᑦᑎᕋᖅᑕᐅᕝᕕᖓᓄᑦ.

ᐃᖅᑲᓇᐃᔭᖅᑏᑦ ᐃᓚᒌᓪᓗ ᐅᖄᓚᔪᓐᓇᖅᑐᑦ ᐊᑭᖃᙱᑦᑐᒧᑦ ᐅᕗᖓ 1-800-663-1142 ᓇᖕᒥᓂᖅ ᐃᓅᓯᓕᕆᔨᒧᑦ ᐃᑲᔪᖅᑕᐅᔪᒪᔪᑦ.

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.