ᐊᖓᔪᖅᑳᒃᓴᒥᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᒃᓯᕋᖅᑐᑦ
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᐊᖓᔪᖅᑳᒃᓴᒥᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᒃᓯᕋᖅᑐᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔪᒪᓇᔭᖅᑐᒥᒃ ᕿᓂᓕᖅᑐᑦ ᐃᕐᓂᓱᒃᓰᔨᒥᒃ ᐊᖓᔪᖅᑳᕆᔭᐅᓂᐊᖅᑐᒥᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐃᕐᓂᓱᒃᓰᔨᓪᓚᕆᑦ ᐱᖁᔭᖓ ᒪᓕᒃᖢᒍ.
ᓂᕈᐊᒐᒃᓴᐅᔪᒪᔪᑦ ᐃᕐᓂᓱᒃᓰᔨᐅᔭᕆᐊᖃᖅᐳᑦ ᐃᕐᓂᓱᒃᓰᔨᓪᓚᕆᑦ ᐱᖁᔭᖓ ᒪᓕᒃᖢᒍ ᓄᓇᕗᒻᒥ ᐅᕝᕙᓘᓐᓃᑦ ᐃᕐᓂᓱᒃᓰᔨᐅᓂᕐᒧᑦ ᐊᑎᓕᐅᖅᑕᐅᓯᒪᓗᓂ ᑲᔪᓯᑦᑎᐊᖅᓯᒪᓗᓂᓗ ᓄᓇᓖᑦ ᐊᕕᒃᑐᖅᓯᒪᔪᑦ ᐊᓯᐊᓂᒡᓘᓐᓃᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᐱᖁᔭᖓ ᒪᓕᒡᓗᒍ ᒪᓕᒐᖏᓪᓘᓐᓃᑦ. ᐱᓕᕆᐊᕆᖃᑦᑕᖅᓯᒪᔭᖏᑦ ᐅᖃᐱᓘᑕᐅᔪᓂᑦ ᕿᒥᕐᕈᔨᐅᓗᓂ ᐊᑐᖅᓯᒪᔭᖏᓪᓘᓐᓃᑦ ᐅᖃᐱᓘᑕᐅᔪᓄᑦ ᑲᑎᒪᔨᕋᓛᖑᓗᓂ ᖃᐅᔨᓴᖅᑎᐅᓪᓗᓂᓘᓐᓃᑦ ᐃᑲᔪᕐᓂᖃᕋᔭᖅᐳᑦ.
ᑐᑭᓯᒋᐊᒃᑲᓂᕈᒪᒍᕕᑦ ᑐᓂᓯᔪᒪᒍᕕᓪᓘᓐᓃᑦ ᐱᓇᔫᑎᒥᒃ, ᐹᐳᕋ ᕼᐋᕐᕕᒧᑦ ᖃᐅᔨᒋᐊᕈᓐᓇᖅᐳᑎᑦ, ᑎᑎᖅᑭᕆᔨ ᐋᓐᓂᐊᖅᑐᓕᕆᔨᒻᒪᕆᖕᓄᑦ, 867-982-7655−ᒧᑦ, ᓱᒃᑲᔪᒃᑯᓪᓘᓐᓃᑦ 867-982-7640−ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ ᐅᕗᖓ @email. ᐱᓇᔪᒃᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂᒃ ᐱᖃᓯᐅᔾᔨᔭᕆᐊᓕᑦ ᐊᒻᒪ ᐱᓕᕆᔪᒪᓂᕐᒧᑦ ᑎᑎᕋᖅᓯᒪᔪᒥᒃ.
ᐱᓇᔪᒍᒪᔪᓄᑦ ᐅᑐᐱᕆ 31-ᒥ ᐃᓱᓕᕝᕕᒃᓴᖃᖅᑐᖅ.
ᐱᖁᔭᐅᑉ ᐊᔾᔨᖏᓐᓂᒃ ᐱᑎᑦᑎᔪᓐᓇᑐᐃᓐᓇᕆᐊᓖᑦ ᐊᐱᕆᔭᐅᒃᐸᑕ ᐅᕙᓂᓗ ᐊᑐᐃᓐᓇᐅᒋᓪᓗᓂ https://www.nunavutlegislation.ca/en/consolidated-law/current?title=M.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
@email