ᖃᓂᒪᓐᓇᖅ ᐊᒻᒪ ᐋᓐᓂᐊᕇᒃᑯᑎᒧᑦ ᑲᐱᔭᐅᓂᖅ ᓄᓇᕗᒻᒥ

ᑭᒃᑯᑐᐃᓐᓇᓄᑦ ᑐᓴᕋᔅᓴᖅ

ᖃᓂᒪᓐᓇᖅ ᐊᒻᒪ ᐋᓐᓂᐊᕇᒃᑯᑎᒧᑦ ᑲᐱᔭᐅᓂᖅ ᓄᓇᕗᒻᒥ

ᖃᓂᒪᓐᓇᐅᓕᕐᒥᖕᒪᑦ ᐊᒻᒪ ᐊᑲᐅᓛᖑᕗᖅ ᐃᓕᖕᓂᒃ ᓴᐳᑎᔭᕆᐊᒃᓴᖅ ᐃᓚᑎᓪᓗ ᐋᓐᓂᐊᕇᒃᑯᑎᒧᑦ ᑲᐱᔭᐅᑐᐊᕈᔅᓯ.

ᓄᓇᕗᒻᒥᐅᓕᒫᑦ ᐊᕐᕕᓂᓕᖕᓄᑦ (6) ᑕᖅᑭᓄᑦ ᐅᖓᑖᓂᑦ ᑎᓕᐅᖅᑕᐅᕗᑦ ᑲᐱᔭᐅᖁᔭᐅᓪᓗᑎᒃ ᐋᓐᓂᐊᕇᒃᑯᑎᒧᑦ. ᐋᓐᓂᐊᕇᒃᑯᑎ ᐊᑭᖃᙱᑉᐳᑦ ᐊᑐᐃᓐᓇᐅᓪᓗᑎᒃ ᓄᓇᓕᖕᓂ ᐋᓐᓂᐊᕕᖕᓂᑦ ᓄᓇᕗᒻᒥ, ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃ, ᐃᒡᓗᕐᔪᐊᖅ 1091.

ᓄᕙᒡᔪᐊᕐᓇᖅ-19 ᓄᕙᓕᕈᑕᐅᕙᒃᑐᒧᑦ ᐊᔾᔨᐸᓗᒋᓂᖓᓄᑦ, ᐱᒻᒪᕆᐅᕗᖅ ᑕᐃᒃᑯᐊ ᑲᐱᔭᐅᔪᓐᓇᖅᑐᑦ ᑲᐱᔭᐅᖁᔭᐅᓕᖅᖢᑎᒃ. ᐋᓐᓂᐊᕇᒃᑯᑎᒧᑦ ᑲᐱᔭᐅᓂᖅ ᓴᐳᔾᔨᔾᔪᑎᒋᔪᓐᓇᙱᑕᕗᑦ ᐊᓯᖏᓐᓂᒃ ᖁᐱᕐᕈᐊᕐᔪᖕᓂᒃ, ᐃᑲᔫᑎᒋᔪᓐᓇᖅᑕᕗᑦ ᖃᓄᐃᙱᑦᑎᐊᕈᓯᑦᑎᓐᓄᑦ, ᐱᓗᐊᖅᑐᒥ ᓄᕙᕐᔪᐊᕐᓇᖅ-19−ᑕᖃᕐᓂᕋᖅᑕᐅᓐᓂᖅᐸᑦ ᓄᓇᖅᑲᑎᒌᓂᒃ.

ᐋᓐᓂᐊᕇᒃᑯᑎᓂᑦ ᑲᐴᑎᓂᑦ ᑎᑭᕝᕕᐅᔪᐃᓐᓇᐅᓂᐊᖅᑐᑦ ᓄᓇᓖᑦ ᐅᑐᐱᕆ ᕿᑎᖅᐸᓯᐊᓂ. ᑲᐱᔭᐅᓐᓇᖅᑐᖅ ᖃᖓᑐᐃᓐᓇᑦᑎᐊᖅ ᑲᐱᔭᐅᓐᓇᕐᓂᕋᖅᑕᐅᓕᖅᐸᑦ. ᖃᐅᔨᒪᓂᐊᖅᐳᓯ ᕿᓚᒻᒥᐅᓂᖅᓴᒃᑯᑦ ᑲᐱᔭᐅᒍᔅᓯ, ᐊᑲᐅᓂᖅᓴᒃᑰᕈᓐᓇᖅᐳᑎᑦ ᐊᑦᑕᕐᓇᖅᑐᒧᑦ ᒥᒃᖠᒋᐊᕈᑎᓗᓂ.

ᓄᕙᕐᔪᐊᕐᓇᖅ-19−ᒧᑦ ᐅᔾᔨᖅᓱᕆᐊᓖᑦ ᐱᔾᔪᑕᐅᓪᓗᑎᒃ, ᐅᖃᓗᖅᑳᖃᑦᑕᕆᐊᖃᕐᓂᐊᖅᑐᒃᓴᐅᕗᓯ ᑲᐱᔭᐅᔭᖅᑐᓚᐅᙱᓐᓂᔅᓯᓐᓂᒃ. ᐋᓐᓂᐊᕕᖕᒧᑦ ᐅᖃᓗᖃᑦᑕᕐᓗᓯ ᑐᑭᓯᒋᐊᒃᑲᓐᓂᕈᒪᒍᔅᓯ.

ᐅᑯᐊ ᒪᓕᒃᑕᐅᒋᐊᓕᑦ ᒪᓕᒃᑕᐅᑦᑎᐊᑐᐊᖅᐸᑕ ᑲᑦᑐᕈᑕᐅᔪᓐᓇᕐᒪᑦ ᖃᓂᒪᓐᓇᖅ ᓯᐊᒻᒪᒃᑎᕋᔭᕐᓂᖓᓄᑦ, ᓄᕙᕐᔪᐊᕐᓇᖅ-19, ᐊᓯᖏᓪᓗ ᐳᕝᕕᕆᓐᓇᖅᑐᑦ ᖃᓂᒪᓐᓇᐃᑦ:

• ᐊᖏᕐᕋᖅᓯᒪᑐᐃᓐᓇᕐᓗᑎᑦ ᖃᓂᒪᒍᕕᑦ.
• ᖁᐃᖅᓱᕈᔅᓯ ᑕᒋᐅᒃᑯᔅᓯᓗ ᑕᓕᔅᓯᓐᓄᑦ ᒪᑐᐊᖅᐸᒡᓗᓯ.
• ᐊᒡᒐᑎᑦ ᐅᐊᓴᑦᑎᐊᖃᑦᑕᕐᓗᒋᑦ.
• ᑮᓇᐃᑦ ᐊᒃᑐᖅᑕᐃᓕᒪᕙᒡᓗᒍ.
• ᑲᒃᑭᐅᑎᒋᐊᓂᒃᑕᓯ ᐃᕐᖐᓐᓇᖅ ᐊᒃᑕᑰᓯᕝᕕᖕᒧᑦ ᐃᒋᑉᐸᒡᓗᓯᐅᒃ.
• ᐃᓅᖃᑎᔅᓯᓐᓄᑦ ᐅᖓᓯᒌᒃᑕᖅᐸᒡᓗᓯ ᐃᓅᖃᑎᒌᑦ ᑲᑎᙵᕈᔪᒃᑳᖓᑕ.
• ᐃᒡᓗᒥ ᓱᐴᖅᑐᖅᐸᙱᓪᓗᓯ ᐅᕝᕙᓘᓐᓃ ᐃᓄᖃᑎᓯᓗ, ᐱᓗᐊᖅᑐᒥᑦ ᓄᑕᕋᐃ ᖃᓂᒋᔮᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email