ᓴᓂᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐱᓇᓱᐊᕈᓯᖅ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓴᓂᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐱᓇᓱᐊᕈᓯᖅ
ᐊᕙᑎᓕᕆᔨᒃᑯᑦ ᓄᓇᕗᒥᐅᓂᒃ ᐃᓚᐅᖁᔨᑦᑎᐊᖅᐳᑦ ᓴᓂᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐱᓇᓱᐊᕈᓯᐅᓂᐊᖅᑐᒥᒃ ᐅᑐᐱᕆ 19−ᒥ 25-ᒧᑦ.
ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ ᐱᓪᓗᒍ − ᓄᓇ ᑲᒪᒋᑦᑎᐊᕐᓗᒍ ᐃᒃᐱᒋᑦᑎᐊᕐᓗᒍᓗ, ᓂᕐᔪᑏᑦ ᐊᒻᒪ ᐊᕙᑎᕗᑦ − ᓴᓂᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐱᓇᓱᐊᕈᓯᕐᒥ 2020 ᑎᓕᐅᖅᑕᐅᕗᒍᑦ ᑕᓪᓕᒪᐅᓪᓗᑎᒃ ᒪᓕᒃᑕᐅᒋᐊᓕᑦ ᐊᔪᕈᓐᓃᖅᓴᐅᑎᒋᕙᒡᓗᑎᒍᑦ: ᒥᒃᖠᑎᓪᓗᒍ, ᐊᑐᒃᑲᓐᓂᕐᓗᒍ, ᐋᖅᑭᒃᑲᓐᓂᕐᓗᒍ, ᐊᑐᓕᖅᑎᒃᑲᓐᓂᕐᓗᒍ ᐊᒻᒪ ᐱᔾᔪᑎᒃᓴᖅᑖᕆᒃᑲᓐᓂᕐᓗᒍ.
ᓂᕆᔭᐅᙱᓐᓂᑯᑦ ᐊᒥᐊᒃᑯᑦ ᓂᕆᔭᒃᓴᓕᐊᕆᒃᑲᓐᓂᖅᐸᒡᓗᒋᑦ, ᓂᐅᕕᕆᐊᕌᖓᕕᑦ ᓇᖕᒥᓂᖅ ᐴᕆᓂᐊᖅᑕᕐᓂᒃ ᓇᒃᓴᖅᐸᒡᓗᑎᑦ, ᐃᑲᔪᖅᓱᖅᐸᒡᓗᒋᓪᓗ ᓄᓇᓕᖕᓂ ᐱᒋᔭᐅᓂᑯᓂᒃ ᐊᑭᑭᑦᑐᖅᑖᕐᕖᑦ ᐊᒻᒪ ᓂᐅᕕᐊᒃᓴᓄᑦ/ᑕᐅᖅᓰᕕᖕᒧᑦ ᒪᒃᐱᖅᑐᒐᖅᑕᖃᕐᓗᓂ. ᐊᑐᖅᑕᐅᓂᑯᑦ ᐱᖁᑎᑦ ᐃᒋᓚᐅᙱᓐᓂᔅᓯᓐᓂᒃ ᑭᓱᒧᑦ ᐊᑐᒃᑲᓐᓂᕈᓐᓇᕐᒪᖔᑕ ᖃᐅᔨᓇᓱᒃᐸᒡᓗᒋᑦ.
ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ ᐅᕗᖓ https://www.gov.nu.ca/environment ᐃᓕᑦᑎᒃᑲᓐᓂᕈᒪᒍᕕᑦ ᖃᓄᐃᓕᐅᕐᓗᑎᑦ ᐊᓯᔾᔩᖃᑕᐅᔪᓐᓇᕐᒪᖔᖅᐱᑦ ᓄᓇᔅᓯᓐᓂ, ᐃᓱᒪᒋᔭᓯᓗ ᑐᓴᖅᑕᐅᑎᓪᓗᒋᑦ ᐃᓄᖕᓄᑦ ᑐᓴᖅᑕᐅᔪᒃᓴᓄᑦ ᐅᓇ ᐊᑐᕐᓗᒍ hashtag #WasteReductionWeek.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑮᓯ ᓚᓱᑦ
ᐊᐅᓚᑦᑎᔨ ᑐᓴᒐᒃᓴᓕᕆᔨᒃᑯᓐᓂ, ᑐᓴᐅᒪᑎᑦᑎᓂᕐᒧᑦ ᐃᓕᓐᓂᐊᖅᑐᓕᕆᓂᕐᒧᓪᓗ ᐊᕙᑎᓕᕆᔨᒃᑯᑦ
867-975-7761
@email