21ᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ
ᐱᕙᓪᓕᐊᔪᖅ ᓴᖅᑭᑕᖅ
21ᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ
ᐃᖃᓗᐃᑦ, ᓄᓇᕗᑦ (ᓄᕕᐱᕆ 22, 2020) - ᐅᓪᓗᒥ, ᓄᓇᕗᑦ 128ᓂᑦ ᐋᓐᓂᐊᔪᓂᑦ ᓇᓗᓇᖅᐃᑕᐅᓯᒪᔪᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᔪᑦ, 18 ᓄᑖᑦ ᓇᓗᓇᐃᖅᑕᐅᕗᑦ ᐊᕐᕕᐊᓂᑦ, ᑖᒃᑯᐊ ᓄᓇᖓᓐᓂᒃ ᐊᒥᓲᓂᖏᑦ ᐋᓐᓂᐊᓕᖅᓯᒪᔪᑦ ᓇᓗᓇᐃᖅᑕᐅᔪ 98ᖑᓕᖅᐳᑦ. ᐊᑕᐅᓯᕐᒥᑦ ᓄᑖᒥᑦ ᐃᓚᔪᑦ ᓇᓗᓇᐃᖅᑕᐅᔪᑦ ᑎᑭᕋᔪᐊᑦᒥ ᑖᒃᑯᐊ ᑲᑎᓪᓗᒋᑦ 15ᖑᑎᓕᖅᐳᑦ ᐋᓐᓂᐊᔪᑦ ᓇᓗᓇᐃᖅᑕᐅᓯᒪᔪᑦ ᖃᐅᔨᓴᖅᑕᐅᔾᔪᑎᖏᑎᒍᑦ. ᑲᖏᖅᖠᓂᕐᒥᑦ ᒪᕐᕉᓐᓂᒃ ᓄᑖᓂᒃ ᓇᓗᓇᐃᖅᑕᐅᔫᓐᓂᒃ ᖃᐅᔨᓴᖅᑕᐅᔾᔪᑎᖏᑎᒍᑦ ᐃᓚᔪᑦ, ᑕᕝᕙᓂ ᓄᓇᓕᒻᒥᑦ ᑲᑎᓪᓗᒋᑦ 15ᓂᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᓂᑦ ᐋᓐᓂᐊᓕᖅᓯᒪᓕᖅᐳᖅ. "ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᖃᑎᒌᖏᑦ ᓄᖅᑲᓱᐃᑦᑑᓪᓗᑎᑦ ᐱᓕᕆᔪᑦ ᐊᕐᕖᐊᓂᑦ, ᑎᑭᕋᔪᐊᒥᓪᓗ ᐊᒻᒪᓗ ᑲᖏᖅᖠᓂᕐᒥᓪᓗ ᖃᐅᔨᓴᖅᐸᓪᓕᐊᓇᓱᑦᑐᑎᑦ ᑲᑎᔭᐅᓯᒪᔪᓂᑦ ᐃᓄᓐᓂᑦ, ᖃᐅᔨᓴᖅᑕᐅᓗᑎᑦ, ᐃᓄᑑᑎᑕᐅᓗᑎᑦ ᐊᒻᒪᓗ ᓄᖅᑲᖓᑎᑕᐅᓗᓂ ᓯᐊᒻᒪᐸᓪᓕᐊᓂᕆᔭᖓ ᐋᓐᓂᐊᓕᕐᓇᖅᑐᖅ," ᐅᖃᖅᑐᖅ ᓘᒃᑖᖅ ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖓ. "ᓱᓕ ᐱᓕᕆᐊᔅᓴᖅᑕᓕᒻᒪᕆᐊᓘᒻᒪᑦ ᐊᒻᒪᓗ ᑖᒃᑯᐊ ᑕᑯᔪᓐᓇᖅᓯᑕᐃᓐᓇᓛᕐᓗᑕᓗ ᑭᖑᓂᒋᐊᖓᒍᑦ ᐱᓕᕆᐊᕆᔭᕗᑦ ᐋᓐᓂᐊᖅᑕᐃᓕᒪᑎᑦᑎᓂᐅᔪᖅ ᑭᒃᑯᑐᐃᓐᓇᕐᓂᑦ ᐋᖅᑭᓱᖅᑕᐅᓯᒪᔪᑦ ᐱᕙᓪᓕᐅᑎᒐᓗᐊᕐᒪᖔᑕ. ᒫᓐᓇᐅᑎᓪᓗᓕ ᑭᓯᐊᓂ, ᑖᒃᑯᐊ ᖁᔭᓐᓇᒦᕈᒪᔭᒃᑲ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᑐᐊᕕᕐᓇᖅᑐᖃᖅᑎᓪᓗᒍ ᐱᓕᕆᖃᑎᒌᑦ ᑐᓂᓯᒪᑦᑎᐊᖏᓪᓚᕆᓐᓂᖏᓐᓄ, ᐊᒻᒪ ᓄᓇᕗᒻᒥᐅᑦ ᖁᔭᓐᓇᕐᒦᕐᓗᒋᑦ ᐊᔅᓱᕈᑦᑎᐊᕐᒪᑕ ᒪᓕᒋᐊᓕᓐᓂᑦ ᒪᓕᑦᑐᑎᑦ, ᓇᓪᓕᒍᓱᓐᓂᖏᓐᓂᑦ ᐊᒻᒪ ᐃᔪᕐᓂᕆᔭᖏᓐᓂᑦ."
ᓇᓗᓇᐃᕈᑎᒃᓴᓪᓚᑦᑖᕐᒥᑦ ᐱᑕᖃᙱᑦᑐᖅ ᑖᓐᓇ ᓯᐊᒻᒪᓐᓂᕆᔭᖓᓐᓂᒃ ᑲᖏᖅᖠᓂᕐᒥᑦ ᐅᕙᓗ ᑎᑭᕋᔪᐊᕐᒥᑦ. ᑖᒃᑯᐊ ᑕᒪᕐᒥᒃ ᓄᕙᕐᔪᐊᕐᓇᖅ-19ᑖᖅᓯᒪᔪᑦ ᖃᐅᔨᓴᖅᑕᐅᖏᓐᓇᖅᑐᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᑉᐸᓪᓕᐊᓯᒪᙱᑦᑐᑦ, ᐋᓐᓂᐊᓗᐊᙱᑦᑐᑦ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᖅ ᓇᓗᓇᐃᒃᑯᑎᖏᑦ ᑕᑯᒍᑦᑎᒍ ᐱᓗᐊᙱᑦᑐᑦ ᐋᓐᓂᐊᕆᔭᖏᑦ.
ᓄᕕᐱᕆ 21ᒥᑦ ᐱᒋᐊᖅᑐᒍ, 118ᓂᑦ ᖃᐅᔨᓴᖅᑕᐅᔪᖃᖅᓯᒪᔪᖅ ᑲᖏᖅᖠᓂᕐᒥᑦ, ᑖᒃᑯᐊ ᑕᒪᕐᒥᒃ ᐱᑕᖃᕐᓂᕋᖅᑕᐅᖏᑦᑐᑦ ᖃᐅᔨᓴᖅᑕᐅᔾᔪᑎᖏᑦ. ᐊᕐᕕᐊᓂᑦ ᖃᐅᔨᓴᖅᑕᐅᔾᔪᑎᐅᓯᒪᔪᑦ 344 ᐱᑕᖃᕐᓂᕋᖅᑕᐅᓯᒪᙱᑦᑐᑦ ᖃᐅᔨᓴᖅᑕᐅᓯᒪᔪᑦ. ᖃᐅᔨᓴᖅᑕᐅᔪᑦ ᑎᑭᕋᔪᐊᕐᒥᑦ 30ᓂᑦ ᖃᐅᔨᓴᖅᑕᐅᓯᒪᔪᖃᓕᖅᑐᖅ ᑖᒃᑯᐊ ᐱᑕᖃᕐᓂᕋᖅᑕᐅᓯᒪᖏᑦᑐᑦ. ᐅᔾᔨᖅᑐᖅᑕᐅᔪᑦ ᓴᓂᑭᓗᐊᕐᒥᑦ ᓱᓕ ᒫᓐᓇ ᑲᔪᓯᔪᖅ.
ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10−ᒥᑦ ᐅᓪᓛᒃᑯᑦ ᐊᒻᒪᓗ 6−ᒧᑦ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus.
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᒫᓐᓇᓕᓴᕐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᓂᒃ, ᐅᕗᙵᕈᓐᓇᖅᐳᓯ: https://www.gov.nu.ca/health/information/nunavuts-path
ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ 11−ᒥ ᐅᓪᓗᒥ. ᑲᓇᓐᓂᕐᑦᒥ, ᓇᒡᒐᔾᔭᐅ, ᓅᕖᕝᕙ 23.
###
ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ
ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
@email
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
@email