ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 14, 2021
ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 14, 2021
ᓯᕗᓕᖅᑎᒥᑦ ᑐᓴᒐᒃᓴᖅ:
ᐅᓪᓛᒃᑯᑦ. ᓄᑖᓂᒃ ᐆᒪᔪᓂᒡᓘᓐᓃᑦ ᐱᑕᖃᙱᓚᖅ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 5999−ᖑᓕᖅᑐᑦ. 328 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᕗᑦ.
ᓱᕋᒃᓯᒪᔪᑎᑐᑦ ᐅᑎᖅᑕᕋᐅᔭᖅᑐᑎᑐᑦ ᓂᐱᐅᖅᑰᔨᒐᓗᐊᕐᓗᖓ ᑕᒪᒃᑯᓇᓂ ᐅᓪᓗᓂ, ᑭᓯᐊᓂᓕ ᐃᓱᒪᕗᖓ ᐅᖃᐅᓯᖃᒃᑲᓂᕆᐊᖃᕋᓱᒋᓪᓗᖓ ᐃᓚᖏᓐᓂᒃ ᐱᕐᔪᐊᒻᒪᕆᐊᓗᖕᓂᒃ ᐃᓗᓕᒃᑲᓐᓂᖏᓐᓂᒃ, ᐃᒪᐃᓐᓂᖓᓄᑦ, ᑐᓴᖃᑦᑕᐃᓐᓇᓕᕋᒪ ᑐᓴᕐᓂᕐᓗᒍᑕᐅᔪᓐᓇᖅᑐᓂᒃ, ᑕᒪᒃᑯᐊᓗ ᑐᓴᖅᐸᓪᓕᐊᖏᓐᓇᓕᖅᖢᒋᑦ.
- ᓄᕙᕐᔪᐊᕐᓇᖅ-19−ᒧᑦ ᑲᐴᑦ ᖁᐊᖅᓵᕐᓇᙱᓚᖅ.
- ᑕᕝᕙᓂ ᑎᒥᒧᐊᖅᑕᐅᓲᒥᒃ ᖃᐅᔨᔾᔪᑕᐅᔪᓐᓇᖅᑐᒥᒃ ᖁᐱᕐᕈᒥᒡᓘᓐᓃᑦ ᐱᑕᖃᙱᓚᖅ ᑕᒪᑐᒪᓂ ᑲᐴᑎᐅᑉ ᐃᒪᖓᓂ.
- ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᐃᑦ ᑭᓯᐊᓂ ᐃᓕᖕᓂᒃ ᑐᓂᓯᔪᓐᓇᖅᐳᑦ ᑕᒻᒪᖅᑕᙱᑦᑎᐊᖅᑐᓂᒃ ᑐᓴᖅᑕᐅᔪᒃᓴᓂᒃ ᐱᓇᔭᕐᒪᖔᖅᐱ ᐱᓇᔭᙱᒻᒪᖔᖅᐱᓪᓘᓐᓃᑦ ᑎᒥᒃᑯᑦ ᐊᑲᐅᙱᓕᐅᕈᑕᐅᓕᖅᑐᒥᒃ.
- ᑖᔅᓱᒧᖓ ᑲᐴᑎᒧᑦ ᑲᐱᔭᐅᓂᐊᖅᐳᖓ ᐊᔪᕈᓐᓃᑐᐊᕈᒪ, ᐃᓱᒪᒋᓗᒍᓗ ᖁᐊᖅᓵᕐᓇᙱᑦᑎᐊᕐᓂᖓᓂᒃ ᓇᓗᖅᑯᑎᙱᓪᓗᖓᓗ ᑕᐃᒪᓐᓇ ᐋᖅᑭᒃᓯᒪᓕᖅᑎᑦᑎᓂᕐᓂᒃ.
ᑕᒪᑦᑕ ᐊᑐᓂᑦ ᐃᑲᔪᖃᑦᑕᐅᑎᔭᕆᐊᖃᖅᐳᒍᑦ ᓄᓇᓕᕗᑦ ᖁᐊᖅᓵᕐᓇᖅᑐᒦᖁᓇᒋᑦ. ᐃᓕᔅᓯᓐᓂᒃ ᓇᒡᓕᒋᔭᓯᓗ ᓴᐳᑎᓯᒪᒋᔅᓯ.
ᓄᓇᓕᖕᒥᐅᑦ ᓄᓇᓕᖕᓂᓗ ᓯᕗᓕᖅᑎᒋᔭᐅᔪᑦ, ᐊᐱᕆᕙᔅᓯ ᐅᔾᔨᓇᖅᓯᑎᖁᓪᓗᒍ ᑕᒪᓐᓇ ᑲᐱᔭᐅᓂᖅ ᐃᓄᐃᓪᓗ ᐃᑲᔪᕐᓗᒋᑦ ᑐᑭᓯᐅᒪᓕᖅᑎᓪᓗᒋᑦ ᑕᒪᓐᓇ ᐅᕙᑦᑎᓐᓂᒃ ᓴᐳᔾᔨᓯᒪᓂᐊᕐᓂᖓᓂᒃ, ᖁᐊᖅᓵᕐᓇᙱᑦᑐᒃᑯᑦ.
ᓂᐱᓕᐅᖅᓯᒪᔪᒥᒃ ᒫᓐᓇ ᑐᓴᖅᓴᐅᑎᑦᑎᓂᐊᖅᐳᖓ ᐅᕙᙶᖅᖢᓂ, ᑕᐃᐋᓐ ᓴᒻᒧᖅᑐᖅ ᐊᕐᕕᐊᕐᒥᑦ. ᑖᓐᓇ ᓄᓇᓕᖕᓂ ᓈᓚᐅᑎᒃᑰᓚᐅᖅᐳᖅ ᐱᓇᓱᐊᕈᓯᐅᓵᖅᑐᒥ ᐅᖃᐅᓯᖃᖅᖢᓂ ᖃᓄᐃᒻᒪᑦ ᑭᒃᑯᓕᒫᑦᑎᐊᖅ ᑲᐱᔭᐅᔭᕆᐊᖃᕐᒪᖔᑕ.
ᑭᒃᑯᓕᒫᖅ ᐅᖃᐅᑎᕙᒌᕈᒪᕙᒃᑲ ᓈᓚᒃᑐᑦ, ᑕᒪᓐᓇ ᑲᔪᓯᓕᖅᑎᑦᑎᑐᐃᓐᓇᕆᐊᖃᕐᒪᑦ, ᐅᑲᖃᐅᓯᖃᖅᖢᓂᓗ ᐊᐃᖓᑕ ᐃᓅᔪᓐᓃᕐᓂᕆᓚᐅᖅᑕᖓᓂᒃ ᐅᓈ]ᕼᕆᔭᖃᓚᐅᕐᓂᖓᓄᓪᓗ ᓄᕙᒡᔪᐊᕐᓇᖅ-19−ᒥᒃ. ᑕᒪᓐᓇ ᐃᓗᐊᕆᙱᒃᑯᕕᐅᒃ, ᓈᓚᙱᓚᐅᑲᒡᓗᑎ 5 ᒥᓇᑦᔅ−ᓄᑦ ᐅᖓᑕᓄᓪᓘᓐᓃᑦ.
ᐅᖃᐅᓯᕆᓯᒪᔭᖏᑦ ᑐᓵᑎᑎᔾᔪᑎᒋᙱᑉᐸᒃᑲ ᐃᓕᔅᓯᓐᓂᒃ ᑲᑉᐱᐊᓱᓕᕈᔨᓂᕐᒧᑦ, ᐊᒥᖅᑳᕈᑎᒋᕙᒃᑲᓕ ᐃᒪᐃᓐᓂᖓᓄᑦ, ᐅᓂᒃᑳᖓ ᓱᓕᓪᓚᕆᑉᐳᖅ, ᑕᐃᒪᓗᑐᖅ ᐅᖃᐅᓯᖏᑦ ᐃᓄᖕᓂᒃ ᐆᒪᑎᑦᑎᓂᐊᖅᐳᑦ. ᖁᔭᓐᓇᒦᒃ ᑕᐃᐋᓐ, ᖁᔭᓐᓇᒦᖑᔪᑎᑦ ᐱᓇᔪᑦᑎᐊᓵᕋᕕᑦ, ᓴᙱᓪᓗᑎᓪᓗ.
ᓄᓇᕗᒻᒥᐅᑦ, ᑐᓴᐅᒪᑦᑎᐊᕐᓗᑕ ᐋᖅᑭᒃᓯᒪᓕᖅᑎᑦᑎᖃᑦᑕᓚᐅᖅᑕ ᑕᒪᑐᒧᖓ ᑲᐱᔭᐅᔾᔪᑎᒧᑦ, ᕿᓂᕐᓗᑕᓗ ᓱᓕᔪᓂᒃ, ᑲᑉᐱᐊᓵᕆᓂᐅᙱᑦᑐᓂᒃ. ᓈᓚᑦᑎᐊᕆᔅᓯ ᐃᓂᒃᓴᓕᐅᕐᓂᐊᖅᐳᓯᓗ ᑲᐱᔭᐅᓂᐊᕐᓂᕐᒧᑦ ᐱᔭᕿᐊᖃᓕᕈᕕᑦ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᖅᑎᑦᑎᔾᔪᑎᖏᑦ ᓄᑖᙳᕆᐊᖅᓯᒪᔪᑦ:
ᑐᓯᓇᖅᓯᑎᒃᑲᓐᓂᕈᒪᕙᕋ ᐊᒡᒋᖅᐸᓪᓕᐊᔪᖅ ᑎᑭᓐᓂᐊᕐᓂᖓᓄᑦ ᖃᖓᒃᑰᕋᔭᕐᓂᖓ ᑕᒪᑐᒪ Moderna ᑲᐱᔭᐅᔾᔪᑎᐅᑉ ᓄᑖᓂᒃ ᑐᓴᒐᒃᓴᓂᒃ ᓇᖢᓇᐃᖅᑕᐅᓯᒪᔪᖃᓪᓚᕆᓕᖅᐸᑦ. ᑎᑭᑕᐅᔪᑦ ᑲᐱᔭᐅᔾᔪᑎᓂᒃ ᐅᓪᓗᒥ ᓂᕆᐅᒋᔭᐅᕗᑦ ᐃᖃᓗᖕᓂ ᖃᐅᒃᐸᓪᓗ ᑲᖏᖅᖠᓂᕐᒥ 3000−ᐅᓗᑎᒃ ᑲᐱᔭᐅᔾᔪᑕᐅᓂᐊᖅᑐᑦ. 6000−ᑲᓐᓂᕐᓂᒃ ᑲᐱᔭᐅᔾᔪᑎᒃᓴᓂᒃ ᓂᕆᐅᒋᔭᖃᖅᑐᖃᕆᕗᖅ ᐱᓇᓱᐊᕈᓯᐊᓂ ᕕᕗᐊᕆ 1−ᒥ. ᑕᒪᓐᓇ ᖄᒃᑲᓐᓂᐊᒎᖅᐳᖅ 6000−ᓄᑦ ᑲᐱᔭᐅᔾᔪᑎᓄᑦ ᐱᔭᐅᓚᐅᖅᑐᓄᑦ ᑎᓯᐱᕆᒥ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᕕᕗᐊᕆ ᐱᒋᐊᓕᓵᖅᐸᑦ, ᓄᓇᕗᒻᒥᐅᑦ ᐱᓯᒪᓕᓛᖅᑐᑦ 18,000−ᓂᒃ 37,500−ᖑᓂᐊᖅᑎᓪᓗᒋᑦ ᑲᐱᔭᐅᔾᔪᑎᒃᓴᑦ ᓴᓂᕐᕙᒃᑕᐅᑕᓯᔪᑦ ᓄᓇᕗᒻᒥᐅᓄᑦ.
ᒫᓐᓇ ᓇᓗᓇᐃᖅᓯᒃᑲᓐᓂᕈᓐᓇᓕᖅᐳᒍᑦ ᐃᓗᐊᖅᓴᖅᑕᐅᒃᑲᓐᓂᕐᕕᒃᓴᓂᒃ ᐅᓪᓗᓂᒃ ᑲᖏᖅᖠᓂᕐᒥᐅᓄᑦ, ᑎᑭᕋᕐᔪᐊᕐᒥᐅᓄᑦ, ᐃᒡᓗᓕᒑᕐᔪᖕᒥᐅᓄᑦ ᖃᒪᓂ'ᑐᐊᕐᒥᐅᓄᓪᓗ.
ᑲᖏᖅᖠᓂᕐᒥᐅᑦ ᑲᐱᔭᐅᓂᒃᓴᖓᑦ ᑲᔪᓯᑎᑕᐅᓂᐊᖅᐳᖅ ᔭᓄᐊᕆ 18−ᒥᑦ ᔭᓄᐊᕆ 21−ᒧᑦ ᐱᙳᐊᕐᕕᖕᒥ.
ᑎᑭᕋᕐᔪᐊᕐᒥᐅᑦ ᑲᐱᔭᐅᓂᒃᓴᖓᑦ ᑲᔪᓯᑎᑕᐅᓂᐊᖅᐳᖅ ᔭᓄᐊᕆ 19−ᒥ ᐊᒻᒪᓗ 20−ᒥ ᐃᓄᒡᓚᒃ ᐃᓕᓐᓂᐊᕐᕕᖕᒥ.
ᐃᒡᓗᓕᒑᕐᔪᖕᒥᐅᑦ ᑲᐱᔭᐅᓂᒃᓴᖓᑦ ᑲᔪᑎᑕᐅᓂᐊᖅᐳᖅ ᔭᓄᐊᕆ 22−ᒥ ᐊᒻᒪᓗ ᔭᓄᐊᕆ 23−ᒥ ᐅᕙᓂ, ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᖕᒥ.
ᖃᒪᓂ'ᑐᐊᕐᒥᐅᑦ ᑲᔪᓯᑎᑦᑎᓂᐊᖅᐳᑦ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᐃᓄᖕᓄᑦ ᑲᐱᔭᐅᓂᕐᓂᒃ ᔭᓄᐊᕆ 25-ᒥᖅ ᔭᓄᐊᕆ 27−ᒧᑦ ᐅᕙᓂ, ᔫᓇ ᐊᒥ'ᓈᖅ ᐃᓕᓐᓂᐊᕐᕕᖕᒥ. ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᒋᔭᐅᔪᑦ ᐃᓚᖃᖅᐳᑦ ᐃᓐᓇᕐᓂᒃ ᐊᕐᕌᒍᓕᖕᓂᒃ 65 ᐅᖓᑖᓄᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐃᖅᑲᓇᐃᔭᖅᑎᒋᕙᐅᔪᑦ. ᑕᐅᑐᒃᖢᒋᑦ ᒪᓂᒪᔪᑦ ᑲᐱᔭᐅᔾᔪᑏᑦ, ᐊᔪᖅᑎᑕᐅᙱᑦᑐᑦ ᐃᓄᐃ ᑲᐱᔭᐅᓂᕐᒧᑦ ᖃᒪᓂ'ᑐᐊᕐᒥ ᐊᖏᒡᓕᒋᐊᖅᑕᐅᑐᐃᓐᓇᕆᐊᖃᖅᐳᖅ
ᑕᒪᕐᒥᑲᓴᒃ ᑲᐱᔭᐅᓃᑦ ᐱᓕᕆᐊᖑᓂᐊᖅᐳᑦ 9−ᒥᑦ ᐅᓪᓛᒥᑦ 8−ᒧᑦ ᐅᓐᓄᖕᒧᑦ, ᐃᓂᒃᓴᓕᐅᖅᑐᖃᕈᓐᓇᖅᖢᓂᓗ ᐅᖄᓚᕝᕕᒋᓗᒍ ᐋᓐᓂᐊᕕᓕᐊᕐᕕᓯ. ᑖᒃᑯᐊ ᑐᓴᖅᑕᐅᔪᒃᓴᐃᑦ ᓇᓂᔭᐅᔪᓐᓇᕆᕗᑦ ᓄᓇᕗᑦ ᒐᕙᒪᖓᑦ ᐃᑭᐊᖅᑭᕕᐊᓂ ᐅᕙᓂ, www.gov.nu.ca.
ᐋᖅᑭᒃᓯᓯᒪᓕᖅᐳᒍᑦ ᑕᐅᑐᒐᖃᓪᓗᐊᑕᕈᒪᓪᓗᑕ ᑲᐱᔭᐅᓂᐅᒃᑲᓐᓂᕐᓂᐊᓂᐊᖅᑐᓂᒃ ᑭᕙᓪᓕᕐᒥᐅᓂ ᖃᔅᓯᑲᓪᓚᖕᓂᒃ ᐱᔾᔪᑎᖃᖅᖢᑕ. ᑭᕙᓪᓕᕐᒥᐅᑦ ᐊᑐᕐᓂᖅᓴᐅᕙᒃᐳᑦ ᓄᒃᑕᕐᓂᕐᒥᒃ ᖃᓪᓗᓈᓄᑦ ᐃᓗᐊᖅᓴᖅᑕᐅᔭᖅᑐᖅᖢᑎᒃ, ᐊᓯᒥᓂᑦ ᒪᕐᕉᖕᓂᑦ ᐊᕕᒃᓯᒪᓕᑦᑲᓐᓂᕐᓂᑦ. ᑕᒪᓐᓇ ᐃᒪᓐᓇᑐᑭᖃᖅᐳᖅ, ᖁᐊᖅᓵᕐᓇᕋᔭᖅᑐᑦ ᓵᑦᑎᐊᕐᒥᐅᑕᖃᓕᕋᔭᕐᓂᕐᒥᒃ ᓄᕙᒡᔪᐊᕐᓇᖅ-19-ᒥᒃ ᑭᕙᓪᓕᕐᒥᐅᓄᑦ ᐅᕝᕙᓘᓐᓃᑦ ᓴᖅᑭᑎᑦᑎᓂᖅ ᑕᒪᑐᒥᖓ ᓄᕙᒡᔪᐊᕐᓇᖅ-19-ᒥᒃ ᑕᒪᐅᖓ ᐃᓂᒧᑦ ᖁᑦᑎᖕᓂᖅᓴᐅᖕᒪᑕ. ᑭᕙᓪᓕᕐᒥᐅᑦᑕᐅᖅ ᐆᒪᔪᒥᒃ ᓄᕙᒡᔪᐊᕐᓇᖅ-19−ᒥᒃ ᓯᐊᒻᒪᒃᑎᕕᐅᓯᒪᖃᑦᑕᓕᖅᐳᑦ.
ᑖᓐᓇ ᐋᖅᑭᒃᓯᒪᕙᒌᖅᑕᑦᑎᓐᓂ ᑐᓴᖅᑎᑦᑎᓂᕐᒧᑦ ᐱᓕᕆᐊᕆᓂᑦᑎᓐᓄᑦ ᒫᓐᓇᐅᔪᒃᑯᑦ, ᓯᕗᓂᒃᓴᒥ ᑲᐱᔭᐅᓃᑦ ᐅᖃᐅᓯᐅᓛᖅᐳᑦ ᑭᒃᑯᑐᐃᓐᓇᓂᒃ ᑐᓴᖅᑎᑦᑎᓂᒃᑯᑦ ᐅᖃᐅᓯᐅᔪᑦᑯᑦ, ᑭᒃᑯᑐᐃᓐᓇᓄᑦ ᐱᕙᓪᓕᔪᓕᕆᕙᖕᓂᖅᑎᒍᑦ, ᓄᓇᓕᖕᓂ ᓈᓚᐅᑎᑎᒍᑦ ᒐᕙᒪᒃᑯᓪᓗ ᐃᑭᐊᖅᑭᕕᖓᒍᑦ.
ᐃᓱᓕᑦᑎᓕᖅᑎᓪᓗᖓ, ᐱᕕᒃᓴᖃᕐᓂᓐᓂ ᑐᓴᖅᑎᑦᑐᒪᕙᒃᑲ ᓄᓇᓖᑦ ᐅᖅᓱᖅᑑᕐᒥᐅᓄᑦ ᐃᒡᓗᓕᖕᒥᐅᓄᓪᓗ ᖃᐅᔨᒪᖁᓪᓗᒋᑦ ᐊᐃᑉᐸᖓᓄᑦ ᑲᐱᔭᐅᓂᒃᓴᖏᑦ ᐅᑯᐊᖑᓂᐊᖅᐳᑦ ᐅᓪᓗᐃᑦ, ᕕᕗᐊᕆ 1 ᐊᒻᒪᓗ 2 ᐃᒡᓗᓕᖕᒥ ᐊᒻᒪᓗ ᕕᕗᓄᐊᕆ 8 ᐊᒻᒪᓗ 9 ᐅᖅᓱᖅᑑᕐᒥ. ᐊᒻᒪᓗᒃᑲᓐᓂᖅ ᓱᓕ, ᓇᓗᓇᐃᕐᕕᒋᑦᑎᐊᕈᒪᕙᒃᑲ ᑭᒃᑯᑐᐃᓐᓇᐃᑦ ᑕᒪᓐᓇ ᑲᐱᔭᐅᓂᖅ ᖁᐊᖅᓵᕐᓇᙱᓚᖅ ᑎᓕᐅᖅᖢᒋᓪᓗ ᐃᒡᓗᓕᖕᒥᐅᑦ ᐅᓐᓱᖅᑑᕐᒥᐅᓪᓗ ᐊᑐᖁᓪᓗᒋᑦ ᐊᐃᑉᐸᖓᓄᑦ ᑲᐱᔭᐅᓇᔭᕐᓂᕐᓂᒃ ᑲᐱᔭᐅᒃᑲᓐᓂᕐᓗᑎᒡᓗ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path
ᐊᒡᒋᖅᐸᓪᓕᐊᔪᑦ ᓄᓇᓕᖕᓂ ᑲᐱᓯᑲᑕᖕᓂᐊᖅᑐᑦ
ᐃᓐᓇᒃᑯᕕᖕᒦᑦᑐᑦ ᐃᓗᐊᖅᓴᖅᑕᐅᓃᑦ ᓄᓇᓕᖕᓂ ᐱᔾᔪᑎᖃᓪᓗᐊᑕᕐᓂᐊᖅᐳᑦ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᒋᔭᐅᔪᓂᑦ ᑕᐃᑯᙵᖅᑐᓂᒃ ᑲᐴᑎᒥᒃ ᐊᐅᓚᑦᑎᔭᖅᑐᖅᑐᓂᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᓐᓇᒃᑯᕕᖕᒧᐊᑲᐅᑎᒋᖃᑦᑕᕐᓂᐊᖅᐳᑦ ᑲᐱᓯᔭᖅᑐᕐᓇᖅᓯᒃᐸᑦ ᐅᓪᓗᖏᓐᓂᒃ.
ᑲᙱᖅᖠᓂᖅ
- ᓇᓂ: ᓯᖐᑐᖅ ᐱᙳᐊᕐᕕᖓᓂᑦ
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 18-21
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 15-18
- ᓇᒧᙵᖅᐸᑦ: 9 ᐅᓪᓛᒥᑦ – 8:30 ᐅᓐᓄᒃᓴᒧᑦ
- ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-645-8070−ᒧᑦ
ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᒃ ᐃᓗᐊᖅᓴᐃᕕᒃ 1
- ᓇᓂ: ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃ, ᐃᒡᓗ 1091
- ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ ᐊᕐᕌᒍᓖᑦ 65 ᐅᖓᖓᑖᓄᓪᓗ, ᐊᖏᕐᕋᖃᙱᑦᑐᒃᑯᕕᖕᒦᑉᐸᒃᑐᓪᓗ.
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 18-22
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᐅᑕᖅᑭᔪᑦ
- ᓇᒧᙵᖅᐸᑦ: 1−ᒥ ᐅᓐᓄᒃᓴᒃᑯᑦ – 7−ᒧᑦ ᐅᓐᓄᖕᒧᑦ
- ᐋᓐᓂᐊᕐᕕᒃ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-975-4810−ᒧᑦ
ᐃᖃᓗᖕᓂ ᐋᓐᓂᐊᕕᖕᒥ ᓘᒃᑖᓕᐊᕐᕕᒃ 2
- ᓇᓂ: ᕿᑭᖅᑕᓂ ᐋᓐᓂᐊᕕᒃ ᓘᒃᑖᓕᐊᕐᕕᖓ.
- ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ ᐊᕐᕌᒍᓖᑦ 65 ᐅᖓᖓᑖᓄᓪᓗ, ᐊᖏᕐᕋᖃᙱᑦᑐᒃᑯᕕᖕᒦᑉᐸᒃᑐᓪᓗ.
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔮᓄᐊᕆ 23
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᐅᑕᖅᑭᔪᑦ
- ᓇᒧᙵᖅᐸᑦ: 10 ᐅᓪᓛᒥᑦ – 4 ᐅᓐᓄᒃᓴᒧᑦ
- ᐋᓐᓂᐊᕐᕕᒃ ᖃᓄᐃᑦᑑᓂᖓ: ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-975-4810−ᒧᑦ
ᑎᑭᕋᕐᔪᐊᖅ
- ᓇᓂ: ᐃᓄᒡᓚᒃ ᐃᓕᓐᓂᐊᕐᕕᒃ
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 19-20
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 15-16
- ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
- ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-896-9916−ᒧᑦ
ᐃᒡᓗᓕᒑᕐᔪᒃ
- ᓇᓂ: ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᒃ
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 22-23
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 19-20
- ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
- ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-898-9968−ᒧᑦ
ᖃᒪᓂ'ᑐᐊᖅ
- ᓇᓂ: ᔫᓇ ᐊᒥ'ᓈᖅ ᐃᓕᓐᓂᐊᕐᕕᒃ
- ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ 65 ᐅᖓᑖᓄᓪᓗ ᐊᕐᕌᒍᓖᑦ.
- ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 25-27
- ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
- ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-793-2816−ᒧᑦ
ᐃᒡᓗᓕᒃ
- ᓇᓂ: ᐃᒡᓗᓕᖕᒥ ᖁᑦᑎᖕᓂᖅᓴᒦᑦᑐᓄᑦ ᐃᓕᓐᓂᐊᕐᕕᖕᒥ.
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 1-2
- ᓇᒧᙵᖅᐸᑦ: 9 ᐅᓪᓛᒥᑦ – 9 ᐅᓐᓄᒃᓴᒧᑦ
- ᐃᓗᐊᖅᓴᖅᑕᐅᕕᒃ ᖃᓄᐃᑦᑑᓂᖓ: ᐋᓐᓂᐊᕕᖕᒧᑦ ᐃᓯᒥᐊᖅᑐᑦ.
ᐃᖃᓗᖕᓂ ᐃᓐᓇᒃᑯᕕᒃ
- ᓇᓂ: ᐃᓇᒃᑯᕕᖕᒥ.
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 3.
ᐅᖅᓱᖅᑑᖅ
- ᓇᓂ: ᕿᕿᖅᑕᖅ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᒃ
- ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 8-9
- ᓇᒧᙵᖅᐸᑦ: 8:30 ᐅᓪᓛᒥᑦ – 9 ᐅᓐᓄᒃᓴᒧᑦ
- ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
- ᐅᖃᓗᒡᓗᑎᑦ 867-360-7441−ᒧᑦ
ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᔮᓄᐊᕆ 14
| Total tests | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᑐᖁᔪᑦ | ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ | ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ | Total vaccine doses administered |
| 6477 | 266 | 0 | 265 | 1 | 5999 | 361 | 521 |
ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᔮᓄᐊᕆ 14
| ᓄᓇᓕᒃ | ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ | ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ | ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ | ᑐᖁᔪᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ |
| ᐊᕐᕕᐊᑦ | 222 | 222 | 0 | 1 | 221 | 0 |
| ᑎᑭᕋᕐᔪᐊᖅ | 23 | 23 | 0 | 0 | 23 | 0 |
| ᑲᖏᖅᖠᓂᖅ | 19 | 19 | 0 | 0 | 19 | 0 |
| ᓴᓂᑭᓗᐊᖅ | 2 | 2 | 0 | 0 | 2 | 0 |
| ᑲᑎᖦᖢᒋᑦ | 266 | 266 | 0 | 1 | 265 | 0 |
ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᔮᓄᐊᕆ 14
| ᓄᓇᓕᒃ | ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ | ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ |
| ᐊᕐᕕᐊᑦ | 222 | 1378 |
| ᑎᑭᕋᕐᔪᐊᖅ | 23 | 294 |
| ᑲᖏᖅᖠᓂᖅ | 19 | 399 |
| ᓴᓂᑭᓗᐊᖅ | 2 | 202 |
| ᑲᑎᖦᖢᒋᑦ | 266 | 2273 |
ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:
|
ᐊᐅᓪᓚᕈᑎᒋᔭᐅᓯᒪᔪᑦ |
ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᔮᓄᐊᕆ 13−ᒥ ᐱᒋᐊᖅᖢᓂ |
|
ᐋᓐᓂᐊᕐᕕᓕᐊᖅᑐᑦ |
290 |
|
ᑭᒃᑯᑐᐃᓐᓇᑦ |
507 |
| ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ | 20 |
| ᐃᒡᓗᓕᐅᖅᑎᑦ | 112 |
|
ᑲᑎᖢᒋᑦ |
929 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:
|
ᐅᓪᓗᖅ ᐊᐅᓪᓚᕐᕕᒃᓴᖓ |
ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ |
|
ᔭᓐᓄᐊᓕ 14 |
83 |
|
ᔭᓐᓄᐊᓕ 15 |
24 |
|
ᔭᓐᓄᐊᓕ 16 |
6 |
|
ᔭᓐᓄᐊᓕ 17 |
10 |
|
ᔭᓐᓄᐊᓕ 18 |
154 |
|
ᑲᑎᖢᒋᑦ |
281 |
ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:
ᔮᓄᐊᕆ 13−ᒥ ᐱᒋᐊᖅᖢᓂ, 11010−ᓂᒃ ᑐᒃᓯᕋᖅᑐᖃᓚᐅᖅᐳᖅ, 5274−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.
|
ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ |
# | % |
|
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ) |
7481 | 67.9% |
|
ᐊᖏᖅᑕᐅᙱᑦᑐᑦ |
297 | 2.7% |
| ᐅᑕᖅᑭᔪᑦ | 328 | 3.0% |
|
ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ |
2904 | 26.4% |
| ᑲᑎᖢᒋᑦ | 10939 | 100% |
*ᑭᖑᓪᓕᖅᐹᖅᓯᐅᑎᑦ ᑎᑎᕋᖅᑕᐅᓯᒪᔪᑦ ᒪᓂᒪᙱᓚᑦ.
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᐃᓕᓐᓂᐊᕐᕕᓕᒫᑦ
ᐅᓪᓗᒥᒧᑦ ᑎᑭᖦᖢᒍ, ᐃᓕᓐᓂᐊᕐᓂᓕᕆᔨᒃᑯᑦ ᐱᓯᒪᓕᖅᐳᑦ 2,300−ᓂᒃ 3000−ᖑᑎᓪᓗᒋᑦ ᐃᑭᐊᖅᑭᕕᒃᑰᑐᐃᓐᓇᕆᐊᖃᓕᖅᑎᓯᒪᔪᑦᐊᑐᖅᑕᐅᔪᓐᓇᖅᑐᑦ ᓂᐅᕕᖅᑕᐅᔪᕕᓃᑦ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᐅᑉ ᒐᕙᓚᖓᓂᑦ ᐃᑲᔪᖅᑐᐃᔪᒪᓪᓗᑎᒃ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓇᔭᕐᓂᕐᒥᒃ.
ᐱᓕᕆᕝᕕᒋᔭᐅᔫᑉ ᖃᔅᓯᑲᓪᓚᒃᑎᒎᖓᔪᖅ ᐱᕙᒌᔭᖅᓯᒪᔭᖓᑦ ᑐᓂᐅᖅᑲᐃᓂᐊᕐᓗᑎᒃ ᑕᒪᒃᑯᓂᖓ ᐱᓕᕆᔾᔪᑎᓂᒃ ᐃᓕᓐᐊᓂᕐᕕᖕᓄᑦ ᐱᒋᐊᖅᑎᑕᐅᓯᒪᓕᖅᐳᖅ.
ᐊᑐᖅᑕᐅᔪᒥ 1−ᒥ ᐊᔪᙱᓐᓂᓖᑦ 11 ᐊᒻᒪᓗ 12 ᐃᓕᓐᓂᐊᕐᑏᑦ ᐃᓕᓴᐃᔩᓪᓗ ᓯᕗᓪᓕᖅᐸᐅᔾᔭᐅᓯᒪᕗᑦ.
- ᐊᑐᖅᑕᐅᔪᖅ 1 ᑲᔪᓯᑎᑦᑎᓂᖅ ᐱᒋᐊᓚᐅᖅᐳᖅ ᑎᓯᐱᕆ 2020−ᒥ ᑲᔪᓰᓐᓇᖅᖢᓂᓗ ᔭᓄᐊᕆᓕᒫᒥ. ᑲᑎᓕᒫᖅᖢᒋᑦ 1433−ᓂᒃ ᐱᓕᕆᔾᔪᑎᓂᒃ ᑐᓂᓯᔪᖃᓚᐅᖅᐳᖅ.
- 246−ᓂᒃ ᐱᓕᕆᔾᔪᑎᓂᒃ ᕿᑎᕐᒥᐅᓄᑦ.
- 618−ᓂᒃ ᐱᓕᕆᔾᔪᑎᓂᒃ ᑭᕙᓪᓕᕐᒥᐅᓄᑦ.
- 569−ᓂᒃ ᐱᓕᕆᔾᔪᑎᓂᒃ ᕿᑭᖅᑕᓂᒥᐅᓄᑦ (ᑭᑭᑕᐅᓪᓗᑎᒃ ᐃᖃᓗᖕᒥᐅᑦ, ᑕᒃᑯᐊᓕ ᐊᓯᖔᖓᒍᑦ ᐱᓕᕆᕝᕕᐅᓂᐊᕐᓂᖏᓐᓄᑦ.
- ᐊᑐᖅᑕᐅᔪᒥ 2−ᒥ ᐊᔪᙱᓐᓂᓖᑦ 10 ᐊᒻᒪᓗ 12 ᐃᓕᓐᓂᐊᕐᑏᑦ ᐃᓕᓴᐃᔩᓪᓗ ᓯᕗᓪᓕᖅᐸᐅᔾᔭᐅᓯᒪᕗᑦ.
- ᐱᓕᕆᐊᖑᔪᒥ 2−ᒥ ᑐᓂᐅᖅᑲᐃᓂᖅ ᐱᒋᐊᓛᖅᑐᑦ ᕕᕗᐊᕆ ᐱᒋᐊᓕᓵᖅᐸᑦ ᐱᓕᕆᕝᕕᒋᔭᐅᔪᕐᓗ ᐱᕙᒌᔭᖅᓯᒪᕗᖅ ᑐᓂᓯᔪᒪᓪᓗᓂ 926−ᐸᓗᖕᓂᒃ ᐱᓕᕆᔾᔪᑎᓂᒃ ᑕᒫᓂᓕᒫᖅ ᐅᑭᐅᖅᑕᖅᑎᑐᒥ ᐊᕕᒃᓯᒪᓂᕐᒥ.
ᓄᓇᕗᒻᒥᐅᑦ ᖃᓄᐃᙱᑦᑎᐊᖅᐸᖕᓂᖏᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.