ᒪᕐᕉᓐᓂᒃ ᓄᑖᓐᓂᒃ ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᑖᖅᑑᓐᓂᒃ ᐊᕐᕕᐊᓂ
ᐱᕙᓪᓕᐊᔪᑦ ᑐᓴᕋᑦᓴᑦ
ᒪᕐᕉᓐᓂᒃ ᓄᑖᓐᓂᒃ ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᑖᖅᑑᓐᓂᒃ ᐊᕐᕕᐊᓂ
ᐃᖃᓗᐃᑦ, ᓄᓇᕗᑦ (ᔭᓐᓄᐊᓕ 25, 2021) − ᐅᓪᓗᒥ, ᓄᓇᕗᒻᒥ ᒪᕐᕉᓐᓂᒃ ᓄᑖᓐᓂᒃ ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᑖᖅᓯᒪᔫᓐᓂᒃ, ᑕᒪᒃᑮᒃ ᐊᕐᕕᐊᓂ. 17-ᖑᓕᖅᑐᑦ ᓄᕙᔾᔪᐊᕐᓇᖅᑐᓖᑦ ᓄᓇᕗᒻᒥ.
ᐃᓘᓐᓇᑎᒃ ᖃᓂᒪᒍᑎᖃᖏᑦᑐᑦ, ᖃᓄᐃᒐᑎᒃ ᐊᓂᑦᑕᐃᓕᑎᑕᐅᓪᓗᑎᓪᓗ. ᑖᒃᑯᐊ ᐊᐃᑦᓱᕐᓗᑦᑕᐅᓯᒪᔪᑦ ᐊᔾᔨᒌᙱᑦᑐᓂ ᐃᓪᓗᒥᐅᖃᑎᒌᓃᑦᑐᑦ. ᑲᑎᔭᒥᓂᖏᓐᓂᒃ ᖃᐅᔨᓴᖅᐸᓪᓕᐊᓕᖅᑐᑦ ᓄᓇᖓᓐᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᓄᓪᓗ ᐃᖅᑲᓇᐃᔭᖅᑎᖏᑦ ᖃᐅᔨᓴᖅᐸᓪᓕᐊᖏᓐᓇᖅᑐᑦ ᑭᒃᑯᓕᒫᓂᒃ ᐊᓂᑦᑕᐃᓕᒋᐊᖃᖅᑎᑕᐅᔪᓂᒃ.
ᓄᓇᕗᒻᒥ ᑐᐊᕕᕐᓇᖅᑐᒃᑯᑦ ᐱᓕᕆᒋᐊᖅᑐᖅᑎᖏᑦ ᐃᑲᔪᖅᑐᑦ ᓄᓇᖓᓐᓂ ᐋᓐᓂᐊᕐᕕᒻᒥ ᐱᓕᕆᔨᓂᒃ ᑕᐅᕙᓃᒐᑎᒃ ᐃᑲᔪᖅᑎᑦᓴᒃᑲᓐᓃᓪᓗ ᑎᒃᑭᓐᓂᐊᖅᑐᑦ ᓄᓇᖓᓐᓄᑦ ᐃᑲᕐᕋᐃᑦ 24 ᑐᖔᓂ.
ᑭᓇᑐᐃᓐᓇᖅ ᐊᕐᕕᐊᓅᖅᑐᒥᓂᖅ ᑕᐃᕙᙶᖅᑐᒥᓂᕐᓘᓐᓃᑦ ᔭᓐᓄᐊᓕ 19-ᒥᓂᑦ ᐊᐱᕆᔭᐅᔪᑦ ᑲᑎᓯᓗᐊᑦᑕᐃᓕᖃᑦᑕᖁᔭᐅᓪᓗᑎᒃ ᓇᒻᒥᓂᕐᓗ ᐅᔾᔨᕆᑦᓯᐊᕐᓗᑎᒃ ᖃᓄᐃᒍᑎᖃᓕᙱᒃᑲᓗᐊᕐᒪᖔᕐᒥ. ᖃᐅᔨᒃᑲᐃᖁᔭᐅᔪᑦ ᓄᓇᖓᓐᓂ ᐋᓐᓂᐊᕐᕕᖓᓄᑦ ᐅᕝᕙᓘᓐᓃᑦ ᐃᖃᓗᓐᓂ ᐅᖁᒪᐃᓐᓂᓂᐊᕐᕕᖓᓄᑦ, ᓯᑎᒦᒃᑯᑎᒃ, ᐃᑲᔪᕐᓂᖃᕐᓂᐊᕐᖓᑦ ᑲᑎᔭᐅᔪᒥᓂᕐᓂᒃ ᖃᐅᔨᓴᖅᐸᓪᓕᐊᑎᓪᓗᒋᑦ.
ᑲᐴᑏᑦ ᓱᓕ ᐊᑐᐃᓐᓇᐅᔪᑦ ᐊᕐᕕᐊᓂ. ᖃᐅᔨᒃᑲᐅᑎᓗᑎᑦ ᐋᓐᓂᐊᕐᕕᖓᓄᑦ ᐃᓂᑦᓴᓕᐅᕐᓗᑎᑦ.
ᑭᓇᑐᐃᓐᓇᖅ ᖃᓂᒋᔭᖃᖅᑐᒥᓂᐅᓱᕆᒍᓂ ᓄᕙᔾᔪᐊᕐᓇᖅ 19-ᓕᒻᒧᑦ ᐅᖄᓚᖁᔭᐅᔪᖅ ᓄᕙᔾᔪᐊᕐᓇᐅᑉ ᒥᑦᓵᓄᑦ ᐅᖃᓚᕕᒻᒧᑦ 1-888-975-8601 ᐊᑯᓐᓂᖏᓐᓂ 10 ᐅᓪᓛᓴᒃᑯᑦ ᐊᒻᒪᓗ 6 ᐅᓐᓄᓴᒃᑯᑦ, ᖃᐅᔨᒃᑲᐃᑦᓴᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕐᕕᖓᓄᑦ, ᐊᓂᑦᑕᐃᓕᑦᓴᐅᑎᒋᓕᕐᓗᑎᓪᓗ ᐊᖏᕐᕋᒥᓐᓂᒃ ᐅᓪᓗᓂᒃ 14-ᓂᒃ. ᐅᐸᒍᑎᑦᑕᐃᓕᓗᑎᒃ ᐋᓐᓂᐊᕐᕕᒻᒧᑦ.
ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐃᑲᔫᑎᑦᓴᐃᓪᓗ ᒥᑦᓵᓄᑦ ᓄᕙᔾᔪᐊᕐᓇᖅ 19 ᓄᓇᕗᒻᒥ, ᐅᕗᖓᕐᓗᑎᑦ: https://www.gov.nu.ca/health/information/covid-19-novel-coronavirus
ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒋᐊᓕᓐᓂᒃ, ᐅᕗᖓᕐᓗᑎᑦ: https://www.gov.nu.ca/health/information/nunavuts-path
ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ www.gov.nu.ca/health/information/covid-19-vaccination
ᑐᓴᖅᑎᑦᓯᒋᐊᓚᖓᔪᑦ ᐱᕙᓪᓕᐊᔪᓕᕆᔨᓂᒃ ᖃᐅᔨᒃᑲᐃᓕᖅᑲᑕ ᐅᓪᓗᒥ, ᓇᒡᒐᔾᔭᐅ, ᔭᓐᓄᐊᓕ 25 11:00 ᐅᓪᓛᓴᒃᑯᑦ ᑲᓇᓐᓇᕐᒥ ᓯᕿᕐᖑᔭᖓᒍᑦ.
###
ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓵᒃ:
ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
@email
ᑯᕆᔅ ᐳᓕᐊ
ᑐᓴᕋᑦᓴᓕᕆᓂᕐᒧᑦ ᐊᐅᓚᑦᓯᔨᐅᑲᐃᓐᓇᖅᑐᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949
@email