ᔮᓄᐊᕆ 28 ᐱᐅᓪ ᐅᖃᐅᓯᖃᓕᖅᑕ ᐅᓪᓗᖓ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᔮᓄᐊᕆ 28 ᐱᐅᓪ ᐅᖃᐅᓯᖃᓕᖅᑕ ᐅᓪᓗᖓ
ᐊᕐᕌᒍᑕᒫᖅ ᔭᓄᐊᕆᐅᓕᕌᖓᑦ, 'ᐱᐅᓪ ᐅᖃᐅᓯᖃᓕᖅᑕ ᐅᓪᓗᖓᓂᒃ' ᑎᓕᐅᕆᕙᒃᐳᑦ ᑲᓇᑕᒥᐅᓂᒃ ᐅᖃᖃᑎᒌᖁᔨᓪᓗᑎᒃ ᑲᓇᑕᒥᐅᑦ ᐃᑲᔪᕈᒪᓪᓗᒋᑦ ᓴᖅᑭᔮᖅᑎᑦᑎᒃᑲᓐᓂᖁᓪᓗᒋᑦ ᐃᓱᒪᔮᕈᑎᓖᑦ ᐃᓕᓐᓂᐊᕈᑎᖏᓐᓂᒃ, ᐅᔾᔨᕈᓱᒍᓐᓇᕐᓂᕐᒥᒃ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᒃ.
ᑐᕌᒐᖃᖅᐳᑦ "ᐱᐅᓪ ᐅᖃᐅᓯᖃᓕᖅᑕᒥᒃ" ᑕᑯᑎᑦᑎᔪᒪᓪᓗᑎᒃ ᖃᐅᑕᒫᑦᑎᐊᖅ ᐅᖃᐅᓯᖃᕈᓐᓇᕐᓂᑦᑎᓐᓂᒃ ᐃᓱᒪᔮᕈᑎᓖᑦ ᒥᒃᓵᓄᑦ, ᐱᖃᓐᓇᕆᔭᕗᑦ ᐃᓚᕗᓪᓗ ᐃᑲᔪᖅᑐᕐᓗᒋᑦ, ᐃᓂᒃᓴᓕᐅᕐᓗᑕᓗ ᐃᓄᖕᓄᑦ ᐊᑦᑕᕐᓇᙱᑦᑐᒦᓪᓗᑎᒃ, ᐃᒃᐱᒋᔭᐅᑦᑎᐊᕐᓗᑎᒃ, ᐊᒻᒪᓗ ᐅᖃᐅᓯᕆᔭᖏᑦ ᑐᓴᖅᑕᐅᕙᒡᓗᑎᒃ.
ᓄᕙᕐᔪᐊᕐᓇᖅ-19 ᖃᓂᒪᓐᓇᐅᔪᖅ ᐊᑐᖅᑎᓪᓗᒍ, ᐊᕐᕌᒎᓵᖅᑐᒥᑦ ᐱᔭᕐᓂᖏᑦᑐᓂᑦ ᐊᒃᓱᕈᕐᓇᖅᑐᓂᑦ ᓴᖅᑭᑎᑦᑎᓯᒪᓵᖅᑐᖅ, ᐃᓕᓐᓂᐊᖅᑎᑦᑎᔾᔪᑕᐅᓪᓗᓂ ᐅᕙᑦᑎᓐᓄᑦ ᐱᒻᒪᕆᐅᓂᖓᓂᒃ ᑲᑎᙵᔭᕆᐊᖃᕐᓂᕗᑦ. ᓱᓕ ᑐᓴᐅᒪᖃᑎᒌᒍᓐᓇᖅᐳᒍᑦ ᐃᓄᖕᓂᒃ ᓯᓚᖅᑲᑎᑦᑎᓐᓂᒃ ᐅᖃᓘᑎᒃᑯᑦ, ᐃᕐᙲᓐᓈᖅᑕᐅᒃᑯᑦ ᐊᒻᒪ ᐱᓱᖃᑎᒋᕙᒡᓗᒋᑦ. ᐱᒻᒪᕆᐅᕗᖅ ᐃᓅᖃᑎᕗᑦ ᖃᓂᒋᓗᐊᖃᑦᑕᙱᓪᓗᒋᑦ ᑲᑎᙵᖃᑎᒌᓐᓇᕐᓗᑎᒍᓪᓗ.
ᐃᓄᑑᙱᑦᑐᑎᑦ. ᐃᑲᔪᖅᑎᒃᓴᖅᑕᓕᒃ ᓄᓇᔅᓯᓐᓂ. ᐃᑲᔪᖅᑕᐅᔭᕆᐊᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᓪᓘᓐᓃᑦ ᖃᐅᔨᒪᒍᕕᑦ, ᐅᖃᓪᓚᖃᑎᖃᕆᑦ ᐱᖃᓐᓇᕆᔭᕐᓄᑦ, ᖃᑕᙳᑎᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓐᓇᕐᒧᑦ. ᐋᓐᓂᐊᕐᕕᔅᓯᓐᓄᑦ ᐅᐸᒍᑎᓗᑎᑦ ᐃᓄᑑᖃᑎᖃᕐᓗᑎᑦ ᐃᓱᒪᓕᕆᔨᒥᒃ ᐊᒻᒪ ᐅᐃᕆᓯᒪᔪᓄᑦ ᐃᑲᔪᖅᑎᒥᒃ.
ᑭᓇᐅᓂᕐᓂ ᖃᐅᔨᔭᐅᙱᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖄᓚᓗᑎᑦ:
- ᓄᓇᕗᑦ ᑲᒪᑦᑎᐊᖅᑐᑦ ᐅᖄᓚᐅᑎᖓ (ᐃᓄᒃᑎᑐᑦ, ᖃᓪᓗᓈᑎᑐᑦ) 24−ᓂᑦ ᐃᑲᕋᓂᒃ ᐊᑐᐃᓐᓇᐅᕗᑦ, ᐱᓇᓱᐊᕈᓯᓕᒫᑦᑎᐊᖅ) − ᐅᖄᓚᓗᑎᑦ 867-979-3333−ᒧᑦ ᐊᑭᖃᖏᑦᑐᒧᓪᓘᓐᓃᑦ 1-800-265-3333−ᒧᑦ.
- ᖃᓄᐃᒍᓐᓃᕈᒪᑎᓪᓗᑎᑦ ᐃᑲᔪᖅᑕᐅᔪᓐᓇᖅᐳᑎᑦ (ᓄᓇᕗᑦ ᐃᓕᓴᕆᐅᓯᒪᔪᑦ ᐅᖃᐅᓯᖏᓐᓂ ᐊᑐᐃᓐᓇᐅᕗᑦ) - 24−ᓂᑦ ᐃᑲᕐᕋᓂᒃ ᐊᑐᐃᓐᓇᐅᕗᑦ, ᐱᓇᓱᐊᕈᓯᓕᒫᖅ) ᐊᑭᖃᖅᑐᒥᑦ ᐅᖄᓚᒋᑦ 1-855-242-3310-ᒧᑦ.
- ᐊᒃᓱᕈᕐᓇᖅᑐᓕᕆᔩᑦ ᑲᓇᑕᒥ (ᖃᓪᓗᓈᑎᑐᑦ, ᐅᐃᕖᑎᑐᑦ) − ᖃᕋᓴᐅᔭᒃᑰᕈᓐᓇᖅᑐᑦ www.crisisservicescanada.ca−ᒧᑦ, ᐊᑭᖃᑦᑐᒥᑦ ᐅᖄᓚᔪᓐᓇᖅᑐᑦ ᐅᖄᓚᐅᑎᕋᓛᒃᑯᓪᓘᓐᓃᑦ ᑎᑎᕋᕐᓗᑎᑦ 1-833-456-4566−ᒧᑦ.
- ᓱᕈᓯᕐᓄᑦ ᐃᑲᔪᖅᑕᐅᕕᐊ ᐅᖄᓚᐅᑎᖓ (ᖃᓪᓗᓈᑎᑐᑦ, ᐅᐃᕖᑎᑐᑦ) ᐅᖄᓚᓗᑎᑦ 1-800-668-6868−ᒧᑦ, ᖃᕋᓴᐅᔭᒃᑯᑦ ᑐᓴᖅᓴᐅᑲᐅᑎᒋᔪᒥᑦ ᐅᖃᓪᓚᒍᓐᓇᖅᐳᑎᑦ www.kidshelpphone.ca−ᒧᑦ, ᐅᖄᓚᐅᑎᕋᓛᒃᑯᓪᓘᓐᓃᑦ ᑎᑎᕋᕐᓗᑎᑦ ‘ᐅᖃᐅᓯᕆᒍᒃ’ 686868−ᒧᑦ.
ᐃᓱᒪᔮᕈᑎᖃᕐᓂᖅ ᐅᕙᑦᑎᓐᓂᓕᒫᖅ ᐊᒃᑐᐃᕗᖅ. ᑐᑭᓯᒋᐊᒃᑲᓐᓂᕈᒪᒍᕕᑦ ᐱᐅᓪᑯᑦ ᐅᖃᐅᓯᕆᓚᕗᑦ ᐅᓪᓗᖓᓂᒃ ᐊᒻᒪ ᖃᓄᖅ ᐃᓚᒋᔭᐅᓕᕈᓐᓇᕐᒪᖔᖅᐱᑦ ᑕᑯᒋᐊᕈᓐᓇᖅᐸᐃᑦ letstalk.bell.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email