ᐃᑭᑦᑐᖅ ᕿᑭᖅᑖᓘᑉ ᐃᑲᔪᖅᑕᐅᕕᖓ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᒫᔾᔨ 19, 2021
ᐱᕙᓪᓕᐊᔪᑦ ᓴᖅᑭᑕᑦ
ᐃᑭᑦᑐᖅ ᕿᑭᖅᑖᓘᑉ ᐃᑲᔪᖅᑕᐅᕕᖓ
ᐃᖃᓗᐃᑦ, ᓄᓇᕗᑦ (ᒫᑦᓯ 18, 2021) − ᒪᓕᒐᓕᕆᔨᒃᑯᑦ ᒫᓐᓇ ᐊᐅᓚᑦᑎᔪᑦ ᑐᐊᕕᕐᓇᖅᑑᖏᓐᓇᖅᑐᓂᒃ ᕿᑭᖅᑖᓘᑉ ᐃᑲᔪᖅᑕᐅᕝᕕᖓᓂ. ᐅᓪᓗᒥ 3 ᐅᓐᓄᓴᖅ, ᐃᑭᑦᑐᒥᒃ ᖃᐅᔨᔪᖃᓚᐅᖅᑐᖅ ᐃᖅᑲᓇᐃᔭᖅᑎᒧᑦ ᐃᑲᔪᖅᑕᐅᕝᕕᖕᒥ. ᑎᒍᔭᐅᒪᔪᑦ ᐃᖅᑲᓇᐃᔭᖅᑎᓪᓗ ᐊᓂᖁᔭᐅᓪᓗᑎᒃ ᐊᑦᑕᕐᓇᙱᑦᑐᒃᑯᑦ ᐅᖃᖅᓯᒪᔪᖃᙱᑦᑐᕐᓗ ᐋᓐᓂᖅᑐᖃᕐᒪᖔᑦ. ᐃᑭᑦᑐᖅ ᖃᒥᑎᑕᐅᓚᐅᖅᑐᖅ ᐸᓖᓯᒃᑯᓪᓗ ᒫᓐᓇ ᑕᐃᑲᓃᑦᑐᑦ ᖃᐅᔨᓴᓕᕐᖢᑎᒃᓗ.
“ᖁᔭᓕᔾᔪᑎᕗᑦ ᑐᕌᖅᑎᑕᕗᑦ ᐱᓕᕆᕐᔪᐊᖅᓯᒪᔪᓄᑦ ᖃᑦᑎᕆᔨᓄᑦ ᐃᖃᓗᖕᓂ ᓄᓇᓕᐸᐅᔭᒃᑯᓪᓗ, ᐊᓯᖏᑦ ᑭᐅᑲᐅᖅᑐᕆᐊᖃᑕᐅᓚᐅᖅᑐᑦ, ᐊᒻᒪ ᕿᑭᖅᑖᓘᑉ ᐃᑲᔪᖅᑕᐅᕝᕕᖓᓂ ᐃᖅᑲᓇᐃᔭᖅᑎᑦ ᖃᓄᐃᓕᐅᑲᐅᖅᑐᕆᐊᓚᐅᖅᑐᑦ ᐊᑦᑕᕐᓇᖅᑐᒦᖁᓇᒋᑦ ᐋᓐᓂᐊᖅᑕᐃᓕᒪᖁᓪᓗᒋᓪᓗ ᑕᐃᑲᓃᑦᑐᑦ ᐃᑲᔪᖅᑕᐅᕝᕕᖕᒥ,” ᐅᖃᖅᑐᖅ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ, ᔪᐊᔨ Hᐃᒃᔅ.
ᒪᓕᒐᓕᕆᔨᒃᑯᑦ ᖃᐅᔨᓴᕐᓂᐊᖅᑐᑦ ᑕᒪᒃᑭᕐᓗᒍ ᐊᖏᓂᖓ ᓱᕋᒃᓯᒪᔪᖅ ᐅᓪᓘᓂᐊᖅᑐᓂ ᐱᓕᕆᖃᑎᒋᓗᒋᓪᓗ ᑎᒍᒥᐊᖅᑎᐅᖃᑕᐅᔪᑦ ᖃᐅᔨᓇᓱᒃᓗᑎᒃ ᐱᕕᒃᓴᒥᒃ ᓯᕗᒻᒧᑦ. ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᖃᑦᑕᕐᓂᐊᖅᐳᖅ ᑕᒪᒃᑯᐊ ᒪᓕᒪᓕᕌᖓᑕ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᒫᒃ ᐅᐃᑦᔮᓂ
ᑐᑭᒧᐊᑦᑎᑦᑎᔨᐅᓚᐅᑲᒃᑐᖅ ᐊᑐᐊᒐᓕᕆᓂᕐᒧᑦ
ᐸᕐᓇᐃᓂᕐᒧᓪᓗ ᒪᓕᒐᓕᕆᔨᒃᑯᑦ
867-975-6346
@email