ᓴᓇᙳᐊᖅᑐᓕᕆᓂᖅ

ᓄᓇᕘᒥ ᐱᑕᖃᐅᒻᒪᕆᒃᐳᖅ ᐃᓕᖅᑯᓯᑎᒍᑦ ᐃᓱᒪᒃᓴᖅᓯᐅᑦᑎᐊᕐᓂᒃᑯᑦ ᓴᓇᑐᔪᓂᓪᓗ. ᐃᓄᐃᑦ ᐃᓕᖅᑯᓯᑐᖃᖓ, ᐅᓂᒃᑳᖅᑐᐊᑦ ᐅᑭᐅᖅᑕᖅᑑᓪᓗ ᓄᓇᖓ ᐱᑕᖃᐅᖅᐳᑦ ᐊᔾᔨᐅᙱᑦᑐᒥᒃ ᑕᑯᒥᓇᖅᑐᒥᒃ ᐊᔾᔨᒌᙱᑦᑐᓪᓗ ᐃᓕᓐᓂᐊᕈᑎᒋᔪᓐᓇᖅᑐᑦ. ᐃᓄᐃᑦ ᐊᑐᖃᑦᑕᖅᓯᒪᓕᖅᑐᑦ ᖃᐅᔨᒪᔭᒥᖕᓂᒃ ᐊᑐᖅᖢᑎᒃ ᐱᖁᑎᓂᑦ ᓴᖅᑮᓂᕐᒥᒃ ᓴᓇᐅᒐᕐᓂᒃ ᐊᕐᕌᒍᓄᑦ 1000ᓄᑦ.
ᐅᓪᓗᒥᒨᖓᔪᑦ ᓴᓇᐅᒐᐃᑦ ᐱᒋᐊᕐᖓᓚᐅᖅᑐᖅ ᑕᐃᑲᓂ 1940 ᐃᓱᕈᔪᖏᓐᓂᒃ. ᐃᓄᐃᑦ ᑕᖅᓴᕆᒃᑐᑦ ᒥᖅᓱᒐᖏᑦ, ᑎᑎᖅᑐᒐᑦ ᓇᕿᓯᒪᔪᑦ, ᓴᓇᙳᐊᒐᖏᑦ, ᐅᔭᒦᑦ ᓯᐅᑎᕈᑏᑦ, ᐱᐅᔪᐃᓪᓗ ᓴᓇᔭᐅᒐᓪᓚᕇᑦ ᖃᐅᔨᒪᔭᐅᒻᒪᕆᓕᖅᑐᑦ ᓄᓇᕐᔪᐊᓕᒫᒥ. ᐅᓂᒃᑳᖅᑐᐊᑦ, ᑲᑕᔾᔭᖅᑐᑦ ᕿᓚᐅᔾᔭᖅᑐᓪᓗ ᓄᓇᕘᒻᒥᐅᑕᐅᔪᓄᑦ ᐱᒻᒪᕆᐅᒋᔭᐅᒋᓪᓗᑎᒃ ᐱᖅᑯᓯᖏᓐᓄᑦ.
ᓴᓇᐅᒐᐃᑦ ᓄᓇᕘᒥ ᐱᖃᓯᐅᔾᔨᕙᒃᑐᑦ ᖃᐅᔨᒪᔭᑐᖃᖏᓐᓂᒃ ᒫᓐᓇᐅᓕᖅᑐᒧᓪᓗ ᐊᑐᖅᑕᐅᕙᒃᑐᑦ ᐱᓕᕆᔪᓐᓇᖅᑕᒥᖕᓂᒃ. ᑕᒪᐃᓐᓄᑦ ᒫᓐᓇᐅᓕᖅᑐᖅ ᑕᐃᔅᓱᒪᓂᐅᓚᐅᖅᑐᕐᓗ ᑲᑎᑦᑎᕙᒃᑐᖅ ᐃᓇᕐᓄᑦ ᒪᒃᑯᒃᑐᓄᓪᓗ ᐊᑐᖅᑕᐅᕙᒃᑐᓂᑦ ᓴᖅᑮᓂᕐᒥᒃ ᖁᕕᐊᓇᓪᓚᕆᒃᑐᓂᒃ, ᐃᓱᒪᒃᓴᖅᓯᐅᕈᑎᐅᔪᓐᓇᖅᑐᓄᑦ ᓴᓇᐅᒐᕐᓂᒃ ᓱᓕᔪᓂᒃ ᐊᔾᔨᐅᖏᑦᑐᒥᒡᓗ ᓄᓇᕘᕐᒧᑦ.

ᐊᔾᔨᙳᐊᓄᑦ ᕿᒥᕐᕈᐊᕆᐊᖅᑐᕐᕕᒃ

ᐅᐃᓂᐱᐊᖕᒥ ᓴᓇᙳᐊᒐᖃᕐᕕᒃ
ᐃᓕᖅᑯᓯᓕᕆᔨᒃᑯᑦ ᐃᑭᐊᖅᑭᕕᖓᓅᖅᑐᒃᓴᖅ, ᔮᓐᓄᐊᓕ 2017
2015-ᖑᑎᓪᓗᒍ ᐊᖏᖃᑎᒋᓚᐅᖅᑑᒃ ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᐱᓕᕆᕝᕕᖓ ᐊᒻᒪ ᐅᐃᓂᐱᒡᒥ ᓴᓇᙳᐊᒐᖃᕐᕕᐅᔪᖅ ᐊᐅᓪᓚᖅᑎᑦᓯᓗᑎ 7,000-ᖏᓐᓃᐸᓗᒃᑐᓂ ᓄᓇᕘᑉ ᓴᓇᙳᐊᒐᖁᑎᖏᓐᓂᒃ ᑕᐃᑲᓂ ᑐᖅᑯᖅᑕᐅᓯᒪᔪᑦ ᐳᕆᓐᔅ ᐅᐊᐃᔪᔅ ᐅᑭᐅᖅᑕᖅᑐᒥ ᐃᑦᑕᕐᓂᓴᓕᕆᔨᒃᑯᓐᓂ. ᓄᐊᑕᐅᓯᒪᔪᑦ ᐊᑯᓂᐊᓗᒃ ᐊᑐᖅᑐᐊᖅᑕᐅᓂᐊᖅᑐᑦ ᐅᐃᓂᐱᒡ ᓴᓇᙳᐊᒐᖃᕐᕕᖓᓂ ᐊᕐᕌᒍᓄᑦ ᑕᓪᓕᒪᓄᑦ.
ᑕᐃᒪᙵᓂ ᓄᓇᕗᑦ ᓴᖅᑭᑕᐅᔪᒻᒪᑦ ᑖᒃᑯᐊ ᓴᓇᐅᒐᑦᑎᐊᕚᓗᐃᑦ ᓴᖅᑭᑕᐅᓂᐊᓕᑕᐃᓐᓇᖅᑐᑦ ᑐᖅᑯᖅᑕᐅᓯᒪᔭᒥᓂᒃ, ᐱᕕᖃᖅᑎᑦᓯᒻᒪᕆᑦᑐᖅ ᑲᑐᔾᔨᖃᑎᒌᓂᕐᒥᑦ ᐃᓄᓐᓂ ᓴᓇᙳᐊᖅᑎᓂ, ᐃᓕᖅᑯᓯᓕᕆᔨᒃᑯᓐᓂ ᐊᒻᒪ ᐅᐃᓂᐱᒡᒥ ᓴᓇᙳᐊᒐᖃᕐᕕᖓᓂ.
ᓴᓇᙳᐊᒐᑦ ᓄᐊᑕᐅᓯᒪᔪᑦ 1960-ᖏᓐᓂᙶᖅᑐᑦ ᐅᓪᓗᒥᒧᑦ, ᑕᐅᓴᓐᑎᖏᓐᓃᑦᑐᑦ ᓴᓇᙳᐊᒐᑦ, ᐊᒥᐊᖅᓯᒪᔪᑦ ᐊᒻᒪ ᑎᑎᖅᑐᒐᑦ ᓄᓇᕐᔪᐊᓕᒫᒥ ᖃᐅᔨᒪᔭᐅᔪᒻᒪᕆᑐᓐᓄᑦ ᓲᕐᓗ; ᕿᓐᓄᐊᔪᐊᒃ ᐋᓯᕙᒃ, ᐅᓱᐃᑦᑐᖅ ᐊᐃᐱᓕ, ᔭᓯ ᐅᓈᖅ, ᑲᓈᖏᓐᓈᖅ ᐳᑐᒍᖅ, ᐸᕐ, ᐸᐅᑕ ᓴᐃᓕ, ᐊᒻᒪ ᐊᐃᕇᓐ ᐊᕚᓛᕿᐊᖅ ᑎᒃᑖᓛᖅ. ᐊᑐᐃᓐᓇᖃᕐᕕᐅᓂᖅ ᓄᐊᑕᐅᓯᒪᔪᓂ ᐱᕕᖃᖅᑎᑦᓯᓂᐊᖅᑐᖅ ᐃᓄᐃᑦ ᓴᓇᙳᐊᕙᑦᑎᐊᕚᓗᖏᑦ ᑕᑯᑦᓴᐅᑎᑕᐅᓗᑎ, ᐱᕙᓪᓕᐊᑎᑦᓯᓗᑎ ᐃᓕᓐᓂᐊᕈᑎᒃᓴᓂ, ᐊᒻᒪ ᐱᕕᖃᖅᑎᑦᓯᓗᑎ ᐃᓄᓐᓂᒃ ᓴᓇᙳᐊᖅᑎᓂ ᐃᓕᓐᓂᐊᕈᓐᓇᕐᓗᑎ ᓴᓇᙳᐊᕙᓪᓗᑎᓗ ᐅᓪᓗᒥᓯᐅᑎᓂ ᓴᓇᐅᒐᕐᓂᒃ.

ᐅᐃᓂᐱᐊᖕᒥ ᓴᓇᙳᐊᒐᖃᕐᕕᒃ

ᐃᑦᑕᕐᓂᓴᓕᕆᔨᒃᑯᑦ
ᑐᑭᒧᐊᒃᑎᑎᔨ ᐃᑦᑕᕐᓂᓴᓕᕆᓂᕐᒧᑦ
ᐋᓕᒃᔅ ᓴᑕᑉᐱᖕ
ᐅᖄᓚᐅᑎᖓ: (867) 975-5524
ᐃᕐᖏᓇᑯᑦ: @email