Hivuliqti uqaqhimajait angajukhiinni atanngujani aallanguqtirutit

Kingulirmik nutaanguqtiqhimajuq Tallimiut, Qiqaijalirvia 29, 2019

Tuhaqtitauhainnaqtukhaq

Hivuliqti uqaqhimajait angajukhiinni atanngujani aallanguqtirutit

Iqaluit, Nunavut (March 29, 2019) – Hivuliqti Joe Savikataaq ublumi uqaqtait tikkuarutit kaffiujuni Tukliit Ministani (DM) havaanginni Nunavutim kavamatkunni havagvingmi.

Atuliqluni April 1mi, Bernie MacIssac Ministap Tukliriniaqtaa (DM) uvani Pivalliajuliqijikkut Ingilrajuliqijikkullu, Udloriak Hanson havaanga piplugu.. Mr. MacIssac amigaittunik ilihimajuq pivallialiurnikkut piliurnikkulluh havagvingni havaqatigiigutini Nunavunmi, hakugiktumiklu ilauvaktuq havagviup atanngujainni avatquhimajunik hitamanik ukiunik.

“Qujagijumajara Ms. Hason tautukhimaningani havakpiarutivakhimaninganilu Nunavut Kavamatkunnun qaangiqhimajumi ukiumi napaanilu. Tujuqtara nakuaqqutinik hivunikhani havaktakhamini, ilihimajungalu nakuuqpiaqtunik inirutiqarniaqtuq hivumuupluni ikajuqhugu Nunavut piangaijarninganun,” uqaqtuq Hivuliqti Savikataaq.

Taimaalu, Hivuliqti Savikataaq uqaqtaa tikkuaqtaunia uumani Ruby Brown Ministamun Tuklinguqhuni (DM) Aanniaqtailinikkunnun, aullaqtiqtuq March 18, 2019mi, unalu Constance Hourie-up tikkuaqtaunia havalirnialu Ministaup Tulirilirningani (DM) uvani Nunalingni Kavamatkunillu Pivikhaqautikkunni talvannga October 2018min. Ms. Brown qaihimajuq British Columbia-min, piqarhuni Ukiuqtaqtukkut inuqqukittunilu aanniaqtailinikkut-munaridjutainnik ilihimanirnik. Ms. Hourid qaihimajuq Saskatchewan-min, piqarhuni amigaittunik havakpakhimanirnik pivallialiurnikkut nunallaani kavamaliqinikkut haamlatkunnilu angummadjutikhanik.

“Havaktikhaqtipkainirnik hapkunani havaakhani taapkunani pilluarutivaktuni havakviinni piqpiaqtukhaq aulapkainikkut nakuujunik kavamaptikni,” uqaqtuq Hivuliqti Savikataaq. “Atuqpakhimajait pittaaqtaillu nakuuqpiaqtun havagvingmingnun, hivulliuqtiunikkullu havaktaaqtain pipkaipkarniaqtuq nutaangurutinikkut angajukhiinni aulapkainikkut havaktiinnun.”

###

Tuhaqtipkainikkut Uqaqvigijakhaq:

Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
@email

Titiraq(t):

2019-03_premier_nr07_premier_savikataaq_announces_senior_management_ch._2.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.