Qayangnaitumik aulaagiangani nunami!
Kingulirmik nutaanguqtiqhimajuq Hitammiut, Qitiqqautijuq 18, 2019
Inungnun Tuhaqtitauyukhaq
Qayangnaitumik aulaagiangani nunami!
Aulagahuaqin nunamun? Nunavut Kavamangit itqaumatquyait Nunavunmiunun atuqlugit qayangnairutikharnik atuqtakharnik:
- Aulaarutiqaqlutit tuhaqtidjunmik qilamiungnikkut tuhaqtidjunmik uvaluuniin GPSmik. Atiliuqlutit atuqtaghangnik akiitumik NAUNAITKUTIKHAT (SPOT-mik) taivagait Hamlatkunit, umayuliqiyitkuni, anguniaqtuliqiyitkunilu havagviini.
- Naghaqlutit ulamniriitkunmik uvalu nunauyamik pangnatighat GPS ihuanginakhangman. Ayuiqhaqhimalugit.
- Aulaaqatiqainaqlutit uvaluuniin aulaaqatigiingnun.
- Uqallautivaklugit ilatit ilanatlu humungauyaakhangnik qakugulu utirniaqtutin.
- Pangnaiyariiqlutit 72nik ikaangninik nunamiidjutihamun. Ughughagiaklutit, niqinik, anuraanik uvalu tupingmiidjutikhanik, utiryainaraluaqtilutit.
Hivayariaqarupkit qiniqhiayit taimaali kinali utingitpat, hivayaqlugit Qilamiungnikkut hivayaqviat uvani 1-800-693-1666.
Naluqhitkuvin, aulaalimaiguvitluuniit amigakhuutiqaguvinluuniit nunamiitilutin, itqaumalutin:
- Qimaktailugit tamayatit aullaqatillu. Aulaaruiqlutit.
- Naqitlugu “Help” uvani SPOT-ni nalvaaqhiutikharni aulalimaiguvit naluqhitkuvinluuniit.
- Naqitlugu "911" talvani SPOT-ni nalvaaqhiutikharni taima ayungnautiqaqyuaqan.
Ayuittullu anguniaqtiit ikayuqtaugiaqaqtut. Pangnaiyaqhimainaqlutit hivuani utiriangni nakuuyumik.
###
Tuhagaqtidjutikhanut Uqaqvikhaq:
Nasra Esak
Tuhaqtidjutinun Ayuittiaqhimayuq
Nunalingni Kavamatkunnilu Pivikhaqautikkut
Kavamatkut Nunavunmi
867-975-5342
@email