Ministat katimahuirutaat qitqani ukiumi katimadjutit
Tuhaqtitauyukhaq
Ministat katimahuirutaat qitqani ukiumi katimadjutit
IQALUIT, Nunavut (Apitilirvia 9, 2019) – Nunavunmi ministat iniqtiqtaat inmi qitqani ukiumi katimadjutitik Arviani kingulirmi havainirmi, nutaanguqhugit tautuktuumiyaaqtatik uvalu pinahuarutitik nakuunikkut atulirniagut haffuma Turaaqtavut.
“Uvagut atauhiuyugut katimayiit, naunaitunik tikinahuarutinik uvalu hakugiktumik ihunaliurnirmik Nunavunmun. Qanikliyuq qitqanun piquidjutinun, aghuurutigiblugit kiunautit piyaangini Kavamatkut Nunavunmi piyaangini tikinahuarutit pitquidjutinun,” uqaqtuq hivuliqti Joe Savikataaq. “Kinguani ihuangnikkut malruk ubluk, kitunun atugahaniktugut hivumuuriami uvalu initriangini havaaghavut ikayuutikhat tamainun Nunavunmiunun.”
Anginiqhat qanuginiit katimadjutini ilauyut atugahat hapkununga:
- Havaklugit Nunavunmi Uyaraqhiutinun Ilihaidjutit Kangiqlinirmi, havaqatigilugit uyarakhiuqtit iligiit aviktuqhimayumi.
- Tiguaqhimalugu Inuit havaaghanun tamainun kavamatkuni havagviit amigaiqyuumilugit qaffiuniit tikuaqtauhimayut hivituyumik havaktughat.
- Pihimalugit Maniktigut Ikayuutit Nunavunmi Ilihaqtut utiriangini Iliniaqtuliqiinun, ikayuutikhat inuuhiita taminun iliharnirit.
- Nutaanguqtirlugit havaqatigiingnirit aviktungniinun, aviktuqhimayunun uvalu nunaqyuami Inuit katimayiit hakugikhiyuumiqtilugu upalungaiyautit tuhhaadjutikhat nipiptingnun.
- Nuutiqlugit Iqalukhiuqtit uvalu Nattiqhiuqtit havagviit hapkunanga Avatiliqiinin hpakununga Pivalliajuliqijitkut Ingilrajuliqijikkutlu ihuaqhiyuumiaqlugit ikayuutit ihuangnikhainun havagviit piyaangnirit.
- Ilauqatigiiklutik ihuangnikkut uvalu katimaqataaqlutik nutaat kanatap kavamait tunihiyaangini Nunavunmiunun aadjikiiktunik atuqtauyunik uvalu piyakhanik Kanatamiunun nunamingni.
“Pidjutigiblugit ministanun, ilituripkarumayatka Nunavunmiun ihuaqtumik aulaliqtugut uvalu uqariiqhimayugut angiklivallianiranun uvalu pivallianirmun aviktuqhimayumi. Hiauliuyakhavut atuinaqtuq nakuunikkut uvalu inuuhiqatttiarnikkut inungnun.
Ihuaqhiyuumiraruaqhugit kivgaqtuutit uvalu pinahuarutit tuniyavut, uvalu tunilugit Nunavunmiun piyakhanik inuuhimaariangini,” uqaqtuq Hivuliqti Savikataaq.
###
Tuhaqtipkainikkut Uqaqvigijakhaq:
Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
867-222-5763
@email