Umikvikhaa uumani Nunavunmi Ihariagijaujunun Havaktinun Akiliuhiakkut Akittuqjuummiruti
Kavamatkunnin Tuhaqtitaujukhaq
Umikvikhaa uumani Nunavunmi Ihariagijaujunun Havaktinun Akiliuhiakkut Akittuqjuummiruti
Nunavut Kavamanga itqumaqujait pittaaqtunun Nunavunmi havaktipkaijinun uukturiami uumunga Nunavunmi Ihariagijaujunun Havaktinun Akiliuhiakkut Akittuqjuummirutimun (NEWWP). Umikvikhaa una September 30, 2020. Uukturutit pijun qaangiqqat una ublukhaq havaktaulimaittun.
NEWWP piliuqtauhimajuq manikkut ikajuriami ihariagijaujunun havaktinun kituni iharianaqtuni havagvingni. Akiliuhiarnikkut akitutilaakhautikkut aallaujuq akitutilaaq taapkuat havaktipkaijit akiliqpaktait havaktimingnun ilaudjutaupluni akilihiaraanginnaqtamingnun. Havaktiit akiliqtauvaktun mikitqijanganik $25mik atauhirmi ikaarnirmi akiliuhiarutaani pijaarungnarhivun uumunga akituqjuummirutimun imaatun aktilaaqaqtaaqtumik $5 ataurhimun ikaarnimun.
Maniliqtuutikhakkut uumunga piniarhimadjutimun tunijaujun Kanadaup Kavamanganin, ilaupluni angitqijaujumi ikajurutimingnun Kanadamiunnun uvani COVID-19 qalagjuarnirmi nunarjuarmi.
Kangirhittiarutikhanun uuturiamilu uumunga pinahuarutimun, takulugu https://gov.nu.ca/finance/information/newwp.
Qujaginnaq apirhuutikhaqaruvin, tujurumaguvilluunniit uukturutikhamik, qaritaujakkut titiqqilugin uumunga @email.
###
Tuhaqtipkainikkut Uqarvigijakhaq:
Weichien Chan
Atan'ngujaq, Tuhagakhanut
Kiinaujaliqijikkut Havagvia
867-975-6818
@email