ᐃᑦᑕᕐᓂᓴᕐᓄᑦ ᐃᑲᔫᑎᒃᓴᑦ
ᐃᑦᑕᕐᓂᓴᑐᖃᓕᕆᓂᖅ ᓂᕐᔪᑎᑐᖃᕕᓂᓕᕆᓂᕐᓗ
ᓄᓇᕘᒥ ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᖑᔪᖅ ᐊᐅᓚᑦᑎᕙᑉᐳᖅ ᐃᑦᑕᕐᓂᓴᓕᕆᓂᕐᒥᒃ ᐊᒻᒪᓗ ᓴᐅᓂᕕᓂᕐᓂᒃ/ᐱᕈᖅᑐᕕᓂᕐᓂᒃ ᐱᑐᖃᓂᒃ ᐱᓕᕆᐊᖃᕈᒪᔪᓂᒃ ᓄᓇᕘᒥ, ᐃᑦᑕᕐᓂᓴᓕᕆᕙᑦᑐᑎᑦ ᖃᐅᔨᓴᖅᑐᑎᒃᓗ . ᑖᒃᑯᐊ ᐃᑦᑕᕐᓂᓴᓕᕆᓂᐅᔪᑦ ᐃᓚᓕᐅᔾᔨᕗᑦ ᐋᖅᑭᒃᓱᐃᓪᓗᑎᑦ ᐊᑐᐊᒐᕐᓂᒃ, ᖃᓄᐃᑦᑐᓪᓗ ᐊᑐᖅᑕᐅᔭᕆᐊᓕᑦ ᐋᖅᑭᒃᓱᖅᑕᐅᓪᓗᑎᑦ ᐊᒻᒪᓗ ᐊᑐᐊᒐᖃᖅᑎᑕᐅᓪᓗᑎᒃ. ᑐᑭᓯᒋᐊᖅᑎᑦᑎᕙᑦᑐᑎᒃ ᐃᑦᑕᕐᓂᓴᓕᕆᓂᕐᒥᒃ ᐊᒻᒪᓗ ᓴᐅᓂᕕᓂᕐᓂᒃ/ᐱᕈᖅᑐᕕᓂᕐᓂᒃ ᖃᐅᔨᓴᖅᑕᐅᓂᖏᓐᓂᒃ.
ᐱᓕᕆᖃᑎᖃᖅᐸᑉᐳᑦ ᐃᑦᑕᕐᓂᓴᓕᕆᔨᒃᑯᑦ ᐃᑦᑕᕐᓂᓴᓕᕆᓂᕐᒧᑦ ᓴᐅᓂᕕᓂᕐᓂᓪᓗ/ᐱᕈᖅᑐᕕᓂᕐᓂᓪᓗ ᖃᐅᔨᓴᖅᑎᓂᒃ ᐃᓕᓐᓂᐊᖅᓯᒪᔪᓂᒃ ᐃᓕᓐᓂᐊᕐᕕᔾᔪᐊᕐᒥᒃ, ᓄᓇᕗᑦ ᓄᓇᖏᓐᓂᒃ, ᐃᓄᐃᑦ ᐱᑐᖃᓕᕆᓂᕐᒧᑦ ᑲᒪᔨᒪᕆᐅᔪᓄᑦ, ᐊᒻᒪᓗ ᐅᑭᐅᖅᑕᖅᑐᑦ ᐊᕕᑦᑐᖅᓯᒪᓂᖏᓐᓂᒃ, ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ.
ᑐᑭᓕᐅᖅᑕᐅᔭᕆᐊᓖᑦ :
ᖃᓪᓗᓈᑎᑑᖓᔪᑦ ᐱᔪᓐᓇᐅᑎᑦ ᒪᓕᒃᑕᐅᕙᓪᓕᐊᕙᒃᑐᓪᓗ (ᖃᕆᓴᐅᔭᒃᑯᑦ ᐱᓗᒍ)
ᖃᓪᓗᓈᑎᑑᖓᔪᑦ ᐱᔪᓐᓇᐅᑎᑦ ᒪᓕᒃᑕᐅᕙᓪᓕᐊᕙᒃᑐᓪᓗ ᑕᑕᑎᖅᓯᓗᓂ ᖃᐅᔨᑎᑦᑎᑲᐅᑎᒋᔭᕆᐊᓖᑦ ᓇᓂᓯᔪᖃᖅᐸᑦ ᐃᑦᑕᕐᓇᓴᕐᒥᑦ
ᓄᓇᐅᔪᑦ ᐊᑎᖏᑦ ᑎᑎᕋᖅᑕᐅᓂᖏᑕ ᐱᓕᕆᐊᖅ
ᑖᓐᓇ ᓄᓇᐅᑉ ᐊᑎᖏᑦ ᑎᑎᕋᖅᑕᐅᕙᓪᓕᐊᓂᖏᑕ ᐱᓕᕆᐊᖅ ᓄᓇᓕᓐᓂᒃ ᐃᖅᑲᓇᐃᔭᖃᑎᖃᖅᐸᑉᐳᑦ ᓇᓗᓇᐃᖅᓯᔪᓐᓇᖁᓪᓗᒋᑦ, ᑎᑎᕋᖅᑕᐅᓗᑎᓪᓗ ᐊᒻᒪᓗ ᐊᖏᖅᑎᐅᓪᓗᑎᑦ ᓄᓇᕘᒥ ᓄᓇᐅᔪᑦ ᐊᑎᖏᓐᓂᒃ. ᑕᒪᓐᓇ ᐱᓕᕆᐊᖃᕐᓂᖃᖅᐳᖅ ᖃᐅᔨᒋᐊᕐᓗᑎᒃᑦ ᐊᑎᑐᖃᖏᓐᓂᒃ ᓄᓇᐃᑦ, ᖃᐅᔨᒋᐊᕐᕕᒋᖃᑦᑕᕐᓗᒋᑦ ᐃᓐᓇᑐᖃᐅᔪᑦ ᐊᒻᒪᓗ ᐃᑲᔪᕐᓗᒋᑦ ᓄᓇᓕᐅᔪᑦ ᐃᓱᒪᓕᐅᕋᓱᐊᖅᑎᓪᓗᒋᑦ ᓄᓇᐃᑦ ᐊᑎᖏᓐᓂᒃᑦ ᐱᑦᑎᐊᖅᓯᒪᒐᓗᐊᕐᒪᖔᑕ ᐊᔾᔨᖃᖅᑎᓐᓇᓱᐊᕐᓗᒋᑦ ᖃᓄᐃᓕᐅᕐᕕᐅᖃᑦᑕᕐᓂᕐᒪᖔᑕ ᓄᓇᐃᑦ ᐊᒻᒪᓗ ᐱᖅᑯᓯᒥᓂᖏᒍᑦ ᐃᓄᐃᑦ ᐊᑐᖅᑕᐅᖃᑦᑐᖅᑕᒥᓂᕐᓂᒃ ᓄᓇᐃᑦ ᓄᓇᕘᓕᒫᒥ. ᑎᑎᖅᑐᖅᑕᐅᓂᖏᑦ ᓄᓇᐅᑉ ᐊᑎᖏᑦ ᑐᑭᓯᒋᐊᕈᑎᐅᔪᑦ ᓄᐊᑕᐅᕙᑉᐳᑦ ᐊᑐᖅᑕᐅᓪᓗᑎᒃ ᓄᓇᒥ ᖃᐅᔨᓴᖅᑐᑎᒃ, ᐸᐸᑕᐅᓯᒪᔪᑦ ᑎᑎᖅᑲᐃᑦ ᖃᐅᔨᓴᖅᑕᐅᓪᓗᑎᒃ ᐊᒻᒪᓗ ᐅᖃᓕᒫᒐᖃᕐᕕᑎᒍᑦ ᖃᐅᔨᓴᖅᑕᐅᓪᓗᑎᒃ. ᐊᑎᐅᔪᑦ ᐸᐸᑕᐅᕙᑉᐳᑦ ᓄᓇᕘᒥ ᓄᓇᐅᑉ ᐊᑎᖏᑕ ᖃᕋᓴᐅᔭᑎᒍᑦ ᑎᑎᖅᓯᕕᐅᔪᒥᒃ ᐊᒻᒪᓗ ᐸᐸᑕᐅᕙᒃᑭᓪᓗᑎᒃᑦ ᑲᓇᑕᒥ ᑎᒥᐅᔪᖅ ᓄᓇᐅᑉ ᐊᑎᖏᑕ ᐸᐸᑦᑎᕕᖏᓐᓂᒃ.
ᐃᑦᑕᕐᓂᓴᓕᕆᔨᒃᑯᑦ
ᓄᓇᓂ ᓄᑕᐅᖏᑐᓕᕆᔨ
ᓯᐊᓪᕕ ᓚᐸᓚᐃᖕ Ph.D.
ᐅᖄᓚᐅᑎᖓ: (867) 934-2040
ᐃᕐᖏᓇᑯᑦ: @email