ᐊᕙᑎᒥᒃ ᖃᐅᔨᓴᕐᓂᖅ ᓄᓇᒥᒡᓗ ᐊᑐᖅᑕᐅᔪᒃᓴᓂᒃ ᐸᕐᓇᐃᓂᖅ
ᑕᕝᕙᓂ ᑎᑎᕋᖅᓯᒪᔪᒥᒃ ᐱᓕᕆᐊᒃᓴᖃᖅᖢᑎᒃ ᐃᑲᔪᖅᓱᕆᐊᖃᖅᐸᒃᖢᑎᒃ ᐊᕙᑎᓕᕆᔨᒃᑯᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᓐᓂᒃ ᐱᓕᕆᑎᓪᓗᒋᑦ ᐱᓕᕆᐊᒃᓴᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐊᕙᑎᒥᒃ ᖃᐅᔨᓴᖅᑎᓪᓗᒋᑦ, ᓄᓇᒥᒃ ᐊᑐᖅᑎᑦᑎᓂᕐᒧᑦ ᐸᕐᓇᐅᑎᓂᒃ ᐊᒻᒪ ᑭᓱᑐᐃᓐᓇᓂᒃ ᖃᐅᔨᓴᖅᑎᓪᓗᒋᑦ.
ᑕᕝᕙᓂ ᑎᑎᕋᖅᓯᒪᔪᒥᒃ ᖃᐅᔨᒋᐊᕐᕕᐅᖅᑳᓲᖑᕗᑦ ᓄᓇᕗᒻᒥ ᓄᓇᒥᒃ ᐊᒻᒪ ᐊᑐᐃᓐᓇᐅᔪᓂᒃ ᐊᐅᓚᑦᑎᔨᑦ ᑲᑎᒪᔨᑦ ᐱᕝᕕᐅᓇᓱᒃᖢᑎᒃ ᓄᓇᕗᑦ ᒐᕙᒪᒃᑯᑦ ᖃᐅᔨᒪᔨᑕᒻᒪᕆᒋᔭᐅᔪᑦ ᓯᓚᒧᑦ, ᓄᓇᒧᑦ, ᐃᒪᕐᒧᑦ ᐊᒻᒪ ᐆᒪᔪᓄᑦ ᐱᓕᕆᕙᒃᖢᑎᒡᓗ ᓇᓗᓇᐃᖅᓯᓇᓱᒃᖢᑎᒃ ᒥᒃᖠᒋᐊᖅᑎᑦᑎᓇᓱᒃᖢᑎᒡᓗ ᐊᒃᑐᐃᔾᔪᑕᐅᑐᐃᓐᓇᕆᐊᓕᖕᓂᒃ ᐱᕙᓪᓕᐊᓂᐅᔪᓂᒃ. ᑕᕝᕙᓂ ᑎᑎᕋᖅᓯᒪᔪᒥᒃ ᐱᓕᕆᖃᑎᖃᓲᖑᕗᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓐᓂᓪᓗ ᐊᐅᓚᑦᑎᓂᐊᓕᕌᖓᑕ ᓄᓇᕗᑦ ᒐᕙᒪᒃᑯᓐᓂ ᐃᓚᐅᔪᓂᒃ ᖃᐅᔨᓴᖅᑐᓂᒃ, ᐊᕙᑎᒥᒃ ᐊᒃᑐᐃᔾᔪᑕᐅᕙᒃᑐᓂᒃ ᖃᐅᔨᓴᕈᑎᓂᒃ ᖃᐅᔨᓴᖅᑕᐅᖏᓐᓇᖅᑐᓂᒡᓗ ᐊᑐᐃᓐᓇᐅᔪᓂᒃ ᐱᕙᓪᓕᐊᔾᔪᑎᑦ ᐱᓕᕆᐊᓂᒃ ᓄᓇᕗᒻᒥ. ᐊᐅᓚᑦᑎᕙᒃᑭᓪᓗᑎᒃ ᓄᓇᕗᑦ ᒐᕙᒪᒃᑯᑦ ᑭᐅᔾᔪᑎᖏᓐᓂᒃ ᓄᓇᕗᒻᒥ ᐸᕐᓇᐃᔨᓄᑦ ᐱᕙᓪᓕᐊᑎᓪᓗᒋᑦ, ᕿᒥᕐᕈᑎᓪᓗᒋᑦ ᐊᒻᒪ ᐊᖏᖅᓯᑎᓪᓗᒋᑦ ᓄᓇᒥᒃ ᐊᑐᖅᑕᐅᔪᒃᓴᓄᑦ ᐸᕐᓇᐅᑎᓂᒃ ᐸᕐᓇᐅᑎᓂᒡᓗ ᐊᑐᐊᒐᕐᓂᒃ ᖃᐅᔨᒪᔾᔪᑎᓂᒃ ᓄᓇᒥᙶᖅᑐᓂᒃ ᐱᕙᓪᓕᐊᔭᐅᔪᓂᒃ ᓄᓇᕗᒻᒥ ᐃᑲᔪᖅᓱᐃᕙᒃᖢᑎᒡᓗ ᐱᐊᓂᒃᑕᐅᕙᓪᓕᐊᔪᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᑎᑎᕋᖅᓯᒪᔪᒥᒃ 12.7.6 ᐱᓕᕆᐊᒃᓴᖏᓐᓂᒃ ᑭᓱᑐᐃᓐᓇᓄᑦ ᖃᐅᔨᓴᕈᓐᓇᕈᑕᐅᔪᒥᒃ. ᑖᒃᑯᐊ ᐊᐅᓚᑦᑎᔾᔪᑏᑦ ᐱᓕᕆᐊᖑᑎᓪᓗᒋᑦ, ᐱᓕᕆᕝᕕᒃ ᐱᓕᕆᖃᑎᖃᑦᑎᐊᓲᖑᓪᓗᓂ ᐱᓕᕆᕝᕕᖕᒥᐅᑕᐅᖃᑎᒌᙱᑦᑐᑦ ᐊᕙᑎᒧᑦ ᖃᐅᔨᓴᖅᑎᑦ ᕿᒥᕐᕈᔨᓂᒃ ᐊᒻᒪ ᐃᑯᐱᒡᕕᓕᕆᔨᒃᑯᓐᓂ ᐅᖃᐅᔾᔨᒋᐊᖅᑎᓂᒃ.