ᑎᒍᔭᐅᓯᒪᕖᑦ
ᐃᓱᒪᖅᓱᙱᑦᑐᒃᑯᕕᒃ ᒪᒃᑯᑦᑐᓄᑦ ᐱᕋᔭᖃᑦᑕᖅᑐᓄᑦ ᑎᒍᔭᐅᒪᕕᒃ (YO)
ᐃᓱᒪᖅᓱᙱᑦᑐᒃᑯᕕᒃ ᒪᒃᑯᑦᑐᓄᑦ ᐱᕋᔭᒃᐸᒃᑐᓄᑦ (YO) ᐃᑲᔪᖅᑕᐅᕕᒃ ᐃᖃᓗᓐᓂ ᐊᑐᐃᓐᓇᐅᑎᑦᓯᖃᑦᑕᖅᑐᖅ ᑎᒍᔭᐅᓯᒪᔪᓂᒃ ᐊᒻᒪ ᐊᔾᔨᒌᙱᑦᑐᓂᒃ ᐱᓕᕆᐊᑦᓴᓂᒃ ᒪᒃᑯᑦᑐᓄᑦ ᐸᓯᔭᒃᓴᙳᖅᑎᑕᐅᓯᒪᔪᓄᑦ ᐱᕋᔭᒃᑐᓄᑦ ᐊᒻᒪᓘᓐᓃᑦ ᑎᒍᔭᐅᓯᒪᓪᓗᑎᒃ ᒪᒃᑯᑦᑐᑦ ᐱᕋᔭᑉᐸᒃᑐᓄᑦ ᒪᓕᒐᓕᕆᓂᒻᒧᑦ ᐱᖁᔭᖓᑎᒍᑦ (YCJA). ᑖᓐᓇ ᒪᒃᑯᑦᑐᓄᑦ ᐱᕋᔭᖃᑦᑕᖅᑐᓄᑦ ᐃᓂᒋᔭᐅᔪᖅ ᒪᑐᐃᖓᔪᖅ 1987-ᒥᓂ.
ᒪᒃᑯᑦᑐᒃᑯᕕᒃ ᖃᐅᑕᒫᑦ ᐊᑐᐃᓐᓇᐅᑎᑦᓯᔪᖅ ᐋᖅᑭᒃᓯᒪᔪᓂᒃ, ᐱᓕᕆᐊᖑᓂᐊᖅᑐᓂᒃ, ᐊᒻᒪ ᐃᓕᓐᓂᐊᕐᓂᕐᒧᑦ ᐱᕕᑦᓴᖃᕐᓂᐅᔪᓂᑦ ᒪᒃᑯᑦᑐᓄᑦ ᐱᕋᔭᑦᓯᒪᔪᓄᑦ ᐃᓅᓯᕐᒥᓂ ᕿᓂᖅᑐᓄᑦ, ᐊᒻᒪ ᐃᓕᖅᑯᓯᕐᒨᖓᔪᓂᒃ ᓄᓇᒥᒃ−ᑐᕌᖓᔪᓂᒃ ᐱᓕᕆᐊᖑᓂᐊᖅᑐᓂᒃ.
ᒪᒃᑯᑦᑐᑦ ᐱᕋᔭᑦᓯᒪᔪᑦ ᐃᑲᕐᕋᖏᑦ ᐳᓛᕆᐊᖅᑕᐅᓂᕐᒧᑦ:
ᐅᖄᓚᐅᑎᖓ: 867-979-8100, ᓇᕿᒃᑲᓐᓂᕐᓗᒍ. 1303 ᑕᑯᔭᐅᕝᕕᒃᓴᓕᐅᕐᓂᕐᒧᑦ (24 ᐃᑲᕐᕋᑦ ᓯᕗᓂᐊᒍᑦ)
ᐊᖅᑯᑎᖓᑕ ᑐᕌᕈᑎ: 1546 Federal Road Iqaluit, NU X0A 0H0.
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 1000 Station 1439, Iqaluit, NU X0A 0H0
ᓄᓇᕗᒻᒥ ᐊᕐᓇᓄᑦ ᑎᒍᔭᐅᓯᒪᕕᒃ (NWCC)
ᓄᓇᕗᒻᒥ ᐊᕐᓇᓄᑦ ᑎᒍᔭᐅᓯᒪᕕᒃ (NWCC) ᐃᖃᓗᓐᓂ ᒪᑐᐃᓚᐅᖅᓯᒪᔪᖅ 2010-ᒥ.
ᓄᓇᕗᒻᒥ ᐊᕐᓇᓄᑦ ᑎᒍᔭᐅᒪᕕᒃ ᐊᑐᐃᓐᓇᐅᑎᑦᓯᕗᖅ ᑲᒪᒋᔭᖃᕐᓂᕐᒥᒃ, ᐱᓯᒪᓂᕐᒥᒃ, ᐊᐅᓚᑦᓯᓂᕐᒥᓪᓗ ᐊᑦᑎᒃᑐᒧᑦ, ᐊᑯᓐᓂᖅᓱᖅᑐᒧᑦ, ᖁᑦᑎᒃᑐᒦᑦᑐᓄᓪᓗ ᐊᕐᓇᓄᑦ ᐃᓐᓇᕐᓄᑦ ᐱᕋᔭᑦᓯᒪᔪᓄᑦ. ᐱᓕᕆᕝᕕᐅᔪᖅ ᐊᑐᐃᓐᓇᐅᑎᑦᓯᒻᒥᔪᖅ ᐱᓕᕆᐊᑦᓴᓂᒃ ᐃᓅᓯᔨᕆᓂᕐᒥᓪᓗ, ᐊᒻᒪ ᐃᓕᖅᑯᓯᕐᓄᑦ ᐊᑦᑐᐊᓂᓕᓐᓂᒃ ᓄᓇᒥ−ᑐᙵᕕᓕᓐᓂᒃ ᐱᓕᕆᐊᑦᓴᕆᔭᐅᔪᓂᒃ ᐱᔨᑦᓯᕋᑦᑕᖏᓐᓄᑦ.
ᓄᓇᕗᒻᒥ ᐊᕐᓇᓄᑦ ᑎᒍᔭᐅᓯᒪᕕᐅᑉ ᐃᑲᕐᕋᖏᑦ:
ᐅᖄᓚᐅᑎᖓ: 867-979-8100, ᓇᕿᒃᑲᓐᓂᕐᓗᒍ. 1313 ᑕᑯᔭᐅᕝᕕᑦᓴᓕᐅᕐᓂᕐᒧᑦ (24 ᐃᑲᕐᕋᑦ ᓯᕗᓂᐊᒍᑦ)
ᐊᖅᑯᑎᖓᑕ ᑐᕌᕈᑎ: 1548 Federal Road Iqaluit, NU X0A 0H0.
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 1000 Station 555, Iqaluit, NU X0A 0H0
ᐋᖅᑭᒋᐊᕐᕕᒃ ᐃᑲᔪᖅᑕᐅᕝᕕᒃ (ACHF)
ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃ ᐃᖃᓗᓐᓂ ᒪᑐᐃᓚᐅᖅᓯᒪᔪᖅ 2021-ᒥ.
ᐋᖅᑭᒋᐊᕐᕕᒃ ᐃᑲᔪᖅᑕᐅᕕᒃᑯᑦ ᐊᑐᐃᓐᓇᐅᑎᑦᓯᖃᑦᑕᖅᑐᑦ ᐃᓕᖅᑯᓯᕐᓂᒃ, ᐃᓕᓐᓂᐊᕐᓂᕐᒥᒃ, ᐱᖅᑯᓯᕐᓂᑦ, ᐊᒻᒪ ᐱᓕᕆᓂᕐᒧᑦ ᐱᓕᕆᐊᑦᓴᓂᒃ ᐱᕋᔭᑦᓯᒪᔪᓄᑦ ᑎᒍᔭᐅᓯᒪᔪᓄᑦ ᐊᒻᒪ ᓄᓇᓕᓐᓂ ᐃᑲᔪᖃᑦᑕᕐᒥᔪᑦ ᐱᕋᔭᑦᓯᒪᔪᓂᒃ ᐱᐅᔪᓂᒃ ᐊᓯᔾᔩᔪᓐᓇᖁᓪᓗᒋᑦ ᐃᓅᓯᖏᓐᓂᒃ. ᐃᓕᖅᑯᓯᑐᖃᕐᓄᑦ ᑐᕌᖓᔪᑦ ᐱᓕᕆᐊᖑᓂᐊᖅᑐᓂᒃ ᐊᑐᐃᓐᓇᐅᔪᑦ ᐃᑲᔪᖅᑕᐅᔭᕆᐊᓕᓐᓄᑦ ᐃᓄᐃᑦ ᐃᓕᖅᑯᓯᖏᓐᓄᑦ ᐊᔪᙱᑦᑕᖃᕐᓂᕐᒧᑦ ᐱᓕᕆᐊᒃᑯᑦ (ICSP) ᐱᕋᔭᑦᓯᒪᔪᑦ ᐃᓕᓐᓂᐊᖃᑦᑕᖅᓱᑎᒃ ᐱᖅᑯᓯᑐᖃᓕᕆᔪᓐᓇᑦᓯᐊᕐᓂᕐᒧᑦ ᓲᕐᓗ ᐊᖑᓇᓱᓐᓂᕐᒥᒃ, ᐃᖃᓗᒐᓱᓐᓂᕐᒥᒃ, ᐃᓪᓗᓕᐅᕈᑎᓂᒃ ᕿᒫᕝᕕᓐᓂᓪᓗ.
ᐋᖅᑭᒋᐊᕐᕕᒃ ᐃᑲᔪᖅᑕᐅᕝᕕᒃᑯᑦ ᐊᑐᐃᓐᓇᐅᑎᑦᓯᖃᑦᑕᖅᑐᑦ ᑕᒪᐃᓐᓂᑦᓯᐊᖅ ᓇᐅᑦᓯᖅᑐᕐᓂᕐᒧᑦ ᑎᒍᔭᐅᓯᒪᓂᕐᒧᑦ.
ᓄᓇᕗᒻᒥ ᐊᕐᓇᓄᑦ ᑎᒍᔭᐅᓯᒪᕕᐅᑉ ᐃᑲᕐᕋᖏᑦ:
ᐅᖄᓚᐅᑎᖓ: 867-979-8100, ᓇᕿᒃᑲᓐᓂᕐᓗᒍ. 8105 ᐊᐃᕕᑦᓴᓕᐅᕐᓂᕐᒧᑦ
ᐊᐃᕕᑦᓴᓕᐅᕐᓂᕐᒧᑦ ᐃᑲᕐᕋᖏᑦ: 9:00−ᒥ ᐅᓪᓛᒃᑯᑦ – 5:00−ᒧᓄ ᐅᓐᓄᓴᒃᑯᑦ (24 ᐃᑲᕐᕋᐃᑦ ᓯᕗᓂᖓᒍᑦ)
ᐊᖅᑯᑎᖓᑕ ᑐᕌᕈᑎ: 1538 Federal Road Iqaluit, NU X0A 0H0.
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 1000 Station 368, Iqaluit, NU X0A 0H0
ᑲᖏᖅᖠᓂᕐᒥ ᒪᒥᓴᕐᕕᒃ (RIHF)
ᑲᖏᖅᖠᓂᕐᒥ ᒪᒥᓴᕐᕕᒃ ᒪᑐᐃᓚᐅᖅᓯᒪᔪᖅ 2013-ᒥ ᑲᖏᖅᖠᓂᕐᒦᑦᑐᖅ, ᑭᕙᓪᓕᕐᒥ ᓄᓇᕗᒻᒥ. ᑲᖏᖅᖠᓂᕐᒥ ᒪᒥᓴᕐᕕᒃᑯᑦ ᐃᓂᖃᖅᑎᑦᓯᕙᑉᐳᑦ ᑕᒪᐃᓐᓂᒃ ᐅᓄᙱᓛᖃᕐᓗᒍ ᐅᐊᑦᓯᔭᐅᓗᐊᕆᐊᖃᖏᑦᑐᓄᑦ ᐱᕋᔭᑦᓯᒪᔪᓄᑦ.
ᐱᕋᔭᑦᓯᒪᔪᑦ ᑕᕝᕙᓂ ᒪᒥᓴᕐᕕᒻᒥ ᐃᓚᒋᔭᐅᕙᑦᑐᑦ ᐊᔾᔨᒌᙱᑦᑐᓄᑦ ᐱᓕᕆᐊᒃᓴᕆᔭᐅᔪᓄᑦ ᑕᒪᐃᓐᓂ ᑎᒍᔭᐅᓯᒪᕝᕕᐅᑉ ᐃᓗᐊᓂ ᓯᓚᑖᓂᓗ ᓲᕐᓗ ᓄᓇᒥ-ᑐᙵᕕᖃᕐᓂᕐᒧᑦ ᐱᓕᕆᐊᑦᓴᕆᔭᐅᔪᓂ, ᓂᙵᐅᒪᓂᕐᒧᑦ ᐊᐅᓚᑦᓯᓂᕐᒧᑦ, ᐃᓐᓇᕐᓂᒃ ᐃᓅᓯᓕᕆᔨᖃᕐᓂᕐᒧᑦ, ᓄᓇᓕᓐᓂᓗ ᐱᓕᕆᔨᒋᔭᐅᔪᓂᒃ.
ᑲᖏᖅᖠᓂᕐᒥ ᒪᒥᓴᕐᕕᐅᑉ ᐃᑲᕐᕋᖏᑦ:
ᐅᖄᓚᐅᑎᖓ: 867-645-2305 ᑕᑯᔭᐅᕝᕕᑦᓴᓕᐅᕐᓂᕐᒧᑦ (24 ᐃᑲᕐᕋᑦ ᓯᕗᓂᐊᒍᑦ)
ᐊᖅᑯᑎᖓᑕ ᑐᕌᕈᑎ: 302, ᑲᖏᖅᖠᓂᖅ, ᓄᓇᕗᑦ X0C 0G0
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 1000 Station 368, Iqaluit, NU X0A 0H0
ᐅᑕᖅᑭᕕᒃ ᓄᓇᓕᓐᓂ ᐃᓂᒋᔭᐅᕙᑦᑐᖅ (CRC)
ᐅᑕᖅᑭᕕᒃ ᓄᓇᓕᓐᓂ ᐃᓂᒋᔭᐅᕙᑦᑐᖅ (CRC) ᐃᖃᓗᓐᓂ ᒪᑐᐃᓚᐅᖅᑐᖅ 2002-ᒥ.
ᐅᑕᖅᑭᕕᒃ ᓄᓇᓕᓐᓂ ᐃᓂᒋᔭᐅᕙᑦᑐᖅ ᒪᑐᐃᖓᓪᓗᑎᒃ ᑎᒍᔭᐅᓯᒪᓪᓗᑎᒃ, ᓇᑉᐸᐃᓐᓇᖓ ᐃᓪᓗ ᐃᓐᓇᕐᓄᑦ ᐊᖑᑎᓄᑦ ᐱᕋᔭᑦᓯᒪᔪᓄᑦ.
ᐅᑕᖅᑭᕕᒃ ᐊᖏᖅᓯᒪᓂᖃᖅᑐᑦ ᑲᔪᓯᑎᑦᓯᓂᕐᒥᒃ ᑲᔪᓯᓂᖃᑦᓯᐊᖅᑐᒥᒃ ᐃᓚᓕᐅᔾᔨᒃᑲᓐᓂᕐᓂᕐᒥᒃ ᐱᕋᔭᑦᓯᒪᔪᓂᒃ ᐊᖏᕐᕋᕆᔭᒥᓄᑦ ᐊᑐᕐᓗᑎᒃ ᐅᑎᖅᑎᑦᓯᓂᕐᒧᑦ ᒪᓕᒐᓕᕆᓂᕐᒧᑦ ᐊᑐᖅᑕᐅᕙᑦᑐᓂᒃ. ᑖᓐᓇ ᐃᓂᒋᔭᐅᔪᖅ ᐱᔾᔪᑎᖃᓪᓗᐊᑕᖅᐳᖅ ᐃᓅᓯᕐᒥ ᐊᔪᕈᓐᓃᖅᑕᐅᕙᑦᑐᓄᑦ ᐱᕙᓪᓕᐊᓂᕆᔭᐅᔪᒥᒃ ᒪᒥᓴᕐᓂᕐᒥᓪᓗ ᐃᓅᓯᓕᕆᓂᒃᑯᑦ.
ᐅᑦᑕᕕᐅᑉ ᐳᓛᕆᐊᕐᕕᖓᑕ ᐃᑲᕐᕋᖏᑦ:
ᐅᖄᓚᐅᑎᖓ: 867-975-6547 ᑕᑯᔭᐅᕝᕕᑦᓴᓕᐅᕐᓂᕐᒧᑦ (24 ᐃᑲᕐᕋᑦ ᓯᕗᓂᐊᒍᑦ)
ᐊᖅᑯᑎᖓᑕ ᑐᕌᕈᑎ: 685 Palaugaaq Drive, Iqaluit, NU X0A 0H0
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 1000, Station 530, Iqaluit, NU X0A 0H0
ᖁᕐᓗᖅᑑᖅ ᐃᓚᕗᑦ (KIC)
ᖁᕐᓗᖅᑐᕐᒥ ᐃᓚᕗᑦ ᑐᑦᑕᕐᕕᒃ (KIC) ᒪᑐᐃᓚᐅᖅᓯᒪᕗᖅ 2005−ᖑᑎᓪᓗᒍ ᖁᕐᓗᖅᑑᒦᑦᓱᓂᓗ, ᕿᑎᕐᒥᐅᓂ ᓄᓇᕗᒻᒥ.
ᐅᑕᖅᑭᕕᒃ ᓄᓇᓕᓐᓂ ᐃᓂᒋᔭᐅᕙᑦᑐᖅ ᒪᑐᐃᖓᓪᓗᑎᒃ ᑎᒍᔭᐅᓯᒪᓪᓗᑎᒃ, ᓇᑉᐸᐃᓐᓇᖓ ᐃᓪᓗ ᐃᓐᓇᕐᓄᑦ ᐊᖑᑎᓄᑦ ᐱᕋᔭᑦᓯᒪᔪᓄᑦ.
ᑖᓐᓇ ᐱᓕᕆᕝᕕᐅᔪᖅ ᑐᕌᒐᖃᓗᐊᖅᑐᖅ ᓇᒻᒥᓂᖅ ᖃᓄᐃᙱᑦᓯᐊᕐᓂᕐᒧᑦ ᐱᓕᕆᐊᖑᕙᑦᑐᓂᒃ ᖃᐅᑕᒫᑦ ᐊᑐᖅᑕᐅᕙᑦᑐᓂᑦ, ᐱᓕᕆᐊᑦᓴᖃᖅᑎᑦᓯᓂᒃᑯᑦ, ᓂᕿᓕᐅᕐᓂᒃᑯᑦ, ᓴᓗᒻᒪᖅᓴᐃᓂᒃᑯᑦ ᐃᑲᔪᕐᓂᒃᑯᓪᓘᓐᓃᑦ ᓴᓇᕝᕕᒻᒥ ᐃᓚᐅᕙᓪᓗᓂᓗ ᓄᓇᒥ−ᑐᙵᕕᓕᓐᓂᒃ ᐱᓕᕆᐊᖑᓂᐊᖅᑐᓂᑦ ᐱᓕᕆᓯᒪᖃᑦᑕᕐᓂᖅᑖᕐᓂᕐᒧᑦ ᐊᑐᕐᓂᕐᒥᓪᓗ ᖃᓄᐃᙱᑦᓯᐊᓂᖅᓴᐅᓂᕐᒧᑦ ᐃᓅᓯᕐᒥ ᐊᔪᙱᓐᓂᖃᕐᓂᕐᒧᑦ ᑕᐃᒪᐃᓕᐅᕐᓂᕐᒥᓂᓗ ᖃᐅᑕᒫᑦ ᐊᔭᐅᕆᒋᐊᕈᑕᐅᔪᑦ ᖃᑦᓯᐅᓂᖏᓐᓄᑦ.
ᐱᕋᔭᑦᓯᒪᔪᑦ ᑲᑎᖃᑎᖃᖅᐸᑉᐳᑦ ᓄᓇᓕᓐᓂ ᐃᓱᒪᓕᕆᓂᕐᒧᑦ, ᖃᓄᐃᙱᑦᓯᐊᕈᓐᓇᕐᓂᕐᒧᓪᓗ ᐃᓅᓯᓕᕆᔭᐅᓂᕐᒧᑦ ᐃᑲᔪᖅᑐᖅᑕᐅᒃᑲᓐᓂᕈᒪᓂᕐᒧᑦ ᐅᖃᐅᔾᔪᖅᑕᐅᔪᒪᓂᕐᒧᓪᓗ. ᐃᓐᓇᐃᑦ ᐃᓅᓯᓕᕆᔭᐅᓲᖑᕗᑦ ᐱᕋᔭᑦᓯᒪᔪᑦ ᐃᓄᑑᖃᑎᖃᕈᓐᓇᖅᓱᑎᒃ ᓄᓇᓕᓐᓂ ᐃᓐᓇᕐᓂᒃ, ᐊᒻᒪ ᐃᖅᑲᓇᐃᔮᒥ ᐊᓂᑎᑕᐅᔪᓄᑦ ᐱᓕᕆᐊᓂᒃ ᑲᒪᒋᔭᐅᒋᐊᓕᑦ ᐃᖅᑲᓇᐃᔭᖅᑎᑖᕆᔭᐅᕙᑦᓱᑎᒃ ᓄᓇᓕᓐᓂ ᓂᐅᕕᕐᕕᓐᓂ, ᕼᐋᒻᒪᓚᒃᑯᓐᓂ ᓄᓇᓕᓐᓂᓪᓘᓐᓃ ᑳᓐᑐᓛᒃᑎᑦᑎᔨᓂᒃ.
ᖁᕐᓗᖅᑑᖅᒥ ᐃᓚᕗᑦ ᐃᑲᕐᕋᖏᑦ:
ᐅᖄᓚᐅᑎᖓ: 867-982-7670 ᑕᑯᔭᐅᕝᕕᑦᓴᓕᐅᕐᓂᕐᒧᑦ (24 ᐃᑲᕐᕋᑦ ᓯᕗᓂᐊᒍᑦ)
ᐊᖅᑯᑎᖓᑕ ᑐᕌᕈᑎ: 1 ᐃᖃᓗᒃᐱᒃ ᐊᖅᑯᑦ, ᖁᕐᓗᖅᑐᖅ, ᓄᓇᕗᑦ X0B 0E0
ᑎᑎᖅᑲᒃᑯᕕᒃᑯᑦ ᑐᕌᕈᑖ: PO Box 274, Kugluktuk, NU X0B 0E0