ᐃᖅᑲᓇᐃᔭᖅᑐᓕᕆᔨᑦ ᐊᒻᒪ ᐃᖅᑲᓇᐃᔮᒧᑦ ᖃᐅᔨᓴᖅᑎᑦ
ᐃᖅᑲᓇᐃᔭᖅᑐᓕᕆᔨᑦ ᐊᒻᒪ ᐃᖅᑲᓇᐃᔮᒧᑦ ᖃᐅᔨᓴᖅᑎᑦ
ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᑦ ᐊᒻᒪ ᐃᖃᓇᐃᔮᒥᒃ ᖃᐅᔨᓴᖅᑎᑦ ᐊᑐᐃᓐᓇᐅᑎᑦᓯᔪᑦ ᐃᖅᑲᓇᐃᔭᖅᑎᓂᒃ ᑭᒡᒐᖅᑐᐃᔨᐅᔪᓂᑦ ᐱᔨᑦᑎᕋᐅᑎᓂᓪᓗ ᐱᓕᕆᕝᕕᖕᓄᑦ ᐊᒻᒪ ᑐᑦᑕᕐᕕᐅᔪᓄᑦ. ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᑦ ᐊᒻᒪ ᐃᖃᓇᐃᔮᒥᒃ ᖃᐅᔨᓴᖅᑎᑦ ᐃᓚᒋᔭᐅᕗᑦ ᐱᓕᕆᕝᕕᖕᓄᑦ ᐃᑲᔫᑕᐅᓪᓗᑎᒃ ᒐᕙᒪᖓᓄᑦ ᐊᔪᙱᓐᓂᕆᔭᓕᒫᖏᓐᓄᑦ ᐱᔪᒥᓇᖁᓪᓗᒋᑦ, ᐃᖅᑲᓇᐃᔭᖅᑎᑦᑏᓇᕐᓗᑎᒃ ᐊᒻᒪ ᐊᔾᔨᒌᒥᒃ ᐊᑭᓕᖅᓱᖅᑕᐅᕙᒡᓗᑎᒃ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᖓ ᐊᑐᕐᓗᒍ.
ᐃᖅᑲᓇᐃᔭᖅᑏᑦ ᑭᒡᒐᖅᑐᖅᑎᖏᑦ ᐊᒻᒪ ᐃᖃᓇᐃᔮᓂᒃ ᖃᐅᔨᓴᖅᑏᑦ ᐊᐅᓚᑦᑎᖃᑦᑕᕆᕗᑦ ᐊᒻᒪ ᑐᑭᓯᓕᐅᕆᓲᖑᓪᓗᑎᒃ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᖏᓐᓂᒃ, ᐊᐅᓚᑦᑎᓲᖑᓪᓗᓂᓗ ᐃᓕᖅᑯᓯᖅᑐᖃᕐᒨᖓᔪᓂᒃ ᐃᒃᐱᒋᔭᐅᑦᑎᐊᕆᐊᓕᓐᓂᒃ
ᐋᔩᖃᑎᒌᒃᖢᑎᒃ, ᐊᑐᐃᓐᓇᐅᑎᑦᓯᓪᓗᑎᒃ ᐃᖅᑲᓇᐃᔭᕐᕕᒻᒥ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᓂᑦ ᐃᑲᔫᑎᓕᓐᓂᑦ ᐃᓘᓐᓇᖏᓐᓄᑦ ᐃᖅᑲᓇᐃᔭᖅᑎᓄᑦ.
ᐃᖅᑲᓇᐃᔭᖅᑐᓕᕆᔩᑦ ᐃᖅᑲᓇᐃᔮᓂᒡᓗ ᖃᐅᔨᓴᖅᑎᑦ ᐱᒻᒪᕆᐅᔪᒥᒃ ᐅᖃᐅᔾᔪᐃᔨᐅᕗᑦ ᐃᑲᔪᓲᖑᓪᓗᑎᒡᓗ ᐱᓕᕆᕝᕕᖕᓂ ᐊᒻᒪ ᑐᑦᑕᕐᕕᒋᔭᐅᔪᓂᑦ ᑲᑐᔾᔨᖃᑎᒌᓄᑦ ᐋᖅᑭᒃᑕᐅᓯᒪᔪᖅ ᐊᒻᒪᓗ ᐃᖃᓇᐃᔮᒥᒃ ᖃᐅᔨᓴᖅᑎᓂᒃ ᐃᓗᓐᓇᓕᒫᖏᓐᓄᑦ
(ᐃᓕᓴᐃᔨᐅᖏᑦᑐᓄᑦ) ᐃᖃᓇᐃᔮᒃᓴᓄᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᐊᑐᕐᓗᑎᒃ ᖃᐅᔨᓴᕈᑎ ᐃᖃᓇᐃᔮᒥᒃ ᖃᐅᔨᓴᕈᑎᒃᓴᒥᒃ ᒪᓕᑦᑎᐊᓕᒃᑲᓐᓂᖁᓪᓗᒋᑦ ᐊᔾᔨᒌᒃᑎᑦᑎᓗᑎᒡᓗ ᖃᓄᐃᑦᑑᓂᖏᑦ ᐊᕿᒃᓯᒪᓂᖓ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᐃᑲᔪᖅᑕᐅᔪᖃᖃᑦᑕᕆᕗᖅ ᐱᓕᕆᕝᕕᐅᔪᓂᑦ ᑐᑦᑕᕐᕕᐅᔪᓂᓪᓗ ᐊᖅᑯᑕᐅᑦᓱᑎᒃ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑎᑎᕋᕐᓂᒃᑯᑦ ᐃᓕᓐᓂᐊᑎᑦᓯᓂᕐᒥᑦ.