ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ
ᑖᒃᑯᐊ ᐊᕕᒃᓯᒪᔪᑦ ᐱᓕᕆᖃᑦᑕᖅᐳᑦ ᓴᓇᕝᕕᕕᓂᕐᓂᑦ ᓱᕈᖅᑕᐅᓯᒪᔪᓂᑦ ᑲᒥᓯᓇᐅᑉ ᓄᓇᖁᑖᓂ, ᐅᑯᐊᓗ ᓇᓗᓇᐃᖅᑕᐅᓂᖏᑦ ᐊᒻᒪ ᖃᐅᔨᓴᖅᑕᐅᓂᖏᑦ. ᑖᒃᑯᐊ ᐊᕕᒃᓯᒪᔪᑦ ᐱᓕᕆᖃᑎᖃᖃᑦᑕᕆᕗᑦ ᑮᓇᐅᔭᓕᕆᔨᒃᑯᓐᓂ ᑎᑎᕋᖅᓯᒪᑦᑎᐊᖁᓪᓗᒋᑦ ᑐᑭᓯᒋᐊᕈᑎᒃᓴᐃᑦ ᑮᓇᐅᔭᓂᒃ ᐊᑭᓖᔭᕆᐊᖃᓕᖅᐸᒃᑐᑦ ᐱᔾᔪᑎᒋᓪᓗᒋᑦ ᓴᓇᕝᕕᕕᓂᕐᓂᑦ ᓱᕈᖅᑕᐅᓯᒪᔪᒧᑦ.
ᑖᒃᑯᐊ ᐊᕕᒃᓯᒪᔪᑦ ᐱᓕᕆᖃᑦᑕᖅᐳᑦ ᐱᔪᓐᓇᕐᓂᖅᑖᖅᐸᓪᓕᐊᖁᓪᓗᒋᑦ ᖃᐅᔨᒪᓕᕐᓗᑎᒡᓗ ᐃᒪᕐᒥᒃ ᐊᐅᓚᑦᑎᓂᕐᒥᒃ ᐊᒻᒪ ᐃᒪᕐᒥᐅᑕᓂᒃ ᖃᐅᔨᓴᕐᓂᕐᒥᒃ, ᐱᕙᒌᔭᕐᓗᑎᒃ ᐃᒥᖅᑕᕐᕕᖕᓂᑦ−ᐊᒃᑐᐊᓂᓕᖕᓂᒃ ᐊᐅᓚᑦᑎᔪᓐᓇᕐᓂᖅᑖᖅᐸᓪᓕᐊᓂᕐᒧᑦ ᑲᒪᒋᔭᒃᓴᖏᓐᓂᒃ ᑲᓇᑕᐅᑉ ᒐᕙᒪᒃᑯᖓᓂᙶᖅᑐᓂᑦ. ᐃᑲᔪᖅᓱᐃᖕᒥᔪᖅ ᖃᓄᖅᑑᕈᑏᑦ ᐊᕙᑏ ᑭᒡᓕᖓᒎᖓᔮᖅᑐᖅ ᐊᖏᖃᑎᒌᒍᑎᐅᔪᖅ ᓯᓚᒥᐅᑕᖃᑎᒋᔭᐅᔪᑦ ᐊᑎᓕᐅᖃᑕᐅᓯᒪᔪᑦ, ᑎᑎᕋᖅᑕᐅᓯᒪᔪᖅ 13. 10. 1−ᒥᑦ ᓄᓇᕗᑦ ᐊᖏᕈᑎᒋᓯᒪᔭᖏᓐᓂ.
ᐊᕙᑎᓕᕆᓂᕐᒧᑦ ᖃᐅᔨᓴᒐᒃᓴᑦ ᐃᖏᕐᕋᑎᑦᑎᒋᕗᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᐊᓂᖅᓵᖅᑐᖅᑕᑦᑕ ᐱᐅᓂᖓᓂ ᖃᐅᔨᓴᖅᐸᓪᓕᐊᓂᕐᒧᑦ ᒐᕙᒪᑐᖃᒃᑯᓐᓂ ᐱᓕᕆᖃᑎᒋᔭᕗᑦ ᐃᓚᒋᓗᒋᑦ.
ᑖᒃᑯᐊ ᐊᕕᒃᓯᒪᔪᑦ ᐅᖃᐅᔾᔨᒋᐊᖃᑦᑕᖅᑐᑦ ᐊᓯᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᐊᒻᒪ ᓯᓚᑖᓃᑦᑐᓂᒃ ᑲᑐᔾᔨᖃᑎᒌᓂᑦ ᐊᒃᑕᖅᑕᐅᕙᒃᑐᑦ ᐊᐅᓚᑕᐅᔪᑦ ᐱᔾᔪᑎᒋᓪᓗᒋᑦ ᐊᑐᕈᒥᓇᓛᓪᓗ ᓄᓇᕗᒻᒥ. ᐱᓕᕆᕝᕕᖕᒥ ᓱᕈᕐᓇᖅᑐᑦ ᐅᔾᔨᕆᔭᐅᓕᒃᑲᓐᓂᖁᓪᓗᒋᑦ, ᓱᕈᖅᑎᑦᑎᑦᑕᐃᓕᒪᓂᖅ ᐊᒻᒪ ᓴᓂᕐᓂᒃ ᐃᒋᐅᖅᑲᐃᑦᑕᐃᓕᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᕆᐊᖑᔪᑦ ᐊᑐᕆᐊᖃᕆᕗᑦ ᖃᕆᓴᐅᔭᓕᕆᔪᓐᓇᑦᑎᐊᖅᑐᓂᒃ ᐊᒻᒪ ᐱᓕᕆᐊᖑᑎᑕᐅᔪᓂᑦ ᐊᕙᑎᓕᕆᓂᕐᒧᑦ ᖃᐅᔨᓴᖅᑎᑦ ᐊᕕᒃᓯᒪᓂᖓᓂ.