ᐅᖃᓚᐅᑎᓯᐅᑏᑦ

You are here

ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑏᑦ ᒥᓂᔅᑕᖓᑦ

ᓗᐊᓐ ᑯᓱᒐᖅ

ᒥᓂᔅᑕ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᓐᓄᑦ

ᖁᐊᓴ ᑯᓱᒐᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐅᑐᐱᕆ 30, 2017-ᒥ, ᑭᒡᒐᖅᑐᐃᓪᓗᓂ ᑲᖏᕐᖠᓂᐅᑦ ᓂᒋᐊᓂᒃ ᓂᕈᐊᖅᑕᐅᓯᒪᕝᕕᖓᓂᒃ ᑕᕝᕙᓂ ᑕᓪᓕᒪᖏᓐᓂ ᒪᓕᒐᓕᐅᖅᑎᓂ.

ᑯᓱᒐᖅ ᓂᕈᐊᖅᑕᐅᓚᐅᖅᑐᖅ ᐊᐅᓚᑦᓯᔩᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017, ᓄᓇᕗᒻᒥ ᓯᕗᓕᖅᑏᑦ ᑲᑎᒪᑎᓪᓗᒋᑦ.  ᒥᓂᔅᑕ ᑯᓱᒐᖅ ᑎᑎᕋᕐᕕᐊᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 21, 2017.  ᒥᓂᔅᑕᕆᔭᐅᔪᖅ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᓄᑦ ᐊᒻᒪᓗ ᒥᓂᔅᑕᐅᓪᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ.

ᑯᓱᒐᖅ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐱᖓᔪᖓᓐᓂ ᒪᓕᒐᓕᐅᖅᑎᓂ, ᑕᐃᑲᓂᓗ ᐊᔾᔨᒌᙱᑦᑐᓂᒃ ᑎᓕᔭᐅᔾᔪᑎᖃᖅᓯᒪᓚᐅᕐᖢᓂ, ᐱᖃᓯᐅᑎᓪᓗᒋᑦ ᒐᕙᒪᒃᑯᑦ ᑲᑎᒪᕝᕕᖓᓐᓂ ᓯᕗᓕᖅᑎᐅᓂᕐᒧᑦ, ᓄᓇᓕᖕᓂ ᒐᕙᒪᒃᑯᓐᓄᓪᓗ ᐱᔨᑦᓯᕋᖅᑎᒃᑯᓐᓄ ᒥᓂᔅᑕᐅᓪᓗᓂ ᐊᒻᒪᓗ ᒥᓂᔅᑕᐅᓪᓗᓂ ᑲᒪᒋᔭᖃᕐᖢᓂ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑕᑐᒦᑦᑕᐃᓕᓂᖏᓐᓄᑦ ᓇᓪᓕᐅᒃᑯᒫᖏᓐᓄᓪᓗ ᖃᐅᔨᓴᖅᑎᒃᑯᓐᓄᑦ.

ᑯᓱᒐᖅ ᖃᔅᓯᑲᓪᓚᖕᓂᒃ ᐃᓂᖃᖃᑦᑕᖅᓯᒪᔪᖅ, ᐱᖃᓯᐅᑎᓪᓗᒍ ᐱᖓᓱᐊᖅᑎᕐᖢᓂ ᒪᐃᔭᐅᓪᓗᓂ ᑲᖏᕐᖠᓂᕐᒧᑦ. ᐃᖅᑲᓇᐃᔭᖅᐸᒃᖢᓂ, ᑯᓱᒐᖅ ᐃᖅᑲᓇᐃᔭᖅᑎᐅᓚᐅᕐᒥᔪᖅ ᐊᐅᓚᑦᑎᔨᐅᓪᓗᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᐊᐅᓚᑦᑎᔨᐅᓪᓗᓂ ᓄᓇᕗᒻᒥ ᐊᑐᓕᖅᑎᑦᑎᓂᕐᒧᑦ ᐱᓕᒻᒪᒃᓴᐅᔩᑦ ᑲᑎᒪᔨᕋᓛᖏᓐᓄᑦ.

ᐱᔭᑦᓴᖃᓗᐊᙱᒐᐃᒐᒥ ᓂᕈᐊᖅᑕᐅᕕᒋᓯᒪᔭᒥᓂ ᑕᑯᒐᔪᒃᑲᔭᖅᑕᐃᑦ ᕿᔪᓕᕆᕕᖓᓂ ᓴᓇᕕᖓᓂ ᓴᓇᓪᓗᓂ ᐃᕐᖑᑕᕐᒥᓐᓄᑦ. ᑯᓱᒐᖅ ᐊᑖᑕᒋᔭᐅᔪᖅ ᐱᖓᓱᓄᑦ ᐸᓂᒻᒥᓄᑦ, ᑳᓐᑕᔅ ᐊᒋᐊᖅ, ᓄᐊᑏ ᐊᒻᒪ ᑎᐅᕆ ᐊᒃᐸᓕᐊᓗᒃ, ᓄᓕᐊᓂ ᓵᓕ ᐱᕈᖅᓴᐃᖃᑎᒋᓪᓗᓂᐅᒃ.