ᐅᖃᓚᐅᑎᓯᐅᑏᑦ

You are here

ᐊᑦᑕᕐᓇᖏᑦᑐᒥᑦ ᐱᙳᐊᕐᓂᕐᒧᑦ ᑲᑎᒪᓛᖅᑐᑦ − ᐃᑲᔪᖅᑕᐅᔪᓐᓇᖁᓗᒋᑦ ᐸᒡᕕᓵᖅᑕᐅᖃᑦᑕᕈᓐᓃᕐᓗᑎᑦ, ᐱᓂᕐᓗᒃᑕᐅᖃᑦᑕᕈᓐᓃᕐᓗᑎᑦ ᐃᓚᐃᓐᓇᖅᓯᐅᖅᑕᐅᖃᑦᑕᕈᓐᓃᕐᓗᑎᒡᓗ!

ᒫᑦᓯ 20, 2019

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐊᑦᑕᕐᓇᖏᑦᑐᒥᑦ ᐱᙳᐊᕐᓂᕐᒧᑦ ᑲᑎᒪᓛᖅᑐᑦ − ᐃᑲᔪᖅᑕᐅᔪᓐᓇᖁᓗᒋᑦ ᐸᒡᕕᓵᖅᑕᐅᖃᑦᑕᕈᓐᓃᕐᓗᑎᑦ, ᐱᓂᕐᓗᒃᑕᐅᖃᑦᑕᕈᓐᓃᕐᓗᑎᑦ ᐃᓚᐃᓐᓇᖅᓯᐅᖅᑕᐅᖃᑦᑕᕈᓐᓃᕐᓗᑎᒡᓗ!

ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ, ᐱᙳᐊᖅᑐᓕᕆᔨᖏᑦ ᑲᑎᒪᓛᓕᕐᒥᔪᑦ ᐱᙳᐊᖅᑏᑦ ᐃᑲᔪᖅᑎᐅᖃᑎᒌᖏᓐᓄᑦ ᑲᓇᑕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᙳᐊᖅᑐᓕᕆᓂᕐᒧᑦ, ᐄᑉᐳ 11, 2019−ᒥᑦ 6-ᒥᑦ 9:30-ᒧᑦ ᐅᓐᓄᒃᑯᑦ ᐃᖃᓗᐃᑦ ᐳᐃᔾᔪᕆᐊᕐᕕᐊᑕ ᑲᑎᒪᕝᕕᖓᓂ.

ᑖᓐᓇ ᑲᑎᒪᓂᐅᓛᖅᑐᖅ ᐃᓚᒋᓂᐊᖅᐹ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᓇᑕᓕᒫᒥᑦ ᐃᑲᔪᕋᓱᐊᕐᓗᑎᑦ ᐱᓂᕐᓗᒃᑕᐅᖃᑦᑕᕈᓐᓃᕐᓗᑎᑦ, ᐸᕝᕕᓵᖅᑕᐅᖏᓪᓗᑎᑦ ᐃᓚᐃᓐᓇᖅᓯᐅᖅᑕᐅᖃᑦᑕᕈᓐᓃᕐᓗᑎᓪᓗ. ᐱᖃᑕᐅᓕᒑᔪᑦ ᐃᑲᔪᕐᓂᐊᖅᑐᑦ ᐱᕙᓪᓕᐊᖁᓗᒋᑦ ᑲᓇᑕᓕᒫᒥᑦ ᒪᓕᒐᖏᓐᓂ ᐊᑐᖅᑕᐅᖃᑦᑕᖅᑐᓂ ᐅᖃᖃᑎᒌᒍᓐᓇᖁᓗᒋᑦ ᐊᒃᓱᕈᕐᓇᖅᑐᓂ ᑲᑉᐱᐊᓵᕈᑕᐅᖃᑦᑕᖅᑐᓂᒡᓗ ᐱᓕᕆᐊᖑᓕᖁᓗᒍ.

ᖃᐃᖁᔨᕗᒍᑦ ᐱᙳᐊᖅᑐᓂ, ᐃᑲᔪᖅᑎᖏᓐᓂ, ᐊᐅᓚᑦᑎᔨᓂ, ᐊᖓᔪᖅᑳᖑᔪᓂ, ᐱᙳᐊᖅᑐᓕᕆᔨᓂ, ᓄᓇᓕᖕᓂᑦ ᐱᙳᐊᖅᑐᓕᕆᔨᓂ ᑭᒡᒐᖅᑐᐃᖃᑦᑕᖅᑐᓂ ᐊᒻᒪ ᐊᑭᓕᖅᓱᖅᑕᐅᓇᑎᑦ ᐱᓕᕆᕙᒃᑐᓂ ᐃᑲᔪᖅᑕᐅᔪᓐᓇᖁᓗᒋᑦ ᐱᖃᑕᐅᔪᑦ ᐊᑦᑕᕐᓇᖅᑐᒦᖏᓪᓗᑎᑦ ᐱᙳᐊᖃᑦᑕᖁᓗᒋᑦ.

ᐃᕐᖏᓇᖅᓯᐅᑎᒃᑯᑦ ᑎᑎᕋᓛᖅᐳᓯ ᒫᔾᔨ 27, 2019−ᖑᓚᐅᖏᓐᓂᖓᓂ SRinfo@gov.nu.ca −ᒧᑦ. ᐊᑎᓕᐅᕋᓱᒡᓗᓂ ᐊᑭᖃᖏᑦᑐᖅ ᐊᒻᒪ ᑕᒪᓗᒐᒃᓴᖅᑕᖃᓛᖅᑐᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓈᔅᕋ ᐃᓴᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5342
nesak@gov.nu.ca